🌹تجمّع الزهراء ع للموالد🌹

2021-08-13 10:50:36 سريعه على طور.... حبست دموع عيني عليك للشام... أيضا للجنامي

ضاكَت والفرج بس يمج انكَول
وانتي ام البنين وتكفي هايه
باب الحاجه انتي وفضلج جبير
واقع هذا مو قصه وروايه
متردّين واحد جاج طلاب
والنعمين يل بيج الكفايه
جم غايب رجع وشجم جرح طاب
المريض يكول بس يمج دوايه
ـــــــــــ
ضاكت وانتي تدري بشيعة حسين
من هاي الفتن حبكم عصمهه
تتطشّرهه الذنوب ودنيه والمال
ومجالسكم يمولاتي تلمهه
شما نغفل تجينه الصحوه ونعود
بس ام الحسن نندب بسمهه
لاجن مانعوف اقراية حسين
الشيعه بكل عزا خالد لطمهه
ــــــــــــ
عدنه حسين كلشي وكلشي الحسين
ومامش شي يغيرنه اعله حبّه
من ذيج العوالم نعشك حسين
وحك جف الكمر ابنج نحبه
نقبل نبتعد عن كل شي بالكون
بس حسين نعشك والله كَربه
على خدنه بدمعنه شما نجي نزور
اسم حسين والكافل نكتبه
ـــــــــــ
الشاعر محمد حسن ضيغم

https://t.me/kasaedalatharDaygham باز کردن / نظر دهید

2021-08-13 10:49:48 نعي لأم البنين



هاي ام البنين اشكد وفيه
راحت يم علي حامي الحميه
تكَله بهل طلب جيت المسيّه
بسم فاطمه لتناديني فدوه
ـــــــــــــــــ
يكلهه ليش بس ردي عليه
كَالت ياعلي ابدمعه جريه
خوفي اعله الحسن وحسين اخيّه
اسم امهم يخلّي حسين يهوه
ــــــــــــــــ
مااكدر اصد لحسين يبجي
وزينب يمّك بهل حاله تشجي
بذيج اللحضه ياكرار شحجي
بدون حسين عمري مضن يسوه
ـــــــــــــــــ
يمه رايح
راح اخبرك حالتي اخلافك عسيره
يمه رايح
عينك اعله حسين والحرّه الاميره
يمه رايح
انه ربّيتك واعرف كانت غيره
يمه رايح
مااريد ابعينك اتشوف الاسيره
يمه رايح
وبوجودك ما تضل ابلا عشيره

جواب
ها ييمه
فدوه روحي الروحهه الّي اتكفّلتهه
ها يممه
زينب اختي هيبتي ابراسي شلتهه
ها ييمه
من زغر وانه اخيتي ما عفتهه
ها ييمه
وياما ياما
بهاي اديني شرّبتهه

ـــــــــــــــــــــــــ
الشاعر محمد حسن ضيغم
https://t.me/kasaedalatharDaygham باز کردن / نظر دهید

2021-08-12 19:38:11 الا من ناصرٍ ينصر ابو اليمه
وكبل حسين يقبل ينسفك دمه
ــــــــــــــــــــــــــــــــــــ
صوت الحك عله وبكربله انسمعه
هذا حسين وحده ورايد الفزعه
كلهه مطشّره فوك الارض ربعه
انصاره اعله الارض ياويلي متخذمه
ــــــــــــــــــــــــــــــــــ
الا من ناصرٍ والصوت ضل يعله
الرايد يصلي حسينه القبله
دين الهادي دم حسينه ايكمله
نفس الروح روحه وعايش بجسمه
ــــــــــــــــــــــــــــ
حسين ابوحّده والجيش كلّه عليه
ياهو البي حميه ايكوم يفزع ليه
ومايقبل وحيد بكربله ايخليه
جي كل العساكر ضده متحشمه
ـــــــــــــــــــــــــــــ
الا من ناصرٍ ويذود عن رجواي
خل ينصر حسين ومانريد الماي
اويلي حاوطته بالسيوف اعداي
عكب انصاره وحده شلون ضل ندمه
ــــــــــــــــــــــــــــــ
الا من ناصرٍ والروحه مايهتم
وكبل حسين يقبل كون يتقدّم
مايقبل اخوي ايسيل منّه الدم
وعمره ايروح لجل حسين ميهمه
ــــــــــــــــــــــــــــــــــ
وينه البي حميه وغيره خل يكوم
يشهر سيفه هسه ايحامي المظلوم
وسفه انصار اخيي اتغسّلت بدموم
لاجن هذا من رب العرش حكمه
ـــــــــــــــــــــــــــــــــــ
وحده احسين ضل ومحّد ايعينه
يحارب ا ل اميّه وعينه اعلينه
يدرينه حرم واطفال يدرينه
ويدري اخلافه تبقه اطفاله متيتمه
ــــــــــــــــــــــــــــ

