2021-07-24 01:10:47
عزاء للطفل الرضيع عليه السلام
===========
عبدالله يبني
عبدالله يبني
يومك فجعني
عبدالله يبني
===========
در الحليب بدرتي ياهو اليكله
والحومه مليانه كفر وشلون اصله
يومك يبعد امك كلف لا ما احمله
فراكك هظمني . فراكك هظمني
زغيرون يلبعدك ترف
يومك فجعني
الحجيه ام علي البصره
=============
لاماي يحصل بالخيم ويبل الرياك
وعلى الولد يا هلخلك ضاك الصدر ضاك
جارو علينه اهل الكفر من جينه العراك
حالك سكمني . حالك سكمني
يابعد عيني يلولد
يومك فجعني
الشاعره ام فاطمة الزهراء
**** یاریت ماجینه وسکنه یمه العراك
وکلساعه یبنی الشوفتك اتزید الشواك
گلبی الغیابك یاولد کل لحظه خفاك
یومك تعبنی. یومك تعبنی
ياريع كلبي يلطفل
یومك فجعنی
الشاعره ام عدنان سیاحی
*****بعدك ازغير والوكت منك حرمني
اصيح صوتي يلولد ماتجاوبني
ياريته الموت الي ونته تدفني
بعدك كتلني . بعدك كتلني
صحت ييمه رد الي
يومك فجعني
الشاعره ام حمودي
**** تمنيت يمه بالجسد يوليدي اضمك
ولااشوف بعيوني السهم يابعد امك
عمرك بعمر الورد صار الذبح سهمك
كلبي لجمني . كلبي لجمني
رايح ومااشمك بعد
يومك فجعني
العلويــــٍّﮧ الموسويــــٍّھ
*****ردتك تجيه للكبر يالولد يبني
ولو ضاك بيه الوكت والدهر ذبني
يومك صعب يمه الطفل طكني وهظمني
يومك ضهدني . يومك ضهدني
عبدالله ياريع الگلب
يومك فجعني
العلويه ام حسين الحسني
*++++++****
قصيده مشتركه بين شاعرات اهل البيت
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw
***
رابط قناة التلجرام اضغط على رابط القناة يأتيك كل جديد
https://t.me/ahzan2018
211 views22:10