رواياتي📖📚

2023-07-14 09:56:22 وهو بمد يدو مابيقدر بعمل شي قدام اهلها ضحكتا فيهو استأذن من اهلها يسوقها شوية وبرجعها سمحو ليهو عرفتو عايز يديها الهدية المهم نحنا قعدنا في طاولتناا منتظرنهم يرجعو انا ابتسمتا بعد دا سارة وعمار حيتزوجو وبعدها نحنا بعدهم ابتسامتي زاادت شوية وجو راجعين اشترى ليهاا الدفتر الصغير المقفول بطبلة داا وطبعا كاتب فيهو كمية كلام مشاعرو واهداء كلام كلو كتبو من قلبو كانت هدية حلوة هي فرحت بيها شدييد احمد اتصل اديتو سارة اتكلم معاها وبارك ليهاا لمن رجعت لي التلفون قال لي عقبالك تتخرجي وعقبالنا نعقد باسرع وقت... ابتسمتا ليهو وقلتا اميين... رجعنا البيت بعد يوم متعب شدييد
وفعلا بعد تخريج سارة بفترة انا نزلتا سنتي الاخيرة كانت ضاااغطه جداا ومتعبه وموادها صعبه ومامتحملة ولا كلمة انا وقتي كلو زهجااانه وببكي زهجاانه وببكي زيز قال لي لمن تتخرجي حتشتااقي ليناا سيبي الزهج داا بين اجاازة السمسترين بدا التجهيز لعرس سارة وعماار قلتا ليها اخترتي وقت غللط شدييد لاني عايزه انزل تدرييب في الاجازه دي قبل السمستر الاخيرر قالت لي مامشكله عارفاك مضغوطه في السنه دي ماتشيلي هم فعلا نزلتا تدريب في محكمه قريبه من بيتنا كنتا بساااعد النائب وزعلانه شدييد المرة دي ماقدرتا اقيف مع سارة في اي شي من حاجات عرسها بسبب التدريب....






يتبع...
والسلام عليكم باز کردن / نظر دهید

2023-07-14 09:56:22 بعدهاا بفترة سارة قالت لي امشي معاها التصوير حق الخريجين طبعا انا اساسا مشيت ليها زيارة عااديه ماعارفه كيف ومتين لقيت نفسي معاها في الباص والبنات بغنو والاولاد ببشرو وطبعا انا وهي هااديين قلتا ليها دا اسمو خطف على فكرة وبتتعاقبو عليهو قالت لي نسيت اننا سايقين معانا محامية قلتا ليها اسي اتذكرتي االمهم انتووخاطفني وانا مابخلي حقي مشينا وصلنا المحل كان سمح وسارة لبست روب التخريج صورتها كم صورة واتصورتا معاهاا وناس دفعتها قالو لي تلفونك تصويرو سمح بقو كل مجموعه يتصورو بتلفوني يقولو تلفون صحبة سارة تصويرو سمح غاايتو اليوما ديكك خفتا على تلفوني حضنتو علي قلتا ان شااءالله مابتجيك عوجةة في واحد اسمو عصاام اتللصق لصييق وقعد يتظااارف وشنو وحللف الاعايز رقمي عملتا منو راايحةة اتصورنا كتييير في اليووم داا ولاقيت فتحي سلمتا عليه واتصورتا معاهو برضو طلعنا من هناك الساعه9بالليل بس الاولاد ظريفين والله قالو مابخلو البنات يرجعو براهم بالليل بقو اي مجموعة يشوفو نفسهم ساكنين وين ويؤجرو عرباات وفعلا دا الحصلل ونزلونا قريب من حلتناا وصلنا البيت الساعه11بالليل غايتو ابوي عمل موضوع وقومة وقعده وبعدين سكتت حتى احمد شاكلني لانو اتأخرنا واذا حصل معاكم شي في الشارع حتى هو نضم وقفلل خفتا على تلفوني اكتر من اي شي بعد اليوم داا وبمنااسبة التصوير هديت سارة رسالة ورقية حبتها شدييد بعدها بفترة خلصتا ثالث وبديت افتش شغلل نزلتا في عفراء ماكس قسم الاطفاال طبعا وريت احمد عشان مايعمل لي موضوع وافق لاني قلتا ليهو حأمل في البيت وفعلا بديت شغل في ماكس
،،،،،،،،،،،،،،،،
*عمار*
كنتا مبسوط شدييد بالترقية والعربية واموري تمام حتى انفتح لي مكتب خااص قريب من مكتب المدير... سارة لمن بدت سمسترها الاخيرر في رابع وقالت بعد الامتحانات الزفة ورتني من بدرري وقالت ما اتأخر مشيت عفراء مول عشان اجهز هدية تخريجها من اسي لاقتني تسابيح هناك قلتا ليها خبرك ياهتلر حمرت لي قالت لي ت س ا ب ي ح اذا غلبوك بعيدهم ليك تاني ماتقول لي هتلر قلتا ليها معليش خلاص جيت اشتري هدية لسارة بس ماعارف اجيب ليها شنو برأيك اشتري عطر قالت لي لاا قلتا ليها دفتر وقلم هي بتحب الكتابة قالت لي بس بتحب الذكريات اكتر ممابتعرف انو خطيبتك بتهتم بالتفاصيل حتى لو صغيرة اي تاريخ بخصنا هي متذكره فياريت يعني هديتك تكون عاطفية شوية اديها شي بخصكم تتذكرو بيهاا قلتا ليها تمام مشت معااي قلتا ليها اجمع صورنا على شكل فيديو اديها ليهو قالت لي ماعارفه بقيت اعاين فجااءة عاينتا لتسابيح وابتسمتا خطر في بالي شي حلو قالت لي مالك دي شنو البسمه دي ماتكون بتفكر في قفة فرح قلتا ليها لالا تعااالي....
يوم زفة سااارة من بدري مشيت الجامعه ماكان في غيري تسابيح مشغولة امها ماقدرت تجي وابوها شغال كنتا انا بس الزفة بدت من الجامعه اول ماشافتني ابتسمت لي ططلعتا تلفوني وبقيت اصور مع الناس لغااية ماطلعو واتحركو على مسرح القصر طبعا الناس كلها بترقص الا ساارة ماشة سااي غاظتني غايتو قلتا ليها يابت ارقصي ما اشتغلت بي جابو ليهم اربعه فنانين ورمو فيهم الالوان رجعنا البيت بالليل... كل برامج التخريج مشت سريع حنه ورحلات يوم
،،،،،،،،،،،،
*تسابيح*
يوم التخريج طلعتا لسارة من الصباح فستانها كان معااي مشينا لبت في بيتهم بتمكيج قالت ليها البت دي محتاجه صنفرة واعادة تأهيل من الاول عملت ليها مكياااج كااامل لمدة سااااعتيييين كاامللين وانا اديتها الفستااان البت دي لمن طللعت انا نهااااائي ماعرفتهاا بقيت اعاين ليها واحاول القى شبه بينها وبين ساارة صحبتي مالقيت قلتا ليها يابت انتي منو؟ وين ساارة صحبتي قالت لي تسابيح يااخ ماجاي معاي صح امشي امسحو باعلى صوت عندي قلتا ليها اوووعكككك تمسحي شنو بعد السااااعتين دي ماجاااادة نهااائي يااااخ اتصورتا معاها وطلعناا ركبنا ترحال وصلنا لحدائق القرشي العصر كداا لقتهم شغالين اوت دور مشت وقفت معاهم طواالي وكملو تصوير طبعا انا خلاص ناس دفعتها كلهم بقو يعرفوني دقيت ليك الونسة للمغرب كنتا ماسكة التذاكر ضرب لي عمار قال لي وصلو ودعتا سارة ومشيت دخلتهم كللهم حتى فؤاد ومثاااني جوو زيز قال مابيقدر يجي امي جاات وترتيل برضو في التخريج كنا كمية احمد اتصل مكالمة فيديو قال بس لو لقيت طريقه اديهو سارة يبارك ليها طبعا قالو التخريج ببدا5نحنا الساعة8حتى الخريجين ظهرو دخلو باغاني سيرة والله رقصو رقيص طبعا الا سارة الهبله ماشة زي الزومبي بدون حركه حرقت لي اعصاابي كيف بعد رقصو وقعدنا جابو ليهم فنكوش ياكلو وبعدها بدو يندهوهم بلاحرف لغاية ماندهوها انا وعمار بقينا نصور وهي طالعه الصالة عمار لمن عاين ليها قال لي دي منو؟ قلتا ليهو كيف يعني قال لي مابتشبه سارة يااخ غيرتوها وجبتوها ولا كيف مافاهم قلتا ليهو ياها سارة المهم وصلت لامها وابوها واستلمت شهادتها وصوروها مع اهلهاا بعدين جاتنا مع اهلها انا حضتتها وباركتا ليها وعمار قال ليها مبروك باز کردن / نظر دهید

