الرادود احمد الزوار

2023-06-09 06:41:10 #للعليله..

مرلي ياطــير السعد بحبابي
وللاهــل ويـاك اخــذ اعتابي
حلمي بس اسمع خبرهم
يلهج الســاني ابذكــرهم
        مرلي ياطير
……………………………………

هاك اخذ ملخص كلامي  البيه اسولف حالي
وگل لبوي اتگول بتكم  بيـــتكم ضل خالي
أرحلو يا طـــــير عنــي  غالي يتــــبع غالي
والنضر راصـــــد دربهم  والحـــــزن چتالي

مرلي يا طيــر ابضعن عباسي
وگله شيب من هجركم راسي
عني ماغابت صورهم
يلهج السـاني بذكرهم
        مرلي ياطير
……………………………………

لسكنه ورقيه الرسـايل  بالعــــجل وديهن
ادموع وعتاب وسلام   شكثر يلگن بيهن
شو نسن عدهن عليله   وضــــاله اتانيهن
وآني كل لحظه التمرني  الهــج ابطاريهن

اخبـــاري ياطير السعد وديهن
يم اخوتي اهناك سولف بيهن
ابـد لاتنـــــسه تمرهم
يلهج الساني بذكرهم
        مرلي ياطير
……………………………………

كل مراســــــــيلي اخذها .. وروح يـم عماتي
بلكي مـــن يقرن عذابي .. يجبرن ابحسراتي
راح يلگن بالرســــــــايل .. ترجــــــــمة آهاتي
وفوگ ضرف الشوگ يلگن .. اثر مــن دمعاتي

سـلم اعله النسو حال احبابهم
وگلهم اليوجعني بس اغيابهم
گاعده ابابي انتضرهم
يلهج السـاني بذكرهم
……………………………………

آنه طفله وروحي ترفه .. والبــعد ماذيني
جمرة اغياب الاحـبهم .. بالگلب تجـويني
شحت اعليه الشلونچ .. والمرض سابيني
شوفت اوجه الغوالي .. هيه التــــشافيني

الغيبه صعبه وگمت احن لحبابي
واركض اشــــما هوه يحرك بابي
ناطره اليرجع بثرهم
يلهج الساني ابذكرهم
…………………………………

والله لمن ودعتهم .. هـــدمو كل حيلي
لا رتاحـيت بنهاري .. ولا مغمضه ابليلي
لارساله ولاكو طارش.. يرجع ويحچيلي
عالمشو والفارگوني .. يامــدامع سيلي

حلم ياريـــــته وافز من نومي
ويم ابوي الغالي اخلص يومي
واشفه من علتي واسرهم
يلهج الســــــاني ابذكرهم
………………………………
الخادم
كامل السعيدي
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
https://t.me/ahmed_alziwar


4- حساب الانستا
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك
https://www.facebook.com/ahmedbasra1w3 باز کردن / نظر دهید

2023-06-09 06:37:51 الخدم (محرم)


يا ناس عدنه جرح..ينلچم يوميه
يم كربله بالصبح..وبالشام ليليه
عذب دليله السفر
وايلچمه طاري النحر
يا حيرة المهدي
...................
المهدي عنده جرح..يا ناس ما طايب*
حاظر ويبچي دمه..واحنه نضن غايب*
جرحه ابكبر سفرته..وگلبه الترف ذايب*
شاب ابكثر ما حزن..محني مثل شايب*

عدنه محرم شهر..وعاشور كل عمره
كل وكته يشبه صفر..مشاي للحظره
من عمته رد للنهر
وايلچمه طاري النحر
يا حيرة المهدي
....................
لو يبچي يمه طفل..يتذكر العاشر*
عبدالله شابع ضمه..ريجه خشب صاير*
امچلب ابنحره السهم..ما يطلع وعابر*
عالمهدي مرّه الصور..بيهه اشكثر حاير*

كلما يريد الشرب..يتراوه عبدالله
سهمه برگبته يطب..واتصبره اسم الله
شابع بواچي وقهر
وايلچمه طاري النحر
يا حيرة المهدي
....................
لو طفله تاهت يحس..بركاض عماته*
وشوغات سوط الشمر..وامچان چوياته*
صفنة سكينه جرح..يزيدله لچماته*
شابع ابوها ضمه..واشكثر طيحاته*

