استغليت نومتها تلمست بطنها اذكرت الصار بالدورة قبل اسبوعين وهم | قصص💜✨
استغليت نومتها تلمست بطنها اذكرت الصار بالدورة قبل اسبوعين وهمه يحجولنا ع المرأه الحامل وشلون لازم الزوج يكون وياها خطوة بخطوة وشلون لازم نراعي نفسيتها ونفسية الاطفال اذا جانوا اكو اطفال قبل الحمل طمنت امي وابوي الراح ينجن عليها وسيف الما دخل يخاف ابويه وسيف يفكرون كل ما تحمل اسيا تموت مثل عمتي فاتن يابه ما بيها شي هيه والطفل بخير بس بنتك ما تگعد راحة شايله الدنيا ع راسها اليوم و بس تتحرك ما تعرف تگعد حتى من تدرس ولدها تتحرك طبيعي هيج يصير
عزيز : يضربك طوب انت وولدك المهم بنتي
هيثم :هههههه رحم الله والديك اخذ هسا حجيتك واطلع الباباها الثاني تره گاعد بره يبجي عبالك عدكم فاتحة
عزيز : رايحلة ودير بالك عليها واي شي تحتاجة اني ارجعلك تمام
:تمام يابة تمام رجعت يمها صحصحت الدكتورة الاخصائية گالت لازم ترتاح والا تفقد جنينها
هيثم : سمعتي مووو
اسيا :ولدي شلونهم فدوه هيثم ما درستهم اليوم
هيثم : امي يمهم لا يظل بالج واذا ع دراسة هسا مو مهم همه حتى دراستهم هسا لعب ما طالبين منهم نجاح لا يكفي يرحون للمدرسة
اسبا :لا لا خطيه وتگومهم المعلمة وما يجاوبون يا عيب طلعني هسا
هيثم :هسااا من ابوسج من هاي الشفايف همم عيب
اسيا : لا مو عيب بوسني اني جنت امزح ويا بس هو ما كذب خبر لزمني من بطني و باسني بشغف بحب باوع بعيوني وگلي جاينه طفل ثالث اسووو دخيل محمد بحياتي ما متخيل تكونين يمي بفراش موو طفل ثالث مني وانيي منتظرة ومستعد اله وما بيه طاقة صبر حتى ادللج بهذا حملج
اسيا : ان شاء الله يجي وتفرح بي...
ظليت بالمستشفى الحد ثاني يوم من طلعنه خلاني بسيارته باسني من راسي وهو فرحان بيه وبالحمل وكل شوي يگلي الا اعوضج انتِ تجيبيلي تلاثة لعد الله شگد راضي عليه
نزل للسوبر ماركت اليم المجمع مالتنه ظليت ادور بالسيارة فتحت التجيه الي تصير بين الكرسين اوراق تسجيل و ظروف صغيره فتحتها بيها بطاقة شكرا اله من روبي واكثر من بطاقة والكلام كله شكر وامتنان ع تواصله وروحاته وورقة بيها ثناء ع الاداء الي ديقدمة وهم توقيع روبي جسمي ظل يرجف فتح باب السياره باوعلي وضحك جبتلكم كلشي :گال
اسيا : رفعت الكروت بوجهه روبي منوو هيثمممم
............
بيرين:بعد شهر من زواجي اجت امي لعندي ومعها رفيقاتها
رائد :امج شسووي عدنه شنو تذبون نفسكم علينه وهسا صار وقت تجي وذلعون وطبون
بيرين : مشان خاطري اسكت ما بيطولوا شويات وبيروحوا
رائد :امج هساا تطلع سمعتييي
بيرين : ابوس ايدك اسكت مشان خاطري بعمل شو ما بدك بس ما تجرح اميي
رائد : اني طالع ساعة وارجع اذا لگيت امج بالبيت ما تلومين الا روحج
بيرين :حاضر
رائد :طلعت من البيت طاكة روحي ما اريد امها تدخل بيتي ولا اگدر ارفض طلبها وهيه قايمة بواجبي وبواجب ابني،،،، نار شاعلة بصدري انوار جانت مكشوفة الي هاي غامضة فوگ المصيبة وطيبه شگد أذيها ما تشكي ولا تحجي وتحاول تبررلي و ما تأذي ابني ولا يوم اشتكالي منها وقتت تليفوني ساعة كاملة گلت ارجع اذا لگيت امها بالبيت اطردها هيه وياها
دخلت للبيت هدوء لگيتها نايمة بغرفة ليث وليث يمها يرسم فتحت الباب هيه فزت وباوعتلي اشرتلها بمعنى شنو صار
بيرين :راحوا
:شنو گتيلهم حتى مشيتيهم
: حكيت مع امي وخدت البنت وروحوا
:اذا تردين اني اوديج الها بسسس بيتي محد يدخله
بيرين : بصلاة محمد تاخدني لعند امي
:باجر من اودي ليث للمدرسة اخذج بدربي وروحيلها وظلي يمها الحد ما اني اجيبه واجي عليج گامت من الفراش وحضنتني وباستني من خدي شكرا كتير يخليلياك ان شاء الله من باستني نزات راسي المنحرها عطر المنحر وحده يشل العقل من بعدت عني مسحت خشمي بايدي ما اريد ريحتها اظل قابعة بيه هيه لحضات واحس اعصابي ارتخت
طلعت من غرفتهم الغرفتي ليث اجه يمي يلعب ويراويني رسماته وهيه ترتب و تنظف و غسلت الملابس و طبخت
بيرين : انا طبخت الغدا لبكره لايكلك فكر
:تمام
بيرين :فيني اطلب طلب
:شنو؟
:فيني روح لعند رفيقتي سمية بالله عليك ما بطول ساعة زمان وبرجع لبيت عمو سيف
:ومنو هاي سمية
:سمية جارتنا بدمشق ورفيقة الطفولة
:مزوجة؟ گلتلي :ايي
:وزوجها بالبيت لما ترحين؟
:هلا بشوف اذا مانو بالبيت اروح لعندها؟
:ايي اذا مو بالبيت روحي
بيرين : تقبر قلبي ان شاء الله
رائد :اخدت ملابسها وطلعت والله انتِ الي تكبرين كلبي بت خلية النحل
طلعت من الحمام فتحت باب الكنتور وهيه تغني بصوت ناصي
هــزة يا جميــز هــزة،،،، حلو يا تفاح و إلو لـذّة مال عليّ و وشوشني،،،، كلامو حلو و إلو لذة
طلعت علبة صغيره من الكنتور ومسحت منحرها ونفس الريحة ترست الغرفة بس اشتميتها حسيت براحة شنو هذا سألتها
بيرين :هاد زيت الياسمين بس مو لحالو معو عطور و هيك يعني شغل سوري ليه ما حبيت ريحتو
