قناة الحجية أم علي البصرة🏴أحزان وافراح العترة الطاهرة

2023-04-10 02:41:56 موشح للامام علي عليه السلام
لسان حال الايتام والارامل
=======


جبنه كوس اللبن اشرب ياعلي

لو رحت مولاي منهو ايضل الي

=======

ايتامك احنه وجبنه كاسات الحليب

بلكي تشفه مثل ماگال الطبيب

انته والينه علي واغلى حبيب

خلاف عينك يبو زينب ننولي



انته بس انته التحن اعلى الفقير

للارامل غيركم ماكو نصير

من عگب عينك يتاماها تحير

ياهو ليگللها بويه ادللي



اشرب من ايد اليتامه ياشهم

لو رحت هاي الارامل تنهظم

ريت بيه ياعلي هاذا الألم

سيدي من غيرك ابعمري شلي



على الباب ايتامك اتنوح وتون

شايله كوس اللبن يابو الحسن

مادرو ياعلي ايامك گضن

يمن فدوه نروحلك انه وهلي



اگعد من النوم ياوالينه

لو رحت ياهو يحن اعلينه

انته ابونه ياعلي تدرينه

ماكو غيرك ياعلي انته الولي


=======
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

.

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***
رابط قناة التليكرام
اضغط على رابط القناة
ليأتيك كل جديد
https://t.me/ahzan201 باز کردن / نظر دهید

2023-04-10 01:51:59 قصيده ثقيله للإمام علي عليه السلام
طور مله باسم الكربلائي
يمه لحضة اوداع وسفر
=========


بويه .....
شفت راسك منطبر

بويه .....
ويه اذان الفجر

بويه .....
ومابقه عندي صبر

بويه ...... بويه

=========

بويه لن صوت المنادي طاح الايمام

اركضت وبلا وعي الطم على الهام

تشابچت بلروح بويه ضبة اسهام

يوم گالولي وگع ياسيف الاسلام

بويه .......
خفت عني ترتحل
بويه ........
تره فراگك موسهل
بويه ........
يابعد كل الاهل

بويه  .....   بويه



منطبر وكت الفجر جابوك اليه

بحزن غطيت الوجه بثنين اديه

گلبي كظيته وصحت هاي المنيه

يهدم اجبال وصخر   هم العليه

بويه .......
عمامتك متخضبه
بويه ......
وانه روحي معذبه
بويه .......
والجرح  شيطيبه

بويه  .....  بويه



ما اضن منه سلامه جرح ابونه

وجه متغير واصفر صار لونه

بويه گلي لاتون جرحك شلونه

اگض گلبي بيدي لو غمضن عيونه

بويه .......
گلبي كضيته وخفت
بويه .......
ترتحل  ماحسبت
بويه  .......
وقبلت جرحه وصحت

بويه  ...... بويه



بويه ايتام وارامل اتاني علباب

بيدهم كوس اللبن والدمع سچاب

گلي شنگلهم يغالي شنهو لجواب

ياهو ليحن عليتم ياداحي الابواب

بويه ......
واليتيم  يناطرك
بويه .......
بلرغيف يشاطرك
بويه ......
حيل يكسر خاطرك

بويه ....... بويه



وسفه يابويه علي ايس طبيبك

گلي لو رايح  يلغالي  منين اجيبك

يصيبني ريت الألم  لامايصيبك

گلبي اغرف بلحزن هذا نصيبك

بويه ......
گلبي الليله رجف
بويه ......
خوفي ترحل للنجف
بويه .......
والدمع مني يجف
بويه .......

بويه  ....... بويه


=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-04-10 01:46:32 قصيده للإمام علي عليه السلام
=========


بمحرابه وگع هليوم

سبع النجف والكوفه

=========

صيحه بلسمه وصايح

ياسبع النجف طايح

صوب المگبره رايح

روحي عليه ملهوفه

حو  حو  حو

سبع النجف والكوفه
بمحرابه وگع هليوم


طايح علي بلمحراب

ياوسفه يداحي الباب

وبسيف المرادي انصاب

اعمامه بدمه متلوفه
حو  حو  حو

سبع النجف والكوفه
بمحرابه وگع هليوم


طايح ياعلي الليله

گومو نشوفه ونشيله

كل الشيعه تبچيله

ماينسي  معروفه

حو  حو  حو

سبع النجف والكوفه
بمحرابه وگع هليوم


نبچي بحزن وبعبره

وي زينب نجر حسره

حيف مسممه الطبره

جرحه كلف شيروفه

حو  حو  حو

سبع النجف والكوفه
بمحرابه وگع هليوم


لطميله  يشيعيه

واللطمه  بعداليه

يستاهل التعزيه

حيدر بعد منشوفه

حو  حو  حو


=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-04-10 01:43:18 فزاعيه ل الامام امير المؤمنين علي عليه السلام
============


وتتگاطر  دمه

جابولي  العمامه

گالو صوبو حيدر على الهامه

===========

جابولي العمامه من الدمه حمره

وگالولي ابوچ  بحالة الخطره

لطمت العين بويه والدمع يجره

وياذيني  / يابويه  صوابك

::::::::::::::::::::

