آدرس کانال:
دسته بندی ها:
دستهبندی نشده
زبان: فارسی
مشترکین:
5.84K
توضیحات از کانال
قناة تختص بنشر قصائد الشعراء
نعمل لخدمة خدام الامام الحسين ع
من شعراء وارواديد ........♡
يا ابا صالح {عج}
Ratings & Reviews
Reviews can be left only by registered users. All reviews are moderated by admins.
5 stars
1
4 stars
0
3 stars
1
2 stars
0
1 stars
0
آخرین پیام ها 3
2022-08-04 11:23:14
هوّس شيخ الانصار
وسمعت بت الكرار
(زلزال : ربّاط الهوسه)
ــــــــــــــــــــ
باب الخيم لمن وگف شيخ الانصار اگباله
ماذب رباط الهوسه ابد زلـزال وذب اثقـاله
هز كربله من دگ صدر هاي الحسين رجاله
امني يبت المرتضـــى محـــد يمس خياله
نحلفلچ بالعبــاس
هذا الحد ما ينداس
(لو ثار : بركان الغيره)
ـــــــــــــــــــــــ
مدنگ لبو فاضل حضر وترخّص عابس منه
اسمح يبو الغيره نجي وگلب العقيله انطمنه
جننا ابن المرتضى ويمها يخوها اكفلنه
ما نتخذ ليله جمــل نتخذ حبّـه جُنّه
وحده و متصير ثنين
ما نعشگ غير حسين
(عباس : متكفّل بينه)
ــــــــــــــــــ
ضهضب وهب يا بت علي امني واشار الصدره
اهنا كَلب من انخلق عاشگ عزيز الزهـره
كل اليفكر يقترب موته ثمن هالفكره
وكلمن تدنّه من الخيم هذا التعنّه الگبره
والحاول بيها يعيـل
حيل استعجل عزريل
(وقبّاض : واحدنه الروحه)
ـــــــــــــــ
ترخّص زهير ووسعوا لمن دخل ميدانه
حچي الجبل يصبح حمم من ينفجر بركانه
يا كعبه واسماعيل الچ نحري يمد شريانه
ولو الف مره انذبح ارجع واطمنچ انه
گدامچ كلنا انطيح
ومن گبل الموت نصيح
(ياريت : لامچ وفينه)
ــــــــــــــــــــ
وهنا اجه دور الخدم للخيمه جون اتقدم
وگاللها يا بت حيدره عنهم نيابه اتكلم
كل خادم وكــل خادمه تحيا وتموت بمأتم
وكل عاشر عليهم يمر موعدهم بموكب دم
صيحتهم اي والله
ما ننسى حسيناه
(للموت : يحسين الصيحه)
علي العابدي النجفي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
65 views08:23
2022-08-04 11:22:55
( السلام على اصحاب الحسين ع )
رفـت شـواربهم غـضـب انـصـاره
صـارو درع لحسین وگـت الـغـاره
وبـچـف حبيب الرايه مـن يـدنـاهـا
____
زلـم الكـلافه اتحزمو للغالي كـالـو چـلـمـه
وياك نبقه اخر نـفـس يـحـسين يابو اليمه
نفرح اذا حلت حرب والمـا فـرح موزلـمـه
هوه اليحبك من صدگ يرخص لجلك دمـه
الـدم شني لـو مـارخـص لعيـونـك
ما تـنــعــقـل عـدلين ويـــمسـونـك
وبچـف حبيب الرايه من يدناها
____
يحسين لتـلـوحـك شمس اگعد اوأشـر بيـدك
شنهي التريده ايصير الك بس ابقه ناغي
اوليدك
عبدالله ليمسه الظمه اهـلال هـذا لـعـيـدك
لا تتعب علينه التعب سـالـم يغالي انـريـدك
الطف نريده ايصير من حصـتنه
يحـسـيـن امـر ونظر لـفـزعـتـنه
وبچـف حبيب الرايه من يدناهـا
____
يثبت العاشگ موقفه لجل العشگ لوضحه
والمايجـيـبـه كل عشگ توگف بعينه الملحه
وليل الشدايد من يمـر بالتالي يـطـلع صبحه
وكل اليكول الدم رخص كون اليسولف جرحه
يالـوالـي فـدوه نــذبح لترابك
خلصت الدنيه اوماكو مثل اصحابك
وبچـف حبيب الرايه من يدناها
____
احنه انخلقنه لنصرتك يالـنصرتك غايتـنه
ابشاره توصل للحرم ما نخلف احـجـايـتـنه
خل تطمئـن اخـت الگمر لا تفكر بصحبتنه
مـادامــه انـشـم الهوه مـا تنكسر رايـتـنه
بشروها زينب لا تضل مهمومه
نكلبها باجر من نطبها الحـومه
وبچـف حبيب الرايه من يدناها
___
مـولانه ياأجمل الوطن والطف فرحنه اودارك
فرحـتـنه ابد ماتنوصف يحسين احنه أنصارك
بأجـر نـمـوت وهـم تـجـي يـم الـگــر زوارك
نوكـف نـحي بكل فخر يابـو الشيم خـطـارك
ماينسه الـطف كلهم ايزورونه
شامخ يضل مثل الهوه ایشمونه
وبچـف حـبـيـب الرايه من يدناها
____
الشاعر خالد جودي العارضي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
61 views08:22
2022-08-04 11:22:25
يامــاي وجهي وستر خيماتي
طلعت بعــدكم بـيضه شيباتي
وأتــبدلت مو ذاك حيلي
من فــــاركت النجمات ليلي
ــــــــــــــــــــــــــــــــــــــ
بـــشرياني تمشون - كلموني ياجون - تبخلون عني بهالغرب بحجايه
مـلكــاكم الحار - متغــــير شصار - رد ياحبيب تصـــيح ليك الرايه
خـيمة أم عــون متانيه هــوستــكم
محد ترسها عيوني بس صحبتكم
غـير أنه كاعـد مو وكت نومتكم
متـــــــــــروسه دم وتريدكم رايـتكم
مــو قــبل ساعه الضهر صلينه
ومــن جربت الكافــــــل توضينه
منكم ردت صاحب يجيلي
مــن فـــارك النجمات ليلي
ــــــــــــــــــــــــــــــــــــــ
جــنه بالـــغــروب -- نـتــشابك كـلـوب -- يهــــل الهلا الجانت تونس كلبي
عـفـتوني مهضوم -- وكل حيلي مهدوم -- مـــن دونـــــكم بيمن أكمل دربي
واكف أتـلوه ثـنـين أدي بصفاحي
سبعين صاحب ماكو واحد صاحي
عــابس أشوفه شابك الرياحي
دم تارس أذنه مـــــاسمع نياحي
بالخــيمه أمس نكعــد شمحلانه
أنسولف بزينب خـاف عطشانه
نار الهجر حركت دليلي
من فارك الــنجمات ليلي
ــــــــــــــــــــــــــــــــــــــ
أتـبديــتوا ياماي -- عفتوني بضماي -- ماريد ماي أشرب أريد صحابي
ياملح الخــــــيام -- نزعـوها الأسهام -- بصدوركــم مو حلوه يغله حبابي
ضايـك فــراك عـزاز بس هالمره
أذاني حيل غــــيابكم ما كدره
ضليــت أحسب بالجثــــث مطشره
واحد أثـنين وما وصلت العشره
لا جلمه خشنه بيوم كلــتـولي
معــــــتازكم ينصاري كعدولي
شاب وشبت من دون جيلي
من فــــارك النجمات ليلي
ــــــــــــــــــــــــــــــــــــــ
فتحوها العيون - هلبت تسمعــون - صوت البواجي من الحرم بخيامي
يا فـيكم الجان - العــيالي صيوان - من أرجع ألــكاها الشمس كدامي
تسألني زينب ويـن ربعـك راحـو
خافـن أكلها نصاري زينب طاحو
تموت من أكلها حشمت ماصاحو
ضليت وحدي وجن دمعتج سالو
شابـك حبيب الشاكـــري بموته
والــكاهلـــــي صاريله تابوته
وحدي بقيت الله وكيلي
مـــن فارك النجمات ليلي
ــــــــــــــــــــــــــــــــــــــ
كلـتولـي وياك - مانحمل جـفـاك - ما أدري منكم ياهـــو أنه أبجيله
كلكم عزيزين - عالغبره غافين - ياهو التعوفه جفوفي ياهو تشيله
ياشوك كلبي العل ترب متطشر
طيحت جـثـثـكم هالكلب متوذر
شوفوني من جيت شكـثر متعـثر
مــــو مال أمس وحسينكم متغير
تحسون بفراك الوفي اليوجع
يضل بالكلب سهـمه ولا يطلع
وكفت دمعتي وصحت سيلي
من فـــارك النجــمات ليلي
الخادم عبد الجليل المالكي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
66 views08:22
2022-08-03 19:04:50
رساله من السفير إلـ رَفعَة الراس
أخيّيَك راح .. خاف إيلحگه عباس
قَصرهُم و النَهَر
يِكلفَـنّك ظَهَــر
ــــــــــــــــــــــــــ
مـن سطح الإماره الـ بي حچي هواي
إلى حَضـرَت حبيبي البالضعن جاي
رســاله ومُختَـصرها إرجـع يمولاي
أخاف حــزام ظهـرك ياخذه المـاي
قصرهم والنهر يحچون وجهين
يكسرولك ظهر مــولاي مـرتين
هَذَنْ بالمُخْتَصَر
يِكلفَـنّك ظهــر
ــــــــــــــــــــــــــ
وحگ چلمة الـ خويه الما مسَمْعِيك
و بس وكت الممـات إنصيحها إعليك
رد خويـــه النهــر باچــر يــأذّيك
أنه وعباس من نمشي اشيضل بيـك
من قِلّت الحيله الخويه تنگـال
عنك عود ردنه إنشيل الـ ثگال
صور كلهن قهر
يِكلفَنّـك ظهـر
ــــــــــــــــــــــــــ
رسايلهم چــذب والمـــاي كتّال
ولاچن يعرف أهله إبصف الأنذال
ما يگعد ابجربه ايحـب الـ إرمـال
إذا عبــاس طـــاح الخـوّه تنشال
الموت أهون ولا كل سـاع مفجوع
مســلم بايعــوه واليوم مبـيوع
الرسايل والبَشَر
يِكلفَنّـك ظهــر
ــــــــــــــــــــــــــ
هيه الكوفه كوفه منيلها أوعـود
طاسة ماي ما ينطونه مو . جُـود
أرخيص الماي بس إيكلـف إزنـود
حبل بيدين أخييك هسه مشدود
لا توصل الكوفه وعينك إتشــوف
خويه اهناك كافي إعليك لچفوف
مواقف كلها . شَرْ
يِكلفَنّـك ظهـــر
ــــــــــــــــــــــــــ
وللطف لا تـروح المــوت ألــوان
هناك العلگمـــي ما يعرف إخوان
لا يعــرف إبن لا عنــده صحبان
هناك الماي هم يحسبنه عدوان
حته النهر أعمه وتارسه الخـوف
حال الكوفه حاله وماضن يشوف
الثنين إبلا بَصَر
يِكلفَنّــك ظهـر
ــــــــــــــــــــــــــ
مهدي التقي
663 views16:04
2022-08-03 12:33:30
جر حسره على حسره وكثر بونك
الله ايعظم اجرك مات ابن عمك
*****
الله يعظم اجرك والبگة براسك
تره الحز راس مسلم هم يحز راسك
ساس الغدر عدهم والشيم ساسك
وسيلة وغاية عدهم ينسفك دمك
*****
رسايل شوگ وي ريح الهوه اتخبرك
لون بي عمر مسلم هم فده لعمرك
تره اسيوف ورماح وخيل تنتظرك
تطشر وذر كلش صعب لمك
***
رسايلهم جذب رد بيهن احمولك
لا تامن كتبهم من يودولك
اسيوف المني نالت باجر اتنولك
وخيل التجر بيه هم يدوسنك
*
من مسلم رسالة حسين واصلتك
ايحلفك بيها كال بحضك وبختك
رد لارض المدينه ارجع بعايلتك
تره انياب المنايا اتگربت منك
***
يكول الاف طلعو للحرب حدري
ولا ضل زلمة بيهم بس درت ظهري
مسلم ضل وحيد حسين هم تدري
تضل اوحيد مثله ولا زلم يمك
***
بعد وصاني مسلم كال كليلة
سلامي والعذر لحسين وصليلة
سمعهه حسين واحزن وانهدم حيلة
لابنيتك حميده شلون اجيبنك
***
الخادم احمد داود
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
893 views09:33
2022-08-03 12:32:57
ظلمه بلياك صارت دنياي
اكبر والنوح يكبر وياي
بويه مسلم بويه مسلم
**
تعال الوجهك اشتاكيت وعاين يالابو حالي
كل ما اذكر العشره تصير اصورك اكبالي
عفتني والمسافه اجروح وهجرك صاب دلالي
بدمعي اكتب المرسال ومحد يقره مرسالي
الذيج الايام حنيت اهواي
اكبر والنوح يكبر وياي
*
صرت عكبك غصن ذبلان وريدنك ترويني
من يوم الرحت لليوم احس كلشي يبجيني
تانيت اشكثر عالباب وتربي اعله الدرب عيني
ما ادري يبويه الموت فرك بينك وبيني
كل ما اشتاك تهمل عيناي
اكبر والنوح يكبر وياي
**
شيخلص عذاب الليل بواجي اكظيها يوميه
مني انباكت الضحكات ونيرانك دوت بيه
يبويه ابلا ابو تدري يتيمه اتصير البنيه
وانه اتيتمت عكبك وريد اليمسح اعليه
يالمثل حسين ما شارب ماي
اكبر والنوح يكبر وياي
****
كل ليله احن واشتاك وروحي اتريد للكوفه
صحت ليش اليكحل العين كمت بعيني ما شوفه
اول مره عمي حسين يمسح راسي بجفوفه
وانه باليتم حسيت وخذتني الحيره والخوفه
دوم اعله البال ما جانت هاي
اكبر والنوح يكبر وياي
**
صايرلك صحت جم يوم اخبارك عني مكطوعه
ومن طبع الغريب اتصير كلش تحرك دموعه
اخذني وياك حته اهناك اجيب الماي من طوعه
لوعة فركتك تدري مثلها ما شفت لوعه
انسه الالام لو شفتك جاي
اكبر والنوح يكبر وياي
**
حميده انه الكثر حزني وابد ما غمضت عيوني
وباجر بالطف امن الصوط راح اتورم امتوني
مثل ما بالحبل جتفوك باجر هم يجتفوني
ولو صار السبي للشام بالكوفه يمروني
ويم كبرك راح اشرح بلواي
اكبر والنوح يكبر وياي
***
تمت
تحسين الخفاجي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
788 views09:32
2022-08-03 12:32:36
#تراث
حميده اشما تشوف حسين ابو اليمه يجي يمـهـا
تـذكر عودهـا وتسيل دمعتهـا بوجـه عمهـا
ــــــــــــــــــــــــــــــــــــــ
حميـده مـن تشـوف حسـين عمهـا تـسـيـل دمعتهـا
وتـذكـر عـودهـا الـي جـان سـهـران علـى راحتهـا
وعمهـا مــن يشـاهـدهـا يصـوت ويـن عمتهـا
يزينب سكتي الطفله
عليهـا مبينه الذله
بلـچن بيچ تتسله
وبلچـن تـخـف ونتهـا وبـواچيهـا ويـخـف هـمهـا
ــــــــــــــــــــــــــــــــــــــ
تكلـه ابـيش اسـليها وهـي تبـجـي علـى والـدهـا
ودمعهـا بكثـر جروانـه يخويـه اثـر بـخــدهـا
يخويـه حسـين للكوفـه وي ابنـك علـي ودهـا
تـره علـى فـراك ابوهـا تمـوت
يخويه شـو تـون بسـكوت
وتجــري دموعهـا بـلا صــوت
خـل ابنك يخويـه بيـد والدهـا يســلمها
ــــــــــــــــــــــــــــــــــــــ
تغـير حال ابـو السـجاد علـى الطفلـه وابوجيهـا
وراد حسـين للطفلـة علـى الفركـه يسليها
بعون الله يحصـل طارش لوالــدهـا يوديهـا
بعـد لا تضـل ملهوفـه
لا بـد توصـل الكوفه
لاچـن عودهاتشوفه
يـولا جـرح والـدها يضـل كلســاع يلجمهـا
ــــــــــــــــــــــــــــــــــــــ
ضـلت واعله كـل طـارش حميـده عيونهـا تـربـي
وتجـري دموعها وتصيح علـى عـودي انخمـش كـلـبـي
إكــولـن يــوم المبــارك عليــه بـي يمن ربــي
وشوفن والدي بعـيني
وحـــاجي ويحـــاجيني
وكلـه لـيش ناسيني
مـن مثـلـك لعد بتـه حنانـه اشـلون يحرمهـا
ــــــــــــــــــــــــــــــــــــــ
تصـيح هنـا يعـمـي حسـين مـاجتي مـن ابـوي علـوم
عجـب لا خـبـر لا طـارش مـن يـوم المشـه لليـوم
يعمـي والدي وحـده وأخـافن يـغـدروه الگوم
وحده ولا أو خـو يـمـه
مـن اخوتـه ولا بـنـي عمـه
علـــــــی بختـــك لا يبواليمه
تعـرف بلـدت الكوفـة وتعـرف غـدر وادمهـا
ــــــــــــــــــــــــــــــــــــــ
ولـــــو ردت لعمتهـا تـرد ودموعهــا تجـــري
ابوهـا عـدل يـو مجتـول مـتحيره ومـا تـدري
تصيـح هـنـا يعـمـي ضـاك علـى فـراك الـولـي صـدري
اضـل برجـا يعـود النـه
يـولا اكطع الضنه
يعمه ايست منه
يعمه وجبدتي بفراك ابوي الدهر سمها
ــــــــــــــــــــــــــــــــــــــ
حميدة وزينب بهل حال ولن صوت ابو اليمه يصيح
حميدة وكامت الطفله وكلسا من هضمها اتطيح
ومن صدت لعد عمها ومن شافت ادموعه تسيح
صاحت يافخر غالب
عليمن هالدمع ساجب
يعمي والدي غايب
يعمي ودمعك اليجري بجبدي النار يضرمها
ــــــــــــــــــــــــــــــــــــــ
الي هاي الدهر ضمها وبعدني خايفه من البين
تهون مصيبتي بس كون يسلم راس عمي حسين
هاذي طلبتي من الله لاچن هاي تحصل وين
حميده جان رجواها
عمها حسين يرعاها
تالي الـــدهـــر خــلاهـا
يتيمة وعودها مسلم وعمها حسين يتمها
المرحوم الحاج مُعين السباك
#اللهم_عجل_لوليك_الفرجخدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
733 views09:32
2022-08-03 12:30:18
حميده بنت مسلم ع
غريبه-يا شمس الضهاري
غريبه-ودور بالصحاري--غريبه
ضيعت أخوان أثنين
ماتو مدري متيهين--غريبه
@@@@@@@@@@@@@@@@
من ذبحو زلمنه-وحتركت خيمنه
سحكنه اعله الجمر يا وسفه والعسكر سحكنه"
لزمت أختي أمن أديهه-الحافر مر عليهه
فرينه وخيمنه أحتركت وإحنه أحتركنه"
ماتت بين إدي أختي-وصحت يهلي العذر منكم
بتكم فرهدتهه الخيل-ونتم هاي عازتكم
زغيره وترفه والحافر-شمسوي بعزيزتكم
أجرن والخيول أتجر-لما صارت وصل بتكم
زغيره-من ماتت خطيه
زغيره-وأخذتهه المنيه--زغيره
ما توصل خمس أسنين
--ماتو مدري متيهين-غريبه
@@@@@@@@@@@@@@@@
طلعنه امن المخيم-أشما طشرونه نلتم
وترد الخيل ونطش اعله عرض الغاضريه"
زينب تحمي بيه-وتشكف عن رقيه
وتصيح السكنه ياعمه تعي رجعي عليه"
نركض والسياط تدور-علينه وتلحك اليعثر
ومن دم المتون الطاح-يهلنه اترسنه كاع البر
ما نكدر نصيح حسين-نصيح حسين ما نكدر
تلمنه الخيل يا وسفه-ويطشنه صايح العسكر
عطاشه-وتعبنه وكعدنه
عطاشه-بس الدمعه عدنه--عطاشه
بني هاشم راحو وين
ماتو مدري متيهين-غريبه
@@@@@@@@@@@@@@@@
أفكدت بالطف أخوتي-وصحت بعالي صوتي
ياهو الشاف أخياني ويدليني بأثرهم"
نحيله وحيلي خاوي-وأحشم بالعلاوي
كومن خلي ننشد بلكي نسمع عن خبرهم"
رقيه أبكتر أبوها تصيح-وسكنه أتدور أعليهه
وزينب تنده العباس-تحاجيه ما يحاجيهه
ورمله تصيح يا جسام-حنتك وين أوديهه
ليله يم علي الاكبر-تلم أوصاله بيديهه
