ميرزا عادل أشكناني

2022-06-18 13:54:24 إقتباس من كتيّب «الأربعون مصاب» باز کردن / نظر دهید

2022-06-18 13:52:58

باز کردن / نظر دهید

2022-06-10 21:03:37




ما .. صَبْرِي عَلَيْكَ وَ مَا
يُجْدِي البُكَاءُ دَمَا .. ما الإشتياقْ !؟
لا .. عنِّي تصُدَّ و لا
تَحْمِل فُؤادِي علىٰ .. ما لا يُطاقْ

هيّن أمر الموت عندي و أنه لمفارق هوَاك
مستعد أنطيك عمري و اشتري شَمَّة ثراك
عشِت حاله امْن العدَم لاهي نجاة اوْ لا هَلاك !
*يا غَرِيبَ الغُرَبَا فِي بُعْدِكُمْ حَالِي غَرِيِب !*

لا نَسيم (الصَبَا) ايْمُرني اْو لا يهِب (ريح الشِّمالْ)
و آنا عطشانك و أدوَّر رَشَفه من كاس الوِصال!
الدَّهر صيَّاد اْو إجيتك يالرضا ابْرَكضة غزَال !
*مُسْتَجِيرًا بِكَ أتْلُو سَيِّدي : {أمَّنْ يُجِيْبْ} ؟!*
__
حالة من العدَم
| ميرزا عادل أشكناني |
قم المحروسة
٤ / ٢٠٢٠ باز کردن / نظر دهید

2022-05-25 17:09:45 باز کردن / نظر دهید

2022-05-25 17:09:19 الحادي العجول يريد الجائرة , و العلويات يستمهلنه بالمسير لثلاث حاجات(١) :

أما الأولى :
طلبن منه أن يقمن العزاء على أخيهن الحسين و يأخذن حاصلهن من البكاء , فقلن :

*بالله يهالگاطع بلبطاح*
*سوگ الظعن بالرّاح بالرّاح*
*مرنه عله ابن امي الهِوه او طاح*
*فوگ الثره او راسه اعله لرماح*
*ننصب عزه و انجيم لنياح*
ــــــــــــ
النداء الثاني :
قلن إن كان و لا بد من الرحيل , فمر بنا على كفيلنا نسأذن منه قبل السفر , لعله ينهض معنا !

*ريِّض ابممشانه يحدّاي*
*او سوگ الظعن بهداي بهداي*
*او عرّج عله النايم عله الماي*
*أستنهضه و أباصره الرّاي*
*بلكت يفز و ايگوم ويّاي*
____
الثالثة :
بعدما رفض الطلب الاول و الثاني , قلن له , سنذهب معا لكن نرجوا أن لا تسرع بالسير و تجد به خوفاً على اطفالنا الراكبين , فالنوق عارية بلا غطاء و لاوطاء , وإن عثرت النوق فمن يركب الاطفال من بعد حماتهن !؟

*صاحن يمن بالظعن تحدون*
*سوگوا الظعن بالهون بالهون*
*بهاي الظعينه أطفال تدرون*
*و اِزمام ما بيهن هاِلِظعون*
*لا تعثر النوگ او يطيحون*

__

(١)هذا المشهد من لسان الحال و نسج الخيال باز کردن / نظر دهید

2022-05-15 11:16:41 القصيدة الفائزة :

___

لَيْسَت رِوايةً, ولا حدَثَا تاريخيًا, إنِّما اسْتِشعَارٌ مَحَضْ!,و يُصَوَّرُ لدَيْ –واللهُ أعلم- أنَّ مُقْتَضَى الإيثارِ وفَرْطَ مَعْرِفِةِ رَملةَ أمِّ القاسِم بإمامِ زمانِها يُملي عَليْها أن تبكِي على وَلدِهِ قبلَ ولدِها!
كمَّا أنَّ الوُجْدَانَ السَّامِيَ والأدبَ الرَّفيعَ لأمَّ الأكبرِ يُحتِّمَ عليها أنْ تنوحَ عَلَى ذخِيرةِ المُجتبىٰ في كربلاء، فكانت القصيدة !

