رواياتي📖📚

2023-05-24 18:57:04 ونحنا الفيناا كمللت بعد4ساعات ونص حتى الدكتور جا طالع بمسح عرقو بالمنديل وكلنا منتظرنو قال لينا الحمدلله مرت على خير عاملين ليها غسيل 4مرات خلال 4ساعات الانسانه دي ماخلت حبه طايرة مابلعتها المهم حمدلله على سلامتها لو اتأخرتو شوية كانت الادوية اخدت مفعولها حاليا ما اي شي لازم يدخل معدتها الحمدلله على سلامتها مرة تانيه ومشاا بعدين طلعوها ودخلوها غرفة عاااديه كلنا كنا منتظرنهاا نااامت يوم كامل لغااية ماصحت...







يتبع.... باز کردن / نظر دهید

2023-05-24 18:57:04 ه*سكة المجهول *
*#بقلمي سارة بشرى *
(25)

على لسان سارة:-
بعد كلام وسام اضايقتا شديييد هو في حالة لا يرثى لها طبعا انا مابقدر ادفع ليهو المبلغ داا بس هو اساسا رافض المساعده المادية من اي زول عنيد شدييد ماعارفة نهاية الموضوع دا حتكون شنو اتصلتا على عماار حكيت ليهو الحصل وقلتا ليهو نتصرف كيف لازم نساعدو اذا اتأخر في الدفع وجن حتتسجن قال لي ماعارف استني علي افكر في طريقه وارجع ليك قلتا ليهو تماام فكرتا انو ممكن انا اسحب القرض وادي ليه بس عارفاهو حيرفض طلعتا من البنك لمن وصلتا البيت عمار دقا لي قال لي لقيا طريقه عشان نساعد وسام بدون مايعرف انو نحنا الساعدناه وفي نفس الوقت ماحيقدر يرفض القروش قلتا ليهو بالجد كيف قال لي زي مابتقولي انتي بلغتك التركيه iyi Dudyim beniضحكتا قلتا ليهو سامعاك يلا احكي
_____
على لسان احمد:-
طلعتا مشيت على جامعة وجن لقيتها برة قعد تبكي مشيت سألتها الحاصل شنو حكت لي بجية سماح والبنات وكلامهم القالو قال ليها ياريت لو بقدر اساعد قالت لي كفاااية اديتنا بيتك انا جبتا المصيبه دي للبيت بس والله ماعارفه كيف حاحلهاا ماعندي اي شي عشان ابيعو قلتا ليها طيب ماعندك موهبه مثلا رسم كتابة غناء عزف اي شي يعني حاجه تقدري تستفيدي منهاا سكتت مساافة بعدين قالت لي ولا واحد من ديل عندي بس انا ذكيه يعني لماااحه ودارسة كتيير بعرف معلوماات وكداا عقلي ملان يعني الذكاء وراثه في عايلتنا يعني حتى وسام الحاجه يشوفها مرة واحده بس تاني مابنساها ابداا دي نعمه من رب العالمين قال ليها طيب ممكن تشاركي في مسابقات المعلومات العامة البعملوها دي وبتكسبي من خلالها قروش وفي نفس الوقت بطلع اسمك وكداا وجن قالت لي كيف بقدر اشارك قلتا ليها تلفونك وين قالت لي داك كان مسروق فسلمتو للشرطه يشوفو حق منو ويرجعو ليهو يعني حاليا ماعندي تلفون اديتا تلفوني خليتها دخلت صفحتها حقت الفيس وبقينا نفتش عن صفحات تقدر تشترك فيها وكداا لقينا كم صفحه بس المبالغ بسيطه عاينت لي بيأس كداا قلتا ليها الا مانلقى طريقه تقدري تكسبي منها مبالغ تساعدكم قالت لي بس زمن التسليم قرب سكتا وبقيت اعاين ليها وهي يأسانا كداا ملامحها بالجد كانت ملامح زول يأس من الحيااة خلاااص
_______
على لسان الكاتبة:-
فعلا وجن يأست من الحياة طول الطريق وهي راجعه على البيت كانت بتتذكر تصرفاتها مع امها واخوانها طريقة كلامها المصايب الجابتها واخر مصيبة ماقادرين يحلوها واذا ما اتحلت هي حتدخل السجن وحتبقى حرامية رسمي ومستقبلها حيضيع وصلت البيت وهي سرحاانه مشت على غرفتها دخلت وقفلت الباب رمت شنطتها وقعدت في السرير وبتعاين في جهه واحده والزكريات مارة قدامها زي الشريط قامت طلعت ومشت على غرفة وليد فتحت الادراج طلعت علب الادوية البستعملها وليد فضتها في يدها وكلها دفعه واحده بلعتها بلعت علبتين كاملات وطلعت ماشة على غرفتها راسها لفى وقبل ماتصل غرفتها جات واقعه جنب الباب في اللحظه دي وئام جات طالعه لانها سمعت صوت الوقعه شافت وجن واقعه ومفتحه عيونهاا جاتها جارية بتناادي فيها وبتصرخ امها جات من برة شايلة اكياس في يدها لمن شافت بناتها الاكياس وقعو وجات جاارية وجن براحه غمضت عيونها امهم قالت لوئام اضربي لاخوك وسام سريع وئام ضربت لوساام وصوتها برجف وشغالة ليهو وجن ماتت يا وسام وجن ماتت الحقنا اختنا ماتت وجدعت التلفون ورجعت لوجن جات هديل مع وليد وهو ماشي بعصايتو شافو وجن كلهم اتوترو طوالي هديل طلبت اقرب ترحال للبيت كلهم سندو وجن طلعوها للترحال وطلعو على المستشفى في الشااارع ضربو لوسام ورهو انو ماشين المستشفى مما وصلو دخلو وجن العمليااات مباشرة كان نبضها ضعيف شدييد وكلهم واقفين قدام غرفة العمليااات جا وسام مخلوع
___
على لسان وسام:-
لمن وئام قالت لي وجن ماتت حسيت عقلي شطب وبقيت مامستوعب شي ولا فاهم يعني للحظه فقدتا حواسي الخمسه وبقيت ماحاسي بأي شي وبقيت واقف في مكاني بدون حركة حتى عمي كان بتكلم بس ماعارفو كان بيقول في شنو فقدتا حواسي بالجد لو ما اتصال التلفون ووليد قال لي انهم ماشين المستشفى وقتها حواسي رجعت لي قلتا يعني وجن عايشه وطوالي قلتا لعمي خلينا نمشي على المستشفى ماقصر والله وصلني لغااية المستشفى انا نزلتا حتى قبل ما العربيه تقيف كوويس وجريت جري سألتا منهم ومشيت على غرفة العمليااات لقيتهم واقفين وليد قال لي يادوب دخلوها لسه مافي شي امي كانت بتبكي وبتقول ليه عملتي كداا يابتي ليه يااخ قلتا ليها ان شااءالله تطلع بالسلااامة بس ضربتا لاحمد وريتو شوية شفتا سارة وعمار قدامي قلتا ليهم عرفتو من وين سارة قالت لي هديل الورتها سكتا وبقينا كلنا منتظرين احمد جا وقال لي الصباح كنتا معاها وكنا بنتكلم اتكلمت عن موضوع القروش وانكم دخلتو المصيبه دي بسببها وبتفكر كيف تطلعكم منها صراحة ملامحها كانت ملامح زول يأسان والله بس ما اتوقعتها تعمل كداا ما اتوقعتها ضعيفه للدرجة دي عملية وجن طولت شدييد باز کردن / نظر دهید

