🌹تجمّع الزهراء ع للموالد🌹

2021-08-14 11:08:32 نعي
ليلة الانصار

صفوه والعگل بحسين دمهام
ويربي بالطفوف انصار دمهام
حلفوا گبله كون يسيل دمهم
وگبله اجساد توگع عالوطيه


عسى من صحتي كون الصحت الحسين
وعسى بالطف الدنيه صحت الحسين
شكبر حضي بچيت وصحت الحسين
شني آنه وزينب اتسلم عليّه

ـــــــــــــــــــــ

الشاعر محمد حسن ضيغم
https://t.me/joinchat/AAAAAD3arLByb3pZDNRJzw باز کردن / نظر دهید

2021-08-13 17:45:25 https://t.me/joinchat/AAAAAD3arLBوyb3pZDNRJzw باز کردن / نظر دهید

2021-08-13 11:29:36 بويه صح باجر اضل اوحيده
وبعد ما الزم اخيي من ايده
ـــــــــــ
بداعت عيوني التهل حاجيني
صدك باجر وحدي اتخلّيني
خلاف عبد الله منو ايسليني
زغير محلاه من اشمه ابجيده
ــــــــــ
رد عليّه وخلّي اسمع جلمتك
بويه لتصدلي وتكفكف دمعتك
صعب تكسر بويه خاطر طفلتك
اتعيفني واعرف السفره بعيده
ــــــــــــ
كلكم اتروحون بس ابقه أنه
يوم فركاكم احسبنّه بسنه
بويه اودع وياكم ايام الهنه
الدهر للفاكَد مناحه ايزيده
ــــــــــ
بويه خلّي وياي عبدالله الولد
وياه اتسلّه وأهز ليه المهد
تسولف عيوني العيونه لو كعد
يمته يرجع والدي وعضيده
ــــــــــ
بويه عبدالله اخيي وتدري بيه
أمن انولد لليوم متعوده عليه
اه لو خليت ايدي ابين اديه
احس دم كلبي نبض بوريده


الشاعر محمد حسن ضيغم
بعيني اشوف حسين من راح الحميده
كَعد يمهه براسهه ضل يمسح ايده
ــــــــــــــــــــ
راح يمها ومن مشى ضل ظهري محني
شابج جفوفه واحسّن خاب ضني
دموع عينه التهمل بكَلبي جونّي
كوّه حابس عبرته اووّنه يزيده
ــــــــــ
شاف من ابعيد طفله تريد ابوها
وتستحي اتناشدني بس نشدة اخوها
آه يا بت مسلم الّي دللوها
خلاف ابوها الطفله تتصور وحيده
ــــــــــــــــــ
حسين يعرف حال مسلم والجراله
اسع يكَلها ابوج آنه ابداله
بحضنه خلاها ودمع عينه تلاله
وكَله بويه سفرة الوالد بعيده
ــــــــــــــــ
من مسح راس الحزينه بجف يمنته
تكَلّه حال الوالد بفعلك عرفته
بويه يحسين اليتم هالساعه شفته
راح ابوي الناطريت اهلال عيده
ــــــــــــ
صرت عمي آنه انحسب من اليتامه
خلاف ابوي الليل عمّي ما انامه
دمعة عيونك يبو اليمه علامه
الكوفه غدرت والدي وانحز وريده
ـــــــــــــــ
الشاعر محمد حسن ضيغم
بلهفة ضنوني ,, ودمعة عيوني .. نخيتج
فدوه مولاتي ...اكَضي حاجاتي ... نخيتج
ـــــــــــــ
انتي ام الاربعه الكلهم نشامه
الضحّوا انفسهم لجل دين الامامه
اعليج بحسين الذي بكَلبج غرامه
خلّي بشفافي تضل دوم ابتسامه
كَلبي مو ذايب .. بهاي المصايب .. نخيتج
بفضيض دمعاتي ...اكَضي حاجاتي ... نخيتج
ـــــــــــــ
انتي باب الحاج ربّج خصّج بهاي
فضل هذا الفضل جيف اتحبّي مولاي
ارد اخبرنج همومي بكَلبي اهواي
ومنهن آنه يالحنينه امتيّه الراي
فدوه ارحميني ...بفرحه خلّيني ... نخيتج
صعبه مأساتي ...اكَضي حاجاتي ... نخيتج
ـــــــــــــ
