2021-09-11 07:12:52
على لحن سدو الماي الماي...
الرادود حمزة الزغير.. طاب ثراه
~~~~~~~~
ما يجي حسين حسين وين وآلينه
مو كَلب كَلبي انكسر لاعلم لا چفين وين وآلينه
*************************** زينب آنه أم الخدر مات مني الحيــل لا تضيعوني
حرمة وحدي بكربلة من تصول الخيل لا تعيفوني
شكثر بيكم حشمت والدموع تسيل ما تسمعوني
من هويت على الكَاع غارو علينة
الخيل سحكَت چم طفل خوية فكَدك مو سهل
لا جرح لا جرحين وين وآلينه
************************ حركَو علينة الخيم خوية والأيتام من يحاميها
شاب كَلبي من الحزن شلون عيني تنام وآنه اصد ليها
شلون تصعد عالهزل تنسبي للشام عكَب واليها
شلون يا خوية بهاي ما تحاچينه
نمشي عنك لليسر وانت خوية بلا كَبر
شكثر تانيته البين وين وآلينه
************************ رحت يمّ تل الحزن والكَلب لهاب شفتك بعيني
الخيل تسحكَ جثتك أنصاب كَلبي صواب ما تحاچيني
عمت عيني ولا شفت يسلبك السلاب وأخمش جبيني
الكافل بلا چفين وأنطفت عينه
طاح شيال العلم بعد من يحمي الحرم
بكَلبي تسعر نارين وين وآلينه
************************ ما كَلتلي ما ترد حتى اروح وياك وانذبح دونك
العمر بعدك ياعمر شلون خوية انساك من يذبحونك
تعوفني بهاي الشدد ما تجي من انخاك سلبو ضعونك
وشكثر من الخوف صاحت سكينه
وانت ما منك خبر كَلبي يا خوية انكسر
وين اروحن ما وين وين وآلينه
************************ من اجت نوكَ اليسر صحت يا عباس وصوته ما جالي
يصير راضي بغربتي فرجه بين الناس لو رضه بحالي
آني من يمته أنشتم والخدر ينداس وراسك كَبالي
لا أهل لا خوان من يحامينه
بس يتامة ال بالضعن بيش اردن للوطن
خوية عنك ماشين وين وآلينه
************************ دار يحسين الدهر لني لا وليان لا خدر عندي
لا علي اليحضر ألي لا كَمر عدنان لا صبر يجدي
لسه تدوي بمهجتي حركَة الصيوان من چوت خدي
يا زماني الوياك راحن اسنينه
ضيعتهم كربلة هذا حال العايلة
الظلت بلاية معين وين وآلينه
************************ حيدر حسين الكرعاوي
https://t.me/hhaaiiddeerr2019
51 views HH..HH..HH , 04:12
ا
