2021-07-25 01:20:57
قصيده للرضيع عبدالله ابن الحسين عليهم السلام
بطور ملا باسم الكربلائي
على الاه يهاجر ماصبرتي
===========
اويلاه ...............
على هاي الفجيعه
اويلاه ................
على حسين ورضيعه
رجع بي للخيم مذبوح من نحره
ركبته ملولحه ودم النحر يجره
اويلاه على حسين ورضيعه
==========
رجع بي للخيم والظهر محني
ودموعه تصب ويصيح يبني
يكلها يلعقيله خذيه مني
اشوفه منذبح ويزيد همي
يخويه الطفل سلهم عيونه
على الماي يزينب يذبحونه
امه بلخيم ياخويه منتضره
ركبته ملولحه ودم النحر يجره
اويلاه على حسين ورضيعه
بسهم مسموم خويه صابته الكوم
سكاه من دم وريده حرمله الشوم
ياخويه طفلنه مات محروم
ودموم النحر صبغتله الهدوم
يزينب على اميه يذبحوه
يزينب يلوج ومايرحموه
بسهم مسموم صابه حرمله بنحره
ركبته ملولحه ودم النحر يجره
اويلاه على حسين ورضيعه
من صابو سهم دم الولد فار
شلت الدم بديه بكبلي النار
صحت ياربي شهني ذنب الازغار
اذا جان الذنب هو ذنب الاكبار
ألاهي شنو ذنب الزغيرون
على الماي يذبحون اليرضعون
شوفوه الولد وبحالت الخطره
ركبته ملوله ودم النحر يجره
اويلاه على حسين ورضيعه
تكله خويه غطي الطفل يحسين
ما اكدر اشوفه ذابحه البين
الرباب متانيه والدمعه بلعين
واصبرها وكله لا لتبجين
يردون الطفل شارب اميه
مضنيت صدك هاي المنيه
قلب ام الولد ياخوي شيجبره
ركبته ملولحه ودم النحر يجره
اويلا على حسين ورضيعه
=========
خادمة ال البيت وخادمتكم الحجيه أم علي البصره نسألكم الدعاء
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع
رابط قناة اليوتيوب
اضغط على رابط القناة
ليأتيكم كل جديد
https://youtube.com/channel/UCyZjN67zSy_dOdrSH6y84Iw
***
رابط قناة التلجرام اضغط على رابط القناة يأتيك كل جديد
https://t.me/ahzan2018
518 views22:20