ميرزا عادل أشكناني

2022-04-29 21:06:42 *[ سلوني ]*

أداء: الملا #محمد_باقر_الخاقاني
كلمات: الشاعر #الميرزا_عادل_أشكناني
الذاكر: السيد مهدي البكاء





مجالس شهر رمضان المبارك لسنة 1443 هـ - 2022 م
ليالي إستشهاد مولانا مولى الموحدين أمير المؤمنين علي ابن أبي طالب صلوات الله عليه
عزاء هيئة غريب طوس - العراق - البصرة

مونتاج: مهدي نبيل
اخراج: مرتضى نبيل
مكساج: إياد الشغانبي
مخطوطة: علي هاشم
انتاج: قناة فاطمة عليها السلام
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج باز کردن / نظر دهید

2022-04-29 21:06:18 سَلُوني قبْلَ أن تَفْقِدُوني
سلُوني عَـنْ قَـذَىً فِي عُيُوني
سلُوني و اسْمَعُوا مِنْ شُجُوني سلُوني
ـــــــــــــــــ
سِئْلُوني عن ظيمي الذي جَرَعْـتَه
اثلاثين عام اْو شيبي ما خضَبْتَه
من يوم ما ضلع الزچيَّه جِسْته
و أنا انتظر موتي يجيني يمته ؟

ودَاعاً چِنِت بالدِّنيا عابِر
ودَاعاً هِـيَّه ليله اْو أسافر
وداعاً اْو گبل لا اتْوَدِّعُوني سَلُوني

سَلُونِي عَـنْ ظُلمي و غصْبِ حَقِّي
وَ عَنْ شَجَىً قدْ غَصَّ فِيهِ حَلْقِي
آثَارُ مِعْصَمِي شهُودُ صِدْقِ
و جُرْحُ حَبْلٍ لُفَّ حَوْلَ عُنْقِي

عَذابِي مِنْ جُمُوعٍ شَقِـيَّهْ
عَذابِي باَنَ بِالْشّقْـشّـقِـيَّهْ
عَذابِي عَنْهُ قَبَلَ المَنُونِ سَلُوني

ـــــــــــــــــــــــــــــ



سِئْلُوني عن حال العقيله اللّيله
اتنادي اْو گلبها من جِفِنها اتسيله
بو اِتْراب ياهو اتراب گبره ايْهيله ؟
و الشال خيبر يا جنازه اتشيله ؟

يتيمه اعْليِّه يصعَب يتِمها
يتيمه مَيِّت اْو فكري يَمها
يتيمه اشلون تصبر بِدُوني سَلُوني

ـــــــــــــــــــــــــــــ



سلوني و اسْمَعُوا الجَواب حَتْما
عن أشرِف الورىٰ أبَاً وَ اُمّا
يذوبُ قلبُ مُجتبايَ سُمّا
و نعشُهُ سبعينَ سهْماً يُرمىٰ

رزايا فَتَكَتْ الدٍّيانَهْ
رزايا أسَّسَتها فُلانَهْ
رزايا ما بها من ضُغُونِ سلُوني

ــــــــــــــــــــــــ



سِئلوني عن غربة بنين الزّهره
ياهو اللّي من عِدهم قَتيلِ العَبره ؟
سِئلوني ياهو الْيِنْسِحِگْله صدره ؟
گولولي چمْ خيَّال اگْلكم عَشره

حُسيناهْ ينگطع راسه باچر
حُسيناهْ او جسمه حدْر الحوافِر
حُسيناهْ ليش بِـيْ يفْجَعُوني سَلُوني

ــــــــــــــــــــــــ




سلوني عن عَقائلٍ كريماتْ
كيف بها إذا كفيلُها ماتْ
يَقِفْنَ في مَرآىٰ العِدا سَبيَّات
ثلاثَ ساعاتٍ بِـبَابِ السّاعاتْ