2023-07-14 09:56:22 *حب بلون البنفسج *
*#بقلمي سارة بشرى *
(19)

*سارة*
قاعدة مع تسابيح في جامعتها قلتا ليها شكلي حاتخرج قبليك قالت لي ليه قلتا ليها لأنو السمستر عندنا شهرين بس يعني بنخلص في نص السنه وطواالي حنبدا تجهيزات التخريج والشي دا بعني عرسي قبليك ضحكت قالت لي كوويس زاتو انا واحمد يكون عرسنا بعديكم قالت لي استنيني ومشت جا زيزو قعد معاي قال لي خبرك يابت قلتا ليهو تمااام بما انك جيت اشتري لي شاي مصدعه قال لي والدك وناسيك برة الجامعه في ستات شاي قااعدين طووالي امشي اشتري ليك كبااية واشربيهاا قلتا ليهو حقاار قمتا عايزه امشي جات جنان مارة زيزو اول ماشافها قال لي دايرة شاي بنعناع ولا قرنفلل معقولا ضيفه تجينا وما اشتري ليك ماظريفه مني يااخ انا اصلا بطبعي زول كريم مابعزمك شاي وبس وعصير كمااان ارح عاين لجنان قال ليها تشربي شي ياقلبي؟ قالت ليهو لا شكرا ومشت اول مامشت قال لي يلا امشي اشتري شاييك وانا بقعد بونسك غياظ خلاص ... بالليل رجعتا البيت طلعتا الدفتر المجهزه فيهو مخطط لعرس تسابيح واحمد ابتسمتاا ابتسامة عريضة دقا لي عمار قال لي مش قلتي هاملك اسي لو فاضيه اجهزي طالعين وعندي ليك مفاجاءة قلتا ليهو المفاجاءة شنو قال لي جاييك في الشارع... لبستا عباية اساسا ماعندي زوق ومابعرف اختار ملابس انتظرتو لمن جا طلعتا ليهو قلتا ليهو المفاجاءة شنو قال لي انا كوويس الحمدلله انتي كيفك قلتا ليهو ياخ كويسة اها المفاجاءة شنو قال لي ماعندك صبرر نهاائي طلعنا لغااية مشينا نهاية الشارع طلع مفتاح من جيبو ضغط عليهو طوالي في عربية قدامنا فتحت عاينتا ليهو مصدومه قلتا ليهو دي عربية منو قال لي اترقيت في شغلي وراتبي زااد والمدير لأنو كسب مشروع مهم شدييد زاد ليهو سيولة الشركة بسببي سلمني العربية دي كمكافئة وراقاني قلتا ليهو يعني دي عربيتك قال لي ايووون قلتا ليهو فرحتا ليك والله الف مبرروك قال لي الله يباارك فيكك ركبنا العربية ومشيناا توتي قعدنا في كافيه وهو بعاين لي قلتا ليهو مالك بقا يغني: Seni Bana ayridim Bütün Dounya bliyo çok soyldim ama kindini olümlü sanyo inmasineiz sesinde kuşler yaşyo ah be, de gulunce kafam yanyo Oyle de güzldei gözleri Biraksami içine Be kandmi tütşrur içine çek beni yavaş yavaş"لقد حجزتك لنفسي وكل الدنيا تعلم لقد قلت كثيرا ولكن تعتقد انك بشر لا يصدقون ان العصافير تعيش على صوتها اه وعندما تضحك عقلي يطير وايضا كانت عيونها جميلة اتمنى ان اغرق بداخلها اسحبني الى داخلك ببطء ببطء... رغم انو صوتو ماسمح بس انو حاول انو يغني لي دي حاجه خلتني اشوف صوتو سمح.. بالمناسبة نزلو الاغنيه دي سمحه وبعدين بقولو كل اسطنمبول تعلم بس هو قال الدنيا"قال لي اها دي واحده من الاغاني البتحبيهاا قلتا ليها بقولو Bütün istanbul bilyoقال لي بس انا دنيتي كلها بتعلم ما اسطنمبول بس عشان كداا ابتسمتا ليهو
،،،،،،،،،،،،،،
مرت الايام وانا خلصتا ثالث قبل تسابيح ونزلتا رابع قلتا ليها ناس جامعتكم بطولو السمستر عشان كداا هي كانت في نهايااات سمسترها الاخير في ثالث طبعا احمد كل مايلقى فرصة بسألني بفكر في شنو قال لي طالما انتي وعمار حتعرسو قبلنا وريني فكرتكك قلتا ليهو ماتحااول يااخ انا عايزه اشتغل اي شي بيدي قال لي اتخيلي مايعجبناا قلتا ليهو حيعجبكم متاكده عمار قال ليهو انت بس جهز نفسك عشان تنفذ وعدك قال ليهو ياتو وعد قال ليهو انت الحتغني في عرسناا نسيت احمد قال ليهو هااا مابعرف يااخ زاتو شكلو جيتي حتتأخر عمار قال ليهو عاين اذا ماجيت عرسنا ماتجي السودان تاااني ساامع احمد ضحك قال ليهو ياخ ماتخاف جاي جاي انابعرف انو قلوبكم مقطوعه فيني مابتقدرو تتنفسو اذا ماجيت عشان كدا جايي
،،،،،،،،،،،،،،،،،
*تسابيح*
اتصل علي خلخل قال جاينا في الجامعه قلتا ليهو تشرف قلتا لزيزو خلخل جايي قال لي ظط كوويس انا اعمل شنو ضربتو قال لي ياخ معليش حنصيفو احسن ضياافةة بس عندي شررط قلتا ليهو كمان بتتشرط خيير قال لي عايزك تظبطي لي طلعه مع جنااان حمرتا ليهو ودخلنا المحاضرة بعد المحاضرة اتصل خلخل قال وصل مشينا ليهو انا وزيزو قلتا ليهو بركة الجيت طوالي زيز قال بركة الجيت بركة الجيت اااااي سمح انت وبسكويت ااااااي المشكله قالها وهو بحرك في كتافينو نظام برقص مع الاغنية خلخل ضحك قال ليهو ماقصرتاا قلتا لخلخل تعال عليك الله عايزاك تصمم لي فيديو لي انا واحمد عايزه افاجئو زي مابفاجئني كل مرة قال لي عايزه كيف يعني طريقة الفيديو صوركم وكدا قلتا ليهو لا عايزه فيديو متحرك زي العملتو لي مع هريثيك قال لي عندكم فيديو متحركين فيه؟ قلتا ليهو في واحد وفي واحد تاني كان يوم احمد عندو مقابلة قال لي حلو بظبطو ليكم بطريقة حلوة قلتا ليهو وانا حاتكلم تدخل فيهو كلااامي وكدا قال لي تماام تعالي نقعد ونتفق مشينا قعدنا في الكافتريا شرحتا ليهو الفيديو العايزاهو وهو فهم وقال لي بظبطو ليك واعتبري هدية العرس ... باز کردن / نظر دهید

