آدرس کانال:
دسته بندی ها:
نقل قول ها
زبان: فارسی
مشترکین:
2.63K
توضیحات از کانال
قناة نعي لكل الشعراء الحسينيون
كل ماهو جديد بادارة ملأ علي الواسطي
بوت تواصل 👈 @Alizbynewbot
@Xfwrtas_bot
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
1
2 stars
1
1 stars
1
آخرین پیام ها 5
2022-05-01 14:30:21
نعي تشييع الامام علي علية الصلاة والسلام
****
ها يلتشيعون ريضو بالنعش ها يلتشيعون
وشلون بشلون ضليت اون وشلون بشلون
ومحلي المتون حتى بمووتك ومحلي المتون
متون اليشيلون كشخت شالتك حتى اليشيلون
وافينه وياك لا ما أظن وافينه وياك
ذاك التعب ذاك لا يندفن ذاك التعب ذاك
كل احنه بحماك ها يلمتت كل احنه بحماك
وصرنه لولاك لامن كبرنه وصرنه لولاك
نزله اعله هونك حيدر تره نزله اعله هونك
خلهم يجونك ايتامه هم خلهم يجونك
تدمع عيونك حگك تره تدمع عيونك
طولت الغياب حيدر علي طولت الغياب
لا لا يبو تراب بسرعه رحت لا لا يبو تراب
والموت چذاب انته الصدگ والموت چذاب
متخضب خضاب تراب الغري متخضب اخضاب
شده اعله شده فگد الابو شده اعله شده
ما بيه رده ميت تره وما بيه رده
كل روحي عده مات ومشى وكل روحي عده
والباب اسده ماظن يجي والباب اسده
يا عيد هليت المن بعد يا عيد هليت
من ريت لا جيت ميت ابونه وريت لا جيت
تانيت تانيت صوت الابو تانيت تانيت
وبدمعي رديت مارد علي وبدمعي رديت
كلمات الخادم / رعد الفريجي
شهر رمضان 1443- 2022
26 views⁽✺⃕₎ أعز ٱلنۨــہٱسۜ ٱمۘيۧ ⁽✺⃕ السلطانية, 11:30
2022-05-01 09:51:19
نعي ع الاخ
ياخويه بجفاك… ضلمه ومجدره الدار
ياخويه بجفاك
وحنه نتعناك… بلمكبره ويلعيد
وحنه نتعناك
ماكدر انساك… الساني سولف بيك
ماكدر انساك
ظلينه برجاك… يلنمت حدر الكاع
ظلينه برجاك
شايل تره وياك... هيج احس هسه البيت
شايل تره وياك
ياوسفه ونعاك ...يلجنت روحي اليوم
ياوسفه ونعاك
خويه عله طروك.. تدري الگلب ملجوم
خويه عله طرواك
وتسامر وياك… اتمنه هس تعود
وتسامر وياك
ناديتكم كومو يلحباب
يلنايمن وحدر التراب
ليش الگبر مابي اثر باب
العيد بين ونتو غياب
والعيد اجتك خوه الي وكوم
بفراكم ظل گلبي ملجوم
شحسب بعد وهواي الهوم
تدري الجفن مو فارك النوم
تدري منطب ونظر غرفتك
يحن الگلب خويه الكعدتك
اذكر سولف من فكدتك
وذكر بجانك وي كعدتك
هلجايك جبت امي وياي
وونينهه بحسرات بهداي
يمك تصب فوك الكبر ماي
وتكول منك راح رجواي
ابو سلام الجابري
59 views⁽✺⃕₎ أعز ٱلنۨــہٱسۜ ٱمۘيۧ ⁽✺⃕ السلطانية, 06:51
2022-05-01 09:51:07
نعي للامام علي ع
بعدك بويه حيره وراح نحتار
يباب الله العزيز المايسد باب
هذه الجرح خزن والعمر ظاع
وبعد شعظم يبويه من هل المصاب
يرفت طير لو رف جنحه فراح
علئ يتامك حريمه طول الغياب
علي بابك اجو كلهم ينادون
كوم اطلع عليهم وسمع عتاب
علي صاحو سوه ماتدري ابو حسين
عليك الهدب گبل الراس هل شاب
يمصباح الفرح مصباحك شلون
بدم ناكع يصبح ليش الخظاب
شكل للكاع لو ظمت معانيك
وباجر من تصبح حدر التراب
ابو سلام الجابري
42 views⁽✺⃕₎ أعز ٱلنۨــہٱسۜ ٱمۘيۧ ⁽✺⃕ السلطانية, 06:51
2022-05-01 09:50:55
نعي للامام علي ع
بعده الحزن وبگلبي ماطاب
واليوم اعيشن اعظم مصاب
شعتب بعد شيفيد العتاب
شعتب بعد بيه الحزن حار
منفراك ابوي وموحشه الدار
اگطع رجاي وماكو اخبار
