قناة الحجية أم علي البصرة🏴أحزان وافراح العترة الطاهرة

2023-04-20 00:38:44 كرناوي قبل الرحيل
...............


ألله وياك ياشهر العبادات
وداعا ياشهر رمضان ناديت

دعيت الله ورسوله وداحي الباب
مقبول العمل وصيامي ياريت

ولو ادري الذنوب هواي يارب
واعمالي صفر من عدها ونيت

غفار ادري بيك وضني ماخاب
كفو منك يرب الكون وفيت

صمت ودعيت يشهد شهر رمضان
وقرانك قريته والك صليت

گبل لاينگضي هلشهر ويروح
استجبلي شگد رفعت الأيد ودعيت

الك بس يالآهي تدري دعواي
وايدي بس الك ياربي مديت

اريدن حاجتي منك يمولاي
بجاه المصطفى وحيدر وال البيت

===========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan201 باز کردن / نظر دهید

2023-04-19 23:38:20 قصيده ل الأمام علي عليه السلام لوداع رمضان
=============


خلص  رمضان  ودعنه بلحزان

يوم  الصوبو  داحي  البيبان

==============

الكون اظلم يبو زينب علينه

من  صوبو  راسك  ياولينه

قدر مكتوب مولاي شبدينه

بليام  الاخيره  بشهر رمضان
يوم  الصوبو  داحي  البيبان



بليام  الأخيره  والنجم  غاب

وسفه وحيف يادحاي الابواب

شخصك فاگدينه وحدر التراب

حيف الدهر  بلسادات خوان
يوم  الصوبو  داحي  البيبان



انگضت  ايام  رمضان  ابمصيبه

على حسين وحسن وخته الغريبه

الدهر جار واخذ منها نصيبه

يوم الراح ابوها  الگلب خلصان
يوم  الصوبو  داحي  البيبان



انطرت هامته بسيف المرادي

صوابك  صابني  ابلبة  افادي

علينه وعل الخلگ الحزن بادي

بلعشره  الاخيره والحزن بان
يوم  الصوبو  داحي  البيبان



على مصابك ولينه عميه العيون

وعيالك على مصابك ينوحون

عباس وحسن وحسين يبچون

على مصابك يوالينه يريسان
يوم الصوبو داحي البيبان


=============
خادمة ال البيت وخادمتكم الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-04-19 23:35:57 لوداع شهر الصيام
========


وداعا  شهر  الاصيام

افجعتنه  براس  الايمام

========

بليالي القدر ونيت اعلى حيدر

من صابو علي وراسه تطبر

گلبي اعلى الولي سل وتوذر

خله الشيعه تبچي وكل الاسلام

وداعاً شهر الصيام



ظلمه الدار من يوم الولي شال

مصعب يومكم صوّب الدلال

تركت جروح بيه كلفه وثگال

ورفعنه اعلى ولينه سود الآعلام

وداعاً شهر الصيام



بليالي القدر راح الوالد ابعيد

غيابه گطّع اعروگي والوريد

اعايدمن  بعد لو بيّن العيد

بروحي زادت الحسره والآلآم

وداعاً شهر الصيام



غير الدمع ماعندي وسيله

ظيم المر على ماكو مثيله

من يوم المشو روحي عليله

المصايب رافگتني وبعد جدام

وداعاً شهر الصيام



بعد جدام اشوف الاخو دامي

على الرمله يلوج الچبد ضامي

واحير بدنيتي ولوعة ايتامي

نروح ميسرات اندگ على الهام

وداعاً شهر الصيام


========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-04-19 21:16:46 خدام الحسين بعد لتكولون محتارين منين نجيب قصائد واليوم جبتلكم قناة الحجيه ام علي البصرة غنيه عن التعريف صاحبة الدوواوين الحزينه

حتى تكونون من متابعين الحجيه لتنزيل قصائدها وابداعها ماعليكم سوى الأشتراك عبر
الرابط




https://t.me/ahzan2018 باز کردن / نظر دهید

2023-04-18 17:44:05 بسم الله الرحمن الرحيم

اعلان مهم

تعلن أكاديميات مهدويات الهوى عن تسجيل دورة مكثفة للخطابة الحسينية و مدتها
شهرين فقط

هذه الدورة لتقوية مهارات الخطيبات و الملايات قبل شهري محرم الحرام و صفر .