مصيبه-كلمن ين ولدهه
مصيبه-والأصعب والأدهه--مصيبه
الكل يصيح حسين
ماتو مدري متيهين-غريبه
@@@@@@@@@@@@@@@@
ترست الطف أصيحن-اكوم ومره أطيحن
أخوان أثنين الي بالغاره وادي الطف أخذهم"
أنذبحو بالبواتر-أنسحكو بالحوافر
ما أدري بأسر مدري العطش والحر ذبحهم"
لا حس لا خبر منهم-شدور وآنه ما بيه
من كثر الركض بالبر-ميت حيل رجليه
آنه أنشد عله أخواني-وزينب تنشد أعليه
وتايه يسأل أبتايه-هيج الضعن تاليه
هضيمه-الشمر يفتر علينه
هضيمه-ويربط بدينه--هضيمه
والسكنو وسط العين
ماتو مدري متيهين--غريبه
@@@@@@@@@@@@@@@@
يا رب البرايا-وعلام المنايا
عندك أمنتهم يا ألآهي أمن المخاطر"
فرو من رعبهم-ذابحهم عطشهم
واحدهم يلوذ بكتر إخيه وخايف اتدوسه الحوافر
الضعن للكوفه راح إيسير-وبده فرض السبي دوره
ألتفت وخواني أعوفنهم-وآنه بهاي مجبوره
إنكسرنه بطيحة العباس-ومشينه برايه مكسوره
وعفنه اعله التراب إجساد-ابلايه أثياب منحوره
وخوتي-ما ادري بخبرهم
وخوتي-بالكوفه أنتضرهم-أخوتي
ملكاهم بلكي إيحين
ماتو مدري متيهين-غريبه
@@@@@@@@@@@@@@@@
حسين باهض الحلفي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
765 views09:30
2022-08-02 15:01:40
نزله
يــم البنــين اتـــدللي غير الحسين ماكو والي
***
أمنه اوصــيتچ واجــبه بــس لاتوصـــينه
مــو اخوه لا احنه خــدم لحــسين تدرينه
نــيران غيــره ومــن نــشب محد يطفينه
ويم خيم زينب ننطفي بنفاس ابو سكينه
عدنه اليقين ابن علي غير الحسين ماكو ولي
***
باجر اذا گال الشمــر ولد اختي مامونه
وداعـة حليبچ والربه نفــگسهن اعيونه
لايبقى گلبچ بي وجـل كلمتنه مضمونه
الدنيـــا نزعـلـــها اذا الغــالي يــزعلونه
حب الحنين حب ازلي غير الحسين ماكو ولي
***
احچـايه نطيناچ وعــهد نبـقه اعله الحچايه
باجر گصــص تعله وگصــص نسحگها بالرايه
سـيل احــنه والسبعــين الف بالســيل كشايه
صــح اربعـــه بس العده يشــوفونه اهـــوايه
صوت الليوث من يعتلي غير الحسين ماكو ولي
***
يم البنـــين اتطــمني زينـــب نــباريها
بعــيــونه مـــو بالخيــم احنه نخلــيها
بطاريها فن واحد يمر ويجيب طاريها
ساعة قــيامة وداعتـچ بالطف نسويها
حصن الحصين بالطف جلي غير الحسين ماكو ولي
***
عباس اذا هز صارمه وعثـمان اذا زمجر
وجــه الجمع في كــربلا مـعــناتها اتــغير
عبد الله يا ام الوفـه ايگــر عينچ وجعفر
باچر يأمنــه هالرگـــب ترخص لبو الاكبر
وهذا الحچي ابلا جدلي غير الحسين ماكو ولي
***
والينه ابو اليمه وبـعد منوالي أي والي
والمايوالي ابن النبي يضل دائـمن تالي
الرايد علــو شــانه وجوبـاً يتبــع العالي
الماعنده غالـي ابدنـيته مايعــتبر غالي
وللعنده دين گلنه بلي غير الحسين ماكو ولي
***
غير الحسين وعترته منــــشوف أي واحد
الشاهد علينه ام الخـدر والنــهر هم شاهد
الأخــر رمــق بالمعـــركه لحســينه انجاهد
ابشيـلتـچ وبشيبـــاتـچ وبالمعصب انعاهد
متــمسكين بالأولي غير الحسين ماكو ولي
***
حيدر تركي الكربلائي
1.2K views12:01
خ
