آدرس کانال:
دسته بندی ها:
دستهبندی نشده
زبان: فارسی
مشترکین:
5.84K
توضیحات از کانال
قناة تختص بنشر قصائد الشعراء
نعمل لخدمة خدام الامام الحسين ع
من شعراء وارواديد ........♡
يا ابا صالح {عج}
Ratings & Reviews
Reviews can be left only by registered users. All reviews are moderated by admins.
5 stars
1
4 stars
0
3 stars
1
2 stars
0
1 stars
0
آخرین پیام ها 4
2022-08-02 13:59:10
#_مصيبة_ونعـ٢ـي -3
___
وتوجهت السيدة ام البنين-ع-بعد ما علمت بمقتل الحسين-ع-وسبي حرائره من الناعي بشر بن حذلم ، الى دار السيدة زينب-ع-تجر اذيال المصاب والحسرة. فطرقت الباب بيد مرتعشة خائفة. قالت الجارية من على الباب؟ ، قالت إمرأة ثكلى فاقدة ، قالت الجارية إن سيدتي زينب منعت حتى الثواكل من الدخول ، قالت ام البنين قولي لسيدتكِ زينب ، إن امكِ على الباب ولما سمعت العقيلة ذلك صاحت بلسان الحال..
__
وكفت الباب - مو زينه على امي وكفت الباب
لهسه طلاب - من اهد ضلع الزجيه لهسه طلاب
فاكده احباب - هلا بمي الحنينه الفاكده احباب
راح الحجاب - خل تدخل واكلها راح الحجاب
••
اعلى باب حسين كلت اوكف - واجي اتني
تــنـيـت ونــــار هــجــرانــك - وجــتــني
عــلـى ام عـبـاس مـحـتامـه - واجـتـنـي
تشوف السوط ماكل كتر بيه
___
ودخلت ام البنين-ع-لاطمة صارخة مولوله. اي وآحسيناه ، وآشهيداه ، وآ ولدآه
••
عليَّ الدين حــل وكته - لطي امهن
لشارك بالبجي والطم - لـطـمـهـن
واشيل اتـراب وعيوني - لـطـمـهـن
على الداست عيونه خيول اميه
___
وكأني بمولاتي السيدة زينب قد اعطت ام البنين راية ولدها العباس-ع-فأخذتها وصارت تشمها، وهي تقول..
••
هلا بريحة جفوفك يامعدل
يبو حجي الزلال ويا مهيل
يناكود الگلب ياتعب متني
ماهزك مهد هزاك حضني
حك ام التكول المثلك ابني
لا بـــاع الربا ولا خال فشل
شني هل ريحه هاي افيش عنبر
ريـحـة عـرگ جـفـك يـامـشـكر
كـالـوا هـاد بيها اربـات حيدر
وكالوا هازها وعالجيش حــول
يعيوني وضواها خلافك اعمه
يـل امخير يل اختار امه عمه
يـمـن دم النبي المختار دمــه
يمن رسك حسيني ويـا مأصل
دخيل جفوفه منها الطير يلگط
دخيل الشارة والعباس يشنط
لحد اليوم جـودك ماي ينگط
يـمن اسمك ندى وللماي بلل
••
أخـيـتـك حيل مذيتها - شماته
الگلب غير الهجر يبني - شماته
علم جـفك يبو فاضل - شميته
بصر يعقوب رد مرتين بيه
___
ثم اخذت تسأل العلويات واحده تل والاخرى عن مأساتها واخذت تواسي كل واحدة منهن بمصابها.
••
تــعـالــن سولفلي شصار بيجن
لــيــش متربـه وتـنـكت عبيجن
واشم ريحة حرك بجفوف اديجن
الصخور تذوب من حركة نعيجن
وليجن ويـــن يــا زينب ولـيجن
تعمه عيون كــل اهـلي عليجن
••
الرباب تصيح يمه ذبحوا ارباي
وتيتم حضني كـله بذمة الماي
لحد ما اموت لبقى بحزني وابجاي
ليش افتر عكس دولاب دنياي
••
ليله تـصيح كــوه صـار الاكبر
كـبـرتـه بتعب وعيون تـسهـــر
تـالـيـت الـورد مـا بـين عسكر
بين ضلوع صدره الفين خنجر
••
رمله تصيح يمه المات. حيلي
وشيب عــالولـد راسي ودليلي
مــن اهد ما مات زينب تتجيلي
يبدويه واصيله انــخاج تنعيلي
••
اعلى سبي الشام زينب - وين بيها
الـمـدينه بليل سمعت - ون نبيها
تـرى ام عباس عـالطف - ونه بيها
اذا تـطلع تكـعد الغاضـريـه
___
#_الشيخ_حيدر_الحميداوي
محرم الحرام/ 1444 / 2022
#اللهم_عجل_لوليك_الفرج
1.4K views10:59
2022-08-02 13:58:57
لمولاتي ام البنين فزاعي
حيل ارخاص ولدي اكبال الحسين
.
.
صحيح اعزاز همه لاجن اتهون ..
حيل ارخاص ولدي اكبال الحسين
فدوه الطول ابوالسجاد يرحون..
حيل ارخاص ولدي اكبال الحسين
كلتهم كبل ما همه يمشون..
حيل ارخاص ولدي اكبال الحسين
كبل احسين واجبكم تموتون ...
حيل ارخاص ولدي اكبال الحسين
كلكم موتوا يسباع ... وترسوا بدمكم الكاع
نكعوا ابدمكم اتراب الميادين
حيل ارخاص ولدي اكبال الحسين
.
.
منكم رايده توصلني الاخبار ....
حيل ارخاص ولدي اكبال الحسين
متكطعين ولدي الاجل الاطهار ...
حيل ارخاص ولدي اكبال الحسين
كون ابكربلا اتخلون تذكار ....
حيل ارخاص ولدي اكبال الحسين
تندارون وين احسين يندار ....
حيل ارخاص ولدي اكبال الحسين
ولدي او شيلة الراس ... الخدر احسين حراس
بشواربكم تره امَّنْت الصواوين
حيل ارخاص ولدي اكبال الحسين
.
.
الصدر احسين صيروا دون الاسهام ....
حيل ارخاص ولدي اكبال الحسين
منذورين كلكم يمه خدام ...
حيل ارخاص ولدي اكبال الحسين
أريدنكم لاخوكم تجوه وحزام ...
حيل ارخاص ولدي اكبال الحسين
او طيحوا من كبل متطيح الاخيام ...
حيل ارخاص ولدي اكبال الحسين
مذبوحين يولاد .. كون بكربلا غاد
نِذْرَتْكم لأخوكم ام الابنين
حيل ارخاص ولدي اكبال الحسين
.
.
ما تحتاج اوصي يبني عباس ...
حيل ارخاص ولدي اكبال الحسين
انطي اجفوفك او عينيك والراس ...
حيل ارخاص ولدي اكبال الحسين
درع صير الإمامك من الارجاس ...
حيل ارخاص ولدي اكبال الحسين
او صدرك كبل امامك كون ينداس ...
حيل ارخاص ولدي اكبال الحسين
يبو الغيرة يكفّال.. بإسمك راسي ينشال
اريد اسمع ييمه منطي جفين
حيل ارخاص ولدي اكبال الحسين
.
.
أريد آنه اسمع العباس مذبوح ...
حيل ارخاص ولدي اكبال الحسين
او مثل احسين ضل بالغبره مطروح ...
حيل ارخاص ولدي اكبال الحسين
او جسمه إسهام صاير كله وجروح ...
حيل ارخاص ولدي اكبال الحسين
لابن الزهرة اريد اترخصوا الروح ...
حيل ارخاص ولدي اكبال الحسين
جسمكم كله كطعوه .. لآل الزهرة ضحوه
اهنا يولادي يربات الثجيلين
حيل ارخاص ولدي اكبال الحسين
.
فاضل عباس الخزاعي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.1K views10:58
2022-08-02 13:56:30
من شال الضعن ياهو النشد بيهه
ظـلت حـايــره ومنـتـظره واليهه
مـن شال الضعن هيه اعله الحاله
اتـفـكــر بالـحُـسين ونـوبـه بعياله
الـمثلـهـه وگفـت البـيـبان جـتـاله
بس افراگ ابو السجاد سابيهه
ابـاب الـدار كلفه تـوگف الحرمه
وهيه الـواگفه بالضوه وبالظلمه
مـشتاگـه لحـسين يگـلهه يايمه
بهاي الحسره ظلت حيل تاذيهه
ابـدرب اضـعونهم يوميه تـتعنه
الـتـفارگ امـــام اشـلـون تتهنه ؟
تاخذ بيهه حسره اتجيبهه الونه
وگد ما تانته ورمت رجليهه
كــل مـاضعن يجبل تـوگف وتـعثر
وعلى شوفة احسين هواي تتحسر
ست اشهر گضن واتگول شو مامر
حسبه اتجيهه وحسبه التوديهه
ابـيـوم مـن الايام وسمعـت الـصيحه
طلعت لكـن بكــل خطوه الف طيحه
هلبت اجه احسين وضيمهه ايزيحه
وللجاب البشاره الروح تنطيهه
لـن بـشـر ابـن حـذلـم واگـف وينـعـه
يصيح احسين واهله عالترب صرعه
والـعــبـاس يــم عـبـاس شـيـرجـعـه
كل احجايه منه بسهم يرميهه
ألا يا أهل يثرب شيلو مـن يثربَ
شيخ الطايفه ابن الزهره متسلب
وعقيلة بني هاشم عالهزل تندب
ما ضل والي عدهه وغرب تحديهه
المتانيته ضــل فــوگ المســنايه
ومن جف ابو فاضل طاحت الرايه
الـنـاس ابـلا حميـه داسـو الثايه
وزينب فـاجده ومحد يواسيهه
هــاي ام الـبنـيـن وهــاي حـالـتـهه
عگب احـسيـن نوح ولطم گضتهه
حـن حته العدو من شاف دمعتهه
بجت عدوانها ابكثرة نواعيهه
--------------------------------------
ابو حميدة الشويلي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
945 views10:56
2022-08-02 13:51:53
اجتني الناس بصياح... ومن متني الفضل طاح
بلاية حسين طبت ذيج الضعون
وتلكتني غريبه تشبه ام عون
ــــــــــــــــــــــــــــــــــــــ
ضعن كايد ضعن...غريب بلا وطن.. وطفل كايد طفل.. وتلكني وبجن
شنهو صار...هذا دم المن يزينب بلعباية
شنهو صار..ليش رد هذا الضعن من دون رايه
جا وين الكمر جا وين الحسين
ليش مسومره وجوه النساوين
ليش اهل السما يمشون حافين
صحت جا وين لازغار.. يزينب احجي وشصار
شتكلي وشكلها من الركض عود
وَعيون البنات متربه وسود
ــــــــــــــــــــــــــــــــــــــ
حجت زينب حجت.. عالعاشر بدت.. واحس كلبي انذبح .. من تحجي وبجت
شرد اكول.. ابنج عالنهر انطاج عمره
شرد اكول.. الضال منه من الحوافر عطر صدره
ابنج راح ماي وبدته اجدام
راد يشوفنه وعاميته الاسهام
وراسه عالرمح رافكنه للشام
يعمه الناس مو ناس.. سحكو فوك عباس
هذا العينه جنها سيف وشراع
راسه عالرمح وجفوفه عالكاع
ــــــــــــــــــــــــــــــــــــــ
بده العاشر بده..يعارك بالعده..انكسر ذاك الضهر.. اخوي الوحدة
حسين اخوي.. اني شحجيلج يعمة بلا مناصر
حسين اخوي.. بصدره مو بس رمح لا صعدت عساكر
من دمة الترب شبعت يعمه
بس سهام ما ينشاف جسمه
التطشره الخيل يا وصله التلمة
يعمه سوالف هواي.. اكبالي ذبحو الماي
عبدالله السهم خرب ركبته
الما شابع بجي مفطوره شفته
ــــــــــــــــــــــــــــــــــــــ
شسولفلج بعد.. وشمر فوكة صعد.. وذبح ذاك الضوه.. وعليه كلشي انمرد
لمن طاح.. رفع ايده وشافو المحبس يلامع
لمن طاح..السلب ثيابه سلب حتى الاصابع
يتلفت ولا واحد يحاميه
البكلبه سهم انفاسه تاذيه
التسحكه الخيل يا عمه شيضل بيه
وراي العايلة تميل.. اجتنه الناس والخيل
ما ضلت خيم بالبر ركضنه
الما يركض يذبحونه وي اهلنه
ــــــــــــــــــــــــــــــــــــــ
اصرخت كلبي انفطر.. وشبكت اخت الكمر..وكعدنه بلا حيل.. قهر شابك قهر
ادري ليش..بنات الزهره بالبر ركضوهن
ادري ليش.. جمالة الكادهن ذباح ابوهن
العافن صدر اخوهن حيل مسحوك
فشله ينسبن ويطبن السوك
بنات السادة محنيات عالنوك
ليش اهل السماوات.. بخرابة تطب وتبات
اشكبتهن والنواعي انه وام عون
وين الله وحلم هذا الضعن كون
كرار فاهم الخفاجي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
903 views10:51
2022-08-02 13:51:14
[گعديه مولاتي ام البنين ع ]
ولدي ما انتضر منهم خبر ولدي
بس ابو اليمه ابالي
اشتكي المن حالي
_
يسوء حالي ساعه ساعه حسين ماخله اعله فكري
امش ادك بابه ارد اشوفه وهوه ماموجد ادري
عمري مو مالت امتانه وخلص بمتاناه عمري
المثلي لا هم لاقهر
لا عمري يقوه اعله السهر
عايشه بحسرت خبر
من التعب مكسور ضهري
يمته بدويه تعثر بالمشي يمته
هد حيلي فكد الغالي
اشتكي المن حالي
_
عكب المتانه وحسرتي وعمري ذاك الي فنيته
وشوف عيني ابيض عليهم من كثر دمعي الجريته
لن ابن حذلم اكبالي كتله سولفلي الحجيته
عن ياضعن تقره جنت
بلجي يرد ابني كلت
مضيعه زلم والهم اخت
خذه ويا كل اهل بيته
راحو وخلوني ميته وعايشه راحو
ميته الهجر جتالي
اشتكي المن حالي
__
شفته متردد ابحجيه وكلي ويه الروح هونج
كلت يمكن بشر هسه يكلي جم يوم ويجونج
رجع كلي وكسر كلبي حضري يم اربعه اعيونج
محد الج باجر يرد
عوفي المناطر والنشد
بكربله ذبحولج ولد
العذر لو خابت ضنونج
ولدج بطف كربله حجاية بخت ولدج
كتله أمردت دلالي
اشتكي المن حالي
__
كتله لاتحجي اعله ولدي بياكتر صار ابو اليمه
گلها راسه ابرمح عالي وعالترب مطروح جسمه
عدل والحافر يدوسه غطه وجه الكاع دمه
اطشرو وذر فوكت الترب
كل ساعه جسمه ينكلب
ماشفت هيج بأي حرب
خيل تسحك فوك زلمه
داسو لحد ما شفت جسمه انطحن داسو
يحجي واعيوني اتلالي
اشتكي المن حالي
___
امن الكفه حزو وريده ماكو راحه ابموتته
طابعه ابجسمه الحوافر من كثر ما داسته
اعله ضهر مطبوك صدره الخيل ابد ما عافته
ولا سالم ابجسمه كتر
اعله الصدر متربع شمر
وعندي حجي ما ينذكر
خلي السوالف عن رگبته
خوفي اعليج امن اسولفلج بعد خوفي
وبرمح راسه عالي
اشتكي المن حالي
_
بياكتر جانتلي هايه اعيوني تعمه اعله السوالف
مااشوفه ابغربه موته كلبي منها هواي خايف
ياهو يمه وليد بالطف ياهو نكط عالشفايف
گللها ضامي امن انجتل
ولا ماي يم ريجه وصل
لو شرب گطره جا عدل
بعمري ابد ما مثله شايف
رفجه صارت اله ويه العطش رفجه
عن العطش تقرالي
اشتكي المن حالي
بسام قابل الياسري
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
971 views10:51
2022-08-01 12:36:44
عليتكم خذاها الهم... يل رحتوا بظعن خلاني محتارة..
علي كل العذاب التم... بأول خطوة شب بيه الهجر ناره
وبقيت..... ابلا گلب لا روح
أصيح.....ليش الي أحبه يروح
عليل.... گلبي اوينه وين النوح
يا هلي شو كلها غربة... صارت بعيني وراكم...
يا هلي گلبي وأعرفه.... والله ما يحمل جفاكم
دون اخياتي بدمعتي... ليش اظل ابلا حماكم..
گلبي ما يحمل غياب
راح ابوي وگلبي ذاب
تگدر اتعوف الرضيع.... بالله حاچولي الرباب
روحي تصبر مستحيل
كلش صار بعيني ليل
راح أبو گلب الحنين.... راح اليطيب الدليل
*
اعاين للدرب كل يوم.... بلكت من ظعنكم لو عطر يلفي
حرام اعليه صار النوم...عله اجفوف الأبو كل ليلة جنت اغفي
شنام.... ابوي وراح من العين
دموع..... تصب وماهو جف احسين
عذاب .... خلاني اصيحن وين
بدمعي كل ليلة أنادي... بويه وينك ما تجيني
محد اينشف دمعتي..... يا عذابي ويا ونيني
انت عيني وفارگتني... اشلون اشوف ابلايه عيني
بويه لمجانك اروح
گوة امشي ومالي روح
واصرخ بدمعي حسين.... امن لگه بي عطرك يفوح
بويه هسه بيا مكان
وين خلاك الزمان
ادري ما يرحم عزيز.... الينطي للخايف أمان
****
اشلون ادموعي بيه اتهيد... وظل مسرى الظعن من رحتوا بعيوني
وانا اصرخ هلي والناس.... بچوا لمن صحت وحدي اهلي خلوني
اموت... ولا ابقى بعذاب افراگ
جنت....الابو يمي واله اشتاگ
يرد..... هم رجع واشبگه اشباگ
گمت امنّي بروحي باجر.... يرجع الراح ابظعونه
إلّه اجي اركض واطيحن... وابقى احبنه ابعيونه
وارد اگله الفُرگة تكتل.. .... بعد لا ترحل يبونه
ارد اگله اتغربيت
بويه من يوم المشيت
وياك اروحن من تروح.... لأن بعدك شيبت...
لو هوا يحركلي باب
يعلي افز وگلبي ذاب
واركض ومحد اشوف.... وتنزل دموع العذاب
***
هذا أول سفر بظعون... ما ظل يا هلي منكم ولا شمعة..
عبد الله ابعمر أيام...... ليش احسين ابوي ايحبه ويودعه
زغير... بگماطه ورضيتوا يروح
وابوي... يحبه ابرگبته وينوح
ويگول.... اسمعه ايگول يا مذبوح
يا هلي ظل گلبي حاير....حيرتني الروحة هايه
عمتي من عالناگة ركبت..... عاينت للأهل الحماية
وصب دمعها بيوم شافت.... عمي يمها وبيده راية
گلبي من هالفرگة خاف
وروحي ياهم بيها طاف
خايفة چا عمتي ليش... مو گمر يحمي العفاف
رحتوا وتصب العيون
جني اسمع ما يجون
نازحين امن البلاد..... جنكم بهاي الظعون...
****
گالوا للوطن هل جاي..... يهلي ورد ظعنكم وانا فرحانة
فرشت ابروحي كل الدار... ما جني عليلة الون خله امجانه
أصيح.... هله ومية هله بالجاي
تسيل.... دموع امن الفرح عيناي
أبوي... گلت ظامي وجبته الماي..
يا ظعن هذا الأجاني......مو ظعنكم هذا يهلي...
عمتي انه ما صدگتها..... اشگد بقت عمتج تگلي
اشصاير ابحال العقيلة..... تگول محد عندي ظلّي
بويه وينك گمت أصيح
ما ترد ثاري ذبيح
وهاي عمتي ابلا كفيل.... نزلت وظلت تطيح
الأمس يمي امدللات
امن الهظم متغيرات
وعن رقية امن انشدت .... شو بچن كل الخوات
قاسم المالكي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.3K views09:36
2022-07-31 17:28:04
تسافر من دوني... يانور عيوني
بغيابك اني... يتغير لوني
............
تكسر ضهري واكسر ضهرك وگلبك مايرتاح اعليه
رايح ماخذ كل اعيالك وعايفلك بالدار ابنيه
هواي اشتاك الشوفت عينك روحي اعليك تضل مجويه
اشتم انفاسي بحنيتك وين الكه بهاي الحنيه
جنت انه اتصور.... كدامك اكبر
ويمك تلكاني.... شمحلاته المنضر
.....................
يادمعه تفيد وابجيهه من ماشوفنك كدامي
يابويه ومن بعد عيونك ليل ايصيرن كل ايامي
تسافر من حضنك تحرمني وبس بحضنك انه أحلامي
بشوفت عينك بويه اتعافه وتخمد يمك نار الأمي
ياخيمت روحي... شيطيب اجروحي
واعليك احزاني... ومايبرد نوحي
...................
تمشي واني بطرك ادموعي ولااخوه اليمي تسليني
ماخذهم كلهم يالغالي جاالمن بويه مخليني
فدوه العينك وياك امشي فراكك والعله تأذيني
ماريدن كلشي امن الدنيه بويه وبس صوتك يشفيني
وين تخليني... يانور اسنيني
البيت الرباني .... مايحله بعيني
....................
خليني امشي كبال عيونك وشوف شلون امشي ومااتعب
يابويه وضحكت عبدالله. لو عفتوني هواي اتعذب
من يطلع ضعنك كدامي تطلع روحي وداعت زينب
مااتحمل كسر الخاطر وفركاكم يلجمني وانحب
من تودعني... ماينشف جفني
ايضل گلبي متاني... بهمومي وحزني
...................
راح اتنطر انه وجرحي جرح الغربه اليكسر ضهري
الله يصبرني اعله غيابك وشلون اتحمل ماادري
لو غابت عينك عن عيني فدوه العمرك شلي بعمري
صحتي وعافيتي واحلامي وياك ايروحن ياذخري
گلبي شما صله... ادعيلك الله
سالم تلفاني.... انته وعبد الله
محمد هادي العقابي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.3K views14:28
2022-07-31 17:00:36
نعي الليله الثالثه ليله العليله
****
يا دار يا دار. وحشه خاليه امن الاهل يا دار
مكطوعه الأخبار من عدهم صحت مكطوعه الاخبار
كلبي اشتعل نار. عكب الحملو كلبي اشتعل نار
يجوي الدمع صار. يبويه بفركتك يجوي الدمع صار
طفله وعليله. عافوني هلي طفله وعليله
واشتكيله.وشتكيله محد من هلي ضل وشتكيله
مينام ليله. المضيع ابو مينام ليله
ما خذوني ما خذوني. خذو كل البنات وما خذوني
وتعذروني وتعذروني. اجيت اعله الضعن وتعذروني
وجزوني وجزوني. عبر ليش مني يمي وجزوني
يعمن عيوني. اعله يا ساع صحت يمعن عيوني
يا حال حالي. من عكب الاهل يا حالي
الما عدها والي. تضل مدوهنه الما عدها والي
يرتاح بالي. يمته امن الحزن يرتاح بالي
والبيت خالي. ادور عالمشو والبيت خالي
واحبابي غياب دمع عيني يصب واحبابي غياب
واكعد عله الباب. كل يوم اليمر اكعد عله الباب
احا يالتراب. دافن جم عزيز احا يالتراب
يا ناس تنهاب. تره العده ابو يا ناس تنهاب
***
الشاعر
تحسين الخفاجي
1.3K views14:00
2022-07-31 10:10:26
بويه لا تبجي وتهيج جمرتي
حير بامرك واني احير بعلتي
ــــــــــــــــــــــــــــــــــــــ
حير بامرك واني اضل بالدار انوح
وراح افكن خاطري واتنه الجروح
كلبي ما يطيني اكلك لاتروح
خاف ابجي وتنهضم من دمعتي
ــــــــــــــــــــــــــــــــــــــ
راح ابقه مكابره لمن تمر
خاف تلمح دمعتي ودمعك يدر
بويه كلشي ولا اشوفك منكسر
بكسرتك تكبر يبويه كسرتي
ــــــــــــــــــــــــــــــــــــــ
ليش اشوفن دمعتك عالخد تسيل
وليش بالممشه لمن تجبل تميل
ادري يابويه نويت اعله الرحيل
المن اتنوح وتهيج حسرتي
ــــــــــــــــــــــــــــــــــــــ
ادري مالك نيه تاخذني وتروح
وادري راح ابقه بغربتي انحب وانوح
روح يالغالي يبعد اعيوني روح
وانه ادعي لغربتك ولغربتي
ــــــــــــــــــــــــــــــــــــــ
صح اكابر والدمع ما انزله
وعود ما مهتمه لامر القافله
لجن ودي وياك اروح الكربله
وحالي حال الحرم تنصب خيمتي
ــــــــــــــــــــــــــــــــــــــ
بويه والينشدني عن حال الضعون
شرد اكله بياعذر واسكت شلون
بسفره اهلنه بعد جم يوم ويجون
هيه سفره لجن بيها مصيبتي
ــــــــــــــــــــــــــــــــــــــ
شلون لو خطاركم ليكم حده
ويلكه بيبان المضيف مسدده
هوه ينشدني وارد اني انشده
وين اهلنه كلي وارحم حالتي
ــــــــــــــــــــــــــــــــــــــ
ياجبير الكوم يالدومك جبير
اخلاف جفك ياهو بمجانك يصير
ياهو اليسكتني لو حان المسير
ياهو يشبكني ويحبني بهامتي
عباس الفرطوسي الكربلائي
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.3K views07:10
2022-07-31 09:36:20
ضعن طر المدينه وبس نساوين
ضعن شو جنه يشبه ضعن الحسين
الفرق بيناتهم نوگ
عباية وجدم محروگ
رايح وين كتله وجيتك امنين
***
اسكت اونيني ضليت بونيني
اكولن يوم يومين ويجيني
بجفاكم وشلتهه ادموع عيني
لا موت اليجي ولا ماخذيني
يروحي اختاري واحد من الاثنين
يجيج الموت لو ترحين لحسين
يروحي وموتج احسن
بجفاهم عايشة المن
الفگد مثلج فلا يرتاح بونين
رايح وين كتله وجيتك امنين
***
ضعن بي ريحة اهلي الما خذوني
اصدك اعيوني لو اجذب ضنوني
صدك تطلع يلٰاهي وهمه اجوني
نشدت الضعن بس ما جاوبوني
ولا وجه العرفته بهاي الضعون
اكلهم ضعن ابوي؟ وهمه يبجون
ولا ردو نشدتي
ولا راعو دمعتي
غفلة وتعمه خاف من البجي العين
رايح وين كتله وجيتك امنين
*****
بعد ما طالت الصفنه وحسرتي
انشدت حرمة وترس خدي بدمعتي
جبتلج ماي جا شو ما شربتي؟
عليج حسين كليلي انتي عمتي؟
تكلهه اشلون اضوكن واشرب الماي
واذكره حسين صاح مفطرة اشفاي
من التل للمخيم
تطشر حيلي والتم
مشي السبعين عام من الصواوين
رايح وين كتله وجيتك امنين
*****
جا وين الاسباع المشت بيجن.
على اصابعجن تدوسن لو مشيتن
منين النار اجت حرگت عبيجن
اجيتن بيمن وشنهي الخذيتن
وحدتجن تجر النفس گوة
عمت عين الوكت بيجن شسوه
خوات حسين تنضام
سبايا بنوك للشام
وانه اتطكع وصل كلبي عله الحنين
رايح وين گتلة وجيتك امنين
***
متغيره الملامح والتفاصيل
يلمضيعات نجمه بعتمة الليل
الوراه تركض الخيل يسابگ الخيل
اضن بيجن عثرتن بالمجاتيل
الوراه تركض زلم ينشده باله
يموت احسن ولا يفگد دلاله
الخّلص عمره بالخير
شلون بمجلس ايحير
صعب عالماله والي بوليَت البين
رايح وين گتلة وجيتك امنين
**
الخادم احمد داود
خدر الفواطم
لنشر القصائد الحسينية (@Alfoatm3)
#اللهم_عجل_لوليك_الفرج
1.2K views06:36
خ