التسجيل مفتوح من الآن حتي عيد الفطر المبارك
سارعوا بالتسجيل نستقبل عدد محدود من الطالبات .

للتسجيل و الاستفسار عن الدورة المكثفةراسلوا الادارية ام مهدي علي المعرف التالي :
@mahdawyaat_alhawa

#ادارة_اکادیمیة_مهدویات_الهوی_لتعلیم_الأطوار_الحسینية


#انشروا_وشاركونا_في_الثواب باز کردن / نظر دهید

2023-04-18 04:06:58 تردون قصائد حزينه وكلامها يوجع القلب وتجزعون على مصاب الحسين تعالوا معي لقناة الشاعره ام زهراء الفاطميه صاحبة ديوان لبيك ياحسين

الأشترااااك من هنا

‏https://t.me/AAAAAFCTP6mH2egqJ1qA باز کردن / نظر دهید

2023-04-18 02:58:38 قصيده ثقيله للإمام علي عليه السلام
=========


المن  جاي  ياعيد

ابونه راحل ابعيد

وين العايدونه
راحو مايجونه

المن  جاي  ياعيد

=========

المن جاي تدري ثيابنه سود

من كد المناحه حمره لخدود

بيت اهل الكرم ياعيد مسدود

بعد   المن   نعايد
عليهم حزني زايد

نسو جنهم اهل كلبي المواعيد

المن جاي ياعيد



ولك ياعيد ابعد عن العيون

من يوم المشو والكلب محزون

تدري المشو ماضنهم يردون

راحو  للمكابر
بسك  لاتكابر

عليه لاتمر من عندي شتريد

المن جاي ياعيد



شكد احزان ياكلبي عشتها

فرحه بلعمر ماحصلتها

والراحه بحياتي ماشفتها

كضه هلعمر احزان
دموعي جنها نيران

شيفيد البجي والنوح شيفيد

المن جاي ياعيد



كضيت العمر كله احسب احساب

خايف كلبي لايرحون الاحباب

تاليها الزمن صايبني صواب

صايبني على العين
مني  ماخذ  الزين

اخذ مني النشامه والصناديد

المن جاي ياعيد



راح الجان الي ولخواني خيمه

جنت ادعيله كون الله يديمه

راح بساع من ايدي حريمه

راح وعاف الاحزان
لجله كلبي خلصان

اظلم صار بيت اهلي الاجاويد

المن جاي ياعيد


=========
خادمة ال البيت الحجيه ام علي البصره

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-04-18 02:23:26 قصيده للإمام علي عليه السلام 
============


اجانه  العيد  وبعيدين  اهلنه

عگب  عيونهم   خالي   نزلنه



اجانه العيد  وهل العيد  غياب

شحلات العيد لو ويانه  لحباب

بعد  ياهو  اليدگ  علينه  الباب

صفو حدر التراب اهل المحنه

اجانه العيد وبعيدين اهلنه



بعد ياعيد المن  جاي لينه

اهل  العيد  راحو  ويسينه

بعيد  ابعد  علينه  ولاتجينه

راح  الچان  هيبتنه وتركنه

اجانه العيد وبعيدين اهلنه



العيد شلون  اعيده اه يقهري

والفرگه يهلنه اكسرت ضهري

لتنامين  ياعيني  وسهري

على الراحو غفل كثري الونه

اجانه العيد وبعيدين اهلنه



يهلنه غيابكم  عاميها العيون

ضلينه بكدر  والگلب محزون

مشو  لبعيد  چنهم   مايردون

بعد ياهو اليمر  بينه ويلمنه

اجانه العيد وبعيدين اهلنه



بعيد بعيد طشركم  زماني

سهم فراگم يهلي عماني

راح الفرح من عندي ونساني

بگينه ايتام  محد نشد عنه

اجانه العيد وبعيدين اهلنه


=============
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-04-18 02:22:53 نعي كرناوي للامام علي عليه السلام
لسان حال السيده زينب عليها ااسلام
===========