سَبَايَا كُنَّ رَبَّاتُ حِجْـلِ
سَبَايَا صِرْنَ رَبَّاتُ حَبْلِ
سَبَايَا عنْهُمُ فِي الظُعُونِ سَلُوني

ـــــــــــــــــــــــــــــــــــــ


سِئلوني لو كل ما گِلِت فِعْلاً صار
او طشِّ الزَّمن أولادَك ايْمين ايْسارْ
ياهو الذي تاليها يطلبِ بالثَّار !؟
او من الضِّلِع ياهو اليجُر البِسمار !؟

قريباً المهدي يسطَع شُعاعه
قريباً ايْصَلِّي بيكم جَماعه
قريباً انْچان مَا اِتْصَدِّگوني سَلُوني

ـــــــــــــــــــــــــــــ

ميرزا عادل أشكناني

https://t.me/mirza_adel_ashkanani باز کردن / نظر دهید

2022-04-26 19:05:02 *[ هيَ والله ]*

أداء: الرادود #محمد_باقر_الخاقاني
كلمات: الشاعر #الميرزا_عادل_أشكناني
الذاكر: السيد مهدي البكاء





مجالس ليالي شهر رمضان المبارك لسنة ١٤٤٣ هجرية - ٢٠٢٢ ميلادية
ليلة جرح مولانا مولى الموحدين أمير المؤمنين علي بن ابي طالب صلوات الله عليه وآله
موكب وحسينية العلوية شريفة بنت الحسن عليها السلام - بغداد - الحسينية

مونتاج: مجتبى الكريطي
مخطوطة: زين عباس
مكساج: حسن المنصـوري
تنفيذ: شركة السلطان للإنتاج
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج باز کردن / نظر دهید

2022-04-26 19:04:55 هِيَ واللهْ .. ليله بيها مِنوِعِد
للطبره راسي مستِعِد .. هِيَ واللهْ

هِيَ واللهْ .. ليله صايْرلي عمُر
و أنا انتظرها عالجمُر .. هِيَ واللهْ

من أعاين للسِّمه
بيها اشاهد فاطمه
اتگلّي يا حامي الحِمه
هِيَ واللهْ ..
ـــــــــــــــــــــــــــــــــ

انْجِمْعَنَ اِهمومي .. اْو غارن اِنْجومي
هالعلامه اتگول .. چن گِرَب يوُمي

الليله موعد عندي ويْ سيف إبنَ ملجم
أو لله أصبر و أحتسب لو صومي ما تَم
هذا حُكمه المنكتِب و أمره التحتَّم

گلبي لبَّاه .. ربِّي گلٍّي بالعجَل
لبِّي نِدائي للأجل .. گلبي لبَّاه

گلبي لبَّاه .. روحي تسعاله سَعي
اوْ من گلِّي يا نَـفْسُ اِرْجعي .. گلبي لبَّاه

لله رافِع نَظْرِتي
اْو منِّي سالت عَبْرِتي
هاذي ليلة طَبْرِتي
هيَ واللهْ
ــــــــــــــ
عيني عالگمره .. و أنظر الزَّهـره
ويَّه مِحسِنها .. لْـجَـيْـتي منتظره

ليَّه گالت و الگلب هاج ابْـحَنينه :
بعَد ثَلْث أيَّام يا حيدر تجـيـنه
ننتظر يا علي لا تِبْطي علينه

هاجَت الآه .. من شفتها ابهالوضِع
اِمْخَليَه إديها اعله الضِّلع .. هاجَت الآه

هاجَت الآه .. من تِذكَّـرْتِ الكسُر
گمْت أشعُر ابنصِّ الصُدر .. هاجت الآه

ذكرياتي اويَّه الزَّمَن
صَبَّن ادموعي مُزَن
هيَّ هاي امِّ الحسَن
هِيَ واللهْ ..
ــــــــــــــ
لآخر أنفاسي .. ما خِطه اِحساسي
ابهالفجر أدري .. ينطبُر راسي

و ابْصَلاة الفجر عُگْب السَّجْدَه اْلأولى
ابْطيحتي عرْش السِّمه ايْطيح اعله طُوله
اْو يصْعَد القرآن وي ليلة نُزوله !

