2021-07-31 01:22:52
في حرفين لازم ينحطو جنب بعض، وشخصين مِن
الضروري جدًا يكونو مع بعض .. الأولين باش يكتمل
المعنى والتانين باش تكتمل الحَياة
معادلة صغيرة كتابتها ووصفها ماتقدرش تحبسه في نص،
بعد كل علاش حتحتاج هلبا حروف تتماسك، وهلبا
فواصل تنحط، بين الكلمة والتانية حتلقى دمعة
مدسوسة ..
نتيجة حُب وخوف، لأن حتى هالإتنين
مايجوش الا مع بعض.
زينا أحني .. الي كُنا حكايتين بشكل ما مختلفتين
جمعنا ليل تاريخه في العقل ليه مكان، في مكان
مافيش أثر لإنسان، شهدنا على ولادة الشعور
وخلينا للي بعدنا دليل إستعماله.
في قصة ممكن تتحول لمسلسل وفيلم وروايتين،
فيها كيف يقدر الشخص يطير بدون جناحات، كيف تتخطى
البحار والبلدان وكل المسافات، كيف تصنع مِن كلمة
نحبك حوش دافي، وكيف تغزل من كلمة أني ديما معاك
مِعطف لـ ليالي القسوة، كيف تبكي حروف وكيف تكون
كاتب شاطر برغم كل الظروف.
قِصة لو في يوم قررت نكتبها حنخلي
كل مِن يقرألي يتمنى يحِب ..
أو ممكن يتمنى يتحول لـ عِروق في قلب.
⁃ نُـورا نصر
644 views22:22
ن