اكطع الظنه وراحو اليوم
خلنوني للحسره والهموم
مو جرح واحد گلبي ملجوم
مو جرح واحد صارن ثنين
ومن البجي هل راحت العين
هس وصدك يتمني يلبين
هس وصدك حيرني وياه
حيدر تراب الكاع غطاه
شلون اصبر وصعبه تره نساه
شلون انسه ابوي الراح عني
حگي منون ويزيد وني
سود اليالي وهنه ذني
ابو سلام الجابري
43 views⁽✺⃕₎ أعز ٱلنۨــہٱسۜ ٱمۘيۧ ⁽✺⃕ السلطانية, 06:50
2022-05-01 09:50:34
نعي للاب
حگگ لو مــــتت خويه …. وره اباك
وتذكره شــكد تعب لجلك.. وره باك
شما تبجــــي العذر عدك….. وره باك
يعذرك لو بجيت بكل مسيه
الدهر خله الــــــحزن بروح ....لو له
ستجن من شــال ابوي وراح.. لوله
وحس بــــــجفاء بيه اليوم… لو له
مشه والجان خيمه وشح عليه
الونين عله البو محد عرف بي
بس الفاكده بعازه ويذكره
شيظم ياجرح وشلون يخفي
اذا ظكه الزمان وحار بمره
البو خيمه ويفيهه الجان يحمي
خلافه شلون صبخه ونار گبره
البن بعد البو لو عمره خمسين
يمر بي اليتم لازم يكسره
ويظل وكت المسيه وكت الغرب
يحن ويرد بس يشوف كبره
الكبره ظلمه يكله ومحد وياك
ومتوسد يبويه الكاع غبره
لفوني وياه وسط الجفن ياناس
لفوني وياه
ماكدر انساه گبالي منغمض العين
ماكدر انساه
ياوسفه غطاه. تراب الگبر ياحيف
ياوسفه غطاه
من اذكر ارباه.. تنزل دموع العين
من اذكر ارباه
ظل ابلياه. فاهي وبجه الديوان
ظل ابلياه
والماحسبناه. مر بينه رمشت عين
والما حسبناه
ابو سلام الجابري
41 views⁽✺⃕₎ أعز ٱلنۨــہٱسۜ ٱمۘيۧ ⁽✺⃕ السلطانية, 06:50
2022-05-01 09:50:24
نعي للام
بجفاج بهم اخلصه وحزن.. يوماي
وبعد ياجف عليه يشير.. يوماي
صدك ظماج عني الگبر ..يوماي
وصدك ظليت بس اصفك بديه
شيفيد البجي وشتفيد الدموع
ويالمغرب وشوفن وحشه البيت
اجيت وماشفتهه مگابله الباب
تتانيني وعساني وليه لاجيت
ادور بلغرف شو مالهن صوت
وجن البيت شايل وانه ظليت
يلظمج گبر يلظمج تراب
بنص گلبي جمر بجفاج خليت
امي تروح مني شتسوه دنياي
اهيه الدنيه شالت وانه كفيت
ريت وياج لفوني بجفن كون
وگبلج بلحد يايمه طبيت
ازور المكبره ويمكبرج شلون
اسولف علمظيه وعلجاي مليت
ييمه وداعتج وهواي مشتاك
الخبزتج والحنان البيه حنيت
موش انه ابنهه…. حگي منحن وشتاك
موش انه ابنهه
اشتاك الحظنهه ..امي الحنينه هواي
اشتاك الحظنهه
ياهو الدفنهه… شوصت علي ماكال
ياهو الدفنهه
يختلف ونهه... امي عله باقي الناس
يختلف ونهه
حارمني منهه… وسفه الگبر ياناس
حارمني منهه
ابو سلام الجابري
42 views⁽✺⃕₎ أعز ٱلنۨــہٱسۜ ٱمۘيۧ ⁽✺⃕ السلطانية, 06:50
2022-05-01 09:50:15
نعي للاب
وحشه بجفاهم… والمغربيه تصير
وحشه بجفاهم
الموت الخذاهم.. جا ماخذاني وياه
الموت الخذاهم
ونظل وراهم.... مثل ام ولد غركان
ونظل ورهم
وصاير غطاهم.. احبابي هس تراب
صاير غطاهم
خافن جواهم… تراب الكبر مو حار
خافن جواهم
لفوني وياه وسط الجفن ياناس
لفوني وياه
ماكدر انساه گبالي منغمض العين
ماكدر انساه
ياوسفه غطاه. تراب الگبر ياحيف
ياوسفه غطاه
من اذكر ارباه.. تنزل دموع العين
من اذكر ارباه
ظل ابلياه. فاهي وبجه الديوان
ظل ابلياه
والماحسبناه. مر بينه رمشت عين
والما حسبناه
ابو سلام الجابري
41 views⁽✺⃕₎ أعز ٱلنۨــہٱسۜ ٱمۘيۧ ⁽✺⃕ السلطانية, 06:50
2022-05-01 09:49:58
نعي للامام القاسم عليه السلام
نايم لكيته ..