ايْشيل يمناهْ .. قاتِـلي ابْـليل القدُر
يلفيني و ابسيف الغدُر .. ايْشيل يمناه

ايْشيل يمناه .. اتموج من فعله الأرض
اعْليَّه و أنا ابنص الفرض .. ايْشيل يمناه

أدري ليَّه يتَّجِه
ابقاتِلي ما أشتِبه
هالملامِح و الوجِه
هيَ والله
ـــــــــــــــ
اِجْروحي و آلامي .. هـيْنه جِدَّامي
و الكـلِـف عندي .. غُربة أيْتامي

لو رِحِت عنهم بعد من يجلي هَـمْـهُـم ؟
اْو چِـنِت فَـيْـهُـم آنه و الخيمه التِلمِهُـمْ
اِبَّالي واحد واحد أعرفهم بسِمْـهُـمْ

صِحْت أويلاه .. چَم يتيمه اْو چِم طفِل ؟
من عگبي ميْـلِمهم شَمِل .. صِحْت أويلاه

صحْت أويلاه .. مو لجِل راسي أبَد
بس لجل زينب بالشِّدَدْ .. صِحْت أويلاه

لزينب اِدْموعي تسِح
وإلها صبري منذبِح
هيَّه لِچْمَتْلي الجَرِح
هِيَ والله
ـــــــــــــــ
اشْما عِظَم خطبي .. ما رجف گلبي
رهبة الليله .. ألتقي ابربِّي

ما رِجَفْت ابْخوض الأهوال العَصيبه
اْو گلبي حسِّ ابهالمِسه ابحاله غَريبه !
موْعد املاگه الحبيب اْويه حَبيبه

وا عليَّاه .. صوت أسِمْعه ابكل كتُر
يتعاله بآذان الفجُر .. وا عليَّاه

وا عليَّاه .. بالسِّمه يِدوي الصَّده
الليله يگَع ركْن الهُده .. وا عليَّا

الوَحي أكَّدلي الخَبر ..
گرب مِيعاد السَّفر ..
الليله يا فارَس مُضَر
هيَ والله

ميرزا عادل أشكناني
https://t.me/mirza_adel_ashkanani باز کردن / نظر دهید

2022-04-24 22:33:28 .
[ يا أول مظلوم ]

#باسم_الكربلائي

للشاعر ميرزا عادل أشكناني

‏



ليالي استشهاد الإمام علي (ع) 1443 هـ

#العزيزية
هيئة جواد الأئمة باز کردن / نظر دهید

2022-04-21 23:24:57 يا أوّل مظلوم او گلبك مليان اجْراح
من همِّ الدِنيه او من غمها باجر ترتاح
أسْئِلْـتـي اِهْواي سولف مولايْ
ــــــــ
يمولاي آنه الأصْبَغ بِنْ نُباته
أنا العگبك حرام اللّيل أباته
أنا ادري ابْعَـزمك اْو أعرف ثَباته
اشكثر گلبك تحمّل نايباته
يوسفه اسهام دهرك صايباته
و إنته الساتر الناس ابعباته

يا من تارِس گلب الوادم رحمه او إحسان
اعليمن ترسوْا گلبك لوعه او حسره أو أحزان
يا ضيْ عيناي سولف مولايْ
ـــــــــــــــــــــــــــــــــــ
اشكثر گلبك يكابد من أذيَّه
ما بين التقيَّه او مو تقيَّه
دَسولفلي عله ضلْع الزچِيَّه
او عله غصْب الخلافه و الوصيَّه
چِم مرَّه متِت گبل المنيَّه
او شنو صار او حچِيت الشقشقيَّه