وفي ذلك يقول هاشم الكعبي:
وَثَوَاكِلِ فِي النّوحِ تُسْعِدُ مِثْلَهَا .. أرَأَيْتَ ذَا ثُكْلٍ يَكُونُ سَعِيدا ؟!(١)

(البحر الطويل)
عد جثّة علي اْو جسَّام ليلى گابلت رمله
هم شايف گبل هاليوم ثكله اْو تسعِد الثكله
--
امْگابل گِعدَن النسوان و التِسْعِد طبعها اتْهِيج
بالوَنْ و اللّطم و النوح و الويلا اْو شگِّ الزِّيج
اشما يوسع اِبْرَحبه الكون اِبْعين امِّ الفِجِيد ايْضيج
مصاب الوِلَد چايدها
اِعْله فگده الله يساعدها
تِنادي او تخمش ابخدها
سلاني الروحي ما تسلاه اْو صرِت بالنوح اتسلَّه
--
الگلب چانون وجِّ ابنار اِشما چَيَّمِت, گلَّك زِيد
اْوعله اللّي راح من الإيد بعَد مَيْفِيد صفْج الإيد
لچَن الفاجده المدلول تريد اِمْعين عالتعديد
تريد عله الوِلد لَمه
وحده التنتحب يمه
او وحده التنعه ويْ امّه
وحده التلطم اعله الراس, وحده المدمع اتهلَّه
--
ليلى اتعنَّت ام جسَّام تگلها ابنِچ مثل إبني
او مثِل ما فَتْني فگْد إبني فگد إبنچ بعَد فتني
شِبَـيِّـب ما بلغ حلمه و لنَّه ابدمَّه متحنِّي
ما اْخْضَر شارِبه بعده
ولا دَبْ عارضه ابخدَّه
او تاليها ذِبَل ورده
زين ايْظل عگل بيها التفگِد بالوِلَد مثله !
--
رمله لأم علي اتگِلها عله الونَّات مشكوره
گبلچ ما شفِت لليوم تجبُر وهْيَه مكسوره
أريد أوَّل اِنَّوح اوياچ او تالي إبني يجي دوره
تعاي اِنّوح لوليدچ
شباب او راح من ايدچ
عله اللّي عافچ اوْحيدچ
حِله وكت اللطم هالساع اْو عله مثله اللطم يِحله
--
أفا يمْ جاسم اتگلها عليچ او عالوَلد وَسفه
ردنا ابعرسه نوگفلچ نجيم الحوفه و اِنزِفَّه
ما چان الرِّجه تالي تصير ابماتمه الوگفه
يعظَم النايبه العَمَّت
عليْه و الصايحه التمَّت
يفرحه البِـيْه ما تمَّت
آ يَـمْـفارگ العِرِّيـس الخِلَّة فرْگِته خِلَّه
--
اهناك اْو زينب الحُرَّه إجَتْهِن و الفِكِر مبهوت
تنادي ابساع يالنسوان گومن لا يفوت الفوت
بالله للرباب اوْياي دَلِحْگَـنْـهَـا گبل لا اتموت
خوفي اعله المَهَد تِهْلَك
امْگابِلْته اْو مَتِتْحرَّك
لا تبچي ولا تضحَك !
عگلها امن المصايب طار و امْن الصار منذَهْله
--
إذا للنوح بيچَن حيل خلّو النوح ويّاها
بلچي اتهيج عبرتها اْو تجرِّ امن الصدر آهَه
تره سكتة المفجوعه تصير أكلف من اِبچاها !
عينَـنها ابدمِع و انياح
تره المنها ضناها راح
إذا ما تبچي ما ترتاح
حزنها البالگلب مدفون يا گلب الذي ايحمله!؟


(١) القصيدة من روائع ما قيل في أدب الطّف ومَطْلَعُها :
أرَأْيْتَ يَوْمَ تَحَمَّلَتْكَ القُودَا .. مَنْ كَانَ منا المُثْقَلَ المَجْهُودَا ؟ باز کردن / نظر دهید

2022-05-15 11:12:03 حساب المسابقة على الانستغرام


https://instagram.com/baitfealjannah?utm_medium=copy_link باز کردن / نظر دهید

2022-05-15 11:11:32 أقيمت في مملكة البحرين برعاية مأتم العالي مسابقة الشعر الحسيني الأولى من نوعها المتخصّصة بالرثاء المنبري {بيتًا في الجنّة} , بمشاركة أكثر من 200 شاعر من 8 دول مختلفة [العراق - البحرين - الكويت - السعوديّة - عمان - اليمن - لبنان - إيران]