ولك ياعيد ابعد اهلي غياب
المن جايني أحبابي بعيدين

شلون افرح يدنيه ولبس الوان
وحدر الگاع طميتي الحنينين

خذتي احباب اعز عندي من الروح
يادنيه بعد مني شتريدين


خذتي كل شهم كل نفل كل زين
سكنو مگبره وصارو بعيدين

يتراب الگبر بهداي علزين
لتخرب معانيهم الحلوين

ولچ كافي يدنيه بسچ وياي
طلگتچ يدنيه لاتردين

ضيعتي هلي ضيعتي العزاز
اصيحن كافي جنچ ماتسمعين

حملت هموم منچ والحمل طاح
تبده الماي چابيمن  تلمين

دفنه احبابنه وردينه بحزان
كل يوم علواحد عيني تبچين

شگد راحو الچ احباب ياروح
من ادموم صبي الدمع ياعين

ولچ يامگبره رديلي لحباب
ارحميني بترابچ لاتطمين

وي احبابي غصبن صار الفراگ
بلفرگه يروحي شلون ترضين

ازامط بلمشو من جانو وياي
راحو بعد چا بيمن تزمطين

راحو بعد چابيمن تزمطين

===========
خادمة ال البيت الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***

رابط قناة التلجرام  اضغط على رابط القناة يأتيك كل جديد
https://t.me/ahzan2018 باز کردن / نظر دهید

2023-04-18 02:22:35 قصيده ثقيله اهديها لسيدي الامام علي عليه السلام
على طور . ياموت مو سهل فركاهم للرادود  حميد الطويرجاوي
==============

ياعيد  ...........

اليوم  عايدناهم

ياعيد  ..........

البلگبر  عفناهم 

ياعيد ........... 

رحنه ياعيد وگعدنه علتراب وياهم 

=============

رحنه  ياعيد  بحزن  للمگبره

ونار  احزان  الگلب  متوجره

محد   تلگانه  ينشد  علجره

كلشي ماحصلنه بس ذاري الثرى

ياعيد  ..........
  لاتجي يم  بابي 

ياعيد  ..........
  غايبين  احبابي 

ياعيد  .......... 
 
راحو ابعيد ونسوني  والگبر طماهم 



جيت لحباب القلب اهلي النسوني

عايدتهم  بلچذب  ماعايدوني

وگعدت وعلى الگبر تهمل عيوني

اعتب  عليهم  وگلهم يلجفوني

مصباح ...........
رحت ليهم عايدت

مصباح ............
  بلمگابر  صبحت 

مصباح ........... 

خذت ماي الورد بيدي ارد ارش مثواهم



شمايمر بينه العمر لا مانسينه

الفركه صعبه ياهلي وروحي حزينه

من عگب عين المشو من دم بچينه

حتى من كثر البچي والله عمينه

شالو .........
صحت  ماسمعوني 

شالو  ...........
لوحدي  وخلوني 

شالو  ............ 
 
راحو ابعيد النحبهم بعد وين الكاهم 



راحو احباب النودهم ضيعونه

حتى من راحو غفل ماودعونه

سكنو اگبور وبعد ماضن يجونه

مانسيناهم  ابد  همه  النسونه

راحو .........
نسو عشرتنه ومشو

راحو ...........
  بينه  ابد  ماحسبو

راحو  .......... 

اغلى من روحي عليه شلون گلي انساهم 



راحو احباب الگلب عنو عليه

من مشو  للمگبره مادرو  بيه

صحت ياجنازهم ريض اشويه

هواي عندي اعتاب وي اهل الحميه

غابو  ...........
  بعيد سكنو مگبره

غابو  ...........
الغالي بينه مادره

غابو   ............. 
 
والله  لو بيدينه والله  ابد ماعفناهم 

=============
خادمة ال البيت وخادمتكم الحجيه ام علي البصره نسألكم الدعاء

الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع

.

رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw

***
رابط قناة التليكرام
اضغط على رابط القناة
ليأتيك كل جديد
https://t.me/ahzan201 باز کردن / نظر دهید