Ahmed Shawki - أحمد شوقى

2023-04-04 00:00:15 اهم 10 اهداف لشهر رمضان
1-ختم القران ختمة تدبر
2-ختمة القران ختمة قراءة في الصلاة
3- قراة المختصر في التفسير
4-المحافظة علي صلاوت الجماعة ال5
6-المحافظة علي صلاة التروايح
7-المحافظة علي صلاة التهجد
8-المحافظة علي اذكار الصباح والمساء
9-المحافظة علي ورد الذكر المطلق والصلاة عالنبي
10-المحافظة علي الدعاء يوميا في اوقات الاستجابة باز کردن / نظر دهید

2023-04-03 23:30:32 -معقولة ما عندكش 15 دقيقة في يومك فاضيين!؟ يومك مشغول للدرجة دي!!؟
-‏_عندي بس هعمل ايه في الربع ساعه يعني!؟
-‏-سؤالك غلط وما بتتحسبش كدا.
-‏السؤال كالاتي
-‏-هل هستفاد بالربع ساعه في حياتي!؟
-‏-الاجابة اه بس مش هتشوف النتيجة دلوقتي.. هتتأخر في الكنترول حبتين تلاتة يمكن شهر، اتنين، تلاتة، ستة، سنة او اكتر) انت والحاجة اللي بتعمليها يوميا.
-‏بس بشرط ال15 دقيقة كل يوم تعمل فيهم نفس الحاجه وما تتخلفش يوم، وتتعلم فيها لحد ما تجيب اخرها.
-‏-15 دقيقه كل يوم حفظ قران بعد سنة هتكون ختمت القران حفظ
-‏-15دقيقه كل يوم تتعلم اللغة العربية بعد سنة هتكون استاذ فيها وتقدر تكتب ادب وشعر كمان
-‏-15 دقيقه كل يوم تعمل فيها رياضة منزلية (ضغط وبطن وجري وغيره) بعد سنة ما فيش كرش نهائي وجسم لياقي
-‏-15 دقيقه كل يوم تتعلم فيهم اللغة الانجليزية بعد سنة هتكون Fluent في الانجليزي
-‏-15 دقيقه كل يوم تقرأ فيهم بعد سنة هتكون قرأت فوق ال50 كتاب وبقا عندك فكر وثراء معرفي
-‏-15 دقيقه كل يوم تسمع فيهم درس لشيخك بعد سنة معاه هتكون اتعلمت الادب واصول العلم ومش هتنقطع عنه
-‏-15 دقيقه كل يوم هيغيروا حياتك ان سعيت. باز کردن / نظر دهید

2023-04-03 23:01:22 قانون 15 دقيقة

ايه هو قانون 15 دقيقة؟

يقول *سامويل اسمايلز*

1- لوصرفت كل يوم 15 دقيقة في تحسين نفسك وتطويرها هتلاقي نفسك في نهاية السنة اتغيرت بنسبة ٧٣٪ وهتشوف كدا بنفسك.

2- لو منعت كل يوم ١٥ دقيقة من تضييع الوقت في أمور ما فيش فايده منها، هتحقق نجاح، خلال سنتين في ادارة حياتك.

3- لو خصصت كل يوم ١٥ دقيقة عشان تتعلم لغة جديدة أفضل من انك تروح دورات اللغة مرة كل اسبوع .

4- لو تخصص كل يوم ١٥ دقيقة عشان تعلم ولادك الصح والغلط هتلاقي نتيجة افضل منهم خلال اسابيع.

5- لو خصصت كل يوم ١٥ دقيقة للقراءة اللي بتثير القشرة الرمادية للمخ، هتحصل على تطورات كبيرة في الفهم وتفهم بنسبة اكبر 50٪ من مستوي فهمك الحالي.

6- لو خصصت يومياً 15 دقيقة للكتابة، هيكون عندك القدرة علي كتابة مقال كل يومين أو تلاتة، ومش بعيد اخر السنة تكون ألفت كتاب.

الجميل في قانون ١٥ دقيقة هو انه قصير لدرجة ما تخليش قدامك عذر ان ما فيش وقت عشان انفذه. باز کردن / نظر دهید

2023-04-03 22:33:01 قصة نجاح ستيف جوبز من أشهر قصص النجاح الي لازم على كل إنسان انه يعرفها، عشان يتعلم منها ازاي يحقق أهدافه، وازاي يتخطي العقبات، و يعرف كمان الخطوات الي تخليه يوصل إلى النجاح، وعشان يعرف ان الإصرار هو الوجه الأخر للنجاح، وعشان يتعلم أيضًا أن اليأس هو الذي يقضي على الطموحات، وهذا اليأس لم يعرفه هؤلاء العظماء.
ستيف جوبز | قصة حياته و كفاحه ونجاحه من الصفر للمركز الأول :
http://bit.ly/3zqTHNh باز کردن / نظر دهید