صوت المنادي سمع..يلگونهه التاهت
ومحد العمته فزع..من ركضت وطاحت
چم مره گلبه انكسر
وايلچمه طاري النحر
يا حيرة المهدي
....................
لو شاف موكب خدم..يخدم المشايه*
چا وينهم من عطش..حسين وبخل مايه*
واشلون عمته مشت..بأطفالهه اضمايه*
يهل المواكب گبل..شال العطش رايه*

اهل الحسين انسبو..واحبال بيديهم
حفاي لمن مشو..والگاع تچويهم
يتانون ماي الگمر
وايلچمه طاري النحر
يا حيرة المهدي
......................
عدنه محرم سنه..وننصبهن اخيامه*
ياكل ابروحه الزمن..وانعيشهه اسهامه*
شلون ابأمام العصر..عايشهن ايامه*
ما يوم فّل نگبته..ويلطم عله الهامه*

عاشور ما ينتهي..ما نشفت ادموعه
شما ينتهي يبتدي..ويلطم عله ضلوعه
مهضوم يالمنتظر
وايلچمه طاري النحر
يا حيرة المهدي



علاء المياحي
الفاتحه لروح والدي

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
https://t.me/ahmed_alziwar


4- حساب الانستا
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك
https://www.facebook.com/ahmedbasra1w3 باز کردن / نظر دهید

2023-06-09 06:33:10 العليله ع (محرم)


من اسمعت گالو جاي
بسرعه اركضت جبت الماي
عطشان چم مره احلمت
راجعلي بويه اتخيلت
بسرعه اركضت جبت الماي
..................
مرت ايام انتظركم.. واحسب الكم.. هم ترجعون*
اصحى واغفى وبيكم احلم.. بابا نلتم.. من تعودون*
گلت اسولف عالليالي.. واشكي حالي.. صاير اشلون*
عالبنات الويه اهلهن.. انظر الهن.. تبچي العيون*

من يمشن الايد ابأيد
جرحي يبعد اهلي ايزيد
واتذكرك عني رحت
راجعلي بويه اتخيلت
بسرعه اركضت جبت الماي
...................
تشتعل يوميه ناري.. بالعصاري.. امن الزم الباب*
من تمر طفله ويختهه.. لازمتهه.. يبدي المصاب*
انه اتذكر سكينه.. وكل حچينه.. وكل الاحباب*
واذكر الچلمة يخيه.. من رقيه.. والرمش شاب*

واعليكم اشگد ابچيت
من اذكر اشچان البيت
واشلون تاليتي صرت
راجعلي بويه اتخيلت
بسرعه اركضت جبت الماي
...................
مهامس اسمع كلهه تحچي.. وانه ابچي.. ما يجي حسين*
بابا ارجع وينك انته.. عمري اخذته.. يا ضوه العين*
الخاطر احزاني وجروحي.. سمعو نوحي.. وانتو ماشين*
خلصت الدنيه ابرحيلك.. وين اجيلك.. انته چا وين*

گالو تموت انته اهناك
يا بويه موتني وياك
چم يوم وارجعلچ گلت
راجعلي بويه اتخيلت
بسرعه اركضت جبت الماي
...................
مرت الايام اباوع.. سمعت راجع.. والضعن جاي*
تخردنت مدري اشأسوي.. اركض اهوي.. واوگع اهواي*
طاست اميه وفرحتي.. وابدمعتي.. اخبط الماي*
الضعن نسوان اشوفه.. وگمت اطوفه.. وتايه الراي*

يمهم صحت وين حسين
چا والدي عمه وين
تاه الحچي واتلعثمت
راجعلي بويه اتخيلت
بسرعه اركضت جبت الماي
.....................
كلشي راح وما رجعلي.. راحو اهلي.. وراحت الروح*
بروحي احرگ انه هسه.. عمري احسه.. شابع اجروح*
دمعي لو اشعر يرجعه.. ابقى انعى.. عمري بس نوح*
والدي ما يشفه جرحه.. غاب صبحه.. واهوه مذبوح*

عطشان بالطف من طاح
كلشي حلو بعمري راح
من وكته احس انه متت
راجعلي بويه اتخيلت
بسرعه اركضت جبت الماي


علاء المياحي
الفاتحه لروح والدي

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
https://t.me/ahmed_alziwar


4- حساب الانستا
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك
https://www.facebook.com/ahmedbasra1w3 باز کردن / نظر دهید

2023-06-09 06:28:53 وهب النصار(محرم)



گبل لا اشوفه چنت ويه المسيح
ومن لمحته اعرفت بس هوه الصحيح
خادم الخيامه
عبد لليتامه
وهب انه
.................
مثل تايه بالطريق*
چنت احس روحي غريق*
وانتشلني امن الضياع*
عبده وايگلي صديق*