حيث اختارت اللجنة المختصة قصيدة الشاعر الميرزا عادل أشكناني (عد جثّة علي او جسّام) كأفضل نص مشارِك بالشق الشعبي الدارج . باز کردن / نظر دهید

2022-05-14 12:13:43 عن ثابت بن أبي صفيّة، قال: نظر سيّد العابدين عليّ بن الحسين عليه السّلام إلى عبيد اللّه بن عبّاس بن عليّ بن أبي طالب، فاستعبر، ثمّ قال: ما من يوم أشدّ على رسول اللّه صلّى اللّه عليه و اله من يوم أحد، قتل فيه عمّه حمزة بن عبد المطّلب أسد اللّه، و أسد رسوله، و بعده يوم مؤتة قتل فيه ابن عمّه جعفر بن أبي طالب، ثمّ قال عليه السّلام: *و لا يوم كيوم الحسين عليه السّلام ازدلف عليه‏ ثلاثون ألف رجل، يزعمون أنّهم من هذه الأمّة، كلّ يتقرّب إلى اللّه عزّ و جلّ بدمه*، و هو باللّه يذكّرهم، فلا يتّعظون حتّى قتلوه بغيا، وظلما، و عدوانا (١)
هذا الحال بين حمزة و الحسين عليهما السِّلام – ولا يوم كيوم الحسين - ! ,أما إذا أردْت المقارنة –ولا مقارنة- بين إختَيْ الشهيدين , صفيَّة و زينب علهما السلام, "فهذه هي زينب بنت أمير المؤمنين. وهي أمّ المصائب، و كيف تماثلها امرأة ذات مصيبة، فإنّ صفيّة [عمّة النّبيّ صلّى اللّه عليه واله‏] لمّا مرّت على مصرع أخيها و رأت النّبيّ عند رأسه، و أمير المؤمنين عليه السّلام عند رجليه قوى حزمها، واستقرّ فؤادها، و أمّا زينب فإنّها لمّا مرّت على مصرع أخيها و وقفت عليه، و ليس معها من حماتها و كفاتها و كهولها وشبّانها من يعزّيها، سقطت لحينها على جسد أخيها .. (٢).

*(نصاري)*
يويلي من وگع حمزه اعله ذاريه
بعْباته النبي اتعنّه يغطّيه(٣)
خايف لا تجي أخته او تصد ليه
او تشاهد حالته او چبده التخذّم..

صفيّه ابهالوضع يمها النبي چان
يواسيها او يخفّف عنها الاحزان
او زينب لو بچت بالسوط و الزان
أعاديها تجي و اعليها تلتم..

هذ ابسوط طگها او ذاك يا حيف
گصد ليها او وكزها ابغامد السِّيف
ضغاين بلگلوب اْو رايده الحيف
و إجوْا من زينب ايْطلبون هالدَّم ..

عدهم ثار ظل مِنْ بدر و احْنين
اْو دمهم ما بُرَد من ذبح لحسين
أخذوا زينب لذيچ الدّواوين
عگب ما حرگوْا اِعليها المُخيَّم

*(أبوذية )*
اليطلب ثار عُتبه اْو ثار شيباه
أخذ حيفه من المخضوب شيباه
لچن ليش المخيّم نار شيباه ؟!
شنو ذنب السِده امْن الفاطميّة ..
ـــــ

(١) أمالي الشيخ الصّدوق ٤٦٢
(٢) أسرار الشهادة للدبرندي ٤٦٠
(٣) *«فألقى رسول الله صلى الله عليه وآله على حمزة بردة كانت عليه فكانت إذا مدها على رأسه بدت رجلاه وإذا مدها على رجليه بدا رأسه، فمدها على رأسه والقى على رجليه الحشيش وقال لولا أني احذر نساء بني عبد المطلب لتركته للعادية والسباع حتى يحشر يوم القيامة من بطون السباع والطير»*.. تفسير علي بن إبراهيم القمي ١/١٢٣ باز کردن / نظر دهید