2022-07-03 13:57:52
شيخلصه يا ليل اهدعش خوف وسبي ونار وعطش
بها السكون وهالظلام ادموع ودت لك سلام
ياعلي ياعلي
ـــــــــــــــــــــــ
ليل وارهاب وبنات ابلا كفيل
واختلط صوت الصريخ اويه الصهيل
بس ارامل ضلن وعدهن عليل
وانته تعلم بالسبي باجر طويل
باجر سبايه اعلى الهزل ضيم السبي ما ينحمل
والصلاة مو من قيام دموع ودت لك سلام
ياعلي ياعلي
ـــــــــــــــــــــــ
ليله الوحشه على زينب بس مرار
اطفال مرعوبه وخيم مشتعله نار
بالطفوف الخيل تسحك عالزغار
الصاير بزينب ابد مامثله صار
بغربتها يا خير العمل لا عدها كافل لا اهل
بعد يا جفن الينام دموع ودت لك سلام
ياعلي ياعلي
ـــــــــــــــــــــــ
انته للملهوف تحضر لو دعاك
ياعلي الخايف يلوذ بسد حماك
كوم شوف اعلى النهر طايح لواك
وجم طفل هاليله بدموعه انتخاك
لمن وكع راعي العلم كامو يحركون الخيم
والشمس ذبت ظلام دموع ودت لك سلام
ياعلي ياعلي
ـــــــــــــــــــــــ
جان محد شايف لزينب خيال
بصايه العباس تدلل دلال
شيل فقارك علي وللطف تعال
جتفو بنتك ياحيدر بالحبال
هدّو عليها يا علي وتنادي الحكو يا هلي
لاعشيره ولا عمام دموع ودت لك سلام
ياعلي ياعلي
ـــــــــــــــــــــــ
خاف الجمك ياعلي لو ردت اكول
الخيل فوك حسين بالمصرع تجول
ما تميز جسمه من سحك الخيول
وكام يتشفه ابناتك كل عذول
جسم ابنك بخيل انسحك كلب اخته من شافه احترك
الخيل تسحك عالامام دموع ودت لك سلام
ياعلي ياعلي
ـــــــــــــــــــــــ
نعيم ابو باقر الساعدي
1.0K viewsالشاعر نعيم الساعدي, 10:57
ق