2023-07-14 09:56:21 صدقني مافي عسل غيرك اصلاا عرفتني كيف عاايزااهم بالجد شكرا شكرا قال لي وانا كمان بحبك كان قبل كدا خلال ونسة قلتي لي دايراهم والموضوع علق في باالي قلتا ليهو بحبك قال لي وانا كمااان..... اجااازتي كلها قضيتها قراية في الكتب دي ودي احلى هدية كانت قبل عيد ميلادي يااخ يوم عيد ميلادي مشينا مطعم اسمو دالاس في بحري كان معانا زيزو وعمار وسارة وسلسبيل وجنان احمد اتصل مكالمة فيديو وغناا لي وحتى انو هو الوصى على الجاتو من المطاعم الجميلة في السودان عن طريق النت ياخ الجاتو لمن جا كان منظرو سمح خلااص عمري بقا19 سارة وعماار برضو اتفقو وجابو لي كتااب عارفيني بحب الروايات ياااخ كان يوم ررههيب لعبتا بلاستيشن مع عماار سباق سيارات مصااارعةة اي شي لمن زهجناا سارة قالت نلعب ليدو زيزو قال ليها حاخليك صايمة قالت ليهو كيف يعني قال ليها حتفهمي اسي لفينا كلنا انا الاحمر وزيزو الاخضر سارة الاصفر عمار الازرق قبل ما نبدا عمار قال ليهم مرتي دي مابرضى فيها مافي زول يقتلها زيزو قال ليهو بقتتتللللهاااا سلسبيل وجنان كانو بشجعوناا عمار فاز اول واحد وتسابيح بعدو وزيزو كل ماسارة عايز تحج بقتلهااا تحج بقتللها لمن في النهااية فاز هو وخلا ليها كلابها الاربعه قال ليها صوما هنيئاااا
والله زعلت زعلل وقالت ليهو غشيت غشيت عمار بقا يحنس فيها بعدين هم طلعو وقعدو سلسييل وجنان سلسبيل فاازت اول وزيزو مابرضى في جنان مابخليني اقتللها نهااائي مقضي وقتو يقتل فيني بقول ليهو كوويس يازيز صبرك يازيز لمن خلصنا خلاني اخسر حمرتا ليهو وخطفتا منو التلفون قلتا ليهو بكسر ليك تلفونك دا فتحتا الشاشه لقيتو خاتي صورة جنان في الخلفية برة عاينتا ليهو اشر لي اسكتي اسكتي....ضحكتا فيهو ورجعتا ليهو التلفون بعد مرت فترة نزلتا سنتي الثالثه وسارة نزللت..




يتبع..
السلام عليكم باز کردن / نظر دهید

2023-07-14 09:56:21 وماعنصرين نهااائي انبسطتاا شدييد باجواء البازار وعملو مساابقة وربحو فيها كم نفر اساسا البازار دا بتعمل مرة كل شهور خميت حاجات كتييرة غااايتو اشتريت لمن قلتا بس العربية اتمللت ايمن قال لي ناس السودان حيفرحو وبعدها رجعنا البيت بعد ما اشتريت الحاجات ومليت غرفتي حتى بديت افكر حاوصلهم لناس السودان كيف قلتا بشوف لي زول مساافر يشيلهم معااه صليت العشااء ورقدتا نمتاا