2023-04-03 22:00:26 15 فكرة ممكن تستغلهم في أخر 15 يوم في رمضان
1-تختم القران مرة "كل يوم تقرا جزئين الاول بعد الفجر والثاني بعد العصر"
2-تصلي التروايح كاملة طوال ال15 يوم جماعة في المسجد
3-تصلي التهجد وتبدأ بركعتين وكل يوم تزود ركعتين
4-تدعي كل يوم 15 دقيقة لنفسك
5-تقاطع المسلسلات والافلام كلها
6-لا تهتم بالتريندات في ال15 يوم دول بالتحديد
7-اقرأ كل يوم ما لايقل عن نص ساعة
8-احفظ كل يوم حديثين من الأربعين النووية
9-اقرأ كل يوم صفحة في التفسير المختصر
10-انتهز رمضان وخد دورة في احكام الصيام
11-خد دورة في مالا يسع المسلم جهله
12-حاول تشارك في افطار الصائمين بأي طريقة "ولو بإنك تشتري علبة تمر وتحطها في الجامع"
13-تصلي كل يوم 100 صلاة عالرسول وكل يوم تزود 50
14-تحافظ علي اذكار الصباح والمساء
15-مذاكرتك وعملك في رمضان داخلين في العبادة اذا أخلصت النية فما تقصرش فيهم عشان خايف تقصر في عبادتك باز کردن / نظر دهید

2023-04-02 23:01:45 أول إجراء لازم تعمله عشان تاخد خطوة لقدام في حياتك:

امسح:
١- فيس بوك
٢- انستجرام
٣- تيك توك

بطل تتفرج على:
١- مسلسلات
-٢ أفلام
٣- أغاني
٤- كورة

اللي هيحصل إنك هتلاقي عندك وقت فراغ مهول ، هتقسم الوقت دا ٣ أقسام:

أولًا: المذاكرة

اقرأ وطور نفسك في مجالك واتعلم كل جديد واتعلم مجالات تانية بردو

ثانيًا: إنتاج المحتوى

شوف منصة من المنصات اللي بيتجمع عليها الناس المهتمة بمجالك وابدأ إنتج محتوى قيم ، أو أبسط حاجة رد ع الأسئلة والمشاكل بتاعت الناس.

ثالثًا: الطاعة

لازم تخصص وقت للطاعة والعبادة ودا لمصلحتك أنت في المقام الأول ، اقرأ قرآن وقرب من ربنا ، لإن ربنا عنده العلم والرزق ، فحاجتك عند ربنا .. فقرب له.

طبعًا مش لازم تتطبق النصيحة دي بحذافيرها ، يعني مش لازم "تمسح" بس ع الأقل قلل وقتك على المنصات دي لإنها على الأرجح مش بتعود عليك غير بمنفعة قليلة لو كان فيها منفعة أصلًا. باز کردن / نظر دهید

2023-04-02 02:25:23 بسم الله :
رمضان مش باكدج , رمضان كل ثانية فيه حياة..
عايز أقول كلمتين للناس اللي ما بدأتش من أول رمضان في القرآن ولا القيام وكمان الناس اللي بدأت بس بدأت تكسل وتقع
وللناس اللي لسه ما قاطعتش المسلسلات والبرامج
الكلمتين هما :
ما تيأسش.
آه ما تيأسش من نفسك ومحاولاتك في إنك تتغير للأحسن
ما تيأسش إنك تلتزم بورد قرآني من دلوقتي
ما تيأسش إنك تقيم الليل من انهاردة
ما تيأسش إنك تقاطع المسلسلات من انهاردة
ودا اللي أنا عايز اوصلهولك في البوست دا
وهو إن رمضان مش "package" حٍزمة علي بعضها ياتلحق تلتزم من أوله لآخره يايكون ضاع عليك رمضان..
رمضان كل ثانية فيه لوحده بساعات عبادة فاستغل ولو آخر ثانية في رمضان ..
-حتي ولو ما بدأتش من الأول ؟
آه
-حتي ولو وقعت في النص
آه
استغل في رمضان الثانية اللي تلحقها واللي يكون قلبك صاحي فيها حتي ولو هتقع بعدها ..
ما فيش مشكلة لسه قدامك فرصة دايما إنك تفوز وتعوض تقصيرك مهما كان ومهما فاتك لإن رمضان حسابات ربنا غير حسابات البشر

ورمضان مش باكدج , رمضان كل ثانية فيه حياة.. باز کردن / نظر دهید

2023-04-01 23:22:03 انك تفتح المصحف عشان تقرأ قران ، او تحفظ ورد جديد او تراجع اللي انت حافظه مش امر سهل ابدا والله ، انما هو توفيق من ربنا ليك ، مش هيحافظ عليه الا مُوفق، لانه كلام ربنا -سبحانه- يختار ليه من يشاء " ثم أورثنا الكتاب الذين اصطفينا من عبادنا " خليك فاكر دايما ان دا اصطفاء ليك فحافظ عليه باز کردن / نظر دهید

2023-04-01 23:00:03 جوجل أعلنت عن حاجه مهمة جدا، هاتخلي التعليم الجامعي في تحدي جديد في المستقبل ..عن طريق شهادة Google Career ، واللي بتعادل شهاده الكليه
عباره عن شهادات مهنيه معترف بها من كل دول العالم المتقدم!
المجموعه الواحده منهم بتاخد ست شهور دراسة
في 6 شهور بس تقدر تاخد شهادة جامعة تساوي 4 سنين !!

