2021-07-30 14:57:39
بسم الله الرحمن الرحيم
اللهم صل على محمد وآل محمد وعجل فرجهم وهلك أعدائهم من الاولين ولاخرين
قصيده كَعديه بدون لطم
عندما قطعو رأس سيد الشهداء امامنا الحسين ع يوم عاشوراء مطرت السماء دما عبياً حزناً على أبن بنتِ رسول الله ص
القصيده
__
*حق تمطر دما* *ويتزلزل الكون*
*تمنيت الاحبهم مايموتون*
تتصارخ يتاماي*
*وعليل ايلوج وياي
*لحال اخته الغريبه**
*عباس اشيجيبه*
////////////////
يلي نايم عل الشريعه وانه مابين الشماته
يااخو مثلك بعاشر بالغرب ضيع خواته
تدري الحسين انذبح وللسبي تحضرن بناته
اليوم يومك يبو فاضل وتدري احنه مدللاته
خويه نريدك اليوم
من نوم الترب گوم
دمعاتي سجيبه
عباس اشيجيبه
ميساء ام حسن
////////////////
اليوم يومك ياكفيلي وين وعدك يالجبتنه
ليش مگطوعه جفوفك وليش بالغربه عفتنه
بس حرم ظلينه خويه وشبت النار بخيمنه
وخيلهم تركض ورانه من الركض والله تعبنه
بخيمكم شبت النار
حرم وبلايه نغار
لعياله السليبه
عباس اشيجيبه
مله زهراء
////////////////
تدري ياعباس زينب بالحبال مجتفيها
تركض تلم باليتامه ماتفز وتگوم ليها
حرگو الخيمه يوالي والشمر يزمخ عليها
والسياط تطك متنها وتشگف الحره بأديها
وحدها حايره شلون
يجبرج الله يم عون
الگلب وجر لهيبه
عباس شيجيبه
ام زينب السعداوي ناصريه
////////////////
بعد شيجيبه الكفلنه وفگده النه اكبر هضيمه
صرنه طشار بغيابه لاولي عدنه لاخيمه
تمرجل الطاغي علينه ويضرب ارقيه اليتيمه
اه من السبي ذاك وقصة الشام الاليمه
تتفرج علينه الناس
تنشدني وينه العباس
السبي اكبر مصيبه
عباس شيجيبه
الحجيه ام علي البصره
////////////////
يلي طول الدرب تحدي ومن تناديلي الحنينه
وياك يا راعي الكفاله ورايتك رفت علينه
تدري بغيابك سبايه وبالحبال امربطينه
ومن دخلنه الشام ازيدك بالحجر هجمو علينه
واحاميهه بديه
من هاي الرزيه
لطفلتنا الغريبه
عباس اشيجيبه
ميساء ام حسن
////////////////
مدللين احنه بحياته ومن عگب عينه نولينه
راح گلبي بطيحت ايده وراح وياه كل حجينه
رحنا صوب النهر يمه شگد كعدنه شگد حجينا
كوم ياعباس صحنه بس ولا يسمع بجينه
مايسمع ندانه
اخونه الدللانه
باهلحاله الغريبه
عباس شيجيبه
زهراء حسين الزيدي.
/////////////
تدري بينه مخدراتك شلون تقبل ياعضيدي
من النضر لينه خزينه والوجه استره بيدي
انضر الروس الغياره وصرخ اولاويه جيدي
آه يانار الشماته الخلت الأحزان ويدي
والهضم الكتلني
هالشامت يسبني
صدك هاي العجيبه
عباس اشيجيبه
ام منذرالحجار
////////////
تمت بعون الله واقلام شاعرات الحسين ع
لانجيز حذف الاسماء
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw
***
رابط قناة التلجرام اضغط على رابط القناة يأتيك كل جديد
https://t.me/ahzan2018
452 views11:57