نُـورا نصر

2021-07-28 04:37:06 باز کردن / نظر دهید

2021-07-28 04:30:26 مهما كانت السَاعة،
وكيف ماكان الطقس
فيروز ديما مناسبة ..

- نُـورا نصر باز کردن / نظر دهید

2021-07-28 04:11:09 الفراشة 89-98 إسمها العلمي: (Diaethria phlogea) هذه الفراشة فريدة مِن نوعها حيث حظّاها الله بتفصيل يحاكي ما يفهمه الإنسان مِن أرقام، فعند رؤيتك لها ستلاحظ جليًا وجود الرقم 89 على إحدى الجناحين والرقم 98 على الجناح الأخر، يتواجد هذا النوع مِن الفراشات… باز کردن / نظر دهید

2021-07-28 04:05:38 الفراشة 89-98
إسمها العلمي: (Diaethria phlogea)

هذه الفراشة فريدة مِن نوعها حيث حظّاها الله بتفصيل
يحاكي ما يفهمه الإنسان مِن أرقام، فعند رؤيتك لها
ستلاحظ جليًا وجود الرقم 89 على إحدى الجناحين
والرقم 98 على الجناح الأخر، يتواجد هذا النوع مِن
الفراشات في أمريكا الجنوبية كولومبيا تحديدًا، يتميز
لونها بخليط مِن البرتقالي الأسود والأبيض مما يجعلها
مُلفتة للناظرين ..

فسبحان ربي رب الجَمال على ما خلق.

⁃ نُـورا نصر باز کردن / نظر دهید

2021-07-28 03:51:19 باز کردن / نظر دهید

2021-07-28 03:51:09 لو سألت أي شخص في الدنيا شن أكثر صفة متحبهاش في الناس بالمجمل، مِش حيفكر أكثر مِن دقيقة وحدة ويقولك ( الكذب، النفاق، الغدر ) في الي حيزيد عليهم ويقولك ( التنمر، القصقصة، الإحراج) .. والقائمة تطول

في إحدى نقاشاتي مع روحي أستغربت؛ هو أحني على الأغلب منحبوش نفس الأشياء في بعضنا، مافيش حد يحب الكذب والكذابين، النفاق والمنافقين الغدر والغدارين .. باهي ملا الكذابين والمنافقين والغدارين والمتنمرين في المتجمع مِن وين جـو !

قبل ما الواحد منا يتصرف أي تصرف علاش ما يأخدش شوية مِن وقته ويجرب يبدل الأدوار (الي مترضاشي لروحك) أرجوك ماتحطش فيه غيرك، الي متتحملاش ما أديراش، الي يزعلك متقولاش، الي يبكيك ماتعاوداش ..

عَادي هلبا لو كان الصَمت هو ردك، فيه مِن كلام برغم خفته على لسانك إلا أنه هلبا ثقيل على القلوب، وربي ما يذوقك مرارة القلوب بكسر خاطر صاحبها ..


تعود تتعود على التصالح، مِش شرط تحب فلان أو يعجبك، في ذات الوقت أنت مش مطالب أنك تعطي رأيك فيه وحتى لو صار وأنطلب مِنك جرب تعطيه بلطف بإنسانية، جرب تتقي الله في خواطر الناس الي قدامك.

أحني كلنا حاليًا واقفين في دائرة، نتبادلو في التصرفات والمواقف بين بعض، والمحظوظ الي يوصله فعله الباهي في كل مرة تحطه الدِنيا على محك الأحزان ..


كل شي بمقدار وكل شي بحساب، نتمنى أنك بعد اليوم معاش تتفنن في إنك تجرح شخص حتى لو أتيحت لك الفرصة، لأن حتى الفرص أدور ..

عن أنس بن مالك رضي الله عنه، عن النبي صلى الله عليه وسلم قال: «لا يؤمن أحدكم حتى يحب لأخيه ما يحب لنفسه.» رواه البخاري ومسلم.