2023-05-24 18:57:04 *سكة المجهول *
*#بقلمي سارة بشرى *
(24)

على لسان وسام:-
بعد ما امورنا اتصلحت شوية كداا وانا بديت اتنفس الصعداء وعايشين بشغلي حق الكمسرة جاني اتصال من المحكمه بذكروني بالدين العلي ال100الف انا ما كنتا ناسيهو والله بس هم حبو يذكروني انو وقت التسليم قرب طبعا طردوني من شغل الميكانيكا فيااادوب امورنا ماشة بقروش شغلي حق الكمسرة الشي المريحني هو وجن العلاج نفعها واتغيرت شدييد وحياتنا في البيت دا كمان نفعتها بقت زولة كوويسة وبتساعد امي وبتسمع الكلام وماصاحبت اي زول في الجامعه دي همها قرايتها وبس انا منتظر بداية السنه عشان اسجل ومساعدني عمار في الموضوع حاول على قدر مايقدر خلال الفترة دي انو يبقى صحبي ساعدني في موضوع القراية شدييد واتعلمتا كتييير،،،،نحنا حاليا واقفين قدام بيت ناس سارة امي دقت الباب فتحت لينا امهاا وليد واقف بعصايتو براحة همس لي وقال بعرف انك يمكن تكون موجوع بس ربنا كفيل انو يجبر بخاطرك قلتا ليهو انا كوويس الاتنين الحنحضر خطبتهم حاليا اصحابي ساعدوني ووقفو معااي كتيير جا دوري اقيف معاهم فتحت لينا امها سلمنا عليها ودخلنا ضيفتنا في حوشهم كان نظيف وفيهو ناس كتاار قعدنا وشوية جات هديل ضيفتنا عصير وسلمت على وليد طبعا بقو اصحااب شدييد قااعدين لغااية ماشفتها طالعه مع صحبتها لابسة فستان ومحجبه كانت جميلة وبتخطف الانظار بقيت سرحان فيهاا لغااية ماقعدوها في كرسي في بداية الحوش كانت مبتسمه والناس بدت تمشي تسلم عليها
______
على لسان سارة:-
قااعدة ومبسوطه والناس بدت تبارك لي لاحظتا لوسام اهلو ولاحظتا لوسام بعاين لي ومركز فيني رفعتا ليهو يدي بس ماردا حسيت باحراج بقيت اتلفت اشوف اذا في زول ركز معااي قلتا جوااي يعني وساام دا ماحيتغير يااخ امو واخواتو جو وباركو لي شوية عمار جا مع اهلو طوالي قعد جنبي قال لي زياده حلاوة جابو لينا خواتم ماعارفه ليه جاني احساس قال لي عايني لوسام اتلفتا عليها شفتا عيونو مرغرغه زي العايز يبكي انا استغربتا مالو ياربي الحصل معاهو شنو فجاءة طلع حتى بدون مايتلفت وراه طلع لفتني عماار قال لي انا مادي يدي لبستو الخاتم ولبسني وصفقو لينا هديل جابت الدلوكه بقت تدق ويغنو مع بعض ويشيلو كانت لحظات جميلة بس استغربتا تصرف وسام ما بارك لي وفوقها كمااان طلع بدون ما يستأذن ودا كوم وانو شكلو كان حيبكي دا كوم تاني
___
على لسان الكاتبة:-
وسام طلع ومشا اقرب بحر وقعد ودموعو جات نازلة وقال اصلا دا حظي في الدنياا كداا بقا يمسح في دموعو وبقا يستغفر تلفونو ضرب كانت امو ردا ليها سألتو مشا وين لانو هم طالعين راجعين البيت قال ليها طلع مشوار قريب هم يمشو وهو بحصلهم وقفل مسح دموعو كوويس وجرا نفسو وقاام جاهو انذار رسالة عاين للتلفون لقاهو تذكير من المحكمه تاني بالمبلغ قال جنهم يذكروني تقول حاهرب يعني اعمل شنو كمان ماعندي شي ابيعو فكر في حاجه خطر شي في بالو قال بيسأل سااارة

[صباح اليوم التاني الساعه9:30ص]
وسام طلع ومشا على البنك الفرع الشغاله فيهو سارة دخل وطوالي مشا على شباكها سلم عليها ردت ليهو ببرود قال ليها عايز استفسر من موضوع قالت ليهو اتفضل وعينها على الكمبيوتر قال ليها عندكم في البنك في موضوع كداا بخلي الانساان يقدر يشيل قروش من البنك بالمبلغ العايزو بس ماقادر اتذكر اسمو ولا تفاصيل القصة سارة قالت ليهو يمكن قصدك قرض صح قال ليها بس ياااهو دا بقدر اشيل المبلغ الدايرو صح قالت ليهو ايوا بس في شرط يعني لازم يكون في عندك بيت او عقار باسمك بتقدر تقدمو للبنك كضمااانه وياريت العقار يكون متناسب مع المبلغ الحتسحبو او اكترر بس ما تكون اقل بس مع الاسف ياوسام انت ماعندك عقار عشان كدا ماحتقدر تسحب قال ليها مافي طريقه تانيه طيب قالت ليهو مع الاسف قال ليها طيب وكان ماشي قالت ليهو وسام انت بتفتش في قروش عشان دين المحكمه والبنات صح قال ليها صح واذا ما سددتو وجن حتتسجن وهي لسة صغيرة كان طالع قالت ليهو امبارح ليه طلعتا بدري ليه ماوقفتا معاي ياوسام في يوم زي داا قال ليها جاني تلفون ضروري عشان كدا طلعتاا واسي كمان لازم القى طريقه للقروش اعفي لي والف مبرووك الخطوبة وطلع فااات
_____
على لسان وجن:-
ماشه على الجامعه لاقتني سمااح مع البنات العايزين مني القروش جريت نفسي ووقفتا معاهم عاينتا لسماح وقلتا ليها مش رجعتا ليك حلقان امك عايزه شنو تاني قالت لي انا لو علي وشك ماعايزه اشوفو بس جبتا البنات ليك لانك مارجعتي ليهم قروشهم واحده من البنات قالت لي شنو ياوجن عايزه تأخرينا كدا وتعملي رايحة من قروشنا يعني التانيه قالت لي اذا مفكرة كداا فماتحاولي لانو ياوجن قروشنا اذا ماوصلتنا حتفضحك هنا في جامعتك الجديده ماتتوقعي انك خلصتي مننا..




