نُـورا نصر

2021-07-25 02:34:45 ( حلاوة روحك الباقية حنخسرها ) باز کردن / نظر دهید

2021-07-25 01:59:11 لو أنك بخفة توصل هني توقف ضجة هالموسيقى، تأخد مِن أيدي تليفوني، تقيم شعري النازل على ملامحي، وتحضني.

تعاتبني على ردات فعلي المِش مفهومة، وتبتسم في وجهي لأني لطالما كنت بالطريقة الي علمتهالي 'رهيفة لكن قوية'

زي الدانتيل الأسود، يكتسح في الساحة ويخنب في العيون، ناعم الملمس وساحر الطلة ورفيع الخَامة.

لو انك بخفة توصل هني لأن في ملامح كل ما زعل صاحبهم كل ما زادو بانو أحلى وأحلى، عيون يلمعوا وخدود قالبين على الأحمر وهدوء مخيم على زوايا التفاصيل ..

لأن عندي هلبا حكايات، وهلبا ضحكات، عندي أفكار غريبة ومواضيع تحمس، أغاني جديدة، وفساتين حلوين ناقصهم تحبهم معاي.

لو أنك بخفة توصل هني وتلمني، لإنه إنهماري يسبب في إختلال لتوزان هالبيئة وهي الحق ياربي مِش ناقصة.


- نُـورا نصر باز کردن / نظر دهید

2021-07-25 00:14:02 زي الحياة ننعاش مرة، وكل الي بعدي
محاولات فاشلة وبقايا للتجربة . باز کردن / نظر دهید

2021-07-25 00:13:50 في هاللحظة بالذات، في هالدقيقة في هالثانية وانتَ تتكلم بدل ما نتأملك خاطري 'نتلمس ملامحك' نحس حيكون في بُعد ثاني للموضوع؛ حتكون الدنيا بين أيديا مثلًا ؟

الدنِيا الي مالكتها بوجودك كأنها ورث بابا كأنها هِبة ليا من ملامح ماما، كأنها أني بشكل مِش باقيلي منه الا حلاوته الي تشبه حُبك.

حُبك ويا مطول الهدرزة عليه، مطولها ومحلاها، تخلي في لمعة عيوني تزيد في كل مرة، تخلي في غمازتي الإتنين بخجل يبانو وتخلي فيا 'أني' نفسي نرتبك .

ربكة وفزة قلب، في نفس المكان الي لطالما كلمتك فيه، في نفس اليوم الي أول مرة حنشوفك فيه، مع ترتيب المواضيع وكثرهم نعرف إني حنكتفي بشوية كلام وضحكات متحشمة وحطة يدين بعفوية على وجه نعرف أنك 'تعشق' تتأمله .

تأملني وحِبني ودلعني 'لأنك أخر بنت في هالدنيا تعرف تكون بهالحلاوة' زي ماتعودت تقول، ولأني 'أكثر من تحب' زي ما تعودت تبعتلي في كل مرة يجمعنا شاعر صدفة.

صدفة 'ياروحي' بعدها لقيتك ذايب فيا، ولقيتني 'ميتة فيك' أني الي نعتبر مرادف لأي شي مايلتفتش في الدنيا، سمعت أسمك في زحمة وتلفتت .

تلفتت لأنك حاجة تخصني، ولأني 'نحبك' بكل تفسير ليها ومعنى.


⁃ نُـورا نصر باز کردن / نظر دهید

2021-07-25 00:00:05 باز کردن / نظر دهید

2021-07-24 03:06:39 "أنجو لأن ضحكة ما في هذا العالم الشاسع، تخصّني." باز کردن / نظر دهید

2021-07-24 02:39:07 أحتاج المطر . باز کردن / نظر دهید

2021-07-24 02:37:56 باز کردن / نظر دهید

2021-07-24 02:18:38 لو اللغة منصفة لكان البلل في نصوصنا باين بوضوح . باز کردن / نظر دهید

2021-07-24 02:02:07 فيه دموع لو جفوا على وجهك حيتلاشى معاهم الود باز کردن / نظر دهید