2023-04-09 02:32:36
ياحسين
المستهل معروف
=======
إشربَ الماءَ وعجّل
قبلَ أن يأتي الصباح
إشرب الماءَ هنيأَََ
إنه ماءٌ مُباح
=======
اشرب الماءَ وعجل وذّكر حسين الشهيد
علرمل مذبوح ضامي منه مگطوع الوريد
خيل وسيوف ورماح وعطش والحر الشديد
وگع دامي وصاحت اخته الوالي من ايدينه راح
.
إشرب الماءَ وعجّل قبل أن يأتي إلصباح
اشرب الماءَ هنيأََ إنه ماءٌ مُباح
اذكر حسين وغربته وعطش گلبه وعيلته
وصوت عبدالله الرضيع وأمه تسمع ونته
رمله صاحت ياحسين الطفل يبست چبدته
يلوج من العطش ابني وگلبي من القهر طاح
.
إشرب الماءَ وعجّل قبلَ أن يأتي الصباح
إشرب الماءَ هنيأً إنه ماءٌ مُباح
اذكر الكافل وعينه والچفوف ورايته
بيوم سكنه من عطشها عمي الحگ نادته
وراح مسرع للفرات ايريد يملي جربته
انضرب حيف بسيف ظالم والدمه من راسه ساح
.
إشرب الماءَ وعجّل قبل أن ياتي الصباح
إشرب الماءَ هنيأً إنه ماءٌ مُباح
اذكر دموم الشباب وعلي الاكبر طبرته
وجاسم اعلى الفرس صارت ويل گلبي زفته
شلون شبان الفگدنه الشمس تضوي بوجنته
گلبي علشبان ابدََاً للعمر مايستراح
.
إشرب الماءَ وعجّل قبلَ أن ياتي الصباح
إشرب الماءَ هنيأً إنهُ ماءٌ مُباح
واذكر الطفله رقيه المشت لديار الخراب
تلوع من العطش تالي نامت بذاك التراب
حسين وعياله عطاشا ماحصل ليهم شراب
علرمل كلهم ذبايح واحنه حصتنه النياح
.
إشرب الماءَ وعجّل قبل أن ياتي الصباح
إشرب الماءَ هنيأََ إنهُ ماءٌ مُباح
اذكر حسين الإمام العطش ذوّب چبدته
التمت اعليه بني ميه بكربلا مارحمته
شلون يم شاطي الفرات السبط ظامي ذبحته
وگع مسلوب العمامه وكثرت بجسمه الجراح
.
إشرب الماءَ وعجّل قبلَ أن يأتي الصباح
إشرب الماءَ هنيأً إنهُ ماءٌ مُباح
اشرب واذكر حسين الطاح ماضاگ الفرات
من العطش گلبه تمرّد وبسيوف الغدر مات
وضلت اعياله تنوح بكربلا صارو شتات
وخته ودوها ليزيد النذل مكسورة جناح
.
إشرب الماءَ وعجّل قبلَ أن يأتي الصباح
إشرب الماءَ هنيأً إنه ماءٌ مُباح
=======
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw
***
رابط قناة التلجرام اضغط على رابط القناة يأتيك كل جديد
https://t.me/ahzan2018
2.2K views23:32