يتبع.... باز کردن / نظر دهید

2023-05-24 18:57:04 *سكة المجهول *
*#بقلمي سارة بشرى *
(23)


على لسان وسام:-
بقيت اعاين ليهم وهم بعاينو لبعض وبضحكو قلتا ليهم مبروك ومديت يدي لعمار عمار قال لي زح يدك دي وخش حضن ياصحبي حضني وهو بقول الله يبارك فيك زح مني وهو بربت على كتفي مديت يدي لسارة سلمت علي وقالت الله يبارك فيك تسلم وعقبالك نسمع جديدك قريب ان شاااءالله بس عاين من اسي حنغير العادات انا حاكون اشبينة العريس قلتا ليها يعني شنو اشبينه قالت لي وزيرة زي البت بتكون مع صحبتها ايام عرسها وبتساعدها في اي شي قلتا ليها حظي حلو وطالما عمار جاا انا حامشي وانتو ختو الاكل طلعتا برة وقعدتا معهم وكنتا زهجان شدييد وبهزز في رجليني سمعتا صوت احمد وهو بيقول لي مالكم خليتهم براهم انا حاولتا امسكو بس ماقدرتا عاينتا ليهو نظرات عدم فهم قال لي نحنا شباب واكييد بنفهم على بعض وما بستبعد انو حتى عماار يكون فااهم بتحبها صح قلتا ليهو لالا اصحاب بس ضحك وقال لي شكلك ناسي اني دكتور نفسي واسهل حاجه عندي اقبض الكذااب عشان كدا قول الحقيقه قلتا ليهو ماحاستفيد شي لانهم خلاص قررو يعرسو وغير كداا حبي من طرف واحد احمد سكت ماقال شي تاني شوية عمار وسارة جو ورصو الاكل وعمار سألني من الامتحان طلعتو ليهو قال لي حاكتب ليك تاني علوم وتااريخ وانجليزي وبديك فترة تحلهم ولمن تخلص بمتحنك رياضياات مستعجلين لانو ناس تامن قربو يخلصو عشان تسجل مع بداية السنه بعد الاكل عمار قعد يكتب لي الامتحانات خلصهم اداني ليهم وطلع مع سارة وبعدين احمد طلع
_____
على لسان وجن:-
الفترة الكان عمار بكتب فيها امتحانات وسام احمد قعد معاي وسألني عملتا شنو للجامعه وريتو انو فصلوني وكداا قال لي حاساعدك نقدم في جامعه تانيه قلتا ليهو ما اعتقد يقبلوني لانو مفصولة حيسألو من سبب الفصل قال لي انا عمي عميد بساعدك في الموضوع داا قلتا ليهو بالجد قال لي انا بحكي ليهو الموضوع براحةة وهو حيتفهم وحتنزلي مع ايام الامتحانات بس لازم تجتهدي شكرتو وبعدين كلهم طلعو وحكيت لوسام قال لي الحمدلله الامور بدت تتسهل شوية شوية عاينتا لوسام وهو براجع ورق الامتحان الخلاهو عمار قلتا جواي قدر شنو انا كنتا ظالمه اخوي وبعاملو اسوء معاملة وبسمعو كلام جاارح وهو دايما كان بقيف معااي وبسمعني وبسندني حتى لمن عرف اني بسرق رغم انو انسان مامتعلم بس ما اتعامل مع الموضوع بعصبيه وجوطه بالعكس فتش عن سبب الحاصل معااي وقرر يحلو اخوي وسام من زماان اخد مكان ابونا الاتخلى عننا في عمر صغير ومشا بدون مايعاين وراه بدون ما يسأل وسام اهتما بينا كلنا حتى شايل مسؤولية وليد كاملة نهاااائي ما زعل زول فينا دايما كنتا بقول انو امي بتريد وسام اكترر بس معاها حق كيف ماتريدو وهو انسان كداا معقولاا في زول مابريدو
_____
على لسان عمار:-
يمكن حسيت انو وسام بحب سارة لمن قلتا ليهو حنتزوج ولاحظتا لملامح وشو الاتغيرت كان الموضوع باين شدييد يمكن ساارة الوحيده المالاحظت عشان كدا حضنتو زي الكأني بعتذر منو انا بحاول على قدر ما اقدر اني اقيف مع وساام اساعدو هو مابرضى زول يساعدو بسهولة زولة كرامتو عندو عاليه شدييد مابطلب اي شي ولو زول عرض مساعدة برفض عشان كدا بحاول اني اساعدو في موضوع القراية يعني انا شايف واحد زي وسام مامتعلم ومجتهد ومثابر كداا معناها اذا اتعلم حيكون كيف عشان كدا كل المعلومات العندي بطلعها ليهو لمن طلعنا انا وسارة سألتها من متين بتعرف وسام وعلاقتهم دي مسماها شنو وكدا سألتها عن معلومات عنو يعني هي جاوبت لي عاادي قالت مابتعرفو من فترة طويلة بس هو زول طيباان مابحب يعبر عن مشاعرو ودمو تقيل شوية وجنو يحرج ممكن تقول انو انا صاحبتو غصب وضحكت بس بعاااني شدييد والله عشان كداا حريصه على انو يتعلم عشان يقدر يرفع من نفسو واهلو
_____
على لسان الكاتبة:-
مرت فترة من الزمن الفترة دي وئام امتحنت شهادة ثامن وحاليا مؤجزه وسام اتعلم كتيير وبقا جاهز عشان ينزل شهادة ثامن احمد قدر يسجل وجن في جامعة عمو بعد ماحكا ليهو الحصل بدون مايخبي شي بس ختو عذر لوجن انها كانت مريضه واتعالجت وعلى حظها كانو لسة مابدو امتحانات فطلبت الحاجات الفاتتا وبدت قراية لغاية ما امتحنت وخلصت من سمسترها الاول وليد علاجو مشا كوويس لدرجة انو قام من الكرسي وبقا يتحرك بعصاااية بس حركتو خفيفةة سارة وعمار بجهزو نفسهم للخطوبة وعزمو وسام واهلو وحاليا بجهزو في نفسهم عشان يمشو الخطوبة