أوّل طعنه ابظهرك چانت غـدْر الأنصار
خمسه او عشرين امْن اسنينك جالس بالدّار
او شنو أعظم جاي سولف مولايْ
ـــــــــــــــــــــــــ
لَمَن أنذَر رسول الله العشيره
گلت لبّيك و إختارَك وزيره
لچِن حيره يبو الحسنين حيره
منو مثلك فگد عونه او نصيره
مِئه او عشرين ألِف شهدوْا غديره
او تالي ينغصب حگّه مصيره !؟

أصحاب الحگ تاخذ حگّها بشْهود اثنين
او ماكو اثنين الشهدوْا منهم يا بو الحسنين
وين أهل الرّاي سولف مولايْ
ـــــــــــــــــــــــــــــــــــ
أشوفك بآخر أنفاسك تِعالِج
و أسألك و أدري جرحك لسَّه هايِج
ابتليت ابأمّه منحرفه المناهِج
ربهم بالجمَل فوگ الهوادج !
او عگب صفّين بانت هالنماذجِ
و آخر نايبه ابحرْب الخوارج

فوگ ارماح انشال المصحف خدعة شيطان
بسم القرآن ايظلمونك و إنته القرآن
ابگلبك چِم دايْ سولف مولايْ
ــــــــــــــــــــ
يحيدر عنّه باچِر من تسافِر
عسن لا بارك الله ابيوم باچِر
گبل لا اتروح أنشدك شنهو صايِر
و أنا ابهاي الظُلامه عگلي حاير
عليمن تنشتِم فوگ المنابِر
جزاء إيمانك ايسمّوك كافِر

لولا سيفك لا ظل مسِلم لا ظل إسلامْ
كل خُطبة جمعه ايسبّونك أنذال الشَّامْ
عن سبِّ اِعداي سولف مولايْ
ــــــــــــــــــــ
الحچِي بعْض الحچِي و الخافي أعظم
عشِت و ابغربتك بس الله يعلَم
او عگب موج الفتِن و امراكم الهَم
انبعث عبْد الشّياطين ابْنَ ملجَم
برز و السيف بيده ناگع ابسَمْ
طـبَـر راسك او خّضب شيبك ابْدم

گالوا حيدر مشرك بالله و انبيح اِدماه
و إنته الـ لو لا فضلك محد آمن بالله
شتگول ابْهاي سولف مولايْ
ـــــــــــــــــــــــــ
الدهر منّك يظل يطلب اديونه
و الشيعي اعْله إسمه ايحاربونه
احسين امن العطش غارت اعيونه
اْو بغضًا لأبيه ايعطشّونه
حته البالمهد ما يرحمونه
عله اعنادك يحيدر يذبحونه

حته او إنته ابگبرك تسمع صوت العدوان
إبن الكرار ابلا رحمه خلُوه عطشان
عن جرح الماي سولف مولايْ
ــــــــــــــــــــ

*ميرزا عادل أشكناني*

https://t.me/mirza_adel_ashkanani باز کردن / نظر دهید

2022-04-20 01:13:34 #حيدر_حيدر_حيدر





أداء | #ميرزا_محمد_الخياط
كلمات | #ميرزا_عادل_أشكناني
------------
• الهندسة الصوتية | #حسين_نجم
•التوزيع | محمد_عليق
• مونتاج | #مهدي_الهزيم
• إخراج | #حسين_باقر
-------------
• إنتاج و تنفيذ | شبيهة فاطمة - للإنتاج الحسيني باز کردن / نظر دهید

2022-04-01 22:53:15 جديد :

ومن خطبته عليه السّلام عند خروجه من مكّة :