الشاعر /// محمد حسن ضيغم باز کردن / نظر دهید

2021-08-12 19:37:34 غيرتنه من غيرة علي وزود الكمر غذّانه
اتهلهل انجوم السمه من نهجم اعله اعدانه
ــــــــــــــــ
انصار الحسين ونعم نسمع صده من اطفوفنه
صارت عراضه بكربله وعين الاله اتشوفنه
بدال الهِدم نلبس جفن بيارغنه ذنّي سيوفنه
حي ابن ظاهر من اجه مهوال طب ميدانه
ــــــــــــ
الحر الرياحي بهوسته ومن هوّس اعله خشومهم
مثل النهر ضلّت تصب فوك التراب ادمومهم
بن العاص جدهم والسبب نزعوا اميّه هدومهم
وكل شخص منهم هل وكت صار الفشل عنوانه
ــــــــــــــ
ولن جون طب أبهوسته وعابس يكمل الهوسه
مو كاع جوّه اجدامهم كل جدم راس ايدوسه
بلادرع عابس من نزل شفاه الحسين اتبوسه
مجنون صاح بكربله والشاكري هذا آنه
ــــــــــــ
مسلم برز للمعركه بن عوسجه ويتباهه
جثّه اعله جثّه من العده مثل الدرج سوّاهه
والهوسه جانت ياعلي زينب منو اليدناهه
خيمتها كعبه الكل شرف والبيت نِعم اركانه
ــــــــــــــ
ولن وهب طب بهوسته وصاح الشرف عنواني
آنه حسيني المعتقد ما انحسب نصراني
والله لو اصبح وذر مابايع السفياني
وحسين من يوم المهد عل معتقد ربّانه
ــــــــــــــ
الشاعر محمد حسن ضيغم