ياهو ينظر عينه وايشوف الجمال*
وما يحس ابرحمته وكل الدلال*
هوه خلاني احسن بالوجود*
حسين عيشني حلم فوق الخيال*

شكبر بختي وانه اشم عطره وهواه
انسه روحي لو شفت لمعة ضواه
انطاني هالكرامه
عبد لليتامه
وهب انه
....................
لمني من ذاك التياه*
غرگت من عشگه وهواه*
واعرفت معنى الكمال*
ابفي خبائه احلا جاه*

حسين تالي الماله تالي والغريب*
والعبوديه اله اجمل نصيب*
كون اتبده حدر رجلينه ماي*
والله هنياله اليحس عشگه قريب*

كون ابدي الروح برواگ الخيام
والامان اجروحه اسيّر والسلام
اشعر ابهيامه
عبد لليتامه
وهب انه
..................
للعطش هوه احلا ماي*
تونست انه ابضماي*
ارتوي ابقبلة ايديه*
طلبتي من الله هاي*

چنت اشوفنه ضوه ابين الخيام*
چان يبزغ نور يطرد كل ظلام*
واليحب لو شاف معشوگه يذوب*
صرت سعفه ابريح وايهزني الغرام*

هواي ممنون انه من عشت الجروح
چنت ميت بس هواه حط بيّه روح
امن اسمعت كلامه
عبد لليتامه
وهب انه
...................
احلا دنيه ويالحسين*
اعتنقته احلا دين*
تؤم الحب والحياة*
چنت ماشي مدري وين*

حسين فك جرحه الي ودلاني ليه*
کلشي مالات الله حطهن بين ايديه*
انه انسان اشتهه الحب ولگاه*
وروحي من ذاك الوكت مفتونه بيه*

بعت روحي الخاطره وما گلي بيش
وما سألني امنين اجيته وگلي ليش
ترجمت غرامه
عبد لليتامه
وهب انه
.....................
بايعت عشگه ورضيت*
عفت كل اهلي واجيت*
مدلي من طحت الچفوف*
وخالد ابطفه بقيت*

رافگت جرحه وصرت ضمن الجروح*
طحت بس مولاي شاتل بيّه روح*
رابح البايعله نفسه والحياة*
والسراج اعيونه فدوه كون اروح*

اليشتريه جرح الحسين اشلون مات
ويه اول طعنه تبديله الحياة
يفرح بسهامه
عبد لليتامه
وهب انه


علاء المياحي
الفاتحه لروح والدي

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
https://t.me/ahmed_alziwar


4- حساب الانستا
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك
https://www.facebook.com/ahmedbasra1w3 باز کردن / نظر دهید

2023-06-05 21:15:41 ميمر للجواد

لو عكست الدنيه وياك. الكبر الجواد اتعنه
****
هذا الكريم الما يرد خطاره
محد اجه وما بشراه ببشاره
صبح ومسيه ايرحب بزواره

للحضره لو بس طبيت جنك تطب للجنه
****
خل يكصد الكبره اليطيح بشده
والصفه كلبه ونيته حاشه يرده
باب المراد امراد اخذ من عنده

جم مره زرته وصليت. وما خيباها الضنه
***
وين الصعب مرضه وعجز دكتوره
خل يعتني الكبر الجواد ايزوره
والصيدليه كبته المشهوره

اكبر طبيب ابغداد. واسأل الوادم عنه
*****
عندي يقين بسيد الحنيه
ايشافي المريض ويرزق الذريه
وكبته يا ناس بذهب مطليه

والعنده متصير اطفال. خل يمشي يطلب منه
****
هذا الجواد وكلها تحجي بجوده
وبالكاظميه سفرته ممدوده
وكت الشدايد وكفته مشهوده

وكل عاشك اعله الشباج. يشبك عمر يتمنه
**
باب المراد ويفرح بخدامه
وحي الله صاح المهدي باللطامه
احيو يشيعه بالدموع ايامه

لمصيبته نبجي اليوم. ونجذب بكبره الونه
***
تمت
تحسين الخفاجي باز کردن / نظر دهید

2023-06-02 20:00:30 لحن باسم باز کردن / نظر دهید

2023-06-02 19:56:41 قصيدة بلسان حال العليلة فاطمة ،،،،

طفلة وعليلة وياكم اخذوني
بالغربة وحدي لا تخلوني

راح العزيز بغربة خلاني
كل المصايب دهري راواني

طفلة طفلة .

