تعليق عجبني فصرّفته: الناس اللي راهي تقول الجوز غالي والتمر ك | بيت العافية 🇩🇿

تعليق عجبني فصرّفته:
الناس اللي راهي تقول الجوز غالي والتمر كيف كيف، ضرك رانا في موسم التمور وراه مليح في سومتوا..

كاين اللي يفضل يوكل ولادوا الشيپس والحلاوات والڨاطووات على أن يشريلهم حاجة صحية.. ويشروا المشروبات الغازيه والعصائر والاطعمة المعلبه والمسرطنه ومايشريش حاجة تفيد صحتوا وولادوا ..

[ والله كاين حاجات بسيطه تقدر تفيد ولادك بيها وهي أنك توفر ثمن كل تلك المؤكولات التي لاتنفع وتشري ولو الشيء القليل الحاجة اللي تنفعك.. ] ركز جيدا على هذه الجملة..

أنا حتى الڨاطو ماناكلوش ندير ڨاطو صحي واذا ماكاش ناكل التمر يكفي لأنه غذاء كامل
مثلا هاذي الوصفه اللي فالصورة مافيها حتى حاجة صناعية: فيها الشوفان، الزبيب بنوعيه الأسود والأصفر، وحبات من اللوز وثلاث حبات أو أربعة جوز, والتمر وحبة موز والبيض مافيها لاسكر ولا شيء آخر يضر بالصحه وتعطيك طاقه وتعوضك السكريات المضرة..