نايم لكتيه.. المــــــــــدلل عله الكاع
والدلليته
والدلليته.. شــــــــــو خده كله تراب
ينهض نخيته
ينهض نخيته.. بس ماســمعني وكام
جا مارويته
جا ماروتيه.. ظامي ويــــــريد الماي
من فاركيته
من فاركيته… ظل گلــــبي يمه هناك
لا مانسيته
لا مانسيته.. بليل الخــــــــرابه وياي
راح الاريده يجازي الــــــتعب ورباي راح الاريده
موحنه بيده… دم بلعــــــرس جسام موحنه بيده
بسته بورديه ..المــــــوذر عله الكاع
بسته بوريده…
روحك عنيده.. يبني انانه عرفك زين
روحك عنيده
وبجيله هئده.. لاتســــــــمع الشمات
وبجيله هيده..
الدنيه وياي ياجــــــــاسم ..ياريت
وعساني كون مــيته وياك.. ياريت
شفت الخيل بيــك شلون ..ياريت
موذر للخيم جابوك اليه
52 views⁽✺⃕₎ أعز ٱلنۨــہٱسۜ ٱمۘيۧ ⁽✺⃕ السلطانية, edited 06:49
2022-04-30 17:01:16
نعي الى بنتي المرحومه سلوى
ييمه العيـــــــد اجـه وتذكريتــچ
وهل مصبـــاحه يمه المثل نيتچ
تخلصيـــــنه ابفرح وياي ريتــچ
على الباب اگعدت ونتظر جيتچ
گمت اكشخ ييمه ابســود الهدوم
عليـچ الگلب يمه محمل اهمــوم
بعــدچ ماضگت طعم الفرح دوم
اولا متهنــــيه يمه ابلذت النـــوم
اخلص العيد يم گبرچ بچي ونوح
يفرح بيش يمه الگلبــه مجـــروح
ما انســاچ ابـــد يا سلـــوة الروح
اون يمه الغيــــــــابچ ونت الدوح
عفتيني وسكنتي بنص اللحـــود
اجي وباب الگبر الگاه مســــدود
زماني وياچ ريت امن اول ايعود
انكسر گلبي بغيابچ كسـرة العود
الشاعره العلويه ام حسام الغرابيه
60 views⁽✺⃕₎ أعز ٱلنۨــہٱسۜ ٱمۘيۧ ⁽✺⃕ السلطانية, 14:01
2022-04-30 17:00:54
اللهم صل على محمد وآل محمد
نعي فرگت الاحباب
اعايدمن ييمه من يجي العيد
وعافوني العزاز وشــالو ابعيد
تضل عيوني يمة مناطره الباب
وگول لگلبي هيـــد وابد ميهيد
تمنيــت الاحبـــــهم لية يلفون
وافرح آ يگلبي والبس اجـديد
وارد مئيسه وصــــفچ باليدين
واكول الراح ليه بعـــد شيعيد
حلوه ألمه چانت وي الاحبــــــاب
خالي البيت ضل وجرحي امچيد
احباب منين اجيب وحيد ضليت
ترة افراك الاودهم صعب وشديد
امســامرهم اذكره وانلچم حيل
من انظر صــورهم علتي اتزيد
بقيت ابجـي عليـهم وفرك الراح
واكول احبابي راحوا عنــي بعيد
$$$$$$$$$$$$$$
بقلمي المتواضع العلوية ام حسام
الفاتحة إلى شرف النبي والائمة الاطهار والى رؤح ابنتي الشابة سلوى بت علي
55 views⁽✺⃕₎ أعز ٱلنۨــہٱسۜ ٱمۘيۧ ⁽✺⃕ السلطانية, 14:00
ق
