2022-09-24 09:57:45
#قصائد_استشهاد_النبي_(ص)
#الرادود_احمد_الزوار
لشهادة الرسول الاعظم صلوات الله عليه وعلى آله اجمعين .
أم ابوها _ الليله ماعدها ابو
أم ابوها _ ابلا حنان ولا دفو
انترست اجروح .. تبچي واتنوح .. ام ابوها
_________
الليله وين يا حنين
يا أبو الزهره زهرتك شو عفتها
حيلي مات كلشي مات
ماتت البسمه اعله وجهي اولا شفتها
لا انت الخذتني اوياك ولا انت الي ضليت
شلّي ابعمري ابلياك ياشمعه التضوي البيت
يا محمد _ زهرتك ذبلت تره
يا محمد _ جمره بيها اموجره
تنعه چم دوب .. وكت الغروب .. ام ابوها
_________
ابهل وداع كلشي ضاع
فرحتي او آمال عمري والأماني
لا امان لا حنان
بويه شيبني الحزن عگبك تراني
عليه الما حسبته ايمر مر وازيد او أزيد
مثلي ما بچه يعگوب ولي بيت الحزن يشهد
من دمعتي _ ما بقه ابعيني ضوه
من دمعتي _ عله ما الها دوه
ليلي وانهار .. دمعي مدرار ... ام ابوها
_________
عمري نوح ابلايه روح
انت لوني او منخطف يابويه لوني
گلبي ذاب امن المصاب
تدري گبرك ما نشف والگوم اجوني
يل بيه اشكثر وصيت تعال او شاهد ادموعي
اندارو علي لصحاب كسرو عگبك اضلوعي
لوعوني _ اوبابي حرگوها علي
لوعوني _ او سوطهم ورم ادي
حگي مسلوب .. خدي مضروب .. ام ابوها
_________
بس مرار في مرار
اهنا يبو القاسم يريتك تنظر الهم
لا وفاء لا حياء
اعليه هجمو واحرگو داري ابحطبهم
واگبال الحسن واحسين ضربوني على اعيوني
بچو من شافو السطره او عليك امسو ينشدوني
يمه وينه _ جدنه خل يفزع الچ
يمه وينه _ خل يشاهد حالتچ
رد يجداه .. واسمع الآه ... ام ابوها
_________
يلرسول شرد اگول
چني مو بنتك ولا چن يعرفوني
مدري ليش جاني جيش
الاصحاب ابثار چنهم يطلبوني
آنه اوديعتك عدهم تعال او شوف الوديعه
تراني او ضلعي والمحسن ضيعوني فرد ضيعه
المن اشكي _ يلنمت تحت الترب
المن اشكي _ صرنه بغيابك غرب
وحشه دنياي .. حزني اهواي .. ام ابوها
_________
اشگد بچيت اشگد نخيت
اشگد تألمت اشكثر گلبي تعذب
هم دريت يل مشيت
حتى من نوحي امنعوني اوگلبي شيب
الأخذو كلشي من عندي والذبحو معاي ابني
ردو للدمع منعوه منعو لوعتي او وني
بالعراء _ صرت ابچي الوحدي
بالعراء .. ادعي بالموت ابتدي
اطلب الموت .. ابعالي الصوت .. ام ابوها
_________
ابو فاطمة الطائي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
https://t.me/ahmed_alziwar
580 viewsedited 06:57