گالو  صوبو  حيدر  بمحرابه

وبسيف المرادي صاير صوابه

ريت انشلت ايده كلمن الصابه

ومشلوله  / ياأيد  الصابك

:::::::::::::::::::


جابولي الصميده  غارگ بدمه

صحت احو  يابويه يبو اليمه

ركضت على الجرح ابوسه وشتمه

وحاجيني  /  يابويه دخيلك

:::::::::::::::::::::

مالي عين اصدن ونضر اصوابك

من دم الجرح ياحيدر اخضابك

احا ياجمرتك يابوي ومصابك

ومخضبينه  / ومن دم  للراس

:::::::::::::::::::::::

يبن ملجم عساها ايدك انشلت

صوبت الصميده وعشرته فلت

بويه  جمرتك بروحي مابردت


نشلت ايدك / يامن صوبت الكرار


=============
خادمة ال البيت وخادمتكم الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-04-10 01:42:43 قصيده للإمام علي بن أبي طالب  عليهم السلام
===========

الدنيه مگلوبه وسمعت الصايحه

ناده من السما صوت النايحه

صاح  هلت  فاجعه
الصوت زينب تسمعه

ركضت وبلباب عثرت طايحه

ناده من السما صوت النايحه

☆☆☆☆☆☆

صوت من السما ترعب صيحته

ركضت وطاحت تون من سمعته

صاح  ابوچ  الناصبيه  غدرته

ابن ملجم صابه وهوه بسجدته

صاحت بلوعه وحزن
گلبي حس يابو الحسن

گلبي حس بموتته من البارحه

ناده من السما صوت النايحه

☆☆☆☆☆

الصوت صاح بحرگه يا ال الرسول

الليله طبروه الولي فحل الفحول

طاح بلمحراب يازوج البتول

حيف طبرو هامته
تخضبت  يعمامته

على مصلاته الدمايه سايحه

ناده من السما صوت النايحه

☆☆☆☆☆

صاحت اسم الله عليك من الخطر

بويه  لا ميلوگلك   نوم  الگبر

ريت راسي گبل راسك ينطبر

بويه وبغيبتك ضهري ينكسر

فرگتك ماتنحمل
بويه تكتلني كتل

فرگتك يابوي صعبه وجارحه

ناده من السما صوت النايحه

☆☆☆☆☆

وسفه مطبوره يبويه هامتك

ريت مشلوله الادين الضربتك

شلون أيد تعدت وماهابتك

والدمه غرك الهامه وتربتك

نهدمت اركان الهدى
بيوم طاح المرتضى

وروحي من الحزن بويه رايحه

ناده من السما صوت النايحه


**
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-04-10 01:41:28 قصيده ثقيله للأمام علي عليه السلام لسان حال العقيله تخاطب اخيها الحسين ع
===========


البارحه بلطيف چن شفت السمه

ترعد  وسوده  وحزينه  مغيمه

صحت ياربي اشجرا
خفت  يرحل  حيدرا

وصوت بيها يصيح طاح الغانمه

البارحه بلطيف چن شفت السمه

===========

گلبي كضيته وصحت ياربي خير

ريت  اللبالي  ابد   لامايصير

خفت ياخويه يغادرنه الامير

ويبكه گلبي ينوح بحزانه يحير

ربي  ادخيلك  صحت
وركضت خويه وطحت

خويه ماهو نوم چنت مسلهمه

البارحه بلطيف چن شفت السما



شفت چنها السمه تراب امغبره

وانه  مرعوبه  انوح   امحيره

چن شفت هامت ابونه مطبره

ومحزن ويبچي ويانه منبره

شفت ايتام بحزن
واگفه بكوس اللبن

گالو الطبره ثگيله مسممه

البارحه بلطيف جن شفت السمه



الدنيه ترعد خويه من دم امطرت

تراب غطاها  يخويه وغبّرت

واليتامه  على  بابي   گوطرت

وشفت العمامه بدماه تخضّبت

گلبي حس خويه بخطر
خوفي  لو طر  الفجر

خايفه ياخوي من سيل الدمه

البارحه بلطيف جن شفت السمه



صوت  جبرائيل  كبّر  بلحزن

ونه مرعوبه صفيت اصرخ وون

وشفت اخوي الگمر يصرخ وي حسن

اوشفتك اتون ويصب دمعك مزن

الدنيه سوده وغبرت
حتى من دم امطرت

وانه ويه الحزن روحي معلمه

البارحه بلطيف جن شفت السمه



شفت چن السمه حمره صارت

والارامل  على  بابي   دارت

وشفت جلثومه اخيتي ناحت

والارض ماجت بهلها وصاحت

صوت جن بيه الصدى
نهدمت اركان الهدى

انتبهت من نومي خويه مألمه

البارحه بلطيف جن شفت السمه


============
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw



رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-04-10 01:39:31 قصيده للأمام علي عليه السلام
تقرأ  ثقيله موشح  حيدريه
==========


اليوم اعلام الحزن منشوره

للأمام الهامته مطبوره

وااماماه .... واعلياه
وااماماه .... واعلياه


============

رفعو اعلام الحزن يامؤمنين

بلخطر  حالت  أمام   المتقين

لطمو علروس بحزن يامسلمين

اليوم حالت سيدي مخطوره

وااماماه .... واعلياه
وااماماه .... واعلياه



أيس الدكتور من طب حالته

كلهم وخلي يوصي وصيته

من سمع لحسين نزلت دمعته

وزينب الحره صفت مقهوره

وااماماه .... واعلياه
وااماماه .... واعلياه



لا دوه  فاد  ونداوي جروحه

بو الحسن طايح يجود بروحه

هامته من الجرح مفتوحه

والعمامه عل الارض مشموره

واماماه .... واعلياه
وااماماه .... واعلياه



اممدينه وضايگ بنفسه الهوه

مگابلينه اولاده مافاد الدوه

تگابلو علوالد اولطمو سوه

لطمو للمنطبر وكت اسحوره

وااماماه .... واعلياه
وااماماه .... واعلياه



نشرو اعلام الحزن للمنطبر

طاح بلمحراب وبوكت الفجر

والدمه سال وعلى هدومه يجر

عمامته ويه هامته مفطوره

وااماماه .... واعلياه
وااماماه .... واعلياه


===========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-04-10 01:33:24 نعي لأمير المؤمنين
علي عليه السلام
==========

تگول زينب

أبو حسين ماتمم صيامه

جانه العيد وولاده يتامه

وضليت بويه  بلملامه

والليل عگبك عيب انامه

عمت علي طبرة  الهامه

..............

ياوالدي  ياماي  العيون

نعشك سرى چاوين يردون

صحت تانو يهلنه مايتانون

ريضو بنعشكم يلتشيعون

هاي اليتامه خل يودعون

...............

تبعت النعش واگوم وطيح

لو اگوم بويه يذبني الريح

ردلي يبو زينب اصيح

ودمعي على خدي يسيح

عفت الگلب ملجوم وجريح

ايس بعد شالو يگلبي

==========
نعي مشترك بين
الحجيه ام علي
والملا ام شهد

تمت

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-04-10 01:31:18 فزاعيه للأمام علي عليه السلام
=========


جابوه  الفجر 

والهامه  مطبوره

عمت عيني علي ماكمل اسحوره



عمت عيني علي ماتمم صيامه

اولاده  شايلينه وتنزف الهامه

بدمه مخضبه ياوسفه العمامه

ومخصبيها / من دم الراس


جابوه الفجر والهامه مطبوره
عمت عيني علي ماكمل اسحوره


جابو حيدرا  ابنه يتچيله

وزينب تلطم وتبچي وتنّعيله

ماضنها سلامه تفوت هليله

وشگضيها / ليلة احزاني


جابوه الفجر والهامه مطبوره
عمت عيني علي ماكمل اسحوره


وهوه بمسجده يصلي يغدرونه

مگابل  ابد  ماگدرو  يلاگونه

ذو الفقار مايخطي يعرفونه

ابفقاره / ماتخطي الضربه


جابوه الفجر والهامه مطبوره
عمت عيني علي ماكمل اسحوره


وسفه هامت السيد مخضبيها

زينب طبرت الوالد دشديها

بلكي يصح دوه وبيدچ تداويها

وداويها / وجروح الوالد


جابوه الفجر والهامه مطبوره
عمت عيني علي ماكمل اسحوره


بلهامه يويلي صاير صوابه

هذا الي قلع خيبر وابوابه

يستاهل لطم والعين سچابه

لو نينه /  يستاهل ون

جابوه الفجر والهامه مطبوره
عمت عيني علي ماكمل اسحوره


جابوه الفجر ويلي يصب دمه

اولاده  وبناته  عليه   ملتمه

ندمه طيحتك يابو الحسن ندمه

يطيحونه / وشلون الطود


===========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-04-10 01:30:09 قصيده ثقيله  للامام علي عليه السلام
=========


زينب  ليلة  الطبره

تنوح  وتبچي  بعبره

تون وتنوح
علمجروح

تنوح  وتبچي  بعبره

===========

تنادي  بويه  يلغالي

طبرتك عذبت حالي

موت وياكم اشوالي

يبويه طبرتك خطره
 
توح وتبچي بعبره



گلي  وشلون اشدنها

اخافن بويه الچمنها

طبرت موت اضننها

وخافن تگضي العشره
 
تنوح وتبچي بعبره



الدم  غرگ  العمامه

طبرتك بويه علهامه

اخافن خلصت ايامه

يبويه فرگتك مّره
تنوح وتبچي بعبره



لعمامه عني ضمنها

ما  اگدر  اشوفنها

من  الدمه  غسلنها

بيها ريحته وعطره
تنوح وتبچي بعبره



يتامه  ابابي تتنطر

وانه گليبي متحير

ناري على الابو تسعر

بگلبي علأبو جمره
تنوح وتبچي بعبره



الأرامل واليتامه تنوح

على الباب بگلب مجروح

دمعهم من دمه مسفوح

والايتام منتضره
تنوح وتبچي بعبره

===========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید