قصائد سيد فاقد الموسوي المكتوبة والصوتية

2021-08-13 11:30:28
بالطف كلشي منك راح
ثوبك والعمامة ومحبسك يحسين ..
چا ليش العطش ما راح ؟
ماصح للعطش سلّاب ؟ باز کردن / نظر دهید

2021-08-12 21:41:50 سيد فاقد الموسوي // موعد الحسين // محرم الحرام 1443 هـــ باز کردن / نظر دهید

2021-08-12 21:38:39 #موعد_الحسين


ماعدنا ويه حسين
            موعد بچي ودمعة
خدّام ابو السجاد
            طول السنة تنعى

نلطمله نبچي بكل وكت
مــانـنـتـظـــر عــاشـــور ..
ــــــــــــــــــــــــــــــــــــــــــــــــ

مادام الجرح موجود
عيون اليحب يبچنّك

عشرتي وياك روح بروح
يبعد المايشوفنَّك

شگد الأُم عزيزة هواي
بس ما هيَّ اعز منك ..


يالطايح عريان وضامي
وساكن حزنه بنص الروح

لازم يعشگ دمعة عينه
الحَب حسين المذبوح


كون الدمع لحسين
            مـاينـگطـع لحظة
للـمَجلـس الـخـدّام
            تركض فرد ركضة

ماننسى جرحك للأبد
يـالـمـنـذبـح مـنـحـور

نلطمله نبچي بكل وكت
مــانـنـتـظـــر عــاشـــور ..
ــــــــــــــــــــــــــــــــــــــــــــــــ

يالميت تگول الناس
واحنه نگول هذا انت

يَعالي ومايلوحك چف
محيرة الكون سالفته

شفت الدين راد يطيح
بنحرك هيچ عَدّلته ..


ياجرح الله النازل بينه
حگ الوادم تبچي اعليك

بس العايش لوعت زينب
يعرف يَحسين انت شبيك


باگـوا قميصك ليش
وانـت السـتــر كـلـه
شما تنجرح يَحسين
بعين الـخـدم تحلـى

كل عمري فدوة لخدمتك
يـاسيدي مَنذور

نلطمله نبچي بكل وكت
مــانـنـتـظـــر عــاشـــور ..
ــــــــــــــــــــــــــــــــــــــــــــــــ

حزنه الـ بالگلب موجود
ماله أيام معدودة

لجلك من يمرني العيد
انه بدشداشتي السودة

إمامي بكربلا يگولون
حافر دايس خدوده ..


خدّك هذا تحبه الزهرة
تالي الحافر داس اعليه

اليگطع خنصر خاطر محبس
لو طالب منك تنطيه


للمنسحگ بـالخيل
و مـسـلـبـة ثـيـابـه
شنهي العشرة ايام
مـاتـكفـي لمصـابـه

كل السنة مجلس اله
ماتاني سنته تدور

نلطمله نبچي بكل وكت
مــانـنـتـظـــر عــاشـــور ..
ــــــــــــــــــــــــــــــــــــــــــــــــ

شني يحسب شهر وهلال
الرايد يبچي محبوبه

ندري الي جرى اعله حسين
السما والگاع مگلوبة

راس حسين فوگ رماح
وفوگاها نسلب ثوبه ..


يالماضلت لك كل خيمة
يالميت ماضايگ ماي

نايم بالحَر يوم العاشر
يالچفك فوگانا فياي


لازم عليك هـواي
يـاسـيـدي نبچـي
لمن يجينا المـوت
بغيرك فلا نحچي

هذا العهد گلنا الك
لو جينا احنه نزور

نلطمله نبچي بكل وكت
مــانـنـتـظـــر عــاشـــور ..
ــــــــــــــــــــــــــــــــــــــــــــــــ

الدنيا دنيتك يحسين
وحتى الآخرة بيدك

دامي ومنذبح عطشان
واحنه سيدي نريدك

الوحيد انت مع الحبوك
ماتخلف مواعيدك ..


وي غيرك ماحس بروحي
بس وياك اشعر انسان

ترويني بچفك من اعطش
يالعايف روحك عطشان


كـل الـدمـع والـنــوح
تستاهله انت حسين
وعـن المشن للـشــام
لا مــا تـنــام الـعـيـن

باقي عليك بهالحزن
لمن يجي المنصور

نلطمله نبچي بكل وكت
مــانـنـتـظـــر عــاشـــور ..
ــــــــــــــــــــــــــــــــــــــــــــــــ
❀ اداء : سيد فاقد الموسوي
❀ الشاعر : محمد البطحاوي

❀تلگرام : قصائد سيد فاقد الموسوي المكتوبة @facdy باز کردن / نظر دهید

2021-08-12 21:11:21 سيد فاقد الموسوي // كربلاء هواي // محرم الحرام 1443 هـــ باز کردن / نظر دهید

2021-08-11 23:26:23 #كربله_هواي


كربلا يعني هواي
كربلا بيها دواي
كربلا يعني حسين.. كربلا.. كربلا..

كربلا بيها أمير
كربلا جرحه چبير
كربلا يعني حسين.. كربلا.. كربلا..
ــــــــــــــــــــــــــــــــــــــــــــــــــــــــــــــــ

ميّة هلا بهذا التعب. خدامك هواي
سوو المواكب عالنهر. خل يتعب الماي
باچر يجي گبر الحسن. لحسين مشاي

ليش..
ينشد من يجينه. والدموع هواية

ليش..
ماعندي بضريحي. لا خَدَم لا راية

ليش..
چا يمته اعله گبري. تلتم المشاية ..

يكبر گبري وانام
فوگ الگبة حمام
وتوديلي سلام.. كربلا.. كربلا..

كربلا يعني هَواي ......
ــــــــــــــــــــــــــــــــــــــــــــــــــــــــــــــــ

يالتنعشگ مو تنسحگ. ماتفهم الناس
انطيني واحد لو دعى. ينطونه عباس
فوگ الرمح ترهب چنت. عود انت بس راس

راح..
كل سيف اليذبحك. وانت تحلى رسومك

راح..
وانت الدنيا كلها. صلّت اعله هدومك

راح..
يوگف كلشي عدنا. ونبچي بس ليومك ..

لو بالعاشر افوت
كل ايامي تموت
ليهسه اسمع صوت.. كربلا.. كربلا..

كربلا يعني هَواي ......
ــــــــــــــــــــــــــــــــــــــــــــــــــــــــــــــــ

ياگلبي شد حيل الدمع. مو بس الحزام
غمضني وامشي لكربلا. وادخل للخيام
كون انه بالمجلس واحس. لاحتني السهام

كون..
ماي الگه بخيمكم. والعطش ما جاسك

كون..
اعثر واليتامة. تگلي حافر داسك

كون..
ذباحك ذبحني. وانت سالم راسك ..

لو ذبح انت خذاك
تنسبي دنيا وراك
ياهوا وانت هواك.. كربلا.. كربلا..

كربلا يعني هَواي ......
ــــــــــــــــــــــــــــــــــــــــــــــــــــــــــــــــ

ياگلبي حط روحك ستر. لو واحد يعيل
زينب بعدهي بلا خيم. لاينزل الليل
گلهم علي الاكبر رجع. من تركض الخيل

طيح..
گدام اليطيحن. للمخيم سافر

طيح..
واتلگه الحوافر. لايعبرك حافر

طيح..
سولف لليذبحك. الا اعيش العاشر ..

شمسوي انه عليك
يمكبرني بأديك
كون مگطّع اجيك.. كربلا.. كربلا..

كربلا يعني هَواي ......
ــــــــــــــــــــــــــــــــــــــــــــــــــــــــــــــــ

باچر على چفوف اللطم. مايعلى كل صوت
يرجع ابو فاضل گمر. والمشرعة تموت
والمهدي أول مايجي. للمجلس يفوت

ماي..
تشرب كل يتيمة. باچر من عيونه

ماي..
ويجيب الشريعة. للخيم بمتونه

ماي..
باچر عالمخيم. بالهوا يطشرونه ..

بيده الدنيا تصير
بس المهدي چبير
و بفقاره يدير.. كربلا.. كربلا..

كربلا يعني هَواي ......
ــــــــــــــــــــــــــــــــــــــــــــــــــــــــــــــــ
✿ اداء : سيد فاقد الموسوي
✿ الشاعر : حمزة الحسناوي

✿تليگرام : قصائد سيد فاقد الموسوي المكتوبة @facdy باز کردن / نظر دهید

2021-08-10 13:15:28 قُم للعزاءِ بالروحِ قبلَ
الجسد حُزنًا معَ السماء
فذي فاطمٌ نشَرت قميصَ
'حُسين' مُلَطَّخٌ بالدِّماء! باز کردن / نظر دهید

2021-08-10 13:14:29 إذا هلّ المحرّم في سماءِ الهَم
قميصُ السّبطِ لاحَ مُضمّخًا بالدّم
نشرَتهُ ملائكةُ السّماء كي نعلَم
بأنّ لنا برُزءِ حُسينِا مأتم
.
.
إذا رأتهُ أعيُنُ البصائر
فيغلِبُ الحُزنُ على المشاعر
.
.
إذن هوَ المُحرّم
على القلوبِ خيّم
حيّ على العزاءِ
باز کردن / نظر دهید

2021-08-10 05:48:30

عاشُورُ جاءَ فَقُمْ تَجهَّز باكياً
واترُك عيونك دَمعها يَتكلَمُ باز کردن / نظر دهید

2021-08-10 05:46:18 #خل_تسمع_كل_الناس
بس حسين اعله الـراس


ماكو اوجب من ابن الزهرة و عد الله حسين الدين
ماخالقنا الله لخدمتكم خالقنا من اجل حسين
اسمع يالرايدنا نسلم بس لحسين مسلمين
عميان وي حسين بكلهن بس وياك مفتشين

واجب لأجل العطشان .. لو گطّعنا الذرعان ..

والفتوى مـن الـعبـاس

خل تسمع كل الناس ..
بس حسين اعله الراس ...
ـــــــــــــــــــــــــــــــــــــــــــــــــــــــــــــــــ

اية الله حسين الكبرى وما ضمتها الايات
ارجع للتاريخ وراجع عن تاريخ الهيهات
ياما گالوا ماكو زيارة وغبشنا الهم رايات
لازم نتحزم وي جابر ونلاگي العلويات

مااعـرف اتبعلي اثنين .. يعذرني الموش حسين ..

لحسين الدنيا مداس .. والفتوى من العباس

خل تسمع كل الناس ..
بس حسين اعله الراس ...
ـــــــــــــــــــــــــــــــــــــــــــــــــــــــــــــــــ

حسين الدين المايتغير والكل غش و وهمان
محّد سامع بالله الواحد لو ما نحر العطشان
لولاه چا ماسولف عيسى ولا صامت بت عمران
ماتلگه اسم حسين بمصحف چي ماشاله القرآن

ماريد تصير وياي .. ولاريدن منك راي ..

ثَبتلي حسين الساس .. الفتوى من العباس

خل تسمع كل الناس ..
بس حسين اعله الراس ...
ـــــــــــــــــــــــــــــــــــــــــــــــــــــــــــــــــ

نسمع غير حسين ونقنع كلمن گلك چذاب
اسم حسين اكبر من عقلك واكبر من كل كتاب
لو شلت حسين من الدين يصبّح دين الله تراب
ربك بالطف سد بيبانه وگال ابن الزهرة الباب

واحنه بباب المعبود .. لمن يلفي الموعود ..

نعلگله شموع و ياس

خل تسمع كل الناس ..
بس حسين اعله الراس ...
ـــــــــــــــــــــــــــــــــــــــــــــــــــــــــــــــــ

باچر من يطلع مهدينا يبينون اهل الوجهين
ياهو الخايف يضعف حزبه وياهو الخايف ع الدين
ياهو الـ بالعاشر مايدري وياهمَّ المتطينين
وياهو الدين مفصل الراية وياهو الياكل بحسين

باچر كل شدة تهون .. بچفوف المهدي الكون ..

ماضل شي ويبدي الداس .. والفتوى من العباس

خل تسمع كل الناس ..
بس حسين اعله الراس ...
ـــــــــــــــــــــــــــــــــــــــــــــــــــــــــــــــــ
✿ اداء : سيد فاقد الموسوي
✿ الشاعر : احمد المشرفاوي

@facdy باز کردن / نظر دهید

2021-08-09 23:36:48 -‏#هذهِ الليلة :
تَنْشُر الزهراءْ قميصَ الحُسين عليه السلام
ملطّخ بالدماء #الشريفه علينـا أن نستشعر #الموقف العظيم حتى وإنْ #كنّا لا نراه #بإعيننا فبصيرتنا كافية

#ساعد_الله_قلبك_مولأتنا_يافاطمة_الزهراء_عظم_الله_لك_الأجر باز کردن / نظر دهید