آدرس کانال:
دسته بندی ها:
دستهبندی نشده
زبان: فارسی
مشترکین:
5.84K
توضیحات از کانال
قناة تختص بنشر قصائد الشعراء
نعمل لخدمة خدام الامام الحسين ع
من شعراء وارواديد ........♡
يا ابا صالح {عج}
Ratings & Reviews
Reviews can be left only by registered users. All reviews are moderated by admins.
5 stars
1
4 stars
0
3 stars
1
2 stars
0
1 stars
0
آخرین پیام ها 2
2022-08-11 12:58:01
وبـــــدأت
ماشيـــــات و يبتدي الهمّ الثجيل
و جَدموو سَبهم گبل ظهر الـهزيل
ــــــــــــــــــــــــــــــــــــــ
ماشيات و ياهظم ذاك الـطريج
و بالگلب وي العبي مبين حريج
أحآه يصواب العزيز شگد غميج
بيه الـمفارگ صدگ يوگع چتيـل
ــــــــــــــــــــــــــــــــــــــ
ماشيات المايعرفن شنهي سووگ
والله للعلوية كلش ما يـلوگ
الترفة أديــها شلون بيـها تخـلي طووگ
وفوگ من چفها الحبل كل ما تميل
ــــــــــــــــــــــــــــــــــــــ
ماشيات المن كثر لبس الطويل
سترن تراب الثرى و ظهر الهزيل
والله كون الممشى بيهن كلة ليـل
ولا غريب يشوفهن وكت الرحيل
ــــــــــــــــــــــــــــــــــــــ
ماشيات وكل رمح شايل عجيـد
نحور ترفة و جاسي يا طبع الحديد
شما يهزون الرمح يگطع وريد
وفوگ من راس الرمح بالدم يسيل
ــــــــــــــــــــــــــــــــــــــ
ماشيات الگبل ما شافن شمس
الـحتى وسط البيت لو يحچن همـس
الچانوو يظنونهن بالطف خرس
بلاية صوت شلون هسة إلهن عـويل
ــــــــــــــــــــــــــــــــــــــ
ماشيات الچان مسمعهن ترف
و كثر ما شتـموهن بحچـي الكلف
مو بأديــهن، لا، باذنهن طـگ نزف
يطول سبهن والدرب كلش طويل
ابو سجاد البزوني / 2022
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
2.4K views09:58
2022-08-11 10:57:01
اول ايام السبي
مشينه وفوگي راسك كاسر افياي
عفت جسمك وارانه عالرمح جاي
تگدر اتفارگ جسد
وما تفارگنه ابـد
عالرمح جاي
++++++++
بگلبي ياصبح اهدعش حط خنجره
عاليه ظهور الهـزل كلش ترى
رچبتهن من بقيت أخـر مـره
الچم امتوني امن اعاين ليوره
العيني راسك چنه لاح
والرمل من راسي طاح
صوتك وماضيعه هاذ
اهنا يهلنه تانو صاح
ترى السفره طويله والوكت حار
واجييت براسي افيي فوگ الازغار
حته عبد الله گعد
وما تفارگنه ابد
عالرمح جاي
+++++++++
راسك وراس الگمر من التقت
فتره عين ابعين نظرتكم بقت
ماكو ادين وبالرموش اتشابگت
بنظره وحده اعيونكم صوبي اجت
بثوبي غطيت الحبال
ياخجلتي وحالي حال
التفت عنكم واشوف
ابني يم روس الخوال
عجيبه نظرة ابني تختلف عون
عليهن چنت اشيله صد للمتون
دمي فوگاهن جمد
وما تفـارگنه ابـد
عالرمح جاي
++++++++
رتّبوها الروس تمشي اويه الهزل
اگبال كل ناگه رمح يمشن عدل
واحنه نمشي بالسره وي الحبل
عالرمح بگماطه مشدود الطفل
رتبوها امن الچبير
الروس والحد الزغير
الهاي گالتلي الرباب
ناگتي خلوها اخير
اويه عبد الله سويه امشي لشام
والوليله اعله رمحه هلبت اينام
يا دللول الولد
ماتفارگنه ابد
عالرمح جاي
++++++++
ناگه وحده سكنه وارقيه سوه
وي بناتك تمشي نفس المستوه
الهوى عالي وراسك برمحه التوه
وشعره من راسك اجتني اويه الهوى
بيها عطر امي لگيت
گمت اشم بيها وبچيت
شيلتچ يا يمه هاي
امتّربه وآنه انسبيت
شسولفلچ عليها صعدت النوگ
عزيزچ راسه يمي عالرمح فوگ
وادخل بمجلس بعد
ما تفارگنه ابد
عالرمح جاي
+++++++++
راس ابو فاضل مشه عني متر
خطوه خطوه يراقب بدرب اليسر
والشمس كلساعه تاخذني بكتر
عينه صوب اخيالي لوطال العصر
والحرس يتعمدون
فوگ ضلّي ايهوسون
شوف هاي الرايه هاي
اگباله بيها ايشگگون
رجف رمحه ولزمته اصبر يعباس
منو ايرده المكـانه بوگـعته الـراس
هشّمه ذاك العمد
وما تفارگنه ابـد
عالرمح جاي
++++++++++
ليل اجاني ودي انام وما يصح
ارقيه كل احچايه تفتحلي جرح
تبقى وي راسك تسولف للصبح
ليش مو عالگاع نايـم عالرمـح
بويه انزل ماكو خيل
اترضرضك والدنيه ليل
ابلا عمامه بويه ليش
وجرحك بگصتك طويل
شوكت ذيچ الخرابه اوصل واحاچيك
قبل ما روحي تطلع راح ابچيك
لو گلت سطرولي خد
ماتفارگنه ابد
عالرمح جاي
ثائر الربيعي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
2.0K views07:57
2022-08-11 03:56:28
#تراث
زيـنب لفت للـحادي او گالتله يحادينه
مر ابحـومة الميدان حتى انودع اهالينه
ــــــــــــــــــــــــــــــــــــــ
الله اعـليـك يـا حـادي مـر بـيـنـه اعـلى وليـانه
ووچب بـالهزل ساعه وبمسراهـن اتـوانـه
نـريد انـودع اهـالينه او نخـبرهم ابممشانه
يحـادي (الحـرم) مهظومه
اونريد انـروح للـحومه
نشـوف اهـلي تظل نومه
يو تنهض تلوح الخيل ويانه اوتبارينه
ــــــــــــــــــــــــــــــــــــــ
هـاي النـوگ مهزوله اوحدج ما تِلتَگه اعـليها
يحـادي اشـلـون نـركبها ونأمن تمشـيـها
نريد انـروح للـوليان نخـبرها اونحاجيها
مــرنه اعـلى المسنايه
وأّگف يم صاحب الرايه
نشـوف الضيغم اشرايه
يرضه ابولية العدوان ابوفاضل يخلينه ؟
ــــــــــــــــــــــــــــــــــــــ
ما نگدر نروح اوياك یا حادي اعلى هالحاله
نطب اعلى (ابن مرجانه) ابذل اليسـر وحباله
نریدانشوف اخوی احسين عـدمن ودع اعياله
ياهو اللي يباريها
لوسـار الظــعن بـيها
الكوفه اشلون اطب ليهـا؟
واشوف الوادم ابـعيني واحنـه الـظـيـم عـالينه
ــــــــــــــــــــــــــــــــــــــ
اسـولفلك يهـا الحـادي لمن چنت بالكوفه
ابويه اعلى الخلگ سلطان بيامه المعروفه
مـن يـجـبـل عـليها (العيد) تحب الوادم اچفوفه
یگلوله نســانه اتريد
تعيد (زينب ابها العيد)
تحب مـنها الجدم والأيـد
مـنـك نـطلب الرخـصة ( تـعايدها) او تـرد ليـنه
ــــــــــــــــــــــــــــــــــــــ
(ابوي) الفحـل ما يـرضه يـرخـصهن يعيدني
خـايف للـزلم يـرحن او يحچـن مـن يشـوفني
مـن ذاك الخـدر لنهـن يسمـعـن عـالهزل وني
يحـادي المـوت أشـوالي
اولا تتشمت ابحـالي
شگـلها التـوگف اگبالي
اوتنشدني اعـلى وليـاني اوعن ذاك الخـدر وينه ؟
ــــــــــــــــــــــــــــــــــــــ
الحـادي مـن سمـع زينب مر بالضعن عالحومه
زيـنـب شـافت الوليـان كـلـهـم عـالأرض نومه
تــــتهاوه الحــرم گـامت والعـبـرات مسـجومه
او زيـنـب تجـذب الونه
تگـلهن گومن امشـنه
لعـد النهر نتعنه
نريد (الجـابنه) لهـنا هـوه اللي يـودينه
ــــــــــــــــــــــــــــــــــــــ
اخـذت زيـنـب العـيله اوراحت للمسنایه
وگــفت يم (ابـو فاضل) اوشـالت بـيدها الرايـه
صاحت گـوم يـا عـباس لخـــــتك راحت اسـبايه
لحد يسبع الگطره
نايم يخـويـه اعـلى الثره
إخـتـك خـذوها اميسره
ــــــــــــــــــــــــــــــــــــــ
يـا عـبـاس مـانـي اخـتك واجـيـت انـخـاك يـالوالي
اگعد نشـف ادمـوعي اوعـاين لعـد ذل حـالي
يـخـويـه نـاگـتي (عجفه) او شمـر اوزجـر يـبرالي
إنهـض يحـداي الظعـن
