2022-09-02 14:10:48
#قصائد_محرم
#الرادود_احمد_الزوار
واويلاه .. انعزي طه المرسل
واويلاه .. راح سبطه الاول
@@@
فاجعه اليوم .. نادى بيها امنادي
ويلي مسموم .. سبط طه الهادي
وچبده مفتوت .. من غدر لمعادي
والنبي ناح .. وشذنبها اولادي
…
واويلاه .. اشگد صبر يتحمل
واويلاه .. راح سبطه الاول
@@@
اتغير الكون .. والمضيف اتسكر
المَلا بحزان .. حين سموا شبر
وبالطشت صار .. چبده لاع امفطر
انعزي هاليوم .. طه وأمه وحيدر
…
واويلاه .. ونقره بيه المقتل
واويلاه .. راح سبطه الاول
@@@
ابصوت مبحوح .. حسين ودع سيده
وعالنعش حيف .. مد جدمه او ايده
ونادي ويلاه .. عالفگدله اعضيده
ولاهنه عيش .. بعد سم اجعيده
…
واويلاه .. هذا عدل المنزل
واويلاه .. راح سبطه الاول
@@@
نعشه وانشال .. والدفن عده جده
لاچن الگوم .. بغض نعشه اترده
وحشدوا جيش .. عالرساله اتعده
ونعشه بسهام .. بيها صابوا جده
…
واويلاه .. وگبر طه اتزلزل
واويلاه .. راح سبطه الاول
@@@
الحسن مظلوم .. بالسهام اتصوب
وفوگ طشته .. نعشه هم اتخضب
وتالي گبره .. امن الاعادي اتخرب
عليه لگلوب .. نار جمره وتلهب
…
واويلاه .. گبره گاع اتحول
واويلاه .. راح سبطه الاول
@@@
ليش مهدوم .. ومن بعيد انزوره
وليش ياناس .. تربته محظوره
يمته نبنيه .. ويعله صحنه وسوره
وذاك لضريح .. ابزاكي عطره ونوره
…
واويلاه .. طه ابنه امدلل
واويلاه .. راح سبطه الاول
@@@
علي احمد الحمود
٣١-٨-٢٠٢٢
شهادة الحسن المجتبى ع
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg
3_رابط قناة التلجرام
https://t.me/ahmed_alziwar
333 viewsedited 11:10