2021-07-21 00:12:43
لطميه فزاعيه للعقيله زينب ع تخاطب العباس ع
===========
عور ظهر اخيتك
ظرب السياط
ياعباس وينه ذاك الزماط
===========
وين الوعد خويه الزامطت بيه
مو انته الكلت ظعنج اداريه
شوعفت الغرب خويه تباريه
تناغيلي جنت وانته بلكماط
==== ====
شوف متوني من السوط زركات
عجب وعلى الهظايم عينك تبات
ظهر اختك يخويه بيه علامات
ماينفع لجرحي شد ولا خياط
==== ====
ياعباس جا وينه الوعد ذاك
مو تدري غريبه خلاف عيناك.
ماايست خويه وظل برجاك
وسويت البجي علرايح اشواط
==== ====
ظلينه حريم بغير وليان
ماضل عندي غير عليل وجعان
نايم بلخيم والخيم نيران
وشبت بلمخيم نار وشياط
==== ====
عجب ترضه خواتك بين عدوان
ونته للوفه والشرف عنوان
ما حسبت هاذا الدهر خوان
كلبي صبح لاطاير ولاحاط
==== ====
انه اختك ربات الفاطميات
خويه عيالكم راحن الشامات
وسكنه والحرم يمشن اسيرات
كلبي بلهموم وبلحزن غاط
==== ====
يبو طبع الحلو ياخوي حياك
شهامه ومرجله ممدوح طرواك
يمن رب العرش بلسما علاك
نكطعن ياكفيل بكلبي لنياط
==========
الى شرف النبي واله الطاهرين بنية تعجيل الفرج
والى ارواح المؤمنين والمؤمنات
خادمة ال البيت الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw
***
رابط قناة التلجرام اضغط على رابط القناة يأتيك كل جديد
https://t.me/ahzan2018
336 views21:12