سـدر خـواتك للوطن
عكبــك يـعباس انـولن
ــــــــــــــــــــــــــــــــــــــ
يخـويه النـوگ مهزوله اوشمـر اوزجـر يـبـراهـا
عـريّه ابـلا حـدج كلها اوتــــــتعثر ابممشاها
مـن تـوگع يتيمه الكـم ياهـو البعـد يـتناها
وزنودي مجتوفه ابحبل
يا طفله اباري او يا طفل
متحيره اودمـعـي يـهـل
ــــــــــــــــــــــــــــــــــــــ
ماچان ایخطر عـالبال يـا عـبـاس تـنساني
او تظل اعـلى النهـر نـايم فـدوه اتـروح (ذرعـاني)
يبو فاضل (الذرعانك) واروح ابـيسـر عـدواني
(اوعيني) لعد (عينك) فـده
بـالحومه يمچيد العـده
عـگــبك ولونـه اهـل الرده
ظلينه عكب عينـك ندور اعـلى اليحامينه
عبد الحسين الشرع
#اللهم_عجل_لوليك_الفرج
(135)
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.7K views00:56
2022-08-11 03:56:16
الله يعين زينب هل مسيه
الله يعين زينب شحجي وارتاح
مو عباس لا جن العرش الطاح
وروس اخوانها معلكيها برماح
تعرفه الفاكد امنيكض الاصفاح
ترفه ام عون ما تحمل اذيه
بنص الخيل والدم تارس الكاع
وانه ادعي حسين كوّن أوصلك بساع
وأموت وياك جي ماحب الاوداع
وسفه الخيل تسحك صدر الاسباع
وانه مابيدي شي وافرك بديه
كلبي اني احترك وي حرك الاخيام
غريبه وحرمه ومجتفيني للشام
النهر مادري ياخذ مني الاحزام
وانه فوك الجتاف بركبتي ايتام
اجيب منين ابو الذوله الخطيه
الدرب ما ينمشي بي تعثر النوك
وحوافر بيها جسم حسين مسحوك
وانه ماعندي اخو ويسد الحلوك
اكبر كسره جانت طبت السوك
دخلت الديره مابيهم حميه
انه تمنيت يكعد ضهر اخو ام عون
بهذيج الساعه اريد الهسه يحجون
وعود الروس خل تلزمهن امتون
الحاجب يمته صاير حدر الاعيون
حتى اقنع حسين تذبحه اميه
علي ياسين اللامي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.4K views00:56
2022-08-11 03:56:04
رحت مدنگه وعباس ماجاني
///////////////////////////
مو حمل الهظيمه وصعدة الهزله
ومن غير الكفلني الدرب شيحمله
وسط الجمر توگف شامخه الدله
وگلبي يفور خويه وشاحبه الواني
////////////////////////////////
سلاّني الفگد ومسامره ضنوني
شفت ضيم بحياتي وشابت جفوني
جبيره وي الغرب خواني عافوني
الماسامعني اسولف هسه شافاني
/////////////////////////////////
وي ذباّح اخوتي مشيت محتاره
مذبوح البخت والنايبه بداره
شيخ وماطلع مهضوم خطاره
السلّب هدمه منه هواي اذاني
////////////////////////////////
هدتني المصيبه وحيل مابيه
صلفه عيونهم وتعاين اعليه
يخويه اعله الهزل راحت العلويه
مااظن بعد يابو الغيره تلگاني
/////////////////////////////
يخويه اطباعهم كل غيره مابيها
والمثلي تدوّر عاليباريها
شسولف عن رقيه وعن تراجيها
تصيح بصوت عمه الدم ترس ذاني
/////////////////////////////
خيمه التستر اختك حيف حرگوها
زينب عالهزيله بسوگ مشوّها
شسولفلك سكينه هواي اذوّها
من بعدك زماني شلون جازاني
/////////////////////////////
لو تدري بمشينه وي الغرب ويلي
من عثرات جدمي شضآل من حيلي
انهض گوه ماواحد يتجيلي
رمل الگاع خويه بجدمي جواني
علي طعمه البطاط
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.3K views00:56
2022-08-11 03:54:33
حسين متعود عليه بكل صبح
خلني بمجانك اشيله يارمح
تعبه هواي الدرب
وارد اشيله اعله الكلب
خلني بمجانك اشيله يارمح
..................................................
