الرادود احمد الزوار

2023-07-03 10:22:09 رئيسية للخدمه 2023

اغله امن الدنيا ومابيها
ونبيع ارواح ونشريها
يحسين ونتمسّك بيها
خدمتنه. خدمتنه
...........

كل خادم ذليل يكون يبقه بدمعه يتحسّر
بس انت بكرامه التاج. تلبسَه اليخدم المنبر
اليخدمك سيدي يحسين. ما بين الخَلَگ يكبر
لذلك احنه عالفطره. نخدمك يا ابوالاكبر

بكل مجلس ربعك ملتمّه
ونتحزّم بحزام الخدمه
وايّام المقتل نحييها
خدمتنه.     خدمتنه
...........

ابد ما نترك الخدمه وخط احمر شعائرنه
حُب هاي المجالس دوم. ممزوج ابمشاعرنه
منعوفك يبوالسجاد. لو گطعوا مناحرنه
گلناها ونظل للموت. (يحسين ابضمايرنه)

خالقنه الخالق لعيونك
مولاي ومنعيش بدونك
ننطي ارواح وماننطيها
خدمتنه.     خدمتنه
...........

عاشور وصفر كل عام. نحيي مصابك وننعَه
بين الناعي والرادود. وبين اللطمه والدمعه
بين اليطبر براسه. وبين اليشعل الشمعه
مولاي بمجالسكم. كل الشيعه مجتمعه

وبيوم العاشر نتعنّه
للحضره ونلطم بالجنّه
من صحنك نقره ونبديها
خدمتنه.     خدمتنه
...........

ميهمنه الحچي واللوم. احنه بخدمتك ماضين
هيّـئـنـه الحُسيّنيــات. ولمصابك بچت كل عين
بدينه بصحنك الطاهر. براية مرقــدك يحسين
بلون الأسود انرفعت. علامـه للحـزن شهرين

وبكل بيت انرفعت رايه
لمصابك تعبير الغايه
وبالمحشر باجر تحچيها
خدمتنه.     خدمتنه
...........

متفضّل علينه هواي. صرنه وعشنه من خيرك
ربحان المشه بدربك. خســـران التبـع غيــرك
بس الهادي وهل البيت. عرفوا معنى تقديـرك
حبّينــــاك عالفطــره. وتجَنّنّـه بتصاويـــرك

لو بالواقع ساعه انشوفك
انقبّـل بقدامك ونطوفك
وتقبل اوّلهه وتاليها
خدمتنه.     خدمتنه
...........

احنه عليك محسوبين. سامحنـه يبوالعتـــره
لا تزعل يبوالسجـــاد. بـداعـت امك الزهــره
عدنه ذنوب مثل سهام. تجرحك كل وكت مرّه
ما نتـقـصّـد انـذّيــك. وانت بهـالأمـــــر ادره

بحبك يحسين اتربّـيـنـه
مولاي وحبّك يهدينـه
تواسي المظلومه وترضيها
خدمتنه.     خدمتنه

سيد زيد الفحام
_________

الرادود احمد الزوار اضغط على الرابط

https://t.me/+QYhwKvqAiD7e_b1P باز کردن / نظر دهید

2023-07-03 10:19:43 مقدمه للخدمه 2023

بأول ايام العزاء
نهتف بهذا النداء
عالعهد نحيي الشعائر ياحُسين
...........

احنه خدامك يبوالأكبر يغالي
ما نهاب الموت لجلك ما نبالي
احله ايام العمر هاي الليالي
من نخدمك نشعر بعالم مثالي

خدمتك اكبر ضمان
لليـدوّر عالأمــــــان
وين مثلك يحصل بهالدنيا وين
.............

انت جبـرائيـل يتفــاخـر يخـدمك
كل صباح وكل مسه موجود يمك
ياحُسين وبالعرش مكتوب اسمك.
دم مُحـمّـــد سيدي يحسين دمك

اليخدمك عن ولاء
هذا محبوب السماء
ينكتب عند الله منّ الآمنين
...........
الدنيا لوما خدمتك ما تسوه لحظه
ما يهمنه المارضه كون انت ترضه
بالشـــــدايـد غيـر اسمك ما نلفظه
ياحُسين بكل گلب موجـود نبضه

ما نعوفك مستحيل
شما نقدملك قليل
نبقه خدامك يبن طه الأمين
..........

كل محرم من يهل نتحزّم حزام
للشعائر والمجالس احنه خدام
نلبس ثياب السواد وننشر اعلام
في سبيلك يجري دمنه ونطبر الهام

نطبر الهامه ونصيح
وا حُسيناً وا ذبيح
لجل دمك خل يصب دم الجبين
..........

نترس الدنيا مواكب حيدريه
كل وكت عاشور عدنه وغاضريه
والله جيل لجيل ما ننسه القضيه
لحدما تظهر الدوله المهدويه
نقسم بدم النحور
نبقه نخدم للظهور
ما يهمنه شما قست بينه السنين
...........

سيد زيد الفحام

الرادود احمد الزوار اضغط على الرابط

https://t.me/+QYhwKvqAiD7e_b1P باز کردن / نظر دهید

2023-07-03 10:16:47 مقدمه للخدمه 2023

اول ما صرت خادم لبوالأكبر
وامي امن المهد نذرتني للمنبر
.......

اول ما صرت لحسين نذرتني
بحب هاي المجالس امي غذّتني
خادم منبر المحبوب سمّتني
وبهذا الإسم طول العمر افخر
........

افخر خادم لخدام ابوالعتره
كل عام ابمحرم الطم واقره
ميّمهني اليذمني لخاطر الزهره
كلشي يهون وتحمّل بعد اكثر
.......

اكثر من شماته لو يذبحوني
ما عوف المجالس ما يبعدوني
النواصب والشماته خل يسمعوني
اظل اهتف حُسين لگطعت المنحر
.......

المنحر فدوه لحسين ونزف دمه
الهوى لوما هواه ما يسوه اشتمّه
إنه المخلوق لجل حسين والخدمه
باقي عله العهد هيهات اتغيّر
.......

اتغيّر شكل بس حبك بگلبي
ثابت ما تغيّـر وفخـر بحبّي
يحسين وطريقك منهجي لربّي
الوذ بصايتك ما حير بالمحشر
........

بالمحشر افوز بخدمتك يحسين
تندلني وتجيني وماادورك وين
تلزم ايدي بيدك وربح الدارين
ادخل جنّتك مولاي ما اخسر

سيد زيد الفحام
__________

الرادود احمد الزوار اضغط على الرابط

https://t.me/+QYhwKvqAiD7e_b1P باز کردن / نظر دهید

2023-07-03 10:14:37 نزله هلالية 2023

هل محرم والحزن بهلاله
نـرفــع الرايــات لستقباله
........

هل محـرم بالحـزن واللـوعه
والامام المهدي تجري دموعه
عالسبية زينـب المفجـــــوعه
ودمعته بطول الزمن همّــــاله
.......

هل محرم والنبي يبچي ويون
ونشرت املاك السمه ثوب الحزن
ثوب ابواليمّه الذبيح الممتحِن
وفاطمه تبچي وتنوح اگباله
.......

هل محرم يحچي محنة كربله
يالله ياخــدام خل نستقبله
بالمجالس كل عشگنه انرتّله
بالمــــدامـع نبتــدي اعمـــاله
.......

نحيي ايام العزه ونلطم سوه
عالذبيح المات ضامي بنينوه
الماي يجري بالنهر بس ما روه
لا شرب هوّه ولا اطفاله
........

يالله خل نحيي شعائر كربلاء
نلطم عله حسين ونقيم العزاء
شهر عاشور انفرض شهر الولاء
نواسي بي طه الرسول وآله
........

للعـزَه نتهيّئ ونلبس سواد
والمجالس نقره بيها بكل بلاد
عدنه واجب نحيي امره وعتقاد
حسين قائدنه ونظل نقراله

سيد زيد الفحام
_____'___

الرادود احمد الزوار اضغط على الرابط

https://t.me/+QYhwKvqAiD7e_b1P باز کردن / نظر دهید

2023-07-03 10:12:08 هلالية رئيسية. 2023

بيك انفجع گلب النبي
دمعه وذبح نار وسبي
للدمعه عنوان
ياشهر الاحزان
......

اول گلب گلب النبي. بيك انفجع وتفطّر
من ذبحوا حسين انذبح گلب النبي وتوذّر
سابع سمه وشاف الشمر. گاعد يحز بالمنحر
مو من دمع من دم بچه. سيد الرسل عالمنظر

بسابع سمه يبچي ويون
اذّيتـه ياشهــــــر الحـزن
ذبحَوله قرآن
ياشهر الاحزان
......

وبيك انفجع گلب الوصي. وماتنوصف احزانه
گلبه انچوه بنار الخيم وماتنخمد نيرانه
بهلالك يشوف الحرم. متعذّبه وحيرانه
وحسينه طايح عالثره. وداست عليـه عدوانه

والـد يشوف ابنه انذبَح
بدم منحره الينزف سبَح
بجروحه عطشان
ياشهر الاحزان
......

عاشور وصعب كل جرح گلب الزجية الزهره
من شافتك هاج الألم. بيها ونعت منكسره
يوليدي صاحت والضلع. هاج وحناها بكسره
شافت حوافر عالصدر. تسحگ وكسرت صدره

يم نحر ابنها المنگطع
ام الحسن تجري الدمع
وتشوفه عريان
ياشهر الاحزان

......

وهذا الحسن لمن نظر لهلالك بآلامه
تذكّر عضيده المنذبح. نحره وفرار ايتامه
المن تهل جدي انفجع. بيك انذبح اسلامه
آنه الحسن ظهري نكسر. من كسّروها عظامه

ضحّيت اله ابني الوفي
لكن گلت ما مكتفي
لو عشره شبّان
ياشهر الاحزان
..........

الله يعين ام الحزن. زينب يشهر اللوعه
شصار بگلبهه المنفجع بت فاطمه المفجوعه
ذكرت اخوها المنذبح. وذاب الجفن بدموعه
وخيول امية الظالمه. كسرت جميع ضلوعه

تنظرلك بوجه السمه
ودموعها تهمل دمه
مفجوعه بخوان
ياشهر الاحزان
......

وصعب جرح جرح السبي. لا يبرد ولا يشفه
يفطر سمه ويخسف ارض. حار القلم شيوصفه
الله يعين ابن الحسن. من هالجرح ما يغفه
مستعره بجروحه ويون. نار السبي ما تطفه

يحسب ثواني لطلّعته
لثار الزجية وعمّته
بجروحه نيران
ياشهر الاحزان

سيد زيد الفحام
____@

الرادود احمد الزوار اضغط على الرابط

https://t.me/+QYhwKvqAiD7e_b1P باز کردن / نظر دهید

2023-07-03 10:07:45 مقدمه هلالية 2023

ياشهر الحزن ما ترحم بحالي
خذت وين العزيز علية والغالي
.......

خذت وين العزيز الكلّه حنيّه
اخوي حسين صافي الروح والنيّه
چنت كل يوم اشوفه ويسأل عليه
تاليهه انذبح وتوذّر اگبالي
.......

يشهر بعاشر ايامك متت مرتين
مره عله النهر من گطعوا الچفين
ومن شفت الشمر يگطع وريد حسين
وبقيت بلا اخو مهضومه لا والي
.......

يعاشور المصايب تجرح سهامك
افگدت چم غالي عندي اليسوه بيّامك
عمت عيني وچوتني هواي آلامك.
غريبه وعكب اخوتي منهو يبرالي
.......

يعاشور المصايب والاشد وصعب
رحت مسبيّه وآنه ام الخدر زينب
عكب عزّ الخدر والحشِمه اتغرب
اطب مجلس امية مچتفه تالي
........

يعاشور وابــد ما ترحم الظلّام
سبيه عله الهزل من كربله للشام
عرجه الناگه وعيون الشماته سهام
وأنه الماچان واحد ينظر خيالي
........

تمنّيت المنية ولاشفت منظر
بطشت راس الحبيب حسين ابوالاكبر
ويضرب راس اخويه الظالم الابتر
راس حسين اخويه وراس كفّالي

سيد زيد الفحام
________


الرادود احمد الزوار اضغط على الرابط

https://t.me/+QYhwKvqAiD7e_b1P باز کردن / نظر دهید

2023-07-02 17:50:31 نزلة علي الأكبر عليه السلام 2023

من صولته ومن خزرت عيونه
بحامي الحمه گاموا يوصفونه
..........

شافو علي الأكبر اجه عليهم
بالرايه والسيف ودخل بيهم
صاحو علي هذا الأجه وشردو
يدرون بي عدوانه يفنيهم

ومنين ما شردو يلاگونه
بحامي الحمه گاموا يوصفونه
..........

طشّر زلمها يمنه عاليسره
فوگ الزلم صاعد على مُهره
من سيفه يحصد روس تتطاير
يشبه علي بالضربه والطبره

فارس بني هاشم يشوفونه
بحامي الحمه گاموا يوصفونه
..........

ناداهم شحدّه اليجي لحدّي
آنه علي الأكبر علي جدي
ودّولي كل الجيش خل يهجم
وآنه اجيكم للحرب وحدي

مثل الأسد والكل يهابونه
بحامي الحمه گاموا يوصفونه
..........

هذا اليوفّي لو حچه حچايه
سوّاها طر الجيش بالرايه
خيل وزلم خلّاها تتراكض
يلمها ويطشها الأكبر برايه

ما خلّه فارس راسه بمتونه
بحامي الحمه گاموا يوصفونه
..........

بكر بن غانم محّد يغلبه
بس يم علي خاف ورجف گلبه
من گبل ما يرمش شطر راسه
ضربة علي ما ثنّه بالضربه

نصّين سوّاه ونخطف لونه
بحامي الحمه گاموا يوصفونه
..........
لوما العطش يفنيهم الأكبر
روس وجثث خلّاها تتطشّر
راية بني سفيــان نكّسها
تملّك زمام الحومه وتصدّر

واگف اسد عجزو يوگعونه
بحامي الحمه گاموا يوصفونه
..........

منهم علي الأكبر اخذ حيفه
لوما غدرهم ما وگع سيفه
بعسكر امية مجزرة سوه
مثل الصگر يتخيّر بكيفه

