Ahmed Shawki - أحمد شوقى

2023-04-24 11:01:12 لما تكون أرقامك قريبة من الصفر فأي زيادة بسيطة في الإنتاجية بتاعتك هتعطيك زيادة ضخمة في النتائح ولو مش مصدق تعالا أقولك علي سر قانون ال 15 دقيقة


ايه هو قانون ال 15 دقيقة؟

يقول Samuel Smiles في كتابه السلوك

لوصرفت كل يوم 15 دقيقة في تحسين نفسك وتطويرها هتلاقي نفسك في نهاية السنة اتغيرت بنسبة ٧٣٪ وهتشوف كدا بنفسك.

يعني لو انت مش بتذاكر أبدا , وبعدين بدأت الدراسة والمذاكرة ل 15 دقيقة مثلا يوميا
اللي انت عملته دا مضاعفة لإنتاجيتك بشكل كبير اللي هي أساسا صفر ..

الجميل واللي هيحصل بعد كدا لما تستمر علي قانون ال 15دقيقة دا إنك هتنتقل لمرحلة أعلي ..

وبعدها تقدر تذاكر ساعة يوميا ..

وبالتالي النتيجة أصبحت من صفر لساعة .. يعني 60 دقيقة , يعني زادت إنتاجيتك بمعدل 600%..

وتعالا أقولك علي 5 حاجات لو عملتهم كل يوم بتطبيق القانون دا عليهم الSkills بتاعتك هتبقي في حتة تانية وسابق نفسك بكتير

1- لو منعت كل يوم ١٥ دقيقة من تضييع الوقت في أمور ما فيش فايده منها، هتحقق نجاح، خلال سنتين في ادارة حياتك.

2- لو خصصت كل يوم ١٥ دقيقة عشان تتعلم لغة جديدة أفضل من انك تروح دورات اللغة مرة كل اسبوع .

3- لو تخصص كل يوم ١٥ دقيقة عشان تعلم ولادك الصح والغلط هتلاقي نتيجة افضل منهم خلال اسابيع ولو مش متزوج وعندك أولاد ممكن تستغل ال 15 دقيقة دي يوميا في إنك تتعلم حاجة عن الزواج والتربية.

4- لو خصصت كل يوم ١٥ دقيقة للقراءة اللي بتثير القشرة الرمادية للمخ، هتحصل على تطورات كبيرة في الفهم وتفهم بنسبة اكبر 50٪ من مستوي فهمك الحالي.

6- لو خصصت يومياً 15 دقيقة للكتابة، هيكون عندك القدرة علي كتابة مقال كل يومين أو تلاتة، ومش بعيد اخر السنة تكون ألفت كتاب.

الجميل في قانون ال 15 دقيقة هو انه قصير لدرجة ما تخليش قدامك عذر ان ما فيش وقت عشان انفذه.