، وقالوا بالنص كدا " إنها هتكون مكافئة للـ 4 سنين بتاعت الجامعة" وانها بتغنى عن الدراسة الجامعية بالنسبة للتعيين في جوجل!!
“In our own hiring, we will now treat these new career certificates as the equivalent of a four-year degree for related roles.” Google
خلاص لم تعد الشهادة الجامعيّة شرطاً للتوظيف ولكن طبعا ده مش للجيش أو الزواج
لينك التقديم من هنا
https://bit.ly/3shQNam
المجالات المتاحة :-
-التسويق الرقمي من الصفر للاحتراف
- Project management
- IT support
- Data Analytics
- UX Design
- Android Development
ومجالات تانيه كتير ادخل بسرعه شوفها واعرف كل التفاصيل
اختار الي يناسبك لان كل مجال فيهم احسن من التاني
شارك العلم فزكاه المال بعض المال وزكاه العلم كل العلم
الشير مش هيفرق معاك بس هيفرق مع شباب كتير منتظره الفرصه دى باز کردن / نظر دهید

2023-03-31 23:00:12 واخيراً اكتر حاجة اتطلبت مني الفترة اللي فاتت جهزتهالك ونشرتهالك خلاص ..
-ازاي استخدم موقع كورسيرا واسجل عليه واترجم الكورسات للعربي واخد الكورسات مجانا واستلم الشهادة بعد ما اخلص الكورس..


كورسات جوجل لما نزلتها عندي هنا من اكتر من شهر نااس كتيير ما عرفتش تاخدها بسبب انها مش عارفة تقدم عالدعم المالي لكورسات منصة كورسيرا وتاخدها مجانا

- فانا قررت اعملك بوست مخصوص من الالف للياء بيشرحلك ازاي تقدم خطوة بخطوة هسيبلك اللينك بتاعه في اخر البوست ، بس فيه شوية حاجات لازم تعرفها عن كورسيرا

كورسيرا تعتبر أفضل المواقع اللي ممكن تتخيلها في حياتك بتدي كورسات، وشهاداتها معتمدة وتتحط في السي في بتاعك تستند عليها عند أي شركة في العالم.

كورسيرا فيها أكتر من 3800 كورس، وأكتر من 400 تخصص.. والسؤال هنا :
ازاي تاخد كورسات كورسيرا اللي بفلوس من غير فلوس ..

- اولا لازم تعرف ان اغلب الكورسات علي موقع كورسيرا تقدر تسمعها بالكامل مجانا بس بدون ما تمتحن ولا تاخد شهادة مجرد انك تسمع بس.

- بس عشان تعمل كده لازم تفرق بين حاجتين موجودين علي كورسيرا
- الاولي حاجه اسمها specialization ودي بتكون عبارة عن مجموعة كورسات مجمعة مع بعض يعني زي الدبلومة كده

- التانية كورسات منفردة ودا اي كورس مجاني تسجل فيه وتسمعه عن طريق انك لما تدوس علي الكورس ويظهرلك تختار كلمة audit only

- طيب لو عاوز اخد كورس موجود جوه دبلومة اعمل ايه؟
- تعرف اسم الكورس لوحده وتسيرش عليه وتدخل علي صفحة الكورس لوحده وهنا يظهرلك برضو اوبشن audit only

- ولو عاوز اخد الشهادة؟

١- تقدر تشتري الكورس او الدبلومة وهنا يفتحلك الامتحانات ويديك شهادة بعد ما تنجح
٢- تقدر تشترك في كورسيرا بلس وهنا يفتحلك اغلب الكورسات برضو وتقدر تمتحن فيها وتاخد الشهادة والميزة انك تقدر بالاشتراك ده تشوف كل الكورسات اللي تبع كورسيرا بلس بدون حدود يعني تقدر تاخد شهادتين تلاته في الشهر لو عندك وقت وطاقة وده بيكون تقريبا ب ١٢٠٠ جنية مصري شهريا

٣-تقدر تاخد free trail ٧ ايام علي كل كورس ولو خلصت الكورس في الوقت ده وامتحاناته هيدك الشهادة عادي
٤- تقدر تقدم علي منحة مالية financial aid ودي بتشرح فيها انت ليه عاوز تاخد الكورس وليه وطبعا عشان انت مش هتعرف تكتب إي في ال financial aid هتلاقي هنا الإجابات اللي هتخليهم يقبلوك..

- هتلاقي عاللينك دا شرح طريقة الدعم المالي لأي كورس علي كورسيرا بالصور خطوة بخطوة لحد ما تستلم الشهادة ....ادخل شوف الطريقة من هنا

https://bit.ly/3FC767H

كده انا شرحتلك كل اللي اعرفه عن كورسيرا وهو في راي افضل موقع في العالم علي الكورسات

شارك العلم فزكاه المال بعض المال وزكاه العلم كل العلم
الشير مش هيفرق معاك بس هيفرق مع شباب كتير منتظره الفرصه دى باز کردن / نظر دهید