2021-07-23 03:39:13
قناة الحجيه ام علي البصره احزان العترة الطاهرة
قناة خادمة ال البيت الحجيه ام علي البصره
لانجيز حذف اسم الحجيه ام علي من قصائدها غير مبرء للذمه
https://t.me/ahzan2018
لطميه للشباب : الاكبر عليهم السلام
على طور قصيدة الرادود
مالك الاسدي : الك جمرة حزن يحسين ماتبرد
============
الك جمره بدليلي يلولد تسري
ما تطفى لحد ما ينتهي عمري
===========
ربيته وكلت بلكت يجازيني
ياحيف المنيه بيه توازيني
على افراك الولد ياهو اليعازيني
الراح الها ضنه تكابلني بدهري
ربيتك ييمه وكطعت بيه
يبو كلب الحلو يلكله حنيه
الله وياك يمه وراشده النيه
من ظيمي وعذابي روحي لتفتري
اموتن من اشوف اصحابك ايمرون
وماشوفك وياهم ياضوه العيون
يكتلني الحزن لو عنك ينشدون
على فركه الولد ياعيني اسهري
رد لمك يبعد امك يملفاها
أمك فاكده والبين خوّاها
ما ظل والي عدها ونته رجواها
يبو گلب الحلو ياهيبتي وخدري
ياهو ايلم كبرتي لو رحت عني
وتدريني وحيده والوكت ذبني
ضل البيت خالي يلولد يبني
ياريت المنيه بگبرك وگبري
خلافك يلولد كلبي يضل موجوع
عيوني يبسن وماكو ييمه دموع
الك جمرات مابين الگلب وظلوع
خلصت العمر بفراكهم قهري
ياسباح كلبي يلولد يبني
ما انساك اذا انساك عاتبني
وين تروح اريد وياك تاخذني
اصيحن يلولد والولد مايدري
============
الى شرف النبي واله الطاهرين بنية تعجيل الفرج والى ارواح الشهداء الفاتحه مع الصلوات على محمد وال محمد
نسألكم الدعاء خادمة ال البيت وخادمتكم الحجيه ام علي البصره
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw
***
رابط قناة التلجرام اضغط على رابط القناة يأتيك كل جديد
https://t.me/ahzan2018
66 views00:39
ق