⁃ نُـورا نصر باز کردن / نظر دهید

2021-07-28 00:02:17 مكان مِن الأحلام .. في حوش نعرف تفاصيله كويس

دار صغيرة، على حيوطها مكتبة كبيرة، موسيقى هادية، على طرف الكرسي كِتاب وشال ومخدتين، جنبه نبتة تعرفني كويس وأني (نحبها) هلبا

تتفكر قصتها ؟
كانت هدية (زعل) وترضاية (دلع)،
ويامكثرهم الأتنين فيا.

نبتة صغيرة، قداشها شهدت عَلينا وسمعت حكايات،
قداشها راقبتنا وتأملت حاجات، قداشها حَبتنا وحفظت ذكريات.

لونها الأخضر الي راكب على الأتات زي أهم (قطعة) مِنه،
أسمها المميز وطريقة الإعتناء بيها الي تعلمتها بوفاء
كأنها بيبي أني مسؤولة عليه، حُبي الواضح ليها، وقربها الباين مِني.

(كِيف حد يحب نبتة للحَد هذا ؟) في حديث بيني وبيني سألت روحي، (لأنها مِنك) أكيد أكيد لأنها مِنك، أني ديما نحب كل شي
يجي منك بزيادة على العادة .. يا عادتي المبهرة وروتيني المبهج.

مكان بعيد عليا قريب في خيالي .. (شتي) ومطر
برا زايدة لذة الدفي، (الدفي) الي معرفتاش الا في قربك،
(قربك) الي نموت فيه أكثر مِن (الكرسي والنبتة).

- نُـورا نصـر باز کردن / نظر دهید

2021-07-27 23:13:50 باز کردن / نظر دهید

2021-07-27 17:30:05 ( غريبة إن انتِ شايفاني برغم غموضي لسة صريح ) باز کردن / نظر دهید

2021-07-27 15:19:59 سؤال .. في عيونك جوابه

لما قعمزت مع روحي بعد أول حديث صغيرون بينا قعدت طول الوقت نراجع في الكلام في عقلي ونبتسم .. إبتسامة وجود

سنين مِن الضياع، تواريخ مايسدهمش قاموس، هني فرحة وهني دموع، هني فراق وهني رجوع، إختيارات خطأ وأشخاص أني نعرف كويس أنهم أقل من أنهم يكونو في (هالقلب) ..

فجاءة؛ من الفراغ نفتح باب .. يرفع لجيهة ثانية من الدنيا، ياخد لزواية بعيدة مِن الكون، لمكان الهدوء فيه مزاجي اليومي، وصوت ضحكتي مِن كثره مداير صدى، زي صدى صوت (حُبك) في روحي، وزي صدى (قربك) الباين على ملامحي وزايدهم فوق جمالهم (هَلبا) .

في مدينة (تحبنا) زي ماحني نحبوها هلبا / تاريخ محفور في الذاكرة

كانت أغنيتنا معبيا المكان، كل شي مرتب بالطريقة الي (أني) نحبها، سألت روحي وأني نرتب في الورد (علاش احني نحبوا) ؟

باش نطيرو .. أكيد (باش نطيرو) بالشعور وحطته بالكلام علاماته ونقطته بالقلب وقصته، باش نطيرو للمدى بوزن قطرات ندى.

وأني تعلمت التحليق معاك، مِن تفصيل للثاني زي فراشة نقدر نوصل، لدموعي عليا حق ولفرحتي عليا دين، بضحكة نرجع الضايع، وبقرنة حواجب ونظرة زعلانة نشري البايع.

بخِفة شعور كبير، بحلاوة قصة طويلة .. بسنين ماينعدوش وأيام على الميزان ماينحطوش، بمشاعر مهما كتبتهم مايسدوش، حطيت مِن (نحبك) هلبا على كل شي قابلني، باش فجاءة تتحول كل هالمدينة لفصل من كتاب الذاكرة.

مع كل شارع فيها عندي ليك حكاية وأغنية، بنأجلهم ليوم يجمعنا مشوار يبدأ مِن (جنب القانون) وينتهي بتقعميزة على (الكرنيش) في شتي مصقع منحباش أكثر مِنك.

منك كل شي بروحه يا خاطري ويا (روحه)

- نُـورا نصر باز کردن / نظر دهید