ــــــــــــــــــــــــــــــــــــــ

ويلي ليلي سهرانه عيني ما غفت لحظة
وني حزني لمن تفجر صابني الشظة
ادري بعمري جفت ولا تخضر بعد أرضه
صعبة بغربة يا بويه اموت بحسرة ما ترضه

صبح ومسية تهمل عيوني
والغربة بويه غيرت لوني

أتمنى شوفة أهلي وخواني
كل المصايب دهري راواني

طفلة طفلة .

ـــــــــــــــــــــــــــــــــــــــــــــ

حلمي أمي أحضنها وحضن كل أخياتي
وخبر الأكبر وأشكيله كل همي ومعاناتي
أحمل اسأل عبدالله مشتاگ علضحكاتي
وحچي وشچي لعمي الگمر عباس آهاتي

وشتم عبيرك يا دوة جروحي
يا بوية رسمك عايش يروحي

گلبي يبويه لجيتك امتاني
كل المصايب دهري راواني

طفلة طفلة .

ـــــــــــــــــــــــــــــــــــــــــــ

إسمع إرجع بعظامي يا بوية المرض ينخر
بنية اعليه افكاري ظلمة اطيافهن تفتر
وحدي أبدي احچي وي روحي بوية من اضطر
جمري بصدري صبري قليل وما بعد أكدر

حال اليتيمة وظاله بداري
تاخذني يمنه ويسره افكاري

وين الحنين الأسمه بلساني
كل المصايب دهري راواني

طفلة طفلة .

ــــــــــــــــــــــــــــــــــــــــــــ

أنسر منذكر وي سكنه ورقية گبل نلعب
لحظة ومضة هالذكرى تتلاشى وأرد انحب
گبالي خالي مهد الرضيع وگلبي يتعذب
بوني چني طير انذبح وبموته يتگلب

طفلة ومريضة وبزغر سني
عفت الطفولة وعاشرت حزني

فراگ الأحبة بجمره چواني
كل المصايب دهري راواني

طفلة طفلة .

ـــــــــــــــــــــــــــــــــــــــــــ

هضمة وظلمة صارت حياتي بفرگة احبابي
حالي هالي عالوجنة دمعي بجمرة امصابي
أندب ونصب مأتم عزائي وفرش أهدابي
بنوحي وروحي عيوني لدربكم ظلت ترابي

اسأل عليك الرايح وغادي
فراگك يبويه ذوب افادي

ابيضّت عيوني وحزني أعماني
كل المصايب دهري راواني

طفلة طفلة .

ـــــــــ

بقلم ،،، أستاذ ستار عذاب الحچامي .

1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
https://t.me/ahmed_alziwar


4- حساب الانستا
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك
https://www.facebook.com/ahmedbasra1w3 باز کردن / نظر دهید

2023-06-02 19:52:08 لحن باسم باز کردن / نظر دهید

2023-06-02 19:49:17 قصيدة بلسان حال العليلة فاطمة ع
ـــــــــــــــــــــــــــــــــــــــــــــــــــــــــــــــ