عالي بشموخه والزلم دونه
بحامي الحمه گاموا يوصفونه

سيد زيد الفحام
___________

الرادود احمد الزوار اضغط على الرابط

https://t.me/+QYhwKvqAiD7e_b1P باز کردن / نظر دهید

2023-06-11 16:41:43 واجب يعــــم السواد        هل مسه لجل الجواد
****
واجب ومفــــــروض عالشيعه الحزن
شما يــــدور الدهر ويـــــــدور الزمن
مـــــا تســــد دمـعـاتـهـا ومـهـمـا تون
عالجواد أبـــــــن الرضا محيي السنن
مَـعْـلَـمْ العـز والرشاد        هل مسه لجل الجواد
****
ويــن شـيـعـة حيــــدره حامي ألحمه
مــــات والـيـهــا جـبـدتــــــه مهشمه
ومـــــــن كثر سم العده لاحه ألضمه
خــل تـنـــوح الـيــــوم تنصب مأتمه
وخـلها تـعـلـن للحداد        هل مسه لجل الجواد
****
مأتمه نـصـبـنـه نعـــزي المرتضى
نواســـــي بالدمعات مولانه الرضا
ونلعـــــــن اللي سمه وبفعـله رضه
وخـــل يسمونه الـتـضـدنـه رافضه
يشبهون لقــــوم عاد        هل مسه لجل الجواد
****
كـــــل موالـــي يصيح والمدمع يسيل
شلون أنسه مصاب أبن حامي الدخيل
ذكـــره بلسم والذكــــــر يشفي العليل
مستحيل أنعــــوف ذكــــرى مستحيل
جــلــمــه رددها الفؤاد        هل مسه لجل الجواد
  ***
تــــاســـــع الــعــتــــره بالسم أنغدر
نعــــرف اللي أتعده عالوالي وجسر
مـــــن أهـــــــــل بيته ناخذ كل خبر
ومـــــا أوافــــق رايــــه ليكول القدر
هل رأي هــــذا رماد        هل مسه لجل الجواد
****
بـــيــــد أم الفضل مصيوب الإمام
بأمــر مــــــن المعتصم أبن اللئام
كـــــــل فكرهم تنتهي أشرف أنام
وهل أمر واضح جلي ما بي كلام
ذولـــــــه مجمع للفساد        هل مسه لجل الجواد
***
زمر ملعونــه تعــــــــدت عالرسول
وصابـــــوْ بســــم وذبح ولـد البتول
هــل زمر بالمحشر شتحجي شتكول
والخصم إلها علـــي فحـــــل الفحول
والــحـكــم رب العباد        هل مسه لجل الجواد
****
بــالجــــواد الــيــــوم نسـأل للودود
وجاه أبـــــو فاضل مكطوع الزنود
يعـجّــــــل بطلعة المحجوب ويعود
يجلي هــــــم الصابنه وعدله يسود
وتمتلي بخيـــر البلاد         هل مسه لجل الجواد
   


الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء




https://t.me/ahmed_alziwar باز کردن / نظر دهید

2023-06-09 06:50:32 نزل سبع الگنطره وحطاب الرگاب
عاد خيــبر ولقلع بيها اثنعش باب
كله نخوه ومرجله
صوته شبه الزلزله
               حطاب الرگاب
     ـــــــــــــــــ ❁ ❁ ❁ ــــــــــــــــــ

بخيــبر الكرار مــن طب صــنع بيهه المعجـزات
وابو فاضـل منـه وراث همـــته وكل الصـــفات
ابكــربله ســـــوه العجـــائب كلمن يگربله مـات
مايطخ راسه ابوفاضل فقط بس وكت الصلات

ابعزمه طب للمعركه وصــدر قوانين
يموت گال الراد يگرب خيمة حسين
عـاد ابوه ابكربـله
صوته شبة الزلزله
            حطاب الرگاب
     ـــــــــــــــــ ❁ ❁ ❁ ــــــــــــــــــ

ابمدرسة حيـــدر نشأته ودارس افنون القتال
الگنطر شاهد عيـانه اتخاف من اسمه الرجال
اتشوفهه موحده يحارب من برز سيفين شال
واحـد ابچـفه يحمله اواحـــد ابچف الخـــيال

وده مرسال العظيده ويرتجز گام
ذوله شـبه موزلم خل زينب اتنام
وعـد تبقه امدللـه
صوته شبه الزلزله
               حطاب الرگاب
   ـــــــــــــــــ ❁ ❁ ❁ ــــــــــــــــــ

مـن تنخـت بيـه زينب شــاربه اهتـز ابزعـل
گلهه وعيــــــونج اذلهــم ذوله عبــادة هبـل
دخنت حرحارت ايده من حمل سيفه ونزل
گال اخلي العرب كله ابضربتي تضـرب مثل

روس تردم روس ضلت والدمه اتسيل
هجت الفرســان منـه وصـاحو ادخيـل
منــه هجـو بالفله
صوته شبة الزلزله
              حطاب الرگاب
    ـــــــــــــــــ ❁ ❁ ❁ ــــــــــــــــــ

خورس احلــوگ الكتـائب دنگت مـنه الجــيم
كحل اعيــون العقيـــله مــن طلع من الخـــيم
جبل بالميـــدان واكف هامـته اطـــخ بالقمـــم
حبس حتى الهوى البالطف ونعم راعي الشيم

