🌹تجمّع الزهراء ع للموالد🌹

2021-08-17 15:46:27 قصيده للاكبر
على لحن مرّة سنه ونص


امك يالاكبر آنه يوليدي
ادعي الله ترجعلي وشلت ايدي
بالخميه اصلي وطالت السجده ... يا راد يوسف هالولد ردّه ... يبني
ـــــــــــــ
خوفي ... جفوفي ... يبني شلتهه وادعي الباري
اسمع ... المدمع ... يشرح مصابي اعله الوجن جاري
رايح .. طايح ... خوفي اشوفك يا عطر داري
صوتي ... وموتي ...وي موتتك حكَ تسمع اخباري
يوليدي كَلبي ذايب بضيمه
ومنتظره ترجع يبني للخيمه
غيرك دليلي والله ماعدّه ... يا راد يوسف هالولد ردّه ... يبني
ـــــــــــــ
انطر ... وانظر ..اباب الخيم والمهجه محزونه
شفته ... سكته ... حسين اليصدلك منخطف لونه
بحسره ... وعبره ... يوليدي ضلّت تطفح عيونه
اسألته ... وردّته .... يخبرني عن الغالي شلونه
انظر لوجهه وروحي محتاره
وكَتله العزيز اخبرني بخباره
دمعاته لمّن نزلن ابخدّه ... يا راد يوسف هالولد ردّه ... يبني
ـــــــــــــ
صدلي ... وكَلّي ...يا ليلى روحي الخيمه وادعيله
بوضعج ... ودمعج ... رب الجلاله ابحالج اشكيله
نادي ... افادي ... خوفي عليه ابحسره ناديله
صلّي ... وهلّي ... وخلّي النواضر دمعج اتسيله
يسمع دعائج حتماً الباري
ويرجع علي ويكحّل انظاري
يامن ملائكة السمه اتعبده .... يا راد يوسف هالولد ردّه ... يبني
ـــــــــــــ
تالي ... الوالي ... رد واشوف امصوفره الوانه
احضنته ... وشفته ... من العطش ضل يابس السانه
كتله ... اتحمله ... هذا الوضع وبكَلبي نيرانه
عندك .. جدك ... بالمحشر اينطرك يريحانه
يسكَيك جدك يبني يالاكبر
من جف يمينه والعذب كوثر
الهادي جمرك باجر ايبرده .... يا راد يوسف هالولد ردّه ... يبني
ـــــــــــــ


مني .... وعني... راح ورجع للحومه يتبختر
لحضه ... ونبضه ..كَلبي وكَف من شفته يتكَنطر
لمّه ... بدمه ... جبته ودليلي ابضيمي يتحسّر
اتركته ... وعمته .... لطمت وجهه اتصد اله اموذّر
يامن تشابه بالخلق جدك
يبني على الدنيه العفى بعدك
مذبوح عيني اوليدي اتصدّه .... يا راد يوسف هالولد ردّه ... يبني
ـــــــــــــ
الشاعر محمد حسن ضيغم


https://t.me/kasaedalatharDaygham باز کردن / نظر دهید

2021-08-17 15:10:32 نعي للاكبر
ليله التاسع

بجيت وما بقه بعيني وشاله
وجرحي لانفع ضمده وشاله
شفت حسين مد جفه وشاله
وهوه اعله الاكبر بونّه خفيه

ـــــــــــــــــــــــــــــــــ

اهدّم حزني بس الدهر يبناي
ولعد نهر المصايب حيل يبناي
تشابكَنه وصحت ياعلي يبناي
شلون تروح وانت العود اليّه
ــــــــــــــــ

نغي للاكبر

ها يلأ كبر تدري صرت بحيره
ومحنتك يبني عليّه جبيره
بعد الدنيه احسهه ازغيره
النوم والله لا تضن يحلالي
ـــــــــــــــــ
امك وما احمل افراكَك ابد
ودوم اصيح بصوت يبني يالولد
العمر ماريد وحك عينك بعد
شيسوه عمري بدون عين الوالي
ــــــــــــــــــ
لاترد متكَطع ودمك يصب
تدري ابقه بس جسد مابي كَلب
اه منّج كربله وسوح الحرب
الي لا اول بقه ولا تالي
ـــــــــــــ
الشاعر محمد حسن ضيغم
https://t.me/kasaedalatharDaygham باز کردن / نظر دهید

2021-08-17 11:36:41 ابداع السيد محمد الجيزاني
في ليلة القاسم بن الحسن عليهما السلام باز کردن / نظر دهید

2021-08-17 07:33:48 قصيدة الخنجر

تنتظر ابداع الحانكم

… .