مرا اسبوع اسبوع كامل ما اتكلمتا مع غرام وماشفتها بس امها بطمني عنهاا بعد الاسبوع دا في يوم لقيتها مرسلة لي كيفك قلتا ليها الحمدلله بقيتي كيف قالت لي احسن اتحسنتاا قلتا ليها ممكن اتصل؟ قالت لي اي اتصلتا عليها مكالمة فيديو ردت لي وشكلها في الجامعه قلتا ليها اشتقتا لملامحك والله قالت لي وانا كمااان قلتا ليها انتي عارفه محمد فؤاد وصف حالتي في اللحظه دي بالجد لمن قال: حبيبي ياا ياحلم انا عشت عمري بستناك واتمناك الفرقة عليا صعبه وازااي اتأرا شوقي وانا اعمل ايه لو غمض عيني واصحا لاقيك هنا في الماضي الهاوي انا قلبي حيتعب كداا انت فييين حيرة في حيرة وايام طويلة بفتح عينيا الدايبه فيك شاايف حبيبي في بعدك بيجرالي ايه شايف في بعدك بدوق العذاب اد ايه يعني ايه.. قالت لي معليش بس انا بالجد لمن امرض حتى نفسي مابكون طايقاها قال لي انتي بس عليك تنكدي وانا علي اتحمل حتى نكدك على قلبي زي العسل ابتسمت وقالت بعد المحااضرة برجع ليكك قلتا ليها تماام وقفلت حتى انا ارتحتا ومزاجي راق بعد اسبوع
،،،،،،،،،،،،،،،
*سارة*
رسلتا لزيزو قلتا ليهو اقنع تسابيح وتعالوني في الجامعه عندي ليكم موضوع قال لي متاكده؟ يازولة متاكده؟ لانو البت دي انا بخاف منها اذا جبتها ليك وطلع ماعندك موضوع حتضربني باقرب شي جنبها وانا مابتحملل قلتا ليهو جيبها وماعليك قال لي عليك الله حتى لو ماعندك موضوع فتشي واحد تماام قلتا ليهو تماام اثناء الكلام دا دقا لي احمد قلتا ليهو سماني ياسماني قال لي كيفك ياسرسر قلتا ليهو كويسة وسرسر دي بتقولها تسابيح قال لي انا وتسابيح واحد المهم بما انك ماناوية تورينا افكااارك لعرسنا على الاقل وريني الاغنيه المجهزاها في راسك الحنرقص عليها اسلو عشان احفظها لاني ناووي اغني اغنيتناا انا يلا قولي قلتا ليهو عرسكم لسه باقي ليهو سنتين يعني عندك وقت قال لي عليك الله ياسارة ياخ بس الاغنيه يعني ماعارف ليه التكتم دا كلوو الاغنيه بس جريت نفسي وقلتا ليهو شو محسودين لسعد رمضان قال لي هااا لا دي مامحتاج احفظها بعرفهاا بس خليني اتدرب عليها قلتا ليهو غظتني يااخ كنتا عاملاها اخر مفاااجاءة قال لي معلليش تكبري وتاخدي غيرهاا يلا اشوفك بخيير وقفلل المهم خلال اليوم تسابيح وزيزو جوني جبتا ليهم شااي وقعدنا تسابيح قالت لي اها موضوعك شنو قلتا ليها موضوع شنو؟ طوالي زيزو عاين لي وقال لي عليك الله ماتعمليها طبعا تسابيح حمرت لزيزو قلتا ليها اشتقتا ليكم بس عشان كداا جبتكم زيزو قال ليها سمعتيها قالت اشتاااقت ليناا لفينا في جاامعتناا واتونسنا زيزو قال لي جامعتكم وهميه تاني ماتعزميني عليها قلتا ليهو على اساس جامعتكم احسن صحي انت اسمك منو من وقت عرفتك بقولو ليك زيزو عاين لي كدا وتسابيح ضحكت قال لي جاده عليك الله تسابيح قالت لي اسمو الرازي قلتا ليهو جامعة الرازي قال لي هاهاها ماظريفه عرفتهم على واحد من اولاد دفعتنا اسمو فتحي ولد هادي شدييد وصوتو ما بنسمع وطبعا تسابيح ماشااءالله صوتها عااالي في الونسة ونحنا قاعدين فتحي بيقول ليها براحة ياتسابيح براحة نحنا جنبك ولسه البت مواصله شافت ليها شلة بنات واولاد قااعدين طوالي قامت مشت عليهم زيزو قال لفتحي اهاا قامت لحركاتها قوم قوم ارح قبل ماتجيبهم لينا ساقو ومشو تسابيح لمن جات مع البنات قالت لي ديل وين قلتا ليها هربو ضحكت وعرفت البنات علي قالت ليهم دي بتقرا معاكم هنا بس ما اجتماعيه والله.... المهم نهاااية اليوم كل زول ركب موصلات بيتهم ورجعناا بعدها بفترة بدينا امتحانات كان اخر سمستر في تااانيةة وطبعا كنا زهجانين شدييد اسبوعين وحاااجه لغاااية ما خلصنا امتحانات واجزنااا وبعدها حننزل ثالثه
،،،،،،،،،،،،،،،،،
*تسابيح*
مرافي جااات فرحتا شدييد لمن جاتني في البيت مع راجلهاا كانت سمحه قلتا ليها لو العرس بحلي كدا حاعرس بكرا ضحكت وطلعت شنطه كبيرة قالت لي غشت احمد في ابوظبي واداها الشنطه دي قالت اشترا ليكم حاجات واي زول اسمو مكتوب على حاجتو فرحتا شدييد اول مامشت ضربتا ليهو قلتا ليهو الشنطه وصلت قال لي ان شااءالله تعجبكم الحاجات الجبتها وكمان في هدية عيد ميلادك مقدماا قلتا ليهو بالجدد فتحتا الشنطه سريع سريع وبقيت افتش على هديتي مالقيتها لكن لقيت معاها كرتونه مغلفه رفعتها فتحتها طلعت سلسلة مقبرة الكتب المنسية لي كارلوس زافون اربعة كتب ياااخ اناا في اللحظه دي حسيت اني مابحب زول اكتر من احمد داا دقيت ليهو فيديو ردا لي بقيت اقول ليهو بحبك بحبك بحبك بحبك ياخ انت عسل اقسم بالله عسل باز کردن / نظر دهید

2023-07-14 09:56:21 *حب بلون البنفسج *
*#بقلمي سارة بشرى *
(18)