https://t.me/kasaedalatharDaygham باز کردن / نظر دهید

2021-08-12 19:36:59 يازينب اتعرفينه ... مولاتي بس حشمينه

 انحامي اخوج اتدللي

                             مولاتي يا هيبة علي .... مولاتي بس حشمينه

ــــــــــــــــ

أحسين يم اخته وكَف ... يا عظم حال الَي انوصف ...وتناشده بدمعاتهه

يا خويه انصارك صدك .. للحرب هم عدهم عشك ...هم جرَبت نيَاتهه

ماريدك ابوحدك تضل ...يحسين يل بيك الامل ...زينب تجر حسراتهه

وحسين ناده اعضيده .... عباس اخيته اتريده

عباس احضر يالولي

                       مولاتي يا هيبة علي .... مولاتي بس حشمينه

ــــــــــــــــ

عباس اختك ناشدت ...خويه بنصرتي فكَرت ... وتناشد اعلنصاري

ينصروني باجر بالحرب ... لو شافوا الجمره تشب ... انصاري تطلب ثاري

عباس روحلهم يخي .... يل جنت للعيله انت في ....يلَي اتعرف بسراري

شوف الانصار وردَ الي .... عباس ياهيبة علي ... خيمه انت ادري الداري

دك صدره راعي الغيره ....وجهه لخيته ايديره

همَج يخيتي ينجلي

                            مولاتي يا هيبة علي .... مولاتي بس حشمينه

ــــــــــــــــ

راح الكمر وبهمته ... انصار اخيّه سمعته ...  من ناده يهل الغيره

حالا حبيب اتعنه اله ... كلّه يبن عقد الوله ... يانور هاي الديره

شنهي التريده بخدمتك ... خلينه نسمع جلمتك ...مو صرنه احنه بحيره

انصاري كلهه اتجمّعت ... للدنيه تعرف ودّعت ... حبهم صعب تفسيره

عفنه الاهالي وجينه ... نضحي من اجل والينه

هذا مُحبنه الاولي

                             مولاتي يا هيبة علي .... مولاتي بس حشمينه

ــــــــــــــــ

جاوبه زينب تنتظر ... زينبنه غاطيهه الصبر ...رادت تعرف الهمه

ناده حبيب الصحبته ... والصحبه كلهه تبعته ... ويمّه غدت ملتمه

كَلهم بنت حيدر علي ... يل بيكم الحكَ يعتلي ... حرّه تريد اتحشمه

 لو موت لو حتما نصر .... وبصوت نادوا هل عمر... نرخصه الك يابو اليمّه

كلنه فده المهيوبه ... تبقه الخيم منصوبه

وهل صرخه ضلّت تعتلي

                      مولاتي يا هيبة علي .... مولاتي بس حشمينه

ــــــــــــــــ

استرخصوا من الكمر ... وأتعنّوا ال ام الفخر ... ونادوا يبت والينه

اسيوف بيدين السبط ... هذا الامر حتما شرط ... بسوح الوغه تلكّينه

وانتي يهيبة فاطمه ... نطبكَلج ارض وسمه .... موتي بس حشمينه

والله نرخص هل مهج ... لعيون والد هل حجج ...وبكربله اتشوفينه

لا مانهاب اعدانه

كلنه فده المولانه

درب السبط واضح جلي

                     مولاتي يا هيبة علي .... مولاتي بس حشمينه

ــــــــــــــــ

الشاعر  محمد حسن ضيغم باز کردن / نظر دهید

2021-08-12 19:36:21 نعي
ليلة الانصار

صفوه والعگل بحسين دمهام
ويربي بالطفوف انصار دمهام
حلفوا گبله كون يسيل دمهم
وگبله اجساد توگع عالوطيه


عسى من صحتي كون الصحت الحسين
وعسى بالطف الدنيه صحت الحسين
شكبر حضي بچيت وصحت الحسين
شني آنه وزينب اتسلم عليّه

ـــــــــــــــــــــ

الشاعر محمد حسن ضيغم
https://t.me/joinchat/AAAAAD3arLByb3pZDNRJzw باز کردن / نظر دهید

2021-08-12 10:45:40 ابوذيات نعي الأستشهاد مسلم

مسلم ناره وسط حسين وجهه
وسلامه الصوب ذاك الضعن وجهه
بچه وللكوفه دار حسين وجهه
وصاح احاه ضل جسمك. رميه

…… ..

سره دمعه اعله خده ابحزن وحده
وحيد وضاف بنت اكرام وحده
بقه مسلم ابين الگوم وحده
نغدر والراس كطعوه ال. اميه

………

لعد دين الرساله مسلم آنه
ولعد كلمن يضدني مسلم آنه
صحت بالكوفه عمداً مسلم آنه
وبقت من عندي ترجف آل اميه

الشاعر محمد حسن ضيغم

https://t.me/kasaedalatharDaygham باز کردن / نظر دهید

2021-08-12 10:45:05 ابوذيات
ليلة مسلم عليه السلام

ـــــــــــــــــــــ
عليك الدمعه من عيني اهلهه
وعليّه اختلفت اشهوري اهلهه
الكوفه يا عزيز الله اهلهه
غدروني وحبل جتفوا بديّه
ـــــــــــــــــ
وحيد وتاره اون وابجي تراني
ويريت اعيونك الليله تراني
اخبرك من عكَب غدري تراني
أمن اعلى القصر طحت اعله الوطيه
ـــ

نعي ليلة مسلم بن عقيل


ياحميده الراح ما يرجع بعد
وهذا من الله يبت مسلم وعد
شبعد نترجّه من الدنيه شبعد
والسفير من القصر وسفه انشمر
ـــــــــــــــ
يتّموج وصرتي وسفه ابلا ابو
وبالطفوف هناك تبقي ابلا اخو
وانتي مسبيه تروحي ويالعدو
ياحيده وضاملج هيج الدهر
..............
من تطبّي الكوفه كَلبج يلتهب
تذكري مسلم بقه ابموقف صعب
تصيحي يابويه ودمع عينج يصب
يل عفتني وخاطري اعليك انكسر
ــــــــــــــ

الشاعر محمد حسن ضيغم

https://t.me/joinchat/AAAAAD3arLByb3pZDNRJzw باز کردن / نظر دهید