مو خنجر يريت اسمك
الغدر يتفايض بجسمك
دم تطفح شما ارسمك ....عجيب

تتعنه لبو اليمه
وتفرح من يصب دمه
محمد شايل بجسمه ... وسليب

ماعندك خجل مره
وكصتك ماحوت كَطره
اجيت الخنصره اتبتره
وهو ريحانة الزهره
ـــــــــــــــــ
تطعن بالظهر طبعك
وبس الغادر يرفعك
عجيبه ما يصب دمعك ... عليه

من شفته يرف جفه
اصبع ماكَطع نزفه
ليش ابجتله تتشفّه ... واديه

ماينفع عتب وياك
يتكَلب تصد عيناك
رجس عالطاهر أشجابك
لا ترجى العفو ايّاك

ـــــــــــــــــ
صدق من لقّبك خنجر
بالطف تفتخر تفتر
تنطر جسمه يتنكَطر ... وتروح
من ايزيد ومن اشراره
تاخذ رايد بشاره
تخلي دمّه يتجاره .. بجروح
يخنجر هم شفت عينه
بيهه صوره لسكينه
عليهه زايد اونينه
ورسمت حسرع جفينه
ـــــــــــــــــــــ
انت وسيف ابن مرّه
جرحكم بالنبي شكبره
كَطعتم خنصره ونحره ... حرام

واحد بشّر الثاني
اليّه الجائزة آني
بدمائه انكَلبت الواني ... الامام

الحديث الداير اسمعته
الخنجر كَلّه لوّعته
حين الخنصر اكَطعته
السيف امن الكَفه ااذبحته

ــــــــــــــــ
عجيبه مايرف كَلبك
ورقيّه تنحب ابكَربك
شنو عذرك لعد ربّك ... شتكول

من شبّكَت على الوالي
وتناديك بدمع هالي
اتركه وحزلي دلالي ... شتكول

عينك عينك ابهمه
رحت يم جسم ابو اليمه
كطعت الخنصر ودمه
تلطّخ بالدمه جسمه
ــــــــــــــــ
الشاعر محمد حسن ضيغم

https://t.me/kasaedalatharDaygham باز کردن / نظر دهید

2021-08-16 20:09:26

باز کردن / نظر دهید

2021-08-16 16:27:48 حيدري عنواني ... زينبي وجداني .. مجلسك ربّاني ... يا ثار الله
ــــــــــــ
والله من دون المجالس آنه اتيه ادروبي
كَبل لا اصلّي اصيح حسين يا محبوبي
كعبة الله منّي اخذت لون الاسود ثوبي
شما يزل جدمي ابحياتي بيك اعدل اسلوبي
والشعار القامه .. يطبع اعله الهامه ..تصرخ اللطامه .. يا ثار الله
ـــــــــــــــ
آنه ربّتني التعازي ونعم من تربيتي
يا حسين وادري انت والله رافع صيتي
والله يحسين المجالس هي صارت بيتي
فاطمه الزهراء امي وتحظر بتعزيتي
طلّكَت دنياتي .. من اجل آهاتي .. وصوت من دمعاتي .. يا ثار الله
ـــــــــــــــ
بمدرستنه اتعلّمينه والعشكَ عنوانه
هالنشيد الباقي بينه الدمع يحجي السانه
احنه ماعدنه وسيله غيرك بدنيانه
جفّك بهاي المجالس سيدي الربّانه
يل ساكن عيني .. صغير ومربّيني ... بدربك تدليني .. يا ثار الله
ـــــــــــــــ
يا هو مثلك رحمة الله الدوم فاتح بابه
اسجد اعله الجنه حين الاسجد اعله ترابه
كون اضل لاخر حياتي خادم اعله اعتابه
وآخر احجايه بحياتي حسين آ ومصابه
حسين آيالغالي ... فدوه ارحم حالي ... ساكن ابدلالي .. يا ثار الله
ـــــــــــــــ
الشاعر محمد حسن ضيغم باز کردن / نظر دهید