-AhmedShawki باز کردن / نظر دهید

2023-04-23 22:20:01 ٣ شهور بـ ٩٠ يوم قادرين يحولوك لإنسان جديد!
خطتنا هتتقسم لـ ٥ جوانب.
١- جانب ديني.
وعندنا هدفين هما:
حفظ 3 أجزاء من القرآن.
متابعة سلسلة شهريا لشيخ محبب لقلبك عشان تشحن روحك.
٢- جانب تطويري.
- وده هيتقسم لـ ٣ حاجات:
قراءة ٦ كتب بمعدل كتابين في الشهر.
انهاء ٣ مستويين إنجليزي من تطبيق ذاميركان إنجلش أو طليق.
تجربة مجال جديد شهريا مثلا الشهر الاول تجربة التسويق، التاني التصوير وهكذا.
٣- جانب صحي.
وبرضو عندنا هدفين
الوصول ل منع السكر وده تدريجي.
ممارسة الرياضة لمدة 10 د يوميا وفيه كذا ابلكيشن موبيل بيساعد على دا.
٤- جانب نفسي.
مع صعوبة الأحداث حوالينا لازم تكون عندك خلفية نفسية كويسة جدا.
فمن ضمن الخطة إنك تاخد دورة فقة النفس ومع نفسي لـ د. عبد الرحمن ذاكر الهاشمي خلال ال ٣ شهور.
٥- الجانب الاجتماعي.
متضيعش الإجازة دي من غير ما تشارك في عمل تطوعي.
انزل من تاني يوم من اجازتك روح مؤسسة موثوقة زي الهلال الأحمر أو رسالة واتطوع معاهم وشوف بعد ٣ شهور مهاراتك هتروح لحد فين.
= وعشان الأجازة تكون بأفضل شكل ممكن ومياخدكش حماس البدايات.
- عود نفسك تصحى الفجر عشان تصلي الفجر حاضر ويومك يكون طويل وتقدر تعمل فيه كل حاجة.
- أول ما تصحى لو قررت انك تمسك الموبيل ف مبروك عليك يوم جديد ضايع.
- استغل اول ٣ ساعات في اليوم في إنجاز مهامك من غير تشتيت السوشيل ميديا.
- الصلاة الصلاة الصلاة، لو مش منتظم أظن إن 90 يوم كافيين جدا أنهم يحولوك لشخص ملتزم بصلاتك، فخد قرار وانوي انك مش هتسيب فرض من النهاردة.
وبس كدا فالمطلوب منك يا عزيزي الإنسان إنك:
١- تجيب ورقة وقلم.
٢- تكتب الجوانب دي واهدافك الشخصية تحتها طبعا تقدر تغيير في الأهداف اللي فوق.
٣- تقسم المهام على كل شهر لوحده.
٤- تقسم الشهر على ٤ اسابيع وتقسم على كل اسبوع مهامه.
٥- تركز على الاسبوع اللي معاك وتنسى باقي الخطة وكل يوم جمعة تظبط الاسبوع الجديد وتقيم الاسبوع القديم وتكافئ نفسك.
لو نفذت الخطة دي فبعد ٩٠ يوم من دلوقتي هتشكر نفسك على حجم الانجاز.
وبس كدا اتمنى أكون قدرت أفيدكم.
واستنوا بوست طريقة عمل خطة وتقسيمها وبوست التخطيط للعام الهجري الجديد.
- حبيبة محمد.
AhmedShawki باز کردن / نظر دهید

2023-04-23 21:30:04 5 حاجات اعملها لما تحس بإحباط أثناء المذاكرة

1. افتكر كويس انت بتعمل كل دا ليه وخليه قدام عينك: (عشان تتوظف وظيفة محترمة - تتعلم شئ ينفعك - تحسن مهارتك ) حط هدفك النهائي قدام عينك وفكر نفسك بيه دايما

2. كسّرها : أيوة المذاكرة كسّرها لأجزاء صغيرة الكتاب قسمه لفصول وحط هدف مذاكرة فصل مش الكتاب وهاتهم واحد ورا التاني ..بتفرق والله

3. امر يبان تافه بس مهم ..وهو كافئ نفسك لو التزمت .. هات لنفسك حاجة ، اخرج ساعة مع اصحابك ، هيفرق معاك في الاستمرارية جدا

4. خد فترة راحة .. مش مشكلة وما تضغطش علي صحتك النفسية والجسدية ..ذاكر بقدر استطاعتك وخد فترة راحة عشان تفدر تكمل

5. ما فيش جلسة مذاكرة صغيرة أوي ، وما فيش إنجاز صغير حتي لو كان مجرد فتح كتاب أو إنك تعمل "Sticky Notes" لأن ببساطة كل خطوة صغيرة من وجهة نظرك في خطوة مهمة جدا في إنها توصلك لهدفك النهائي..

AhmedShawki باز کردن / نظر دهید

2023-04-23 11:20:00 عاوز تكون أكتر إنتاجية ؟

-تعالا أقولك عالسر ..

العبقري Hal Elrod في كتابه "The Miracle Morning"
اتكلم عن السر غير الواضح والمضمون لتحويل حياتك وقال :
إن في ٣ فترات مهمة في اليوم، الفترة الأولى هي فترة الانتاجية من الخامسة صباحاً لحد الظهر، دي الفترة الأهم في اليوم وبيستعد فيها العالم للعمل ولتلقي المعلومات الجديدة، وهي اللي بتنزل فيها المعلومات الجديدة و هي اللي محدش بيزعجك فيها وبيكون فيها هدوء كبير، وعقلك بيكون هادي وثابت عشان يستقبل المعلومات.

والفترة الثانية بتبدأ من الظهر ولحد الخامسة مساء، دي فترة المثابرة والتركيز في الشغل، والفترة دي بيكون فيها تركيزك على العمل بنسبة كبيرة،

والفترة الثالثة بيكون من الخامسة المساء ولحد الخامسة الصبح، دي فترة الرفاهية والاستهلاكية، بتكون فيها الاسترخاء ومشاهدة المسلسلات وتجمعات العائلة والنوم وكل حاجة بتريحك.

الفترات دي لازم تتبعها، عشان عقلك يكون مستقبل المعلومات بشكل أفضل وتزيد إنتاجيتك، وإن الفترة التانية مينفعش تتبعها بدون الفترة الأولى، عشان عقلك بيحتاج لتركيز مستمر، ولو صحيت بعد الظهر مش هتستفيد.


فحاول إنك تستغل الفترة دي بطريقة أفضل، مثلاً تعمل رياضة أو تطوّر مهارة جديدة، أو تقرأ كتاب أو تتعلّم حاجة جديدة. ولو حبيت تشوف مسلسل أو تلعب على الـPlaystation، ممكن تحدّد وقت محدد في فترة الرفاهية وتقلّل منه وتستفيد من الفترة التانية بشكل أكبر.

بالنسبة لفترة الاستهلاكين، الأفضل إنك تستغلها بشكل متوازن ومناسب، بحيث ما تأثرش على فعاليتك وإنتاجيتك في الفترات الأخرى. ولو حبيت تقضي الوقت مع أصدقائك أو عائلتك، ممكن تخطّط لأنشطة مفيدة ومسلية في الفترة دي.

أخيرًا، الأمر هيتطلّب منك تغيير في نمط الحياة، ودا هيحتاج لبعض الوقت والجهد. لكن مع المثابرة والعزيمة، ممكن تتحسّن فعاليتك وإنتاجيتك وتحقّق أهدافك بشكل أفضل.

كمان لما تنام بشكل منتظم في نفس الوقت كل ليلة وتستيقظ في نفس الوقت كل صباح، فدا هيساعد جسمك على تنظيم دورة النوم الخاصة بك "الساعة البيوليوجية" وهيساعدك على الشعور بالنشاط والاستعداد لليوم الجديد.

الخلاصة :
عاوز تكون أكتر إنتاجية ؟
- حديد أولوياتك
- اشتغل عليها في فترة الانتاجيين في الصباح
- تجنب إهدار الوقت في الفترة الاستهلاكية في المساء، واستخدم هذه الفترة للاسترخاء والاستراحة وقضاء وقت ممتع مع الأصدقاء والعائلة.
..
AhmedShawki باز کردن / نظر دهید

2023-04-22 23:22:05 إن شاء الله نعود للنشر والبناء من الغد ..فكونوا مستعدين لبناء أنفسكم من جديد واستكمال مابدأناه في إصلاح أنفسنا وتقوية مهاراتنا وتهذيب تصرفاتنا والعودة إلي أورادنا والمحافظة علي عاداتنا الطيبة..
وكل عام وأنتم بخير وتقبل الله منا ومنكم صالح الأعمال ... باز کردن / نظر دهید

2023-04-21 02:00:39 عيد مبارك عليكم يا أحبه

وكل عام وأنتم بخير وتقبل الله منا ومنكم صالح الأعمال ... باز کردن / نظر دهید

2023-04-13 00:11:29 ركز علي العشر الأوخر واجتهد حتي لو ما بدأتش من الأول
لو فاتتك السنة كلها في العبادة ما تتهاونش في العشر الأواخر
لو فاتك شهر رمضان من أوله في العبادة ما تكسلش في العشر الأواخر
والتمس ليلة القدر في كل يوم فيهم وخصوصا الليالي الفردية
ليلة 21 / 23 / 25 / 27 / 29..

