🌹تجمّع الزهراء ع للموالد🌹

2021-08-08 16:12:06 قصيده جديده
كتبت بتاريخ 8/8/2021
الساعه الثالثه والنصف عصرا


هذا دمك لو دمه امن عيوني
بجفّي اشوفه من مسحت اجفوني
يا اعز من الهوه ... دمك ودمي سوه
بجفّي اشوفه من مسحت اجفوني
ـــــــــــــــــــ
حيرتني ... من بعيد وتزحف ابعيني اشوفك
حيرتني ... تريد تنهض كَوّه تتوجّه ابجفوفك
حيرتني...تريد امشي وانه مااكدر اعوفك
حيرتني ..تعثّرت بلساني من ضيمي حروفك
تريد ترفع راسك تصد لينه
يهوه من يسمع ونين سكينه
السوط من شفته التوه .... دمك ودمي سوه
بجفّي اشوفه من مسحت اجفوني
ـــــــــــــــــــ
بلايه خيمه ...ادري صعبه تشوف زينب هل ظهيره
بلايه خيمه ...ابين هذا وذاك تنشاف الاميره
بلايه خيمه ...عكَب كافل خدري اتحوّل اسيره
بلايه خيمه ...هل ضعن مجهول من بعدك مصيره
ارد اجيلك خويه لاجن خوفي
تشوف جمرات الخيم بجفوفي
مثل جف امي انجوه .... دمك ودمي سوه
بجفّي اشوفه من مسحت اجفوني
ـــــــــــــــــــ
خويه اجيتك ...خطوه خطوه واركض ابين الاعادي
خويه اجيتك ... انه اخيتك ياحبيب الزهره انادي
خويه اجيتك ...حضّرت لحبالهم هاي الايادي
خويه اجيتك ... فدوه الك روحي وحياتي وكل اولادي
عمامتك يبن الوصي جا وينهه
ضلوعك ابحافرهم امطشّرينهه
يا مصيبة نيتوى ..... دمك ودمي سوه
بجفّي اشوفه من مسحت اجفوني
ـــــــــــــــــــ
رد على اختك ...من كعدت وناشدت شنهي الجرالك
رد على اختك ...ليش لازم خنصر اليمنه بشمالك
رد على اختك ...عن سبينه وغربتي الوالي اشحجالك
رد على اختك ... من اروحن منهو اليباري العيالك
منهو مثلك رمل وسط عيونه
ومنهو رفسات الشمر بمتونه
من وكَع راعي اللوه ... دمك ودمي سوه
بجفّي اشوفه من مسحت اجفوني
ـــــــــــــــــــ
الزمت نحرك ... قبّليته ودمعي يتجاري على خدّي
الزمت نحرك ...راح اخوي وصحت غيره هنا شعندي
الزمت نحرك ...ونملت دم ودمع يحسين ايدي
الزمت نحرك ...اه منك يا زمن ضليت وحدي
الدم ترس ايدي وترسلي اهدومي
وصت اسمع يالله زينب كَومي
خفت بعيوني الضوه ... دمك ودمي سوه
بجفّي اشوفه من مسحت اجفوني
ـــــــــــــــــــ
الشاعرر محمد حسن ضيغم

https://t.me/joinchat/AAAAAD3arLByb3pZDNRJzw باز کردن / نظر دهید

2021-08-08 15:32:33 نعي
ليلة الزهراء عليها السلام

الدنيه بحزني همها اتشوف راحات
وطبعت اعله الوجن باللطم راحات
صحت بويه الزجيه اليوم راحات
وبقت بنتك يتيمه بهل مسيه
ــــــــــــــــــــ
صحت تاني يجلهه ماتتنه
وجدم الحزن اشوفه ماتتنه
يبويه بهل مسيه ماتتنه
الحياة ولا حياة ابلا زجيه
ـــــــــــــــــــــــــــ


الشاعر محمد حسن ضيغم

https://t.me/joinchat/AAAAAD3arLByb3pZDNRJzw باز کردن / نظر دهید

2021-08-07 22:09:27 قصيدة جديده
6/8/2021
العاشرة ليلا
واسال الله القبول


حسين واحسيناه
ـــــــــــــ
طال انتظاري ومنتظر نظره
كل مجلس افرش كَلبي للزهره
وردة سنيني مناطره الكَطره
مرّه ابجي والطم عالصدر مرّه
همت .. بالمجالس
عشكَ ... جنّه عابس
الكَلب .. بحزنه اسود
شبيه ... للملابس
ــــــــــــــ
يل قاب قوسين اوصل كَلبي
وعاجز اوصّف ياخلكَ حبي
بس للمجالس عبّدت دربي
يا دمعه بس الزينبج صبّي
حسين ... ابن الزجيه
حشاه ... يرد اديّه
اذا ... عليه اقسم
بدمع ... سكنه ورقيه
ــــــــــــــــ
ارسم خيام اشما يطر صبحي
ومن تربتك انشر على جرحي
ياريت اموت بحسرتي ونوحي
ما اكو اغله لو لجلك صبح ذبحي
ردت .. نظر منك
حرام ... ابتعد عنك
أنه ... الجرحي نازف
لجل ... سبي ضعنك
ــــــــــــــــ
اتنطّرك وانتطّر المهدي
وبالصحره اكَعد الطم الوحدي
حروفك يخطها دمعي ابخدّي
والله غيرك محب ماعندي
حنين ... مالي غيرك
واضل ... آنه اسيرك
اتيه .... تجيبني انت
ابو ... اتحب زغيرك
ـــــــــــــــــــ
كلما شفت ضلعي اذكر ضلوعك
وأعله العقيله اذكر ادموعك
فوكّ الهزل من راحت اشموعك
شاغلني طول اسنين موضوعك
ذبيح ... دامي نحره
الخيول ... فوكَ صدره
الاشد ... اخته بالطف
سليب ... من تنظره
ــــــــــــــــ
الشاعر محمد حسن ضيغم
https://t.me/joinchat/AAAAAD3arLByb3pZDNRJzw باز کردن / نظر دهید