2021-08-16 15:02:55 الملا علاء الشيباني باز کردن / نظر دهید

2021-08-16 13:52:56 للقاسم
على لحن مسلم الوائلي
كَلبي ضامي


يا زماني .. فكَد ابني عماني .. هذا اليوم
بلايه زفّه ... يرجع دامي جفّه ... وكلّه ادموم
يويلي يويلي ... بدّل فرحاتي ابدمعه
يويلي يويلي ... ريح الهم طفّى الشمعه ... يجاسم
ــــــــــــــ
ليش الزمن مني باكَ ... وردة حياتي اوروحي
وآنه النطرت افرح يوم ... شو كَلبي ذاب ابنوحي

يبني كَلّي ياذنب سوّيته
وثوب عرسك بالدمه صبغيته
شموعك اكَبالي طفت يبن الحسن
تبدّه ماي البلعمر لمّيته

حريمه حريمه ... دلالي اكَبالي مكَطّع
هظيمه هظيمه ... متخضّب لمّك ترجع ... يجاسم
ـــــــــــــــــــ
يوليدي كل ام ترتاح ... ضنواهه كون اتزفّه
وتنظرله بين الشبان ... والحلقه تضوي بجفه

وانه يبني خلّصيت اسنيني
متانيه الهل ساعه ومتانيني
تالي بالخيمه تضل هاي الثياب
وصورة المذبوح تترس عيني

عجيبه عجيبه ... دارت دنياي بموتك
مصيبه مصيبه .... يمّي وما اسمع صوتك ... يجاسم
ـــــــــــــــــــ
يا ما حسبت آنه حساب ... وخيّطت بيدي اهدومك
ويوميه اعيشن بالبال ... جسام زفّت يومك

جنت اسولف بالعرس لخوانك
وبيدي يبني حضّرت نيشانك
وجنت اكلهم راح نفرح بالزفاف
ليش يبني ينكَطع شريانك

ضنوني ضنوني ... خابت يوليدي اشبيهه
عيوني عيوني ... لجلك صدّك لعميهه .. يجاسم
ــــــــــــــــــــــــــ

بالخيمه حضرت اشموع .... ومعزومه كل عمّاتك
وحضّرت يوليدي الياس ... وجنت انتظر هوساتك

وكل عمامك يبني يم اخيامك
رايده اتهوّس فرح جدّامك
رحت للحومه واتاني اترد الي
جابك حسين وتخط اجدامك

دمعته دمعته ... ترست لمصابك عينه
حسرته حسرته ... مابي حيل ايحاجينه ... يجاسم
ـــــــــــــــــــــــــــــــ
يمّك اجيت اوّنيت ... يبني واشم اجفوفك
نايم يبو عيون اوساع ... والدم صبغهه ازلوفك

جسمك مطبّر يضي عينايه
والجروح البيك حيل اهوايه
يبني ماعندي جفن حيل اعتذر
راح اجفننك ابهاي الرايه

خضيبه خضيبه .... جثّة جسام اكَبالي
سليبه سليبه ... امك تمشي ابلا والي .. يجاسم
ــــــــــــــــــــــ
الشاعر محمد حسن ضيغم


https://t.me/kasaedalatharDaygham باز کردن / نظر دهید

2021-08-16 10:26:14 ليلة الثامن
ليله القاسم بن الحسن عليه السلام

اونن وانه ونّي اعليه مابين
واعيشن من بعد جسام مابين
حط جسام عمّه حسين مابين
الاكبر وبكتر ثاني الاخيّه
ـــــــــــــــ
ارياكَي حيل يوم اجفاك مرّت
ومرات انتجي اعله الضيم مرات
عَلَي شبان يبني لون مرّت
اذكرك والطم الراس بأديه
ـــــــــــــــــ

القاسم
يوليدي يجاسم
فوكَ الرمله نايم
يا عز الهواشم
حرموني فرحتك
،،،،،،،،،،،
انه الناطريتك
وياي ترد بيتك
لا ما حسّبيتك
ترد مخضوبه جثتك
ــــــــــــــ
المن حنّتك هاي
شموع او ورد والماي
بعد ماترجع وياي
يمن حرموك زفتك
ـــــــــــــــ

الشاعر محمد حسن ضيغم
https://t.me/kasaedalatharDaygham باز کردن / نظر دهید