يتبع.... باز کردن / نظر دهید

2023-05-24 18:57:04 قبل مايتم كلمتو قال ليهو لابس لا شي ماحاسمعك انا لو سمحتي يا خالتي يلا اركبي وجن يلا وسام ساعدني نرفع اخوك يلا يا حلوة انتي اركبي هناا فتحتا ليهم العربية طلعو وسام واقف قلتا ليهو حتساعدني ولا اركبو برااي كدي وريني عندك حل في عندك بيت تاني وين مفتكر توديهم وين حتبيتو الليله؟ اخوك عيان وامك واخواتك مابتحملو الوقفه دي فيلا اتحرك لو سمحتا ياوسام دا ما وقت تتصرف فيهو بكبرياء فكر في الناس ديل شوية اساسا البيت فااضي يلا وسام جرا كرسي وليد على العربية انا ابتسمتا ساعدتو ركبو ورا وامهم ركبت معاي قداام واتحركناا وصلنا البيت بعد مسااافة طبعا كان نفس البيت الوجن جابت فيهو صحباتها براحة همست لي مش قلتا البيت مسكون؟ بقيت اضحك قلتا ليها يحليلك شافعه بتصدقي اي شي ضربتها بخفه في راسها وقلتا ليهم اتفضلو دخلتو جولتهم في البيت وريتهم الغرف وكداا وسام قال لي ماحنقعد هنا سااي حندفع ليك حق قعدتناا وريني عايز كم قلتا ليهو بتبالغ ياوسام بيناتنا قال لي بنطلع اسي لو ابيت سكتا لاني عارف ماحاقدر اقنعو قلتا ليهو خلاص العايز تدفعو ادفعو قال لي دا اكبر من البيت الكنا قاعدين فيهو وفيهو اي شي كمان فاكييد المبلغ كبيير قلتا ليهو دا ماموضوع اسي تعال بتاع الدفار دا جا خلينا ننزل عفشكم وسام قال لي كمان البيت مفروش جاهز ضحكتا قلتا ليهو اعتبرو بيت وجن المستقبلي حمر لي بلعتا لساني وطلعنا ننزل العفش قال لي ياااخ تلفوني نازل نسيت اشحنو سارة بتكون ضربت لمن قالت بس قال لي سارة منو بقا يعاين لي شكلو ماعرف يقول منو في الاخير قال صحبتي هزيت ليهو راسي شلتا تلفونو لقيتو ربيكا صغير قلتا ليهو ماعندي شاحن يشحنو بشتري بعدين وانا جايي عايز يقول لي مافي داعي قلتا ليهو اعتبرو مع الايجار فسكت
_____
على لسان الكاتبة:-
عمار وسارة وصلو الحلة دقو الباب كتيير مافي زول فتح جاهم واحد من اولاد الجيران قال ليهم الناس ديل سيد البيت طردهم طلعو مع عفشهم والله سارة قالت ليهو ومشو وين قال ليها والله ماعارف جا واحد بعربيتو ساقهم ومشاا سارة بقت تتصل على رقم وساام كتييير مقفول قالت لعمار انا قلقتا حيكونو مشو وين يعني عمار قال ليها ماعارف والله بس انتي خليك بتتصلي الا مايفتح تلفونو قالت ليهو ياريتني شلتا رقم واحد من ناس بيتهم ركبو العربية واتحركو،،،، احمد جاب شاحن لوساام وصل تلفونو اول ما فتح ضرب لساارة ردت ليهو طوالي وسام وين انتو مشيتو وين كويسين انتو الحصل شنو ليه البيت مقفول كيف يعني سيد البيت يطردكم ما توريني معقولاا يا وسام اسي دا توصف لي محلك انا وعماار حنجي وسام قال ليها اسكتي شوية يااخ من اول مارديتي رب رب رب اسألة اديني قدرة اقدر ارد ليها بيها،،،، وسام وصف ليها البيت بكل دقة عمار قال انو بعرف المنطقه فاتحركو طواالي اول ماوصلو سارة نزلت فيهم عتاب وشكل لانو ماوروها وشالت رقم وجن وامهم عشان لو لقت تلفون وسام قافل حتى سلمت على احمد واتعرفت عليه وئام قالت انها جاعت احمد قال ليهم اعفو لي ياجماعه مافي شي جاهز في المطبخ الا نجهز بس في حاجات كتييرة موجوده امهم قالت حتطبخ بس سارة قالت ليها ماتعبي نفسك انا بجهز عاينت لاحمد وقالت ليهو بس ممكن توصف لي محل الحاجات مشا معاها المطبخ وصف ليها ورجع امهم عاينت لوجن وقالت ليها ساعدي البت وجن قالت انا مابعرف اعمل شي وسام قال انا بساعدهاا ومشا عمار عايز يقوم احمد قال ليهو قلتا لي شغال مهندس ياعمار عمار قعد وقال ليهو اي والله،،،، سارة في المطبخ جا وسام داخل ابتسمت ليه وقالت ماحانسى عملتك دي خليك متذكر قال ليها حاتعاقب يعني قالت ليهو طبعا اي قال ليها طيب في شنو يعملو قالت ليهو سجوك جداد رز سلطة ناوية اعمل دمعة جداد ونحمر السجوك وانت اعمل الرز وقطع السلطة قال ليها رز عادي ولا كبسه قالت ليهو بتعرف الكبسه ماشااءالله عليك قال ليها يازولة طالما اني ماقريت اكييد استفدتا من وقتي في شي تاني وسام طلع الرز وسارة بدت في الدمعه وفي نفس الوقت شغاله في السجوك وسام قال انا معلم وانتو مني تتعلمو سارة ضحكت وقالت ليهو خربتهاا عاين ليها وقال ليها طيب صلحيها كان بعاين ليها نظرات زول حيعترف في اي لحظه لغاية ماهي قالت ليهو الرز مويتو كانت حتدفق لو ما وسام خفض النار وسام قال ليها انا عايز اقول ليك شي مهم على ما اعتقد دا ما وقتو المناسب بس ماعارف اذا حيكون في وقت منااسب قالت ليهو قول سامعاك اثناء كلامهم جا عمار داخل وقال ليهم حضرة الشيف جعنا يااخ لسه سارة قالت ليهو قربناا عمار قال طبعا ياوسام طالما شفناك وانت اقرب صديق لسارة ولي طبعاا لازم انت اول واحد يعرف الخبر دا بعد اسرتنا وسام قال ليهو خير عمار قال واخيرا سارة وافقت وبعد دا حنبدا في امور عرسنا يعني حنتزوج عما قريب صحبتك عروس....






يتبع.....
ماحاقول ليكم دمتم سالمين زعله بس باز کردن / نظر دهید

2023-05-24 18:57:04 *سكة المجهول *
*#بقلمي سارة بشرى *
(22)