2021-08-07 13:22:18 السلام عليكم
سنستمر بنشر النعي ( ابوذية وأوزان اخرى )
لكل ليله من ليالي محرم
في كل ليله ان شاء الله
اشترك بالقناه ليصلك مايتم نشره
https://t.me/joinchat/AAAAAD3arLByb3pZDNRJzw باز کردن / نظر دهید

2021-08-07 12:44:40 خزعل البركي باز کردن / نظر دهید

2021-08-07 12:44:09 نعي
ليلة الانصار

صفوه والعگل بحسين دمهام
ويربي بالطفوف انصار دمهام
حلفوا گبله كون يسيل دمهم
وگبله اجساد توگع عالوطيه


عسى من صحتي كون الصحت الحسين
وعسى بالطف الدنيه صحت الحسين
شكبر حضي بچيت وصحت الحسين
شني آنه وزينب اتسلم عليّه

ـــــــــــــــــــــ

الشاعر محمد حسن ضيغم
https://t.me/joinchat/AAAAAD3arLByb3pZDNRJzw باز کردن / نظر دهید

2021-08-06 10:20:44 ابوذيات

ليلة ام البنين


يمن عد الله ما يوصف بختكم
چلمتي الماي وادريهه بختكم
اوصّيكم. يويلادي بختكم
وأعرف بيكم اتحفظوا الوصيه
……
اختل وكتي وظلام. انگلب ظهري
وأكل للروح من الجسد ظهري
على حسيني يناس انكسر ظهري
مثل ظهر الحسين ابفگد اخيه
ـــــــــ
نعي
ام البنين

رايح وراح ابقه الك مشتاكه
يامن اعليّه جبير افراكَه
حسين يبني كَلّي هم نتلاكه
لو أأيس يبني مامش جيّه
ـــــــــــــ
راح اناطر جيّتك يوليدي
ومن تردلي والله احني ايدي
انت وحدك يبو الاكبر عيدي
عيني الدربك تضل اربيّه
ــــــــــــــ
ريت ما اسمع خبر فوك الترب
طايح ومن منحرك دمك يصب
واختك بلا كافل اترافكَ غرب
والله صعبه بت علي مسبيّه
ـــــــــــــــ

الشاعر محمد حسن ضيغم

https://t.me/joinchat/AAAAAD3arLByb3pZDNRJzw باز کردن / نظر دهید

2021-08-05 17:43:37 ابوذيات
ليلة مسلم عليه السلام

ـــــــــــــــــــــ
عليك الدمعه من عيني اهلهه
وعليّه اختلفت اشهوري اهلهه
الكوفه يا عزيز الله اهلهه
غدروني وحبل جتفوا بديّه
ـــــــــــــــــ
وحيد وتاره اون وابجي تراني
ويريت اعيونك الليله تراني
اخبرك من عكَب غدري تراني
أمن اعلى القصر طحت اعله الوطيه
ـــ

نعي ليلة مسلم بن عقيل


ياحميده الراح ما يرجع بعد
وهذا من الله يبت مسلم وعد
شبعد نترجّه من الدنيه شبعد
والسفير من القصر وسفه انشمر
ـــــــــــــــ
يتّموج وصرتي وسفه ابلا ابو
وبالطفوف هناك تبقي ابلا اخو
وانتي مسبيه تروحي ويالعدو
ياحيده وضاملج هيج الدهر
..............
من تطبّي الكوفه كَلبج يلتهب
تذكري مسلم بقه ابموقف صعب
تصيحي يابويه ودمع عينج يصب
يل عفتني وخاطري اعليك انكسر
ــــــــــــــ

الشاعر محمد حسن ضيغم

https://t.me/joinchat/AAAAAD3arLByb3pZDNRJzw باز کردن / نظر دهید

2021-08-03 21:24:15 السلام عليكم
سنستمر بنشر النعي ( ابوذية وأوزان اخرى )
لكل ليله من ليالي محرم
في كل ليله ان شاء الله
اشترك بالقناه ليصلك مايتم نشره
https://t.me/joinchat/AAAAAD3arLByb3pZDNRJzw باز کردن / نظر دهید

2021-08-03 14:30:55 نعي عندما وصل الضعن لكربلاء


احنه الباري من ارسل وصلنه
يزينب هسه لرض الطف وصلنه
هنانه وسفه تتگطع وصلنه
ومن الطف يودّونج سبيه

ــــــــــــــــــــــــــــــ
يا هاي التألم الگلب يا هاي
مصايبنه وتشتت بال ياهاي
وصل للطف سأل هل ارض ياهاي
بچه لمّن سمع بالغاضريه

ــــــــــــــــــــــــــــ

للدخول لكربلاء

اول ماوصل ضعن ابو اليمه
صاح احّاه حيل وزاد همه
والعباس اجه ولن وكَف يمّه
وزينب تنظر وحيره ابفكرهه
ـــــــــــــ
سمعت كَال ابو اليمه كلامه
هنا تصبح اطفال النه يتامه
وابو فاضل بنه بيده خيامه
المنايه هنا زينب ننتظرهه
ــــــــــــــــ
بعد جم يوم وتحل البلايه
ولخوتج تلفي بالعاشر منايه
وانتم تمشوا للكوفه سبايه
البنات امدلله تمشي بيسرهه
ــــــــــ
الشاعر محمد حسن ضيغم
https://t.me/joinchat/AAAAAD3arLByb3pZDNRJzw باز کردن / نظر دهید