*تسابيح*
اكتر شي غياظ وبضاايق وممكن ينرفز الواحد ويخلي اخلاقو في نخرتو الالتهااااااااب انا لمن يجيني التهاب نفسي دي مابكون متحملاهاا خلي اتحمل زول تاااني طبعا ناس البيت كللهم عارفيني لمن امرض اخلاقي بتبقى زفته عشان كدا زول فيهم بتكلم معاي او بقرب مني مااف المهم الليله الجمعه زيزو والبنات جايني هم ماعارفين اني صحيت عياانه وكداا خليت ترتيل تنظف البيت طالما مؤجزه وطبعا هي اسي في تانيه ثانوي وامي بقت تعمل في الاكل ومعتز من الصباااح يحضر في التلفيزون ومعللي الصووت قدر ماجطتا معاهو ما اشتغل بي قمتا فصلتا السلك قلتا ليهو طير امشي شوف اصحابك مش شايفني متزفته راقده هناا قال لي ماهدا كوويسة لمن بتجووطي اصلا ماعايز اقعد معاكم طاالع طلع وساارة جاتني قالت لي اصحابك لسه ماجو قلتا ليها جو ودسيتهم قالت لي قامت عليك الحاله ولا مالك قلتا ليها عيااانة ياخ حلقي حيتفجر من الوجع دخلتا رقدتاا وبعد شوية الباب دقاا... طبعا هم في سنتنا الاولى جوني قبل كدا فبعرفو ناس البيت وبعرفو البيت فتحت ليهم ترتيل سلمو عليها وجوني جوه سلسبيل قالت لي مابترحبي بضيوفك مالك قلتا ليها عيااانةة يااخ زيزو قال لي كركر سحروك المابدوروك قلتا ليهو مافي زول مابدورني قال لي معناها نرجيستك دي هي الطقتك عين قلتا ليهم اقعدو سارة جابت ليهم الموية والعصير وامي ختت ليهم الاكلل قعدو معااي ونسة وضحك وسيلفيهاات لغااية العصر نسوني مرضي والله سلسبيل رفعت تلفونها وقالت سيلفي تااني يجماااعةة رفعتو قام زيزو غنا مسيطرة انا تميتها قلتا ليهو همشيك مسطرة سارة قالت هخليك لو شفت بت الشارع تبص لورا ضحكناا وصورت سلسبيل قلتا لزيزو جنان المسيطره ولاشنو قالت لي هيي انا علاقتي شنو زيزو قال لي خلي مرتي في حالهاا قالت ليهو انا مامرتك قال ليها حتبقي وطلعو قدمنااهم لبرة وبعدين رجعناا ورجعت لي زهجتي وسارة مشت بيتهم دقا لي احمد رديت قال لي غرام الروح قلتا ليهو خيير قال لي اها مالك قلتا ليهو عيانه وزهجااانه وقرفانه في شنو قال لي سلامتك يااخ اشتقتا ليك قلتا اشوفك عيانه عندك شنو مشيتي الدكتوور قلتا ليهو التهاب مايحتاج دكتوور قال لي طيب اخدتي دواء اي شي قلتا ليهو ياخ ياخ مش قلتا زهجانه طيب ماتلم باقي كلامك دا وتقفل الخط يااخ وتخلصني من الكلام الكتيير ياخ انا نفسي مامتحملاها كدي عليك الله وقفلتا في وشو وجدعتا التلفون ومشيت رقدتاا
،،،،،،،،،،،،،،،
*احمد*
دي هي تسابيح وانا لازم اتعود ماعندي مشكله اتحمل نرفزتها وضيقها واي شي اساسا مبسوط انها معاي على طبيعتها معناها انا انسان مهم عندهاا لمن قفلت التلفون كنتا عارف اننا ماحنتكلم قريب لانها لمن تدخل الحالة دي انا بقنع خلاص اننا نتكلم قريب وفعلا لمن رجعتا ليها لقيتها قفلت تلفونهاا من اسي بفكر انو لمن نعيش في بيت واحد وتجيها الحاله دي ياربي بدل قفلة التلفون حتعمل شنو حتحبس نفسها في غرفه بعيد مني مامشكله المهم انها تكون معاي جاني واحد من الشغالين معااي اسمو ايمن قال لي انو في عندهم بازار بالليل في احد اسواق ابوظبي قال ماحنمشي كعازفين حنمشي كزوار ونشتري البعجبنا ومنها انت تشوف اجواء ابوظبي الجميلة في الاسواق العادية وكداا اتحمستا للفكرة بس قلتا كيف حامشي وتسابيح عيانه ضربتا في رقم امها وسألتها منها قالت لي غلت لي نعناع ونامت وللصباح اذا ما اتحسنت بودوها الدكتور وقالت لي اصلا تسابيح اخلاقها صعبه ولمن تمرض بتبقى اصعب عليك تتحمل بس ياولدي وانت نهااائي هناك ماتقلق او توقف اشغالك عشاانهاا كوويسة هي ودي ما اول مرة تمرض وماتخااف انا حاطمنك عليها كل شوية قلتا ليها تسلمي ياامي قالت لي يديك العافيه ياولدي وقفللت قلتا معناها اتجهز وامشي البازار ايمن جاب لي لبسة تقليدية بلبسوها الاماراتين عجبتني شدييد جلابية كداا وعندهم العمه لفتها بطريقة معينه لبستها وبقيت اعاين لنفسي في المراية طبعا حبيتني شدييد خليت ايمن يصورني كم صوورة بكم وضعيه ورسلتهم في القروب حقنا نحنا الاربعه لاني ماضامن تسابيح يمكن حظرتني عمااار قال امااارتي اماارتي والله جااية معااك شدييد قلتا ليهو تسلم ياحبيب وطلعنا كلنا مشينا البازار طبعا كان زحمةة زحمةة مبااالغةة والحااجات الفيهو حلوة شدييد ماتعرف تشتري شنو وتخلي شنو لاقاني طوق معمول بسكسك شفتو اتخيلتا غرام بقيت اعاين ليهو وابتسم طوالي اشتريتو واشتريت سااعةة معمولة من القمااش حلوة بطريقةة غريبة قلتا دي لعمار مشيت قدام لقيت البستهم حلوة اشتريت واحده لام تسابيح واحده لمثاني واحده لسارة وبقيت لافي اشتريت زي اماراتي لابو تسابيح وانا ماشي كداا لفتني بروش "البختو نظام زينه في الملابس" بقيت اعاين ليهو قلتا دا لو ختاهو متولي في جلابيتو او بدلتو حيطلع هيبه والله طوالي اشتريت اتنين منو واشتريت كم لبسة لغرام وعطر كان بازار سمح خلاص وعندهم رقصه كداا برقصوها وبرحبو بيك بطريقة حلوة ناس طيبيين والله الاماراتين باز کردن / نظر دهید