على لسان وجن:-
كانت صدمة بالنسبه لي ليه يفصلوني ضربتا لوسام وانا ببكي قلتا ليهو فصلوني من الجامعه يا وساام قال لي استنيني جاييك قعدتا في ساحة الطلاب بقيت منتظراهو وببكي ولاحظتا كل الطلبه بعاينو لي وبأشرو علي وفي البضحكو وفي البعاينو لي نظرات قرف وغضب شوية وحسيت زول قعد جنبي عاينتا لقيتو عصام قال لي بقيتي كيف قلتا ليهو في شنو قال لي اخوك قال انك بتتعالجي عند دكتورة نفسيه قلتا ليهو ماشه في تحسن بس فصلوني قال لي ناس الدفعه مشو وقالو ماعايزين حراميه تكون في نصهم لانو ما بضمنو حاجاتهم اخدو توقيع من كم نفر وعشان كدا العميد طلع قرار فصلك شوية وشفتا وسام جاا عصام حكا ليهو الحصل ساقني وطلعنا للعميد قال ليهو كيف تفصلها العميد قال ليهو عايزني اخلي واحده حرامية في جامعتي عشان كل يوم تسرق من زول وتجيني شكوى ضدهاا عشان كدا احسن حل شفتو انا وشافتو الادارة انو نفصلها وغير كداا في طلاب كتيير طالبو بالحاجه دي وسام قال ليهو ماشااءالله كل طلبات طلابكم مجااابة معقولا تفصلها والامتحانات قربت بس مامشكله اختي حاسجلها في الجامعه حتقرا وحتنجح وحتشوف العميد قال ليهو احمد ربك اني ماضفتا شي في سجلهاا يعني لسه حتقدر تسجلها في جامعه تانيه لازم تكون شاكر لاني لسه فكرتا في مستقبل اختك بتقدرو تطلعو برة وسام حمر ليهو تحميرة ظااابطه وساق اختو وطالع العميد اداهو ورقة فصلهاا
______
على لسان وسام:-
حالة وجن اتدهورت شدييد بعد الحصل دا فوديتا للدكتورة ودخلت جلسة قالت اذا مشت اي جامعه وشافو ورقة فصلها ماحيقبلوها قعدتا منتظرها برة وظهرت لي قصة جامعة وجن كمان قااعد ومتوتر وطبعا فصلوني من شغل الميكانيكاا قدر ما حنستو وطلبتا منو رفض يرجعني قال طلعتا وخليت ليهو الشغل في نصو وبسببي خسر كتيير عشان كدا رفض يرجعني باقي لي شغل الكمسرة بس ومابغطي اي شي ولسة في اجار البيت المواعيدو قربت بعد ساعتين وجن طلعت سقتها ومشينا البيت لاقيت سيد البيت قال لي جيتك عشان الايجاار اها جهزتا ال10الف بقيت واقف وبعاين ليه وماعرفتا اقول ليهو شنو قال لي اهاا سكتا قال لي شكلك ماجهزتها طيب مامشكله بكرا الصبااح بكرا الصباح ياوسام ماعايز اشوف اي زول فيكم في البيت داا واذا جيت ولقيتكم حارميكم انتو وعفشكم برة تمام ماتجبرني اعمل كداا احمد ربك اني اديتك فرصة لغاااية بكرا ومشا دخلتاا البيت مشيت على امي قلتا ليها جا سيد البيت قالت لي قال ليك شنو قلتا ليها كان عايز الايجار وما لاقانا ما مجهزنو فطردنا قال بكرا الصباح ماعايز يجي يلقانا قالت لي وااي ياولدي حنعمل شنو اسي مع حاجاتنا دي واختك عندها مدرسة واخوك العيان قلتا ليها والله ماعارف يا امي ما ممكن نمشي لعمي؟ قالت لي عم شنو ياولد من وقت ما ابوك هرب عمكم دا عارف ليكم درب؟ قربتا من امي وضميتا علي بستها في راسها قلتا ليها مامشكله بنلقى حل ان شااءالله حامشي اقول ليهم يفضو ملابسهم في الشنط وبنادي اولاد الجيران يطلعو معااي الحاجات دي فعلا مشيت ناديت كم ولد من اولاد جيرانا واخواني بدو يفضو ملابسهم وليد مدنقر راسو وساكت مشيت ربتا على كتفو قلتا ليهو ماتشيل هم امي واخواني طلعو مع الشنط وانا معاي اولاد الجيران طلعنا العفش ختيناهم تحت مظله في الشارع الحمدلله الفصل كان صيف ورمضاان على الابواب عاينتا للسماء مساافة وقلتا ياارب
______
على لسان سارة:-
استخرتاا ولقيت نفسي مرتاحه ومافي تردد من ناحيتي فكلمتا ابوي اني موافقه هو قال لي الله يسعدك يابتي قمتا لقيت ناس البنك مرسلين انهم عاملين رحلة وكدا في يوم عطلتناا قلتا ليهم انا مامعاكم طبعا جااطو ولالا لازم تمشي مافي كلام زي داا قلتا ليهم ماعندي طريقه والله طلعتا وضربتا لوسام تلفونو مقفول دقيت كم مكالمة مقفول دقيت لعمار اول ماردا قال لي ابوك ادانا البشارة قلتا ليهو اي وافقتا قال لي الله يقدرني واسعدك كان صوتو متحمس شدييد وفرحان قلتا ليهو ممكن اقول شي قال لي قولي طوالي قلتا ليهو بتصل على وسام تلفونو قافل وماعارفه اعمل شنو وما سألتو الحصل معاهم شنو اخر فترة قال لي طيب استني جاي عليك ونتحرك على بيتهم ونشوف الحااصل شنو قلتا ليهو طيب في انتظارك وقفلتا منو
____
على لسان احمد:-
حبيت اني اجي بيت ناس وجن عشان اشوف التطورات والحصل معاهم وصلتي دخلة شارعهم بس شفتهم في الشارع ومعاهم عفش نزلتا سريع ومشيت على وسام وعيني على وجن سألتو من الحصل وراني انو سيد البيت طردهم بسبب الايجاار قلتا ليهو طيب حاتصل على بتاع دفار اسي يجي يلم العفش وانتو تطلعو معااي في عندنا بيت اساسا فااضي ومافي زول قاعد فيهو قافلينو سااي وبدل ماقاعد سااي استفيدو منو انتو اقعدو فيهو وسام قال ليهو مابتقصر يا احمد بس نحنا.. باز کردن / نظر دهید

