2023-04-26 20:13:07
قصيده ل ام البنين عليها السلام
على طور .
كل مازرت گبرچ ييمه دموعي تهل
============
صوب البقيع اگصد يزاير
ل ام البنين
سلم عليها وگلها ماجوره بلحسين
أبچي عليها
لفگدت بنيها
نعازيها ام الاربعه بفگد الميامين
كل ما اروحن للبقيع اجذب الحسرات
اوگف على گبرچ يحره وأجر ونات
حيف الگبر كومة اتراب وفوگه صخرات
اتمنى گبرچ يزهي وفوگه المنارات
ونزوره كل عام
وتگصده الاسلام
نگعد على الگبر بحزن ونعلي الونين
واست الزهره فاطمه بذبحت الوليان
گّضت عمرها تنتحب والگلب خلصان
تندب على وجوه الشباب العلى التربان
وتصيح وسفه اولادي ياداحي البيبان
نامو بلتراب
والگلب عطاب
مانام ليلي مساهره راحو الطيبين
ام البدور الاربعه واجب نجيها
نوگف على الگبر بحزن نبچي عليها
نعازيها علراحو طبگ من بين اديها
عباس وحسين وثلاثه من بنيها
والگلب مكسور
وبفگد البدور
نعازيها بلعباس وبگطعت الچفين
ام المعاجز والوفه ام الكرامات
مراد تنطينه بعجل تگضي الحاجات
عدنه حوايج فاطمه وعدنه مريضات
وانتي الكريمه المعجزه وعندچ علامات
تنطينه المراد
يابنت الاجواد
ونريد نضره للحوايج يم البنين
============
خادمة ال البيت وخادمتكم الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw
***
رابط قناة التلجرام اضغط على رابط القناة يأتيك كل جديد
https://t.me/ahzan2018
382 views17:13
ف
