2022-08-04 00:09:29
موشح بحق ابا الفضل العباس "عليه السلام"
الشاعر المرحوم هادي القصاب
گوم سل سيفك يراعي الراية
وارحم العيلة الذي ابهالثاية
__گوم يا عباس شدّ اعله الحرب
وارحم الأطفال هاذي والغرب
اعيونها الجيّتك تربي اعله الدرب
اوليك كل ساعة تجي شچّاية
__ ١
ليك كل ساعة تجي العبره تهل
اتصيح يا عمنه العطش ما ينحمل
اتموت كل طفلة يعباس او طفل
من العطش والنهر يمّك مايه
__ ٢
گوم يا ضنوة علي فارس بدر
رفرف الراية بعد يزي صبر
هاي شدّة عطش مالك كل عذر
شوف باطفالك اشسوّه سوايه
__ ٣
إجت زينب لاچن ابيا حال اجت
يم ابو فاضل او صاحت وانتخت
يعباس اشتدّت الشدّه او غدت
الخيل تتره ولينه متعنّايه
__ ٤
هذا يوم المرجلة المابي عذر
هذا يوم الجزع وانعاب الصبر
إنته ابن ذاك الذي ابأحد وبدر
خلّه أبطال العده امضحّايه
__ ٥
شِد حمايل سيفك او شد عالزحف
او گول ذوله سبعة مو سبعين ألف
اخطفهم إنته او ماشي بالصارم خطف
او گول إجت هالضربة متعدّايه
__ ٦
إنته عندك أشجع واعظم بطل
اجبن الوادم اگبالك لو وصل
إنته من تحرب عدل محّد يظل
من الابطال اشما تصير اهوايه
__ ٧
إنته لنساب العرب من تنتسب
إبن سادة آل عبد المطلب
من يذكرون الفطاحل تنحسب
خبر مُرسَل هيّه اوانته الآيه
__ ٨
هذا إنته ابصيتك اوبعد اوبعد
اكثر واكثر مناقب كلها عد
هاي كلها واحنه بينه الضمه اشتد
وإنته صابر ليش شنهو الغاية
__ ٩
گوم وارحمنه يبن ارحم الناس
ابشربة امّيّه يضيغم يعباس
هاي ساعات الضمه او يرد الها باس
إنته باسك باس حمزة ورايه
__ ١٠
زينب آنه اختك وجيتك بالاطفال
شوف حال أطفال اخوك اشلون حال
شرد أگولن بيك تخشه امن الرجال
لو عليك النهر يبعد مايه
__ ١١
يعباس اطفال عطشانه او حرم
من ضماها اتحوم بحدود الخيم
انچان سيفك ما يروّي الگاع دم
ما يخلّي اگلوبنه امروّايه
__ ١٢
اشگلت يا خوية يمن گولك فعل
تصبر او تتحمّل الما ينحمل
راح اروح الخيمتي او عندي طفل
ليك اجيبه تشوفه وامّه اويايه
__ ١٣
راحت او ردّت او بيدها الرضيع
وجها وجه المصطفه الهادي الشفيع
او صاحت اخذه وما أظنك تستطيع
تشوف بيه الضمه اشسوّه اسوايه
__ ١٤
عاد من شاف الرضيع او حالته
انگطع كل سبّاح چان ابمهجته
او هاج مثل الأسد هزّ ابرايته
او شبح عيناه اعله المسنّايه
__ ١٥
وبعد هوّه ابزحفه وحده ما زحف
ارتعد كل الجيش من خوفه او رجف
والزلم توگع غدت صف اعله صف
او طاحت القناصه والرمّايه
__ ١٦
لچن ياوسفة اغدرت بيه الچفوف
اتگطّعن من داروا اعليه السيوف
او سهم عينه البعد خلّا ما يشوف
او عرف ليه عاد المنيّة جايّه
__ ١٧
او طاح فوگ الأرض يا وسفه الگمر
او ظهر ابو اليمّـه ابسبب فگده انكسر
ريت للعباس ابن فارس مُظر
الناس كلها اتصير متفدّايه
__ ١٨
تمت و الحمد لله
الشاعر المرحوم هادي القصاب
https://t.me/joinchat/QYhwKvqAiD7e_b1P
188 views21:09