2023-05-24 18:57:04 ____
على لسان سارة:-
ابوي ناداني مشيت قعدتا معاهو سألني اذا في تطورات مع وسام وكدا قلتا ليهو اخر شي قال لي انو وجن طلعت بي غرامة30اسي كنتا حاضرب اسألو من الحصل تاني قال لي اها يابتي وبالنسبة لموضوع عماار لسه ماقررتي قلتا ليهو عمار زول كوويس ومتعلم وعقليتو منفتحه خلاص حاستخير وحاوريك قراري قال لي طيب مشيت غرفتي وضربتا لوسام وراني انهم قدرو يرجعو حلقان سماح وبقو مديونين بي110الف والمحكمه ادتهم وقت معين للتسديد بالجد المبلغ كبير بالنسبة لوسام وعائلتو كيف حيقدرو يأمنو شلتا هم مشيت حكيت لابوي اذا بنقدر نساعدهم في حاجه قال لي المبلغ كبيير والله في اللحظه دي عمار اتصل رديت ليهو قال لي فجااءة اختفيتي من الاجوااء قلتا ليهو اشغال كتييرة والله ياعمار قال لي وسام كيف مشيت ليهو يوم في البيت بس ما لقيت زول وماعندي رقمو ممكن ترسليه لي قلتا ليهو الفترة دي وسام مافاضي حاصلة معاهو مشاكل قال لي في طريقه اعرفها اذا ماكانت شخصيه قلتا ليهو ماعارفه بس ممكن نتلاقى ونمشي ليهم البيت وهناك انت اتفاهم معاه قال لي طيب انتي اجهزي وانا جاييك قلتا ليهو طيب وقفلتا منو
_____
على لسان وجن:-
احمد اتصل ما عارفه حسيت بشنو لمن شفتا مكالمتو قلتا ياربي عايز شنو واتذكرني من وين بتذكر اخر مرة شفتو لمن قال لي انا بساعدك وانا صديتو وركبتا الموصلات رديت قال لي وجن اسف اذا ازعجتك بس حابب اطمن عليك انتي كويسة؟قلتا ليهو ياريت لو وافقتا على مساعدتك من اول مرة دا كلو ماكان حصل قال لي خير الحصل شنو احكي لي قلتا ليهو بعد دا مافي فايدة حتى لو حكيت ليك ماحاستفيد شي قال لي جربي يا وجن قلتا ليهو عايزه اقدم استقالتي من الجامعه بس مابقدر لأنو الامتحانات قربت وانا قريت السمستر دا كلو ولازم امتحن بس في نفس الوقت مابقدر امشي الجامعه قال لي ليه مالك مابتقدري قلتا ليهو لانو اسمي في الجامعه الحرامية بقيت مشهورة بالسرقة اتقبضتا واتحبستا وحاليا مديونه بمبلغ كبيير قال لي دقيقه دقيقه يابت مش كنتي بتتعالجي وامورك ماشة تمام متين اتحبستي ومتين حصل دا كلو انا انشغلتا وما اتواصلتا مع وسام قريب فماعارف اخبارك معقولاا ياوجن لكن عايني بكرا عندك جامعه؟ قلتا ليهو انت كنتا متواصل مع وسام قبل كداا قال لي سالتك سؤال قلتا ليهو اي عندي قال لي تمام نتلاقى في البوابة حتمشي الجامعه ومافي زول حيسألك انتي طالبة ماشه تقري وتجهزي لامتحانك ومافي زول عندو الاحقية انو يسألك ابداا تماام فعلا... بعدين بالليل جات سارة مع عمار سلمو علي وبعدين قعدنا كلنا في الحوش عمار سأل وسام اذا حلا الامتحان وسام قال ماقدر سألو من السبب وسام سكت فأنا حكيت لعمار كل الحصلل سأل المبلغ كم قلتا ليهو 110الف قال تمام انا بكرا بسحبو وبجيبو ليكم وسام قال ليهو المناسبة شنو؟ شكرا ليك انا بحلها حتى امي رفضت مساعدة عمار عمار اتفهمهم وطلع مع سارة،،،، الصباح رغم خوفي اتجهزتا وسام قال حيوصلني طلع معااي مشينا سواا وهو مشا اول ما دخلتا لاقيت سماح في البوابة معاها بنااات قالت اووو شوفو منو الشرفنا صاحبة السوابق نورتينا يااخ مشتااقين والله يابيب سكتا وواصلتا طريقي قالت لي ماشة وين قلتا ليها القاعه قالت لي ليه؟ قلتا ليها كيف يعني ليه عايزه احضر المحاضرات انا طالبة هنا نسيتي قالت لي عفوا حبيبتي بس انتي حاليا مابقيتي واحده من طالبات الجامعه دي لحسن الحظ عايني البورت قرار فصلك معلق فووق اذا حابة امشي اتاكدي فعلا لمن مشيت لقيت انو كلامها صح فصلوني من الجامعه....






يتبع... باز کردن / نظر دهید

2023-05-24 18:57:03 *سكة المجهول *
*#بقلمي سارة بشرى *
(21)


على لسان وسام:-
كلام الناس تصرفاتهم ونظراتهم واراءهم كانت كلها حاجات قاسيه شدييد بالنسبه لي انا بعرف ومتاكد انو وجن غلطت ارتكبت جريمه بس دي اختي في النهااايه ومابتحمل كل الاساءات دي في حقها حتى لو غلطانه،،،، قلتا ليهم ممكن اتكلم عصام قال ليهم ادو فرصة ياجماعه خلي يشرح ليكم الحصل سكتو حسيت انهم بحترمو الولد دا شدييد لانهم بسمعو كلامو المهم قلتا ليهم انا ماعايز احكي ليكم عن حياتناا بس اكتر واحده متضررة من حياتناا هي وجن لدرجة انها احتاجت لعلاج نفسي وبدت الجلسات سماح قالت لي قصدك انها مجنونه سارة قالت ليها حالتك بتقري في الجامعه ما اي زول بقابل دكتور نفسي معناها مجنون صلحي تفكيرك العقيم قلتا ليهم لو سمحتو اتنازلو عن حقكم عصام قال ليهم المال بجي وبمشي والانسان لمن يموت ولاقرش مابندفن معاه انما بندفن معاه اعمالو كل انسان بعمل كل البيقدر عليه عشان اعمالو تكون صالحه وجن غلطت ايوا انا معاكم بس ربنا قال"ومن عفا واصلح فاجره على الله"انتو اعفو وانتظرو الاجر من رب العالمين،،،، كل الموجودين سكتو كمية كبيره من الناس وافقت انها تعفي عن وجن حتى بدون ماترجع ليهم ولا اي شي باستثناء سمااح وبعض البنات صحباتها ما رضو يتنازلو عن بعد كلام عصاام الناس وعدوني انهم حيمشو يتنازلو وفعلاا طلعو سماح وصحباتها جونا مع نهاااية الدوام وافقو انهم يتناولو بشرط وجن ترجع ليهم حقهم وسمااح اصرت شدييد انو ترجع ليها حلقان امهاا
___
على لسان الكاتبة:-
بعد ما اتنازلو عن حقهم و3بنات طالبو بالقروش وسماح طالبت بحلقان امها والقاضي حكم على وجن بالغرامة 30الف+المبلغ الطالبو بيهو البنات كان 70الف+حلقان ام سماح لانهم من ذهب خالص بي10الف وعليهم اجار البيت برضو البي 10الف المبلغ كامل اللازم يتوفر عند وسام=120الف وسام واقف وهو بعاين للورقة المكتوب فيها المبلغ وبعاين لوجن الواقفه قدامو تبكي ضماها عليه وقال ليها بتتحل ماتبكي يا اختي ربنا كريم وماحينسانا قالت ليهو في طريقه عشان نحل موضوع حلقان سماح قلتا ليها كيف قالت لي قبل كدا حاولت تسرق من واحد في كافتريا وهو بدل مايعاقبها اداها 10الف وهي ما اتصرفت فيهاا ومتذكرة المحل الباعت فيهو حلقان ام سماح خلينا نشيل القروش ونمشي نرجعهم وسام قال ليها قولي ان شااءالله مانلقى زول اشتراهم اتحركو طوالي ومشو على المحل مما دخلو وجن بقت تفتش على الحلقان قالت للصايغ اتذكرتني جيتك من فترة وبعتا عندك حلقيين من ذهب قال ليها انا في اليوم الواحد بجيني مليون نفر حاتذكرهم كلهم يعني قال ليها وصفي لي شكل الحلقان وجن بقت توصف ليهو شكل الحلقان هو مشا فتح علبه كدا قال ليها ديل هم حسيت ملامح وجن ارتاحت شدييد لمن شافتهم قالت ليهو هم اي اي ياهم فتحت شنطتها طلعت القروش حسبهم واداها الحلقان طوالي مشينا بيت ناس سماح بدون ماندخل وجن ضربت ليها جات وقالت ليها خير وجن طلعت الحلقان ادتهم ليها سماح عاينت ليهم كدا قالت لوجن ديل ماتقليد صح وجن قالت ليها بتقدري توديها لصايغ ويوريك اذا ذهب حقيقي او لا ياريت تعفي لي سماح قالت ليها ماتحلمي ماحاعفي ليك ومشت وجن قالت بقا110وسام قال ليها بتنحلا ان شااءالله يعني عايني سبحان الله طول الفترة دي مافي زول اشترا الحلقان ونحنا لقيناهم طوالي احمدي الله قالت لي بس البقيه قروش
___
على لسان وليد:-
القصة الحصلت مع وجن خلتنا كلنا نكتئب حتى الدكتور قال لي انو علاجي ما بتم بسبب حالتي النفسية وطلب مني احاول ابعد من المشاكل واي شي بأثر على صحتي النفسية والمقابلة الجاية ماعايز يشوفني بحالتي دي وهديل كانت معاي وطلبتا منها وسام مايعرف بالحصل داا وهي اتفهمت،،،، دا الحصل يوم مقابلتي وتاني يوم طلعو وجن من السجن مع غرامة كبيرة للدولة ومبلغ كبيير مديونين بيهو للناس الاتنازلت بشروط انا حاسي بعجز كبير وانا شايف وسام قدامي شايل هم وماعارف يعمل شنو انا اخوهو الكبير يعني انا كبير البيت بعد ابوي ورغم ذلك ماقادر اعمل شي وعايش عاله زي ماقالت وجن قبل كداا ياريت لو بقدر اساعدو حتى ولو بشي بسيط شفتو داخل مع وجن مبسوطين قلتا ليهم خير ان شااءالله وسام قال لي قدرنا نرجع حلقان سماح ونقصت 10الف من الدين باقي 110بس لمن قال كدا ضحكو زياده قال لوجن مبلغ بسيط صح قالت ليهو اي انا قلتا ليهم شكلو من الصدمه عقلكم الباقي طاار يحليلكم وسام قال لي عليك الله طالما ماقادرين نحل المعضله دي نضحك بس وبقو يضحكو وانا بضحك معاهم بدون سبب جات امي قالت لينا خير يا اولادي بتضحكو مالكم قلنا ليها انتي زاتك اضحكي يا امي اضربي الهم بالفرح ضحكت وضمتني وسام قال وانا جا حضنا الاتنين وجن قالت وانا مامنكم مسكها وجراها هي زاتها وئام جات داخله من المدرسة شافت المنظر بدون تفاهم جدعت شنطتها وانضمت للحضن العائلي داا باز کردن / نظر دهید

