عضه طفلك أثناء الرضاعه الطبيعيه من الأشياء المؤذيه اللي اغلب | t.me/doctoristishara

عضه طفلك أثناء الرضاعه الطبيعيه
من الأشياء المؤذيه اللي اغلب الأمهات تعاني منها
و بالأخص خلال فتره التسنين فشنو اسوي و شنو الحل و كيف اتخلص من هاي العاده
كتبتلكم هذا البوست
أفكار لإيقاف العض
١. اغلب الاحيان تكون العضه بنهايه الرضعه من بدأ يشبع و يريد يلعب فهسه وقته يريد يعض
انتبهيله اقريه
اعرفي انه شبع و دا يلعب و تكدرين تعرفين من حركات فكه تبدي تضعف معناها العضه قادمه
بكل بساطه خلي اصبعك الصغير بفمه و اسحبي الثدي و بس
٢. اغلب وقت العض هو بوقت التسنين و حتى تخلصين من هذا الموضوع انطيه عضاضه تنملي بمي بارد او ثلج قبل ما ترضعيه من شفتيه يمص بالعضاضه معناها جوعان
٣. تأكدي من أن طفلك يفتح حلكه بقوه من ترضعيه و منزل بوست عن شون تفتحين حلكه للطفل بالصفحه
بحيث ما تكون الحلمه بين أسنانه و ياذيك
٤. لا تجبريه على الرضاعه اذا هو ما مهتم و ما يريد اتركيه
٥. الانتباه الانتباه الانتباه طفلك اناني يحبك و يريدك بس اله و انت حاضنته و دا تنطيه الحليب بالرضاعه الطبيعيه اللي هي روح الامومه و جوهرها احجي وياه و خلي عينك بعينه و امدحيه اي نعم امدحيه يحبون جدا أحد يمدحهم

.
.
طيب من عضك شنو تسوين؟
هنا عليك تسحبين الثدي بهدوء و أبدا لا تتفاعلين ويه الموضوع يا اما ما تحجين شي او تكولين لا تعض و وقفي الرضاعه الطبيعيه لفتره هاي الفتره انت تقرريها مو هو وراها عاودي اذا رجع عضك طولي الفتره أكثر و أكثر
.
.
ابد ابد ابد لا تعيطين عليه و لا تصرخين من اسوء أنواع العقوبات هي الصراخ على الأطفال و تنطيهم طاقه سلبيه
شكرا الكم
و
.
.
د. سيف سمير البياتي
اخصائي طب الأطفال