2023-07-14 09:56:21 ليهو خلاص خلاص فهمتاا ماتعمل لي موضوع قال لي صااالحيهو ماتخلي يسااافر وهو زعلااان قلتا ليهو ظط ماعرفتك يازيز وانت بتنصح قال لي هين انا ولا لين صح انا صغيير بس عقللي كبييير قلتا ليهو انقلع قفلتا منو وضربتا لاحمد اتوقعتو ماحيرد بس والله ردا قال لي غرام الروح قلتا ليهو انا هنااي اسمو شنو دااك يعني معليش قال لي تمام مامشكله قلتا ليهو كيف يعني مامشكله انت جاادي قال لي يابت انا مابزعل منك مافي زول بزعل من روحو فانسي سكتاا والله احمد دا غريب يااخ ماممكن طيبة قلبو دي ياربي شنو الشبه البينا الجمعنا
،،،،،،،،،،،،،،
*سارة*
بعد التراديشنال تسابيح رجعت مبسوطة لانها اتكلمت مع احمد واتصالحو وانا الفترة دي ما لاقية طريقه اتكلم مع عماار اذا اتصلتا يابرد وبيقول مشغول يامابرد ونااادر جداا القاهو في الواتس يعني شغلو بقا ضاااغط لدرجة ما بنشوف بعض نهااائي رسلتا لليهو واتس قلتا لبهو اشتقتا ليك ..... يوم احمد كان مساافر اتلاقينا في المطااار انا وتسابيح وعماار قلتا لعمار بتفضي نفسك عشان باقي الناس اما انا لا ععااادي ايام تمر حتى بدون ماتقول لي كيفك بس ششايفاك هنا جيت تودع احمد صح عاين لي وقال بعرف نفسي هاملك شدييد بأخر فترة بس بالجد مضغوط ومشغول لدرجة مابقدر احك راسي لو لاحظتي حتى واتس ماداخل حتى ناس البيت ما بلاقيهم كلها فترة انتي في الفترة دي اقري وانا في الفترة دي خليني اشتغل عشان اكون جااهز وبعدها حنكون طول الوقت سواا احمد قال لينا خلصتو عتااب حبكم دا لزيز خلاص جنكم شكلل المهم تعالو ودعوني وخلو لي بالكم من البت دي امشي واجي القاها زي ماهي ظط مسك لتسابيح يدها قال لليها انتي قلتي لي بحبك مرة وواحده وبعدها تصرفاتك بقت تثبتها لي بس حاليا حابب اسمعها غرام قلبت عيونهاا وعاينت لينا عمار قال لليها اعتبرينا ماف لا يعني عاملة فيها بتخجلي مافاهم قلتا ليهو خليهاا ياااخ قالت ليهو: وماهو الحب؟ الا ترى اني اذوب عشقا كلما اراك...
عمار قال لليها ابوالزفت زاااتو عاين لي قال مالك مابتقولي لي كلام زي دا مش كاتبة زيها قلتا ليهو حاسمعك كلام احلى ضحك احمد قال لتسابيح وانا فتا مرحلة الحب والعشق معاك من زمان ووصلتا مرحلة الغرام يا غرام السماني..


يتبع..
والسلام عليكم باز کردن / نظر دهید

2023-07-14 09:56:21 كان قااعد مع شلتو غرام نادتو يافوف تعااال طوالي جاا قالت مفاجااءة حلوة صح اخوك هنا مدا لي يدو قال لي مرحب بيك ورجع لاصحابو ما اتحسستا لاني اتوقعتا انو اساسا ماحيسلم غرام عاينت لي وقالت صحباتها في الكافتريا طلعتا معاها مشينا ليهم عرفتني عليهم سلسبيل وجنان جنان حلفت الا تتصور معااي اتصورناا وقعدنا معاهم بس فجاءة اسمع غرام بتقول يا زيز تعال تعال جا قال ليهم بتعملو في شنو بدوني قالت ليهو دا احمد خطيبي مدا لي يدو قال لي اتشرفنا ياحبيب سلمتا عليه وقلتا ليهو الشرف لي قعد جنبي وقال لي انت بتعزف وبتغني صح قلتا ليهو اي قال لي رأيك شنو في اغاني الراب والهيب والهوب وديلل قلتا ليهو بحبهم لدرجة انو مرة نفسي اغاني راب سوداني قال لي والله في عندي رابط قناة تعليم عدييلل ممكن ارسل ليك رابطها قلتا ليهو طوالي بتسمع راب يعني قال لي طواالي اكتر شي بسمعو كمااان حافظ معظمهم قلتا ليهو انت رائع ياااخ... فجاءة زيزو الكنتا شاميهو قبل شوية بقا زول رائع بالنسبة لي وبقينا نتونس عن اغاني الراب وتشكيلتها ياخ الزول دا حسيتو اخوي الضااايع بفهمني بطريقة قلتا ليهو عليك الله رقمك قال لي مرتي بتغير قلتا ليهو مرتك يابكاااي ارح وريني ليها ياتو وحده بقا يعاين في البنات الفي الكافتريا ويحسب واحد اتنين تلاته بعد مساافةة قال لي طلعو عشرين قلتا ليهو شنو هم قال لي نسواني عشرين مرة وكلهن بغيرن اعمل شنو جنان قالت ليهو عشرين قال ليها بس انتي اولهم طبعا فصلت شال تلفوني كتب رقمو قال لي بس مادق لي بالليل بكون خالط مع واحده فيهم قلتا ليهو ذكرتني باحمد السماااني غرام قالت لي ماااالو زيزو قال لي كتمت انت بترمي كلامك بدون تتلفت ليييييه قلتا ليها كوويس مافيهو عوجه بسلم علليك.... غايتو كان يوم ظريف صاااحبتهم كللهم وتحديدا زيزو حتى اتفقنااا نتلاقى يووم نشتغل في تلحين اغنيه وهو وافق غرام قالت لي دي شنو الصداقة القامت عليكم دي قلتا ليها زيزو ظريف وصلتها البيت وانا مشيت الاستديو رسلتا للفرقة قالو انو حجزو لي وكل اموري تمااام بس بااقي اجهز في اخر الاسبوع حاودع السودااان
،،،،،،،،،،،،،،،،
*تسابيح*
دخلتا البيت لقيت سرسر منتظراني قلتا ليها ياريتك جيتي الجامعه الليله احمد مشا معااي واتعرف على زيزو والبقية وهو زيزو يقو اصحاااب شدييد قالت لي كوويس قالت لي انو عاملين حفلة لناس الشمالية عندهم في الجامعه وقالت لي اكلمك لانها بلدك قلتا ليها قدااااام بس امتحاناتي قربت قالت لي وانا برضو بس الحفلة دي عندنا قبل اسبوع الريدينغ قلتا ليها ظط قالت لي الا خط شكلها بدت تتعلم جديد المهم قعدت معااي للمغرب بعدين مشت لقيت سلسبيل مرسلة لي في الواتس قالت عايزين يجوني هي وجنان وزيزو قررو فجااءة سألتني اذا بقدرو يجو قلتا ليها تعااالي طواالي بس متين قالت الجمعه قلتا ليها تمااام قدام يازولتي تعاالو طلعتا من دردشتهم رسلتا لاحمد قلتا ليهو ياجميل يامنعنع رسل لي اموجنات ضحك قال لي احكي لي قلتا ليهو ساارة عندهم حفلة في جامعتهم تمشي معاي قال لي متين قلتا ليهو بكرا قال لي بكرا ماشي مع زيزو للمحل القالو دا نشوف مجموعة اغاني الراب العندهم قلتا ليهو ايواا مع زيزو تخليني عشان زيزو قال لي حاعمل شنو في حفلة ناس سارة قلتا ليهو امشي مع زيزو بعدين ببقى ليك بمبي حتى في المطار ماحاودعك خلي زيزو يودعك ضحك قال لي مابتقدري قلتا ليهو بقدددر قال لي تمام نشوف شوية وشفتو ختا استوري صورة بت وكاتب ليها درب التوفيق لمزيعتنا الجميلةة قلتا ليهو منو الاخت ما اتعرفنا قال لي دي مزيعه مسافرة تكمل حياتها برة زميلة قديمه عشان كدا ختيت ليها استوري قلتا ليهو ايوااا لا تمااام والله مشيت طوالي فتشتا صورتي الاتصورتها مع خالد يوم مشينا تراديشنال المواهب ولاقيتو هنااك وختيتها في الاستوري وكتبتا خلخلي العزيز طبعا هو اول واحد شافها شوية وشفتو بكتب بقيت منتظره رسلل لي امسحي الزفت دا قبل ما اتزفت معااك ودا منو كمااان قلتا ليهو دا خالد لاقيتو يوم تراديشنال المواهب ليه مالو قال لي يخلخل ضروسكم شيلي الزفت داا قلتا ليهو اسي الصورة دي مالها عيبها لي اتنين عاديين مبسوطين بضحكو انت عارف انو مصمم مبدع طبعا قرا رسالتي وماردا وطلع من الواتس غاظتني السفهه طبعاا كيف يسفهني قلتا مابتكلم معاه براهو حيرسل..... فعلاا تاني يوم طلعتا مع ساارة سوا مشيت معاها جامعتهم من الباب بتشوف كراسي المناااسبة وكمية الزحمه في الجامعه ساقتني عرفتني على بت اسمها اريج قالت لي دي صحبتي قلتا ليها انجزتي والله سلمتا على اريج جابو فنان اسمو مهاب كانت حفلة حلوة وطول اليوم احمد ولا هبب لي وشايفاهم في الاستوري مبسوطين رسلتا لزيزو مشيتو وين قال لي سر شباب قلتا ليهو سر في عينك وريني قال لي مزعله الشاب دا مالك قلتا ليهو لحق يحكي ليك قال لي والله ماحكا شي بس ظااهر زهجان وقرفااان وماعندو حيلل يعمل شي حتى الاغاني الجينا نسمعها ما انبسط بيهاا فعرفتا انو الموضوع بخصك اصلا مافي غيرك بنفسن بيه قلتا باز کردن / نظر دهید