2023-05-24 18:57:03 وملامحو ما بتبشر وسام طوالي وقف وقال ليهو وينها وجن المحامي قال ليهو الاشتكو عليها كتاار سرقت كتيير مافي طريقة يقبلو كفالة يعني ماحتطلع وسام قال ليهو ماتقولا اختي لسه صغيره على انها تقعد في السجن ماحتتحمل والله ماعندها القدرة تقعد في السجن ولا دقيقه نفسيااتها حتتضرر زياده عليك الله اعمل كل البتقدر عليه المحامي قال ليه مافي غير انو المشتكين يسحبو شكوتهم وبس وسام قعد في الارض وقال وجن ماحتتحمل
____
على لسان الكاتبة:-
سارة قعدت جنب وسام تحت وقالت ليهو قعدتك هنا وضيقك دا ماحيفيدو وجن في شي لازم نفكر في حل سريع عشان نطلعها من السجن وعشان كداا اول شي حنعملو الصباح ان شااءالله حنمشي الجامعه نفهم الحاصل ونشوف منو القدمو شكوى ونتكلم معاهم المحامي قال ليهم انا كمان حامشي معاااكم وسام قال كيف حاشرح الحصل لأمي ووليد لمن رجع البيت لقا امو صااحية سألتو من وجن حالتو ماكانت حالة بتسمح لأنو يكذب فحكا ليها الحقيقة انهااارت تمااما وهي بتصرخ باسم بتهاا وليد قام مخلوع ولمن عرف الحصل قال ليهو انا كمان بمشي معاك الجامعه بس وسام رفض قال ليهو بكرا عندك مقابلة دي احلها كيف وليد قال ليهو مقابلتي ما اهم من اختنا الصغيرة وسام ضرب لسارة وقال ليها بكرا مقابلة وليد احلها كيف ماعارف وامي تعبت فجااءة ماعارف اقعد مع امي ولا امشي المقابلة مع وليد ولا احل موضوع وجن قالت لي روق براحة خد شهيق وزفير استغفر براحة بتتحل هديل حتمشي مع وليد المقابلة تماام وامي حتجي تقعد مع امك ونحنا يعني انا وانت حنمشي نحل موضوع وجن تماام اتحلت قال ليها اتحلت
،،،،،،،
[يوم الثلاثاء الساعه7:00]
سارة مع امها وهديل جوو سلمو على اهل وساام ام سارة قعدت مع ام وسام وهديل طلعت مع وليد بعد وقف ليهم الامجااد وسام وشرح ليها الحيحصل ورتو انها بتعرف وبعدين وسام وسارة طلعو على جامعة وجن سألو عن قاعة برالمة مختبرات وصفوها مشو عليها حتى الطلاب كانو بتكلمو عن موضوع وجن وسرقتها وسام اضاايق شدييد سارة سلمت عليهم وعرفتهم على وسام انو اخ وجن الكبير سماح قالت سمعتو ياناس جا المقطع اخو المقطعه وبقت تضحك وضحكو معاها مجموعه واحده من البنات قالت ليهو خيرر جايي تشفع لاختك الحراميه في ولد قال ليهو حرامية باحترافيه سرقت مننا طول الفترة دي ونحنا مابنعرف شي ولو ما اعترفت يمكن ما كنا حنعرف وسام قال ليهم انا جيت عشان اعرف الناس السرقت منهم وجن لانو عايز اتكلم معاهم في واحد من الاولاد قال ليهو تصحيح صغير لجملتك حابب تعرف منو الماسرقت منو اختك ماشااءالله ماخلت زول يهرب من يدهاا وحتى عصام قول ليهو ياعصام مش سرقت تابك التعبتا وجهدتا ولميت قروشو عشان تشتريهو هي سرقتو بكل دم بارد وكذبت قالت انو امها في المستشفى وسام كان مدنقر راسو وهو بسمع في اهانات الناس مشا على عصام وهو مدنقر قال ليهو ماعارف اقول ليك شنو انت واحد من الاشتكو؟ عصام قال ليهو لالا والله حتى ماحولتا اشتكي عليها قلتا المال بجي وبمشي مافي داعي اخرب مستقبل البت بس البقية ما رضو وسام قال ليهو طيب ممكن تجمعني بكل الاشتكو على وجن عصام قال ليهو طيب مشو الكافتريا وعصام جاب الاشتكو على وجن قعدو في طاولة كبييرة في الكافتريا طبعا وسام كان ساكت والمحامي هو الاتكلم وطلب منهم يتنازلو عن حقهم مقابل انو وجن ترجع ليهم السرقتو واذا ما رجعت الحاجات ممكن تدفعو كقروش سماح ضحكت بصوت عالي قالت ليهو وحده مقطعه حق الاكل ماعندها حتجيب قروش من وين واذا جمعنا حق الحاجات السرقتها كلها لو عملت شنو دااك لو باعو نفسهم كلهم ماحيجيبو ربع المبلغ عشان كداا انا عن نفسي مامتنازلة والله...