عليلة والله مشتاگة لهلي
عليلة والله مشتاگة لهلي

ــــــــــــــــــــــــــــــــــــــــ


فاطمة آنه العليلة
دمعي بالدّم ساچب

بونة الفاگد أونّن
گلبي بالهَم ذايب

راحو أهلي وانه وحدي
وَيّه ليلي معاتَب

والنهار اگضي عليهم
ويَ ٱنتظاري مناحَب

سَهَر طال لَيلي ماظَن ينجلي
عَليلة والله مشتاگة لهَلي

ـــــــــــــــــــــــــــــــــ

ليلي صاحب چَم مواقف
آنه ما أنساهه

ناس مَلّت مِن دموعي
وليلي هو أخفاهه

وبعِتِمتَه سَكتة أبچي
روحي ظل رَجواهه

ألتقي بأحباب گلبي
لله ظل شكواهه

هضيمة بزغري آنه أبتلي
عَليلة والله مشتاگة لهَلي

ــــــــــــــــــــــــــــــــــــــ


لسه أذكر أهلي لَمّن
أظعِنَوا جدّامي

أيقنت آنه لمِنِيتي
گرّبت أيامي

روحي شاغت عَنّي بِعدَوا
وِبتِدت آلامي

وِنحُفر بالعين أثرهم
والگلب ظل ظامي

صِحِت آه يمتى رَجعتكُم إلي
عَليلة والله مشتاگة لهَلي


ــــــــــــــــــــــــــــــــــــــ


رِدت أروح وياهم آنه
وما خذوني ٱوياهم

گلبي گلّي يا العليلة
أيسي مِن ملگاهم

هَم وحيدة وهَم عليلة
وهَم ألَم فرگاهم

ساعة أموت وساعة أعدل
لو يِمُر طرواهم

عگبهم خالي مظلم منزلي
عَليلة والله مشتاگة لهَلي

ـــــــــــــــــــــــــــــــــــــ

آنه چانت أمنياتي
بموتتي ٱيحضروني

الفاتحة يقروها إليّة
لَمّن ٱيدفنوني

تالي مهضومة وعليلة
بغربتي يخلوني

بيه تذبح ذكرياتي
وبالهجر ذبحوني

خواتي وأمي والاكبر علي
عَليلة والله مشتاگة لهَلي

ـــــــــــــــــــــــــــــــــــــــ

والله مشتاگة لأبويه
وللگمر عباسي

والأگله ما يصدگ
شيبي تارس راسي

والطّفِل تِذكارَه عايش
يِسري وَي أنفاسي

موتتي آخر محطة
وَي زماني القاسي

أتاني موتتي أرحم إلي
عليلة والله مشتاگة لهلي

ــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي .
1_رابط قناة الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

2_رابط قناة قصائد على لحن باسم على اليوتيوب
https://youtube.com/channel/UCz03jT4unuka51X7foOyXcg

3_رابط قناة التلجرام
https://t.me/ahmed_alziwar


4- حساب الانستا
‌‎https://www.instagram.com/invites/contact/?i=r758t0jcoxxe&utm_content=11pvwp1‌‏

5- صفحة الفيس بوك
https://www.facebook.com/ahmedbasra1w3 باز کردن / نظر دهید

2023-05-14 20:54:21 في ذكرى وفاة الإمام الصادق (ع)

جعفري اوللموت أبقى جعفري
جعفري اوللموت أبقى جعفري

& & & & &

للمنيه أبقه شيعي هذا يالصادق عهد
الشيعي تدري يا إمامي ما يخالف لو وعد
بالمَثَل كالوها من جدَّ يبو الكاظم وجد
اوهذا آنه ابأول الخدمه اومقامي لن صعد

ما أعوفنك ولا أترك منبري
جعفري اوللموت أبقى جعفري

& & & & &

مذهبي شيخ المذاهب علّماني اعله الوفه
اوغذّه روحي بالمبادىء والقيم والمعرفه
إلصدق من جعفر الصادق أخذته وكفى
اوهاي دنياي ابلا جعفر أقره انا اعليها العفا

ابمذهبي عالناس يبكه مفخري
جعفري اوللموت أبقى جعفري

& & & & &

جعفري دمي اومهجتي بيها حمّاي الحمه ..
ساكن اوهوه اعله كيفه حيدر ايوَزْع الدمه
لو أقارنها ابشموخي أكصر اهواي السمه
عالإبه علمني حيدر والحسين اوفاطمه

اوعالعشكـ علمني إبن الشاكري
جعفري اوللموت أبقى جعفري

& & & & &

كل سنه انجدّد عزانه للوديعه الطاهره
اوجعفر الصادق مصابه ابكل حزن نتذكره
إلدمع عدنه حضاره وانفتاح اومفخره
والصدر نشعر عليْه مكتوب وَقْف الحيدره

بسّ اريد ابدمعي أملي دفتري
جعفري اوللموت أبقى جعفري

& & & & &

ابكِصْتي ذَب غيره الصميده وابدليلي اومهجتي
اوربّت ابجف الطهاره البضعه ونتي اودمعتي
خدمةِ العتره الشريفه قبله هيه الـ دنيتي
اومن إبِن تمّار ميثم ماخذ آنه همّتي

ميثمي سلماني ذَرِّي قنبري
جعفري اوللموت أبقى جعفري

& & & & &

حب علي هيهات حاشه كلا أقسم ما أبيع
أقسم ابدمعةْ رقيه وابكطع نحر الرضيع
ابلا علي الكرار والله ابدنيتي حتماً أضيع
الهذا متمسّك ابحيدر وابترُب أرض البقيع

عالبقيع الروح ولهت والغري
جعفري اوللموت أبقى جعفري

& & & & &

خادم أهل البيت (ع) : إبراهيم الدريس باز کردن / نظر دهید