«الْحَمْدُ لِلَّهِ وَ ما شاءَ اللَّهُ‏ وَ لا قُوَّةَ إِلَّا بِاللَّهِ‏، وَ صَلَّى اللَّهُ عَلَى رَسُولِهِ وَ آلِهِ‏ وَ سَلَّمَ، خُطَّ الْمَوْتُ عَلَى وُلْدِ آدَمَ مَخَطَّ الْقِلَادَةِ عَلَى جِيدِ الْفَتَاةِ، وَ مَا أَوْلَهَنِي إِلَى‏ أَسْلَافِي اشْتِيَاقَ يَعْقُوبَ إِلَى يُوسُفَ، وَ خُيِّرَ لِي مَصْرَعٌ أَنَا لَاقِيهِ، كَأَنِّي بِأَوْصَالِي تَقَطَّعُهَا عُسْلَانُ الْفَلَوَاتِ‏ ، بَيْنَ النَّوَاوِيسِ وَ كَرْبَلَاءَ فَيَمْلَأَنَّ مِنِّي أَكْرَاشاً جُوفاً، وَ أَجْرِبَةً سُغْباً لَا مَحِيصَ عَنْ يَوْمٍ خُطَّ بِالْقَلَمِ، رِضَى اللَّهِ رِضَانَا أَهْلَ الْبَيْتِ، نَصْبِرُ عَلَى بَلَائِهِ وَ يُوَفِّينَا أُجُورَ الصَّابِرِينَ، لَنْ تَشُذَّ عَنْ رَسُولِ اللَّهِ صَلَّى اللَّهُ عَلَيْهِ وَ آلِهِ لَحْمَةٌ هِيَ مَجْمُوعَةٌ لَهُ فِي حَظِيرَةِ الْقُدْسِ تَقَرُّ بِهِمْ عَيْنُهُ، وَ يُنَجَّزُ لَهُمْ‏ وَعْدُهُ، مَنْ‏ كَانَ بَاذِلًا فِينَا مُهْجَتَهُ وَ مُوَطِّناً عَلَى لِقَاءِ اللَّهِ‏ نَفْسَهُ، فَلْيَرْحَلْ فَإِنِّي رَاحِلٌ مُصْبِحاً، إِنْ شَاءَ للَّهُ‏»

-----

*طلع من مكّه يدير اِعيونه*
*ابلا ذنب مطلوب و ايْطلبونه*

طلع خايف لا نِصير اْو لا صِديج
او دون ممشه اِرچابه ملزوم الطّريج
عاف بيت الله اْو ترَك فرْض الحِجيج
*و اهُو البيت اللّازم ايحجَّونه*

گام أبو اليمه ايْخَطِب بيها اْو يگول
-او لا عساه ايگول غير ابن البتول-
حِمَد ربَّه او صلى عالهادي الرّسول
*او گال اِسمعوُا , او گاموْا ايْسمعونه :*

على ابن آدم منكتب خطِّ الممات
خطّ لِگْـلاده على جِيد الفتاة
هاي دار الدنيا دار النايبات
*او بيها أهل الحگ صفت مسجونه*

آه ما أوْلَهني لسْلافي اْو هَلي
وَلَهْ يعگوب اعْله إبنه المِبتلي
وآنه ربّي بالطفوف إختار إلي
*خير مَصْرع خافي سِرْ مضمونه*

چنّي بَوْصالي تظلِّ ابكربله
عگب ما تنهشها عسلان الفله
او راسي فوگ الرَّمح يبره العايله
*و هذا أوّل راس يبره اظعونه !*

شاء ربّي أن يرانا امجزَّرين
او نصبر اْو يوفينه أجْر الصَّابِرين
هذا أمْر الله اْو جِره ابماضي السّنين
*حتى طفلي ابكربله ايذبحونه*

و الذي بالموت صارَت بَهْجِته
او چان باذل بِينه روحه اْو مُهْجِته
خل يجي اوْيانه او يكمّل حِجَّته
*بالطفوف اهناك يُوفي ادِيونه*

__

ميرزا عادل أشكناني
١٤٤٣ هـ
الكويت
https://t.me/mirza_adel_ashkanani باز کردن / نظر دهید