يتبع.... باز کردن / نظر دهید

2023-05-24 18:57:03 *سكة المجهول *
*#بقلمي سارة بشرى *
(20)

على لسان الكاتبة:-
سماح مسكت وجن من يدها وقالت ليها عملتي شنو بحلقان امي وديتيها وين ياحرامية وجن قالت ليها كانت عيني طماااعه كان نفسي اعيش الحياة دي سماح دفرتها وقالت ليها حياة شنو يابت انتي مش من عيله غنية وبيتكم كبيير واهلك بطلعو عطل ومن فندق لفندق السبب البخليك تسرقي شنو وانتي عندك القروش دي الناس بقت تتكلم وتنضم بقولو عندها قروش وبتسرق دي وحده مريضه نفسيه عصام مسك سماح وقال ليها خلااص خليها الحصل حصل طالما هي اعترفت معناها فهمت غلطهاا ودا شي كوويس نفضت ليهو يدو قالت ليهو انت كن راااضي دي مشكلتك بس انا ماحاخليها وجن واقعه في الارض وبتبكي قالت لسماح انا ماغنيه وماعندي قروش عايشة في حله عادية بيت من ارضية تراب من حوش وغرفتين ومطبخ وراكوبة ماعندي اب اخوي احيانا بيقدر يديني حق اليوم واحيانا مابيقدر ليه ماكنتا بطلع معاكم مشاوير ليه مابمشي معاكم الكافتريات والمطاعم الراقيه ومحلات الايسكريم لانو ماعندي بخاف اتحرج مابعرف استعمل الشوكة مابتحمل اشوف نظرات السخرية في وشوشكم نحنا احيانا حق اللقمة ما بنلقاهو ولمن شفتكم طريقة لبسكم بتقدرو تشترو اي شي بدون ماتعاينو للسعر حتى الحاجات العندكم مش بقولو المابتشوفو في بيت ابوك بخلعك بس دا الحصل معااي كنتا مخلوعة من العندكم وبقول ليه عندكم وماعندي احسن مني في شنو انتو كلنا عندنا يدين ورجلين ليه انتو عندكم ولالا قاطعها عصام وقال ليها في شي اسمو قسمة ونصيب ياوجن قالت ليهو انا ما راضيه بالحااصل معااي دا سماح قالت ليها الرغي بتاعك دا كلوو ما فادني في شي سارقة حلقان امي ومنتظره مني اتفهمك،،، سماح مسكت وجن وجرتاا قالت ليها مابخليك وساقت معاها كم نفر من الناس الاعترفت قداامهم ومشو على القسم دفرتاا قدام الضباط لمن اتخلعو قالت ليهم جبتا ليكم الحرامية دي سرقت حلقان امي من نص بيتناا وفي عزز النهاااار وفي بنات تانين اشتكو وشباب برضو وجن بس كانت واقفه وبتبكي الضابط سمع شكاويهم كللهم وسجلهاا وبعدين مشو عاين لوجن وسألها اذا عايزه تضرب لزول من اهلها وتكلمهم ملتو رقم وساام اتصل واداها التلفون
_____
على لسان وسام:-
انا في شغلي حق المكيانيكا تلفوني ضرب وطبعا المدير محزرنا من المكالمات الشخصيه اثنااء الدوام لقيتو رقم غريب قفلتا الخط رجع تاني قفلتو لمن رجع للمرة الثالثه حسيت انها مكالمه ضرورية فرديت جاني صوت راجل قال لي السلام عليكم قلتا ليهو وعليكم السلام قال لي معاك الضابط معتصم عزالدين من القسم فرع بحري عندك اخت اسمها وجن مرتضى طبعا لمن سمعتا اسم وجن خفتا قلتا ليهو وجن اختي اي خير مالها قال لي جابوها لينا القسم هنا بتهمة سرقة المشتكين عليها كانو كتااار شدييد نحنا حاليا حنرفع الشكوى للنيابة ولوقتها اختك حتكون في ضيافتنا بس ياريت تجي عشان نتكلم حول الموضوع قلتا ليهو بصوت راجف وصف لي القسم وصف لي قفلتا من الخلعه حتى ما شلتا اذن من محل الشغل طلعتا سريع اقرب بتااع ركشه سألتو من القسم دا قال حيوصلني بس طلب مبلغ كبيير طوالي مشيت على الموصلااات ركبتا لغااية نص المسافة وبعدين ركبتا ركشة لغااية ما وصلتا القسم انا روحي طللعت بقيت اسأل من وجن زي المجنون وصفو لي مكتب الضابط دخلتا ليهو وانا بقول وجن وجن مرتضى قال لي الحرامية؟ قلتا ليهو اختي ماحرامية قال لي اختك اعترفت براها وغير كدا في كمية من الناس مشتكين عليها وحاليا نحن سجناها وحولنا الشكوى للنيابة قلتا ليهو والحيحصل قال لي من النيابة حتحول للمحكمه ووقتها حتبقى قضيه وقتها بنشوف قلتا ليهو مافي حل يعني ممكن اعمل شنو عشان اختي تطلع قال لي الا في حالة الاشتكو يسحبو شكوتهم بس حتى في الحالة دي اختك حتتعاقب كحق عام الحق العام الخاص بالدولة ممكن حكمها يكون 3او6شهور او غرامة على حسب قرار القاضي انا ختيت يديني في رااسي وماعرفتا اعمل شنو
_____
على لسان سارة:-
هديل جاتني في البيت لانها قالت عندها معاي موضوع ضربتا لوسام عشان اشوف اخبارو اول ما الجرس دخل اتذكرتا انو في شغلهم المكالمات ممنوعه عايزه اقفل كدا رد لي قال الو قلتا ليهو معليش ياوسام نسيت انو المكالمات ممنوعه بس ماتشيل هم حاقفل برجع ليك لمن ترجع البيت قال لي سارة لاحظتا انو قال اسمي بصوت برجف زي الببكي قلتا ليهو وسام انت كويس؟ قال لي سجنو وجن قلتا ليهو كيف كيف كيف يعني سجنوها ليه ووين في ياتو قسم الحاصل شنو انت وين اسي وصف لي القسم طلعتا مع هديل وكلمتا ابوي بالحصل وطلبتا منو يرسل لي رقم المحامي هو زاتو قال حيمشي معااي طلعنا كلنا ركبنا الترحاال ومشينا القسم وسام كان قاعد برة مشينا ليه ابوي قال ليهو بتتسهل ان شااءالله حنطلعها ونحنا في الطريق انا ضربتا للمحامي وهو قال بجي وسام قال ماحتبييت في السجن صح حنطلعهاا ابوي قال ليهو ان شااءالله بعد مسااافة المحامي جاا وطوالي دخل للضابط نحنا وقفنا برة بقينا لافيين ووسام دا حالتو صعبة شدييد بعد زي سااعة طلع المحامي باز کردن / نظر دهید