2023-07-14 09:56:20 *حب بلون البنفسج *
*#بقلمي سارة بشرى *
(17)

*مرافي*
نحنا في الكوفير سمعنا صوت البوري والعربااات في بنات طلعو فضلت مثاني وتسابيح جا احمد داخل بقا واقف بعاين لي باسني في جبيني قال لي عقدنا وبقيتي على زمة راجل ماعارفك استعجلتي كدا ليه يادوبك في العشريناات تخليني وراك لمنو بس يلا اسي مافات شي رأيك شنو اهربك من ورا نخلي اواب راسو يجوط العروس هربت ضحكتا قلتا ليهو احمد يااخ دنقر راسو مساافة بعدين قال لي يلاا شنقل يدي وطلعنا"بتمنى تكونو فهمتو معنى كلمة شنقل لاني ماعارفه اشرحها كيف بس اعرفو انها مسكة العرسان ديك لمن البت تدخل يدها بين يدين الولد والمهم"طلعنا برة اواب كان واقف قدام عربية العرسان ومتشييك عاين لي وابتسم جينا وقفنا قدامو احمد قال ليهو انا مابس جايب ليك اختي دي بتي كمااان ومعنى بتي انو لو نزلت دمعه صغنونه كداا من عينهاا بالغلط لاحظ بالغلط صدقني مجهز ليك حلات تعذييب حاتفنن فيك والله عشان كدا انت بس جرب وخليني انا اجرب فيك طرقي الجهزتها اواب ابتسم قال ليهو ماتشيل هم حاختها في عيوني احمد قال ليهو بتمنى ركبنا عربية العرساان واتحركنا على الصاالة وصلناا كداا الاضواء طفت وبقت مركزه عليناا دخلنا ونحنا ماشين على الكوشة باغنية: فرحانه بيك انا ياجنااي في يوم زواجك وفرحتك بخلط دموعي انا ليك امل في سعادتك وحنتك واتذكرك وقتاا تاتي ويايمة اول كلمتك والليله ياسيدالرجااال فرحتا امك وحلتك ياربي احفظ لي جنااي ويعيش سعيد في نعمتك ... امو لاقتناا في النص حضنهاا مسااافة وسلمت علي برضو قالت لي الف مبرووك يابتي قلتا ليها الله يبااارك فيكك ومشينا على الكوشة لاقانا ابوي باسني في جبيني قال ليهو انت شلتا اول فرحة لي في البنااات خلي بالك منهاا ولو زعلتها ماترجاااني اواب قال ليهو في عيوني ياحااج قعدناا في الكووشة بعدين جو باقي النااس وجا احمد ابتسم لي وقف جنبي واتصور معااي كتييير بعدين شال الجيتاار وقبل مايعزف قال: امانة امي حتفارقني كنتا دايما بتمنى انو اليوم دا مايجي بس دي سنة الحياة اتفضلو اغنيتكم حقت السلو علي... ابتسمتا ليهو قمنا انا واواب عزف لينا اغنية اجنبيه غناها بصوت هااادي وراايق وكانت سمحه شدييد والله بعدها جا حسين الصادق سلم على احمد وبدا الزنق غنا والناس دي هججت هجيج مافي زول مارقص الحفلة استمرت لي11بعدهاا مشينا بيت ناس اواب عشان الجرتك كانت لحظات جميلة واحمد ما اتحرك من جنبي ولا لحظه في رش اللبن اواب شايل الكباية احمد حمر ليهو نظام اوعكك ترشهاا اواب ابتسم وشرب اللبن لمن جا دوري قال لي امليهو مللي غايتو مارضيت فيهو وشربتو برضو بعدين جا وقت الودااع ودعتا ناس البيت بكيت في فؤاد ومثاني وابوي واحمد اصلا من وقت الوداع ماشفتو بتلفت افتش فيه بس فجااءة اختفى طلعتا برة من الزحمة لقيتو قاعد براه وببكي قعدتا جنبو قلتا ليهو بقيت تبكي يا احمد قال لي اكتشفتا انو الانسان مالازم يخبي دموعو ابداا انتي بالجد ماشة هزيت ليهو رااسي قال لي حتتكلمي معاي طول الوقت صح قلتا ليهو طبعا ليه انابقدر بدونك ياسماني ضماني عليه وهو مدمع قال لي اذا عمل ليك اي شي زعلك طوالي وريني قلتا ليهو طييب بعدين مشينا سواا ركبني العربية واتكلم مع اواب كداا بعدين اواب جا واتحركناا رفعتا يدي لاحمد بقيت اعاين ليهو لغااية ما اختفو مني بقيت ابكي انا ماصدقتا احمد رجع عاش معانا في البيت كيف خليتو ومشيت
،،،،،،،،،،،،،،
*احمد*
رجعنا البيت دخلتا غرفتي ضلمتها وطوالي رقدتا ماعايز اتفااهم مع اي زول وبعد مرافي مشت حاسس نفسي غريب بينهم حاسس انو ولا واحد فيهم ببقا لي حاجه ولا حتى متولي عشان كدا قفلتا غرفتي علي ورقدتاا تلفوني دقا قلتا ماوقتو والله ماعايز اتكلم مع زول رفعتو لقيتها غرام طوالي رديت عليهاا قالت لي كوويس ولا قعد تنوح؟ قلتا ليها قعد انوح قالت لي خلاص جهز نفسك سايقاك معااي مشوار بكرا قلتا ليها انتي عارفه اني مسافر اخر الاسبوع صح قالت لي صح عشان كدا سايقاك معااي الجامعه اعرفك على الشلة واعرفك على زيزو كمااان رفعتا حاجبي وقلتا ليها زيزو؟ ومدلعاااهو كمااان قالت لي دا البيست قلتا ليها زبادي يعني قالت ماتتظارف قلتا ليها تماام خلينا نشووف زيزو داا قفلتا الخط وقلتا قال زيزو قال كملتا رقدتي.... في الصبااح لقيت منها رسالة بتذكرني بالمشوار ماكان عندي نفس امشي بس اكييد ما حازعل غرام واكسر بخاطرها قمتا طوالي جهزتا نفسي كالعاادة عاينتا بالمراية وابتسمتا برضا عن هيئتي الجاهز بيهاا شلتا فريمي وطلعتاا عاينتا للساعة وضربتا ليها قالت اتحركت على الجامعه لاقيتها في نص المساافة وركبت معااي قالت لي اي الشياكه دي قلتا ليها عيونك الحلوة مش الرد مناسب مع جملتك وصلنا الجامعه دخلنا طوالي قلتا ليها جامعتكم صغيرة بس ماشااءالله ملانةة ناس قالت لي اسي تلقى اخوك في القاااعةة قلتا اممم وسكتا عارف لو لاقيتو حيتغابى فيني العرفة اساسا هو واخوهو مابحبوني دخلتا معاها القاعة فعلا شفناهو باز کردن / نظر دهید

