قصائد حسينية مكتوبة عامة

2021-09-08 10:20:08 مجروح المهدي .. والجــــارح اني
جرحك ما طايب .. وابليك ابثاني
جرحك ماطايب

مــن يقره اعمال العدي
شتــصـوّر حـال المهدي
شراح ايكون ويا ردي
اموت ..سكوت .. صموت

غايب وانطـر محبــوبي
واسباب الغيبه اذنوبي
دمعي ومـــا لاگ بثوبي
اخيب .. غريب ..عجيب

بس رياء ..بس رياء
انا الأخــــــرت الغيبه

ما باجي ابنيّـه .. ما مره متاني
جرحك ما طايب ..وابليك ابثاني

ما قـاريـــلك قــرانـي
لا نُدبه القاري الساني
بالغِــــيـبه اول تلگاني
ذليل .. هزيل .. عليل

حگك تبجي ابأعــمالي
سوده من ذنوبي تلالي
ناسيك ومـــوش ابالي
نسيت ..دريت .. بجيت

انا ليش ..انا ليش
ناسيك وما ناســيني

السوء البعمالي .. عنك بعداني
جرحك ما طايب ..وابليك ابثاني

مــا باجـيلك من كلبي
انا امبــجـيـك ابذنـبـي
جذبي الكاطعلك دربي
سماح ..نياح .. جراح

انا الكثـــرانه اذنـــوبه
التـوبه المهدي التـوبه
سامحني ومــارد نوبه
رجاك .. حماك ..ضواك

بس سماح ..بس سماح
تـوبـه وما اكسر كلبك

اطلب سمـــاحك .. ذنبي ودلاني
جرحك ما طايب .. وابليك بثاني

بيا عين المهدي انشوفه
وانا مزيـــدله اطــفوفـه
يمته وياه حتــه نعوفـه
جريح ..ذبيح ..يصير

ما صليت ولا صايم
؛اسمـع اذان ونــــايم
مااذكر لجلك كايــم
حسير ..كسير .. اصير

خاف اموت ..خاف اموت
وانا مـأذيـك المــهدي

مشـتاك لشـــوفه .. لو بس بلساني
جرحك ما طايب .. وابليك ابثاني

اتوسل بــيك اهـــوايه
بس كلبي اسود مولايه
يعنـــي مـأذيك ابــهايه
حزين .. شجين .. مُدين

غذّب كــلبــــك مولانه
اليكفر بلله ورحمــــانه
حگك غايــــب مويـانه
بعـــيد .. تـريـد .. عـديد

يا مـــولاي .. يا مــولاي
جم مره مسبب نوحك
كلبـــك فـطـــرته .. مولاي انساني
جرحك ما طايب .. وابليك ابثاني


حيدر عبدالله السعيدي

الـقنــاة الـثـانيـة @Hassoun_10
قنـاة قصائـد حسينية @Alialoussawi
الركب الحسيني @aLRukab_313 باز کردن / نظر دهید

2021-09-07 10:38:45 لسان حال سيدتي ومولاتي رقيه بنت الامام الحسين (ع) وهيه تخاطب رأس ابيها الحسين

فتقول .......

ضامتلك شبكة ما ادري شكبرها تعادل سنين #العمر
واخ ياحضنك الدافي الصار ملعب للخيول الي #تمر
واخ ياجسمك الشايل كل حنان الكون ومجوة بشمس ذاك #الضهر
واخ يا ذيج المحنة نباكت ب طك السيوف
وطشراها شكم #مهر
ويا حسافة الضعن خالي عكبك و عكب أبو فاضل يحدي عماتي #الشمر
وبلحبال مكيدينة والسياط تشاكفت من كل #كتر
وتيهيت الراي عكبك فدوه ردلي تدري هجرك بوية #مر
ويا مدينة نطبها تتلكانة ناس بياسها وذاك #العطر
ودك طبل وصياح ومشامر علينة
وبالحبال وبالحديد مكيدينة
ومادرونة اعظم #خدر
ونمشي وي جتال اهلنة
ع الهزل وبلا محنة
مجتفات خلافكم يهل #الحمة
لليسر حمل ضعنكم وانة بوية مدللة
وعل ركض ما #متعلمة
ونمشي حفاي بدرب متروس نار
وغاركات هدومنة بسيل #الدمة
وهدلت متوني السياط وصطرو عيوني
وتنميت #العمة

الخادم __ ( علي الموسوي )

الـقنــاة الـثـانيـة @Hassoun_10
قنـاة قصائـد حسينية @Alialoussawi
الركب الحسيني @aLRukab_313 باز کردن / نظر دهید

2021-09-07 10:03:39 وكأني برقية عليها السلام بعد موتها التقت بعالم البرزخ مع أبي الفضل العباس عليه السلام وقالت له :

عمي اجيتك بحزني ... فدوة باوع المتني
حبيبي ... كمت انام اعلة الترب
حبيبي ... انتة ماترضى انضرب
فدوة باوع المتني
.......
هلا بطولك ... عمي وينك ... تدري ما ضلت خيام
من اذكرك ... يضربوني ... وبالخرايب كمت انام

يا ابو الغيرة ... ما اندلك حتى اجيك
يا ابو الغيرة ... دورت بالطف عليك
يا ابو الغيرة ... شكد ردت لمسة اديك
يا ابو الغيرة

شوك اكلهن اجدامي ... وبس شماتة كدامي
حبيبي ... كامت دموعي تصب
حبيبي ... انت ما ترضى انضرب
فدوة باوع المتني
.........
عمي باكوا ... مني كلشي ... وتالي ماتالي انسبيت
كيدوني ... وحيل شدوا ... حبل بجفوفي وبجيت

يا ابو الغيرة ... من جرح ذيج الحبال
يا ابو الغيرة ... اثر دمي اعلة الرمال
يا ابو الغيرة ... وينك اوين الدلال
يا ابو الغيرة

تريد اكلك شلوني ... غَيرت الشمس لوني
حبيبي ... آه يا ذاك الدرب
حبيبي ... انت ما ترضى انضرب
فدوة باوع المتني
........
سوط بيدة ... اليحدي بينة ... وما يخليني استراح
كبال عيني ... هواي اشوفن ... زلم وبجفهم رماح

يا ابو الغيرة ... ليش ياعمي عباس
يا ابو الغيرة ... شتموني هواي ناس
يا ابو الغيرة ... مستحة مهبطة الراس
يا ابو الغيرة

علية هالألم ما مر ... من التعب كمت اعثر
حبيبي ... امشي يالكافل غصب
حبيبي ... انتة ماترضى انضرب
فدوة باوع المتني
.........
صرت فرجة ... ودخلوني ... الشام بصوات الطبول
استوحدوني ...وغربوني ... وانة من بيت الرسول

يا ابو الغيرة ... ياذنب كلي شجنيت
يا ابو الغيرة ... ولية بالشام نوليت
يا ابو الغيرة ... بسمك هواي نتخيت
يا ابو الغيرة

الدف بذاني اذاهة ... هواية عيني بجاهة
حبيبي ... وشمروا حجار الغرب
حبيبي ... انت ما ترضى انضرب
فدوة باوع المتني
........
عمي تدري ... شلون موتي ... صار من شفت الحبيب
كبالي جابوا ... راس ابوية ... ونكطع صوت النحيب

يا ابو الغيرة ... شفتة وبدمع العتاب
يا ابو الغيرة ... اكل شيباتة التراب
يا ابو الغيرة ... وانفتح للموت باب
يا ابو الغيرة

راس ابوية حاجيتة ... روحي اخذهة حسيتة
حبيبي ... أخذ روحي والگلب
حبيبي ... انت ما ترضى انضرب
فدوة باوع المتني


خادم خدام آهل البيت عليهم السلام
سجاد الدلفي

الـقنــاة الـثـانيـة @Hassoun_10
قنـاة قصائـد حسينية @Alialoussawi
الركب الحسيني @aLRukab_313 باز کردن / نظر دهید

2021-09-06 18:50:12 خدمة الحسين عليه السلام
لا تقصرون .. وجهو المنشور قدر المستطاع واليكدر يساعد متوفرة أرقام الهواتف الخاصة
ولكم الاجر والثواب باز کردن / نظر دهید

2021-09-06 18:48:52 فاطمة، بغداد تبلغ من العمر ١٧ عاماً
ولم ترى شيئاً طول هذهِ السنين غير الموت البطيء ..
تعاني الملاك فاطمة من تصلب وغمور العضلات والأعصاب.
علاجها لايتوفر في العراق ، تعالج في إيران كل ٣ أشهر وبمبلغ ٤ مليون دينار

ومنذ سنةً لم تتلقى فاطمة العلاج بسبب عدم توفر المبلغ !
عارٌ علينا إذا بقيت فاطمة بدون علاج ..

للتبرع :
رصيد أسياسيل
- 07721131900
زين كاش
- 07804027727

شارك بإيصال صوتهم باز کردن / نظر دهید

2021-09-06 15:52:51 #الهاربون_نحو_الحسين باز کردن / نظر دهید