ويلكم يا آل اميـــــــــــه من زعل صاح
چنه ملك الموت سيفه ويخطف ارواح
الزلم كلها امچتله
صوته شبه الزلزله
              حطاب الرگاب
   ـــــــــــــــــ ❁ ❁ ❁ ــــــــــــــــــ

من عطش ورد المخيم صاح افه وانه الگمر
اليوم يم كل باب خيمه احـــفر الزينب نهـر
الوسعه مني اتضيگ بيهم ما يصحلهم مفـر
من اجل خــدر الفواطـــم اله اســويهم وذر

العلگمي مگيود جابه الباب الخيام
وصاح يازينب الچ كل احنه خدام
ما گرب واحـد اله
صوته شبه الزلزله
                حطاب الرگاب
    ـــــــــــــــــ ❁ ❁ ❁ ــــــــــــــــــ


     الخادم
كامل السعيدي

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
https://t.me/ahmed_alziwar


4- حساب الانستا
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك
https://www.facebook.com/ahmedbasra1w3 باز کردن / نظر دهید

2023-06-09 06:46:17 باچـر من انطر ســوگ
ياخويه وعرجه النوگ
من يحمينه ......... يا واليـنه
ــ⊱☆☆☆☆❀☆☆☆☆⊰ــ

صعـبه باچر      من نســـافر
ابرفجت الذبحو زلمنه
وآني وحدي    ونسوه عندي
ولا كفـــيل ولا علمنه

بنص الســـوگ لو طبينه
خويه اعداك تشمت بينه
هاي اشــــــلون يا والينه
مهضومــــــــين ونسبينه

اتمنيت الموت اوياك
ولا تفتـر بيـه اعـداك
وتأذينه ………… يا والينه
ــ⊱☆☆☆☆❀☆☆☆☆⊰ــ

لو دخـــــــلنه    ابدون اهلنه
ابديرة اجـــــناب وســــــبايه
والله هضمه    شلون اكضمه
دمعــي ينـزل عالعــــــــــبايه

محتــفلين خويه اعدانه
وبينه الناس هل شمتانه
ريتــك كون هسه اويانه
وبيـنه اتعود يا رجــوانه

اخ اشگد شلنه اجروح
وممنـوعين امن النوح
شگد عانينه ……… يا والينه
ــ⊱☆☆☆☆❀☆☆☆☆⊰ــ

ياكفيلي      ماتجيلي
ابعازتك والله اليتامه
عذبوهم     روعوهم
فارگو طعم السلامه

يتمـــنون جيـتك ليهم
يالرواي گـــوم ارويهم
رحمه اعداك لا مابيهم
حيل ازغار ومچتفيهم

عازتهــم بس ملگاك
تحظر سيف ابيمناك
وتنجينه ……… ياولينه
ــ⊱☆☆☆☆❀☆☆☆☆⊰ــ

ياعمدنه        ياسندنه
الحگ ايحشمن خواتك
چتفوهن       سلبوهن
انهض ابداعت غـلاتك

يالدگيـت صــــــدرك ليهن
شوف اشـصار بعدك بيهن
يـا عبـــاس ما تلفيــــــهن
السان اعداك طال اعليهن

ويجروهن بحــبال
ماضل الهــن كفال
اشسوو بينه .…… يا وليــنه
ــ⊱☆☆☆☆❀☆☆☆☆⊰ــ

الناگه بالبر    خوفي تعثر
خويه وتطيــــــح رقـــيه
والله حيره    وآنه اسيره
حرمه ميصـــح شي بديه

ريتـــك كون حاظر يمي
ومني تزيل كربي وهمي
يا عبــــاس يا بعد امــي
ترضه اعداك تلفض اسمي

اوصوتي اخلافك سمعوه
وطــول الخـــــدر شافوه
افزع لينه …… يا والينه
ــ⊱☆☆☆☆❀☆☆☆☆⊰ــ

        الخادم
كامل السعيدي

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
https://t.me/ahmed_alziwar


4- حساب الانستا
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك
https://www.facebook.com/ahmedbasra1w3 باز کردن / نظر دهید