هات أخرك فيهم ...
اكسر الحواجز
وصلي القيام كله للأخر
وصلي التهجد
واقرأ القرآن
وقول أوراد الذكر والإستغفار
وصلي عالنبي كل يوم
وقول دعاء اللهم إنك عفو تحب العفو فاعف عنا
وادع اصحابك للخير
ولو وقعت في يوم في العشر قوم وكمل من تاني يوم عادي ...

الليلة دي لو طلبتها بصدق من ربنا وأقبلت عليه هيديك ثواب عبادة 83 سنة يعني أكتر من عمرك اللي هتعيشه عبادة في ليلة واحدة لو صدقت ربنا وسعيت وطلبت.. باز کردن / نظر دهید

2023-04-10 22:00:39 -متضيعوش عمركم في الجامعة يا جماعة متضيعوش 4 او 5 سنين من عمركم وسط المحاضرات و الامتحانات و الكتب و المذاكرة بس , هتتخرجوا تتقهروا علي سنين راحو في ورقة، شهادة هتبقي في ايديك و انت خارج منها و جوا عقلك فاضي،متضيعوش سنين حياتكوا في الدراسة بس.

-خدوا courses في الحاجة اللي بتتعلموها.....فيه courses اونلاين و انت قاعد في بيتك و ببلاش - دوروا علي NGOs و Intership -اشتركوا في students activties -
- اشتغلوا علي ال skills بتاعتكم خدوا computer و photoshop و graphics و web و لو حابب ال marketing خد فيه كورسات.

-الحاجات دي مغرقة سوق العمل و مطلوبة - دوروا علي منح و قدموا و اترفضوا عادي - انزلوا trianing في اي شركه حتي لو مش هتاخدوا فلوس و اتعلموا او اتطوعوا في الاعمال الخيرية هتستفادوا جدا.

-اقرأ كتب في الادب و التاريخ و الحضارات و روايات خليك مثقف اقرأ كتب english و اسمع english كتير لو عايز تكتسب accent صح ...

-اتعلموا حاجة تميزكم زي الرياضه او الكتابه و صاحبوا ناس تفيدكم و فيد غيرك ب اللي في ايديك ربنا هيسخرلك اللي يساعدك وقت ما تحتاج

-احضروا events من اللي بتتعمل عن الcareer و المنح ، وتابعوا الناس الناجحة، الفرص اللي بجد مابتجيش غير من هنا.

و اخر حاجة سوق العمل عامل زي ساحة الحرب كل واحد عايز يبقي اقوي و انجح من التاني مينفعش تنزل حرب و انت ايديك فاضية مفهاش إلا -شهادة تخرج-...لازم تطور من نفسك عشان تبان مميز عن غيرك باز کردن / نظر دهید

2023-04-09 23:35:01 10 عادات تغير حياتي تماما وتقضي علي وقت الفراغ؟

١_أولا الصلاة على الرغم اننى لا أريدها عاده وانما عباده ولكن حافظ عليها فى وقتها

٢_قراءه ورد ثابت من القرآن الكريم

٣_ نصف ساعه او ما تطيق نفسك للقراءه

٤_ نصف ساعه لسماع بودكاست هادف

٥_ تطوير لغه

٦_ حاول ان لا يخلو يومك إلا وان تكون تركت أثر طيب فيمن حولك

٧_ ممارسة نصف ساعه رياضة

٨_ النوم مبكرا والاستيقاظ مبكرا ولا تنسى اخى ان تصلى الفجر حاضرا

٩_ وفى آخر كل يوم خصص لنفسك ربع ساعه لكتابه ما تم إنجازه طوال اليوم

١٠_ وفى النهاية لا تنسى ان تشارك باى علم او معلومة تعلمها لأى شخص طلبها منك ومن هنا نشيد بهذا التطبيق لما له أهميه كبرى للتصدق بالعلم باز کردن / نظر دهید

2023-04-08 22:01:07 مش عارف تذاكر ومزنوق وسط المواد مش عارف تفلفص وتلاقي حل تلم بيها كل المواد بنفس الشغف والحماس وبنفس التركيز ؟!!

