2022-08-10 01:38:35
(قصيدة لدفن الأجساد)
فاطمة الزهره وعلي السجاد اجو
للدفن وأعلى المصيبه اتعاونو
والنبي اوياهم وصل
وابعلي المجلس كمل
اعلى المصيبه اتعاونو
ــــــــــــــــــــــــــ
الساعه قامت للمصايب-والدمع عالخد قيامه
الزهره راحت يم ابوها- وكامت اتعيد الظلامه
اتكله بويه اليوم ثالث- وابني ضل دامي بسهامه
بلوعه صاحت يابو زينب- مشينه خل نحمي اليتامه
نزلو ودمعاتهم صارن مصاب
وشاهدو زينب سبية اعلى التراب
صاح أبو الزهره وبجى
واعلى ابن عمه انتجى
اعلى المصيبه اتعاونو
ـــــــــــــــ
البضعه راحت تمشي كوه - يم علي السجاد ابنها
اتكله روحك ادري بيها - يبني ما يخلص حزنها
وياي اريدكيبني تمشي - نكرم أجـساد ابدفنها
انه وانته صرنه شركه - يابني بالونه الـنونها
هذا ابوي اوياي اجه وجدك علي
وانبياء الدنيا كلها وكل ولي
با الدفن ربك أذن
هناك ينطرنه الحسن
اعلى المصيبه اتعاونو
ـــــــــــــــــــــــــ
الليله كلهم حضرو الطف-شافو الكعبه سليبه
صوت سمعو لابو محمد- والحـسن يفجع نحيبه
من تمـدد يم أخيه- بدمعته ايغسل حبيبه
أيكله خويه شلون ضلت-زينب اخلافك غريبه
من سمع رب العرش بجي الحسن
كامن اركان العرش يتراجفن
وراحو الصوب الخيم
وانعقد مجلس لطم
اعلى المصيبه اتعاونو
ـــــــــــــ
اشلون منضر وأبو الباقر- احتار ياهو ايواري جثته
راد يبدي بابو فاضـل- وانكـسر ضهره ابوكعته
صوت يسمع جنها أمه- تصيح مو هسه ابني وكـتـه
اخو زينب- يوفي اعرفه – بعـد أبو الأكـبر دفنته
هاذي نبرة ونه صوت أم البنين
صاحت أول جثه ادفنوها الحسين
من توسدونه الكبر
لا تلجمون الصدر
اعلى المصيبه اتعاونو
ـــــــــــــــــ
شلون حاله من وصل له- شاف ابوه مكطوع نحره
الزهره صاحت يبو الباقر- سهـم ابوك ابهيده جره
ما تشــوفه اشلونه حاله- وحـافر اخيول اعلى صدره
جيب طفله ابصفه ادفنه - بيا كتر عبد الله دوره
ناده أبو الزهره يسجاد اعلى هون
هذا كلبي وخطفته اسهام المنون
خاف ينزف منحره بويه دور خنصره
اعلى المصيبه اتعاونو
ــــــــــــــــــــــــ
صاح وينك-ها يجدي- يالرسول اشلون حيره
جسم الأكبر بيش المه- إله ينشال بحصيره
هذا قاسم طافي شمعه-وناعمه اجفوفه الزغيره
جسمي ذابل من مصابي –وأدفن أنصاري بحفيره
والله يا جدي بعد ما بيه حيل
تدري كسرة ظهري بمصاب الكفيل
الليله رايد عونتك
وياي ندفن عترتك
اعلى المصيبه اتعاونو
ــــــــــــــــــــــــــ
شال عينه للشريعه- وشاف كدامه الزجيه
تصيح يمه يا بو فاضل-ضل اخوك ابلا تجيه
بجفه شافت جلمه كاتب- آه يا زينب سبيه
كلش آسف يالوديعه - خاف قصرت بوصيه
والله لو موجوده يا ام زينب جفوف
ما اخلي الحره بالكوفه تطوف
ولا يشتمها الشمر
منج انه اطلب عذر
اعلى المصيبه اتعاونو
ــــــــــــــــــــــــــ
فاطمة بها اللية سوت– مجلس الهاي المصايب
جان منبر يمه منحر- وبيه جبد عطشان ذايب
المهدي جان اهناك حاضر – ابكربله ما جان غايب
وأبو فاضل روحة حضرت - مستحي وجفينه جايب
وبا اللطم أم البنين أمحزمه
أتكلها يالزهره فداج الخادمه
والله مستحيه اشكثر
لا ن ما طكني الشمر
اعلى المصيبه اتعاونو
ـــــــــــــــــــــــ
بهذا حاله شلون يرجع- شلون لو عمته تنشده
من تسئله اعلى الكفلها- اندفن لو عالكاع بعده
عن اهلها من يجاوب- يختنك و اشلون شده
كلها عمه ادفنت اخوتج-بس كفيلج كبره وحده
صاحت الله اوياكم ادعي ابكل قنوت
باجر اعلى المنحر الطفلة تموت
بها الحزن وي عمته
وهمها زيد بلوته
اعلى المصيبه اتعاونو
ــــــــــــــــــــــــــ
نعيم أبو باقر الساعدي
790 viewsالشاعر نعيم الساعدي, 22:38
ق