2023-07-14 09:56:20 بتخليها تسمع كلمة تركيا من بعد امتاار قالت ليهو تركيا لمن الاتنين اتخلعناا قلتا ليها من متين انتي هناا قالت من قال تركياا ضحك وسلم عليها قال ليها بتحبيها ولا شنو قالت بعشق تركيا وكل تفاصيلها واي شي بخصهاا قلتا ليها الولد مصمم مبدع شيلي رقمو يمكن يفيدنا في عرسي ضحك هو قال لي جدا والله سارة شالت رقمو قلتا ليها اتصلتي على عمار قالت لي اتصلتا وماردا فرسلتا ليهو رسالة ماعارفه اذا حيشوفهاا قلتا ليها حيجي اطمني وقفنا مع خلخل طبعا بقا صحبي خلال الفترة القصيرة دي وشفنا فيديهاتو زيزو دقا وصفتا ليهو جا وعرفتو على خالد وشاف تصميماتو وقعد يشكر فيه قال لي خلينا يوم نعزم خالد جامعتنا ايام التراديشناال قلتا ليهو ظط قال ليهو بتجي قال ليهو قدام يازولي بجي طواالي شوية وتلفوني دقاا لقيتو عمار سألني من مكاننا وصفتو ليهو وقفل بعد شوية شفتو جااي عليناا عاين لزيزو وخاالد كداا سلم علليهم وعللي وقال عن اذنكم عايز ساارة دقايق وساقها ومشاا زيزو قال لي من هذا قلتا ليهو خطيبهاا قال لي مالكم كلكم مخطوبين ليه انا باير قلتا ليهو لانك ماحلو قال لي هيييي وتاني هييي قال ماحلو قال اذا انا ماحلو الحلو منو طييب ضحكنا فيهو
،،،،،،،،،،،،،،،،،
*سارة*
وقفتا مع عماار قال لي اها خيرر اتصلتي ورسلتي قلتا ليهو عمار انا اسفه يمكن دي الكلمه الوحيده البعرف اقولها لمن اغلط مابعرف اناقش مابعرف ابرر بس بعرف اعتذر بعرف اني قلتا كلام جاارح وبدل على عدم ثقه بس انا بثق فيك بس تصرفك كان غريب عشان كداا بعرف اني قاطعني وقال لي خلاص انسي قلتا ليهو ملامح وشك بتقول انك لسه زعلان قال لي يمكن في زعل بسيط بس بحبك يعني اعمل شنو مابقدر ازعل منك بس انا اكتشفتا انك مابتثقي فيني الاولاد الحاليا شفتك واقفه معاهم ديلل ليه ما اتكلمتا وسألتك عنهم لانو بثق فيك وبعرف انك بتحبيني ويمكن ديل اصحاب سااي طبعا انا كلااامو كان حاار شدييد وخلاص الدموع اتجمعت وعايزه ابكي قال لي لالا ماتبكي بهظر والله انا نسيت الحصلل ماقصدي ابكيك والله ماتبكي قلتا ليهو يعني مازعلان مني قال لي ابداا والله مازعلان بس انتي تاني ماتكرريها حاضر قلتا ليهو حااضر قال لي خلاص يلا نرجع لاصحااابك مسكني من يدي ومشينا عليهم وانا مبتسمة اول ماوصلنا زيزو قال حياااا اناا مالو مافي زول يمسك يدي كداا انا حزين جداا
،،،،،،،،،،،،،،
*مراافي*
كنتا مبسوطه شدييد لمن اهل اواب جو وحددو العرس بعد شهرين البيت اتملى بلاهل والاصحاااب تساابيح جابت ملابسهاا عدييللل ورحلت معااي فرحتا بيهاا شدييد قالت لي حتكوني احلى عرووس قلتا ليها تسلمي حبيبتي البيت كان زحمةة شدييد رغم انو البيت كبيير بس اهلنا كتااار وابوي ماخلا زول ماعزمو طالما اول عرس من اولادو لازم يتفشخر ومرت ابوي تتأمر في النااس وهي قااعدة وطول الوقت تتكلم عن نفسها وحاجاتها العندهاا كنتا مبسوطه بالتجهيزات وبقعدة صحباااتي معاااي كانت فترة جميللة شدييد وحنتي وحنة اواب انتهو سريع والشيلة الجابوها كانت سمحه واليوم يوم المنى يوم عرسي اناا ومعاي تسابيح وسارة ومثاني وصحباتي في الكوفير ومنتظرين العريس يجي...




يتبع
والسلام عليكم
الحلقه الاخيرة قربت باز کردن / نظر دهید