آنه بحسين أولى منك يلي ماتعرف غلاته
ليش راسه ابلا عمامه ومنهو اخذ منه عباته
تعّب اعيونه يدوّر جي نقص عنده ابناته
جاب كل الدرب يبجي وارد اضمه امن الشماته
ابكل عزيزه لكلبه ابو الأكبر يحس
نزله أفيله چوت راسه الشمس
كافي دمعاته تصب
وارد اشيله اعله الكلب
خلني بمجانك اشيله يارمح
.................................................
انته والشالك سويه ابلا كلب وابلايه ذمه
اثنعش طبره بنحره تنزف ترس كاع السبي بدمه
ما فزع واحد يضمده ومالكيت اليسوه احشمه
الما يداوي جروح اخيي شعنده حاسب روحه زلمه
انته شايل راس ابن أشرف مره
منين أجيب النايم اعله الكنطره
يجري دمه اشكد صعب
وارد اشيله اعله الكلب
خلني بمجانك اشيله يارمح
................................................
اعله طولك صار دمه ويستحي يطلعها ونته
حتى ما لحكت أشمه امن الذبح وانته اخذته
كلبه ما شال اعله واحد ليش فوك الرمح شلته
شلون ابريك انه ذمه وحارم حسين امن اخيته
راسه وين تريد بي شو ما كلت!!!!!!
حضني دافي ومو مثل حضن الطشت
توه غافي من الحرب
وارد اشيله اعله الكلب
خلني بمجانك اشيله يارمح
.................................................
جسمه ضل للخيل بالطف وانته راسه الصار حصتك
ليش عليته اعله بنته من ركض يمك اجتك
مو ابو وما ضكت لوعه اكبالك ايحرموك بنتك
بخت ماعندك واكلك رمح بسك واعله بختك
حسين طيب حيل ليش اتعذبه
انته حالك حال ذاك السلبه
ولا يصد اعله الضرب
وارد اشيله اعله الكلب
خلني بمجانك اشيله يارمح
..................................................
رمح بهداي اعله كيفك لا تلجمه الكله غيره
كضه عمره ايداري بيه وجهي عنه اشلون اديره
متني أكبر من ضربهم ماتطخ راس الاميره
ما اهتم جي بيه عطره حسين بس راسه عشيره
بخير زينب كله منك والنعم
خل يحير بنحره خافن ينلجم
شلون للشام من اطب
وارد اشيله اعله ألكلب
خلني بمجانك اشيله يارمح
احمد ماجد الكلابي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.3K views00:54
2022-08-11 01:23:25
كلب بالطف عفت
مشيت والتفت
حُسين اشكد صحت
لحد كطع النفس
__
بكسر الكلب عفتك تره يالعمري ما عايفتك
معودني توكفلي امن اجي وهسه اختك امفاركتك
من اشوكت نومك عالوجه يحسين ما شايفتك
لو بيدي جا يمك نمت تدريني يا بعد اختك
كلب يم نبضه مر
الجسم صاير وذر
النحر مني اعتذر
لحد كطع النفس
___
ارتاح يالشابع سحك شيحمله دوس الحافر
يشبه ارماد امخيمك يحسين جسمك صاير
ياخويه اخر شوفه الي كلش اعله جسمك داير
متعلمه اشوفك كل صبح بيمن اصبح باجر
الوكت بينه كطع
على الفرگه فزع
اصيح وماسمع
لحد كطع التفس
___
لا راس كبلك لا رمح يابو علي سوها
عنده اخت من تشتاك اله اعله الرمح يمشي وياها
من تعثر اعليها يصد تنسه الذبح خلاها
عالي الرمح ولها نصه لو حاجته وحاجاها
ماهم بالدرب
حته امن انضرب
رمح شايل كلب
لحد كطع النفس
____
يامصعب التشتاك اله بس راس يمك تلكاه
من كل كتر ينزف دمه ويدير صوبك عيناه
هرش كلب فوك الرمح ونذبح كل ساعه وياه
لو عالمتن لو بالحجر يفتر وحسن بالاه
كل ما ينشمر
ضهري ينكسر
يبعد ام الخدر
لحد كطع النفس
___
كل خطوه امشي بالسبي راسك تره يبرالي
يحسين اذا ضاك النفس خويه الرمح جتالي
امن ابعيد رسمك مختلف والرمح كلش عالي
ذبلان يابعد الكلب راسك مرد دلالي
امشي ويه الرمح
وكل ساعه ابذبح
خويه اشجم جرح
لحد كطع النفس
بسام قابل الياسري
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.4K views22:23
2022-08-10 19:37:18
وي ذباحك امشي و صعدتي اشلون
يأهل ام عون الحگو راحت ام عون
ذباح الحسين الحادي بينه
الصعده اشلون ومجتفين ادينه
**
حضرو نوگ الهزيله وحان يحسين الرحيل
لكربلة جيت بكفيل وراح اروح بلا كفيل
تريد حيل النوگ وانه امعلعله وما ضلي حيل
والهضمني الحز وريدك ناوي بأضعونك يشيل
صاح يالله بساع زينب حملّي
حتى ما لحكت اوادعهم هلي
على ضهر الناگة اودع من مشينه
ذباح الحسين الحادي بينه
**
واسمع بصوتك ندهلي بهيده يختي اتعطلن
ابنيتي ضلت يم ابوهه وما مشت وي المشن
اتريض بمشيك يحادي النوگ خلي اينوخن
فشلة من حسين اروح وبنته ماهي وي الضعن
بعدهم وحدي بس اصفگ بدية
ادور بالضعن ضاعت رقية
خذتهه النومه يمك من جزينه
ذباح الحسين الحادي بينه
**
تعبتني النوك خوية منها كلساع انه اطيح
والله دنية شلون دارت بت علي ما تستريح
عاليسبني حسين اصيح وعاليطگ عباس اصيح
گبل جان اسمي انه زينب هسه صار اخت الذبيح
بتالي العمر صار اسمي السبية
ويصيح هنانه جيبو الخارجية
بخجلنه الوادم اتلمت علينه
ذباح الحسين الحادي بينه
**
خوية عظم الناگة يوجع طوّل الحادي الطريج
بعيني شفته الماله والي بديره لا خل لا صديج
من عگب رفگت جفيلي الذابحة لضعنك رفيج
ماكو مهلة نجر نفسنه و لاكو مهلة ابلعلي ريج
فشل عمة السادة بحبل تنگاد
وحگك ثوبي من حر الشمس باد
كلت يالحادي رجعنه المدينه
ذباح الحسين الحادي بينه
**
وجوه موش وجوه اهلنه ولا گلب بيهم يرف
حسين دار الوكت بينه وزينب ادور عرف
من المصايب يا اخو زينب زينبك ما تنعرف
مو نفس ذيج العفتهه بيهه كل شي مختلف
اجيت بلون هسه انگلب لوني
عشت ما بين حسراتي وضنوني
واشوفي اكبالي حلمي الذابحينه
ذباح الحسين الحادي بينه
**
وانتهت قصة عشگنه وحان يحسين المسير
تمطر اعليه النوايب وآنه اكولن فدوة خير
حيرت الما ضلهه والي ليا كتر بعدك تدير
حگهه المذبحين اهلهه تبجي و اتون وتحير
نگع ردني بكثر ما باجية اعليك
يلمضيعتك بيا ديرة الاگيك
ًبدون اشراعهه اتضيع السفينه
ذباح الحسين الحادي بينه
**
الخادم احمد داود
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.6K views16:37
2022-08-10 12:34:33
ليلة 11
بنـــص الليـل اتوچــه اجيتك
لگيتك بس يبو اليمه شلگيتك
ماينحســـبن البيك
من گد ما مگطعيك
عسبــــالي اداويــك
يخويه
*
مشتاگه ومن وكت الظهر ماشافتك زينب
مشتاگه يخــويه وتـدري باليشتاگ يتعذب
اجيتك جايبه من عصابتي شويه
اشد بيها جـــــــروحك يابو رقيه
عسبالي جرح جـرحين البجسمك
احسبت ولگيتهن الــف وتسعميه
طحت فوگاك چـــن جثه بلا روح
من شفتــك يــبو الســجاد مذبوح
خويه امسبل اديك
من گـد ما مگطعيك
عسبــــالي اداويك
يخويه
*
ملهوفه اجيت الشوفتك بالجثث اتعثر
ملهوفه وماضنيـت هيـج جسمك موذر
اشم بمنحرك شو مختلف عطرك
حاچيني ولو بس كلمه من نحرك
هواي الصاعدات اعليـك يبن امي
حوافــرهن يخويه داچه صــدرك
كبرت هواي انـه والظـــــهر مال
ضلوعك من شفتهن فوگ الرمال
متغيره مـــــعانيك
من گد ما مكطعيك
عــــسبالي اداويك
يخويه
*
يحسيني مثـــــلك يالاخـو بهالحاله ماشفته
يحسيني الوحيد امن القفه مذبوح شو انته
صدرك ظهرك ايــــدك نحــرك مطبر
ماضل بيك شي صاحي يابو الاكبر
سبعين الف همه وانته بـــس واحد
لذلك بيك كلشـــــــي يالاخـــو تغير
مو بس يالاخو ذبــــحو وريدك
ذبحو لجل محبس خنصر ايدك
گمت الطم واناديك
من گد ما مگطعيك
عســــبالي اداويك
يخويه
*
ناديتك ياعطـــشان يامذبــــــوح يمترب
ناديتك شضل عندك يبـو السجاد يتسلب
ثوبك ماسلم من السلب روحك
كلشي سلبو وعافولك جروحك
الطايح بالحرب محد يجي يمه
وانته بحجر ياهو الي يجي يلوحك
بسيوف ونبل ورماح وســـيوف
ترسوا بــــيك يابو اليمه الطفوف
شحچي عن مأسيك
من گد ما مگطعيك
عسبــــالي اداويك
يخويه
*
حسباتي الجابتني شيــــردني خويه للخيمه
حسباتي عليـــك اتضل يمن مطروح بالهيمه
كل ضني امن اجيتك ترجع اويايه
عيالك بالخيم تنتظـــرك هــــــوايه
وياي انچـــان ماتــرجع يبــو اليمه
راح اتعنـــه هســه الصاحب الرايه
اگله حسين خويه ذبحته الناس
بلكي لو سمع ينـــغرلي عباس
اعذرني خاف أذيك
من گد ما مگطعيك
عسبــــالي اداويك
يخويه
*
حيدر تركي الكربلائي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.6K views09:34
2022-08-10 12:34:20
راح الخير كله بگطـع اليــــــدين
مسية الموت زينب ذبحو حسين
اويلاه يزينب
اويلاه ..
ـــــــــــــــــــــ
مسية الموت حلّت والنحر صاح
بيني وبين راســي صار ذبـــاح
شيرده اليشيلـونه عالرمـــــاح
چنت وين وصرت يابت علي وين
اويلاه يزينب
اويلاه ..
ـــــــــــــــــ
على نوحچ يزينب منحري ينوح
يخويه سامحيني صـرت مذبوح
مو بس اختي انتي بالجسد روح
وبين و بين روحي فرق اليين
اويلاه يزينب
اويلاه ..
ـــــــــــــــــ
ها يم عون اجيب منين عــوّان
وافزّعه اليوم الچ ما ظلت اخوان
ليل الوحشه اجـه يا ام الاحزان
عينچ عاليتامى يا ضوه العين
اويلاه يزينب
اويلاه ..
ـــــــــــــــــــــــــ
بده تـوّه يزينب ليــــل آلالام
حر السيف هان الحرگ الخيام
وانتي بوحّدچ شيلم الايتــام
اگبال اسياطهم شتسوي چفین
واويلاه يزينب
اويلاه ..
ــــــــــــــــــــــ
بلايا خيــام خويه خيّـــم الليل
بيچ شلون يا مهدومة الحيل
عن اطفالي اشيرد يا زينب الخيل
خويه وهد عليكم فزع صوبين
اويلاه يزينب
اويلاه ..
ـــــــــــــــــ
يا حافر عن ايتــــامي تردين
واليا سوط يا زينب تشـگفين
حيهم يا بو فاضل من تصیحين
يصيح الشمر گطّعناها اليدين
اويلاه يزينب
اويلاه
ــــــــــــــــــــ
علي العابدي النجفي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.5K views09:34
خ