ركز فالبوست ده هتطلع بتقنية عالية أوي هتساعدك تذاكر كويس وتحافظ علي حماسك وشغفك في المذاكرة , متعملش SAVE وطبق المعلومة اللي بتتقالك فوراً .

فيه كاتب إسمه " فرانشسكو سريلو " كان زيك بالظبط مزنوق نفس زنقتك وكل لما يذاكر شوية يزهق ومش عارف يحافظ علي تركيزه بشكل كبير , وفي يوم من الأيام صحي علي المنبه بتاعه اللي علي شكل " طماطمايه " ومن هنا جاتله فكرة قوية جدا لما نفذها جابت معاه نتائج رهيبه وقدر من خلال الفكرة دي يحافظ علي تركيزه ويذاكر أكتر في وقت كويس .

إحنا الأن في حضرة الفكرة العظيمة ( Promodoro Technique ) وقسمها العبقري فرانشسكوا إلي 3 مراحل مهمة جداً وهم :-

1/ الطريقة :- وهي عبارة عن

_ 25دقيقة + 5دقائق راحة .
_ 25دقيقة + 5دقائق راحة .
_ 25دقيقة + 5دقائق راحة .
_ 25دقيقة + 5دقائق راحة .
_ 30 دقيقة راحه , ثم كمل مذاكرتك بنفس النسق تاني .

2/ التحضيرات :- وهي عبارة عن

_ تحضر List بالحاجات اللي المفروض تذاكرها .
_ تظبط منبه علشان ينظم وقتك حسب البرومودورو تكنيك , ودي تطبيقات هتساعدك ( Tide _Brain Focus ) .
_ تجيب الترابيزه أو المكتب بتاعك .
_ كل الموارد اللي هتساعدك في المذاكرة ( أقلام _ كتب _ مسطرة _ أله حاسبه ) .
_ هتجيب كل المأكولات الخفيفة اللي هتتسلي عليها وقت البريك بتاعك زي الشيكولاته والشيبسي و البسكويت والموز والبندق .
_ السرير واللاب والموبايل والنت ممنوعين منعاً باتاً .

3/ أعداء الطماطم :-

_ فرانشسكوا شايف إن الشخص المُنتج الحقيقي هو اللي يقدر يخلص 250 دقيقة مذاكرة في اليوم , وده معناه إنه يطبق طريقة البرومودورو تكنيك 10 مرات بنفس الخطوات .

_ مشتتات التركيز :- ودي اللي بتنقسم إلي نوعين :-

1/ الأفكار الداخلية :- ودي زي فكرة مشروع هتكسبك ملايين الدولارات , صاحبك اللي زعلان منك , الدكتور اللي هيسقطك , الكورة اللي هتجننك , أفكارك الخوزعبلية في تحسين كوكب الأرض العريق , مؤامرات كوكب الأرض عليك , الشغل ومصايبه , وباقي أمثلة التفكير العميق الخيالي .

حل الموضوع ده حاجة واحده بس :- ورقة وقلم وسلة مهملات جمبك , إكتب الفكرة وكرمشها وإرميها في سلة المهملات , ماتفضلش تفكر فيها .

2/ المؤثرات الخارجية :- ودي زي السوشيال ميديا , ومتابعينك علي تيك توك , والبوست بتاعك اللي هيغير الكوكب , وصوت أسرتك في البيت , والفرح اللي تحت بيتكم .

ودي الحل بتاعها إفصل النت , حمل الفيديوهات اللي هتذاكرها عالنت وذاكرها من غير نت , إطبع الماتريال الإلكترونية وذاكرها ورقياً , بلغ أسرتك إنك بتذاكر فيوطوا الصوت ومحدش ينادي عليك , إقفل شباك أوضتك علشان صوت الفرح يقل ومتفتحوش وتفضل ترقص .

" ملحوظة في ألاخر مش شرط تكون الطريقة 25 دقيقة ممكن تكون 35 دقيقة أو 50 دقيقة علي حسب قدراتك العقلية والإستيعابية " .

ولو عجبك المقال ده إعمل Share وإعمل Mention لإصحابك وإكتب Comment بمشكلتك لما بتيجي تذاكر وهرد عليك بحل ليها . باز کردن / نظر دهید