قناة الحجية أم علي البصرة🏴أحزان وافراح العترة الطاهرة

2023-07-19 17:49:19 فزاعيه للحسين عليه السلام يوم المصرع
===========


السمه  والگاع

صاحت  واحسيناه

بعالي الصوت تندب وأماماه

===========

سماها وگاع صاحت طاح الحسين

اهتزت كربلا ارتجت الصوبين

وبراسه يهوسون الملاعين

ولمصابه // والدنيه هتزت


السمه والگاع صاحت واحسيناه
بعالي الصوت تندب وااماماه

%%%%%%%%%

سماها كبرت من داسته الخيل

والناس بأرضها كامت اتميل

دم حسين وسفه علثرى يسيل

ومرجونه // والدنيه ليومك


السمه والگاع صاحت واحسيناه
بعالي الصوت تندب وااماماه

%%%%%%%%%

الدنيه نگلبت الجو صاير تراب

يوم الصاح امام اكوانها انصاب

گوم احضر بناتك داحي الباب

احضر ليها // زينب بلظيم


السمه والگاع صاحت واحسيناه
بعالي الصوت تندب وااماماه

%%%%%%%%%

جبريل بسماها كبر وصاح

هاذا ابن الزچيه علثرى طاح

على مصاب الحسين المصطفى ناح

ومولانه // ماجور بأبنك


السمه والگاع صاحت واحسيناه
بعالي الصوت تندب وااماماه

%%%%%%%%%

السمه والگاع صاحت طاح مولاي

الزهره تگول من تتگابل وياي

تساعدني على ابني ولبة احشاي

ونعازيها // والزهره اليوم


السمه والگاع صاحت واحسيناه
بعالي الصوت تندب وااماماه

%%%%%%%%%

نعازيها الزچيه بلطم المتون

نبچي وياها وندگ اعلى العيون

تحضر بلمجالس شيعه تدرون

وعينيها // والزهره ويانه


السمه والگاع صاحت واحسيناه
بعالي الصوت تندب وااماماه

%%%%%%%%%

سماها وگاعها رتجت العباس

وسفه الحيد طايح بين الارجاس

مضروب بغدر عامود علراس

ومصوبينه // ياوسفه الحيد


السمه والكاع صاحت واحسيناه
بعالي الصوت تندب وااماماه

%%%%%%%%%

نعازيها الحزينه وام البنين

على الساده المشو چنهم شياهين

على عباس وخوانه الميامين

ونواسيها // ام العباس


===========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-19 17:43:12 فزاعيه للحسين عليه السلام
===========


يخيول  ال  اميه

لا تدوسنه

هاذا ابن الزچيه ماتعرفنه

===========

يخيول العده لا لاتدوسنه


هاذا ابن الصميده ماتعرفنه

جروحه هواي بله وخُرن عنه

من جروحه // يون وينوح



يخيول ال اميه ماترحموني

تره جروحي هوايه وچمليتوني

ما احمل فراگه زين تدروني

شيشيله // فراگك خويه



وخيول ال اميه هشمت صدره

لحگيني يممه بساع يازهره

مذبوح الولي يايمه من نحره

وفجعونه // براس الوالي



ولچ ياخيل بسچ عوفي الوالي

كسرتي ظلوع صدره رحمي بحالي

لو راح الولي چامنو يبگالي

وذلينه // خلافك خويه



يخيول ال اميه استحن من جده

شفتنه طريح  وبلخلي الوحده

على القبله نريد الوالي انوسده

وعلقبله // وندير حسين



ولچ ياخيل بسچ عوفي الحسين

بلحافر على ظلوعه تطحنين

مذبوح الولي ومسكور ظلعين

من ظلوعه // ايون حسين



ياخيل استحن هاذا ابن الاطهار

  خليتن اظلوعه غدن طشار

وحيد ابن الزچيه وماله نغار

يذبحونه // وشلون حسين

==========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-18 18:21:03 قصيده فزاعيه للحسين يوم المصرع
المستهل بلرؤيا
قصيده فزاعيه مع نعي قبل القصيده
==============


نعي قبل القصيده
...................


بدموعكم عينو الزهره

وابچو على المگطوع نحره

تگول شفت الخيول تدوس صدره

سحكن ظلوعه اكسرن ضهره
 
متعاونات  الخيل   عشره


الفزاعيه
......................


وعشر خيول

داسن صدر الحسين

حوافرهن على صدره نياشين

بصدره هوسّن خيل الملاعين

ولج ياخيل بسچ عوفي الحسين

ظلوعه مطشرات ابن الميامين

بلحافر على ظلوعه تدوسين

اعلى اچتافه // حافرهم داس

========}

مذبوح الولي ومكسور ضلعين

صدره مرضرضاته وصار نصين

حيف ابن الزچيه اممد ابطين

ودارت خيل اميه عليك صوبين

خويه منين اجيب المرتضى منين

اللحگ لينه // يابو الحملات

========}

يزينب دگي علظلو مطاعين

من حگچ على ابن امچ تلطمين 

عظامه مطشره بيمن تلمين

دگي على الراس وعلي الونين

بس الهم صفالچ يخت الحسين

ومالومه // من يوم الصرتي

========}

عفتيه علثرى من غير تچفين

مشيتي وعلكفلكم تهمل العين

مهظوم الگلب وعليه تونين

وتالي بلسبي وبنص دواوين

الف ياحيف يابت السلاطين

ومهظومه // احا يلراحت

========}

زينب هلمصايب جتچ منين

يابت الرساله والميامين

عدچ مابگت بس النساوين

لاعباس ضل عندچ ولاحسين

اجساد اهل الفخر ظلت مطاعين

وبلهيمه // السباع النامو

=========}

سواها وعملها وياكم البين

خلاكم حرم بس النساوين

راحت ذيچ البدور الشياهين

رجعتي لدارهم ثكلى وتونين

ضلمه مغبره بس الحياطين

وحزانه  //  الدار تون


===========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-18 00:54:12 نعي للحسين عليه السلام
لسان حال السيده زينب عندما سلمت عنان فرس المنيه ل اخيها
=========


گلي يخويه شلون اودعك

وعنان فرسك بيدي اسلمك

لو رحت چا ياهو اليردك

لو صح بديه اضل يمك

................

روحي كويه او وگفيتك

ولجام الفرس بيدي نطيتك

للموت  بيدي  سلميتك

ياريته  ماتت  اخيتك

.................

بيدي عنان الفرس جريت

سلمته لك ياخوي ومشيت

ويوم المشيت الدمع هليت

صحت يادهر عندي شخليت

...............

يادهر. وشخليت  عندي

راحو هلي وضليت وحدي

محد يواسيني بمحنتي

وينج  يزهره  ليه  ردي

................

ردي ييمه وگابليني

وعلى ظيم  گلبي ساعديني

خلصن هظم يمه سنيني

وللموت  مابطل  ونيني

عميه على الخوان عيني


===========
الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-18 00:53:56 هوسات للوداع
===========


ياليل الوداع شلون
اريد اتوادع وياهم

ماريد الصبح يطلع
اريد اليوم ملگاهم

لو راحو هلي باچر
بعد چاوين نلكاهم


ويهد حيلي //يوداع الغالي



تعالو ياهلي ليه
گعدو خل احاچيكم

لو رحتو المنايا شلون
وانه وين الاگيكم

ولو طگنه الشمر بلسوط
ماترضون  ندريكم

ويضربوني //ترضون اشلون



گلولي الفراگ شلون
يخويه شلون تاليه

خافن باچر اتروحون
ويعيل الشمر بيه

وياخذني غصب للشام
ومربطينها  اديه

ويولوني // وعداكم خويه



باجر للسبي عباس
غصب وتروح اخيتكم

تعوفويني بهظم ياخوي
ماترضه حميتكم

احلفنكم حليب امي
وبطن الذي شالتكم

وخذوني // لو رحتو وياكم


===========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-18 00:53:37 فزاعيه للوداع
===========

كومن لطمن الهامات

      هليوم  الوداعيه

===========

واسن زينب على حسين

والمبتور   اله  جفين

والشبان   المعرسين

بلحك نلطم على العين

واللطمه   بعداليه



واسن  زينب  وجلثوم

اخوهن  ذابحينه الكوم

حسين الي مشه مضلوم

ومن شرب العذب محروم

لطميله   يشيعيه



لطمي  ودكي  للعباس

نايم  راعي  النومس

عاف السيف ويه الطاس

يستاهل  لطم  ياناس

ونعازي   البدويه



نلطم  علمشو  عرسان

علي وجاسم يراعي الشان

ضلو وسطت الميدان

عليهم تنحب النسوان

وعلراحو  جماعيه



وعبدالله البگه مذبوح

بصف حسين ضل مطروح

جسمه من السهم مجروح

وأمه  لليساره  تروح

للشامات  محنيه



لغربة زينب انون دوم

للمذبوح   للمظلوم

خلصت ويه اهلها اليوم

على حسين الگلب مندوم

واليوم   الختاميه


===========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-18 00:53:04 قصيده ثقيله للوداع
===========


ودعت  اهل  المحنه

وداع  ونه  بأثر  ونه

جامد بعيني الدمع *
ليل ووداع  وشمع *

ودعت اهل المحنه

===========

ودعتهم  كوه ويصب الدمع

بحزن وبروحي والالم ماينجرع

سكته ونات الگلب ماتنسمع

گلبي  ايون  وينوح
وخزنت بيه الجروح

ودعت اهل المحنه

☆☆☆☆☆☆☆

اه يفراگ النحبه شگد صعب

عمه عيوني وضيعت حتى الدرب

تدري باچر اضل بيدين الغرب

والسياط اعلى المتن
والولي  امطبر   يون

ودعت اهل المحنه

☆☆☆☆☆☆☆

باچر امشي لليسر متمرمره

مكلفه بعيله وحرم  وانه مره

على  افراگك هلگلب شيصبره

خويه شيصبر الگلب
الفرگه  نار   وتلتهب

ودعت اهل المحنه

☆☆☆☆☆☆☆

شلون باچر لو يطر نور الفجر

ونته فوگ الثرى مخضوب النحر

خايفه  علحرم خويه والخدر

شلون  بيه  وبلبنات
گلي چاعدمن  نبات

ودعت اهل المحنه

☆☆☆☆☆☆☆

علهظم ياخوي محنه معلمات

بلبراري محيره عدمن نبات

والكفيل چفوف ايده مگطعات

ياهو يحميلي الحرم
وعلنهر  راعي  الكرم

ودعت اهل المحنه


===========
حادمة ال اابيت الحجيه ام علي البصره لانجيز حذف الاسم

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-17 01:46:34 نعي للطفل الرضيع عليه السلام
=======

دم النحر صاير حليبك

وهاذا السهم يمه نصيبك

يلرحت مني منين اجيبك

........

زغيرون  يايمه ويذبحوك

بسهم المنيه ومايرحموك

من الماي يوليدي يحرموك

........

ياناس شيردلي الزغيرون

منك ييمه خابت اضنون

فرگه الزغيّر يعمي العيون

........

گبال المهد اگعد وناغي

وحزني صفه علبيت طاغي

مذبوح يمه بسهم باغي

........

اگعد انادي ودمعي سيول

دللول الولد يمه دللول

وصرخ وصيحلك  يمدلول

.......

چابيش يايمه اعوضك

وسهم المنيه احرمني منك

جوعان جيت ارد ارضعنك

........

راحت بعد مني فرحتي

وردتك تلم يمه كبرتي

ذبّلت ياوسفه وردتي

........

ماحسبت يمه تذبني

بفرگاك والله تعبتني

والفرگه يمه عذبتني

عميه على المفطوم عيني

=======
خادمة البيت الحجيه ام علي بصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-17 01:46:15 هوسات للطفل الرضيع ع
=≠========


يادنيه شلچ وياي
من ابني حرمتيني

ما احمل تره فرگاه
چان وياه خذيتيني

عزيز الولد عد امه
ومعلمه تدريني

يوم الراح مدلولي
طفت ياشمعت سنيني


وطفوها // ياشمعت عمري



مو من السهم تنوح
تون عطشان اضننك

درت درتك يوليد
يمه وجيت ارضعنك

ماتحمل ييمه افراگ
تريد احضاني اعرفنك

ملهوفه عليك اليوم
يمه وجيت اشوفنك


وتعبانه // جيتك ملهوفه



در صدري يعبدالله
ومهلوفه انه جيتك

بعالي الصوت يامدلول
يامفطوم ناديتك

مذبوح وتون يزغير
فوگ الرمله ولگيتك

لو ادري تموت اليوم
چان بحضني خليتك


وبكاروكه // ويناغي وليدي


=========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-07-17 01:45:24 قصيده للطفل عبدالله الرضيع عليه السلام
===========


ياطفل الرباب الراح مظلوم

بسهام المنيه مات مفطوم

گطعو من حليبه
هليوم المصيبه

ياطفل الرباب المات مظلوم



هليوم الرزيه بطفل الحسين

بسهم مسموم ذبحوله الوريدين

شمسوي ويذبحونه الملاعين

بسهام  المنيه
گضه سوده عليه

ياطفل الرباب المات مظلوم



ياطفل الرباب الصابته اسهام

على ذراع الحسين من السهم نام

من دم النحر شربوه الظلام

السهم گطّع وريده
وجابه حسين بيده

ياطفل الرباب المات مظلوم



عبدالله يمفطوم بوريدك

ماخلوك تشبع من حليبك

يايمه يغالي من اجيبك

يلميت  بلگماط
شفتك والگلب شاط

ياطفل الرباب المات مظلوم



علمذبوح  وني  ياحزينه

شلون المنذبح من ترضعينه

تلچمين الولد من تگمطينه

جسمه انفصل عراس
فجعيه  اليوم  ياناس

ياطفل الرباب المات مظلوم



هدومه مخصبه من دم وريده

جابه ملولحه رجله وايده

ون حسين ونات الشديده

غطي الطفل عني
حيلي انهدم مني

ياطفل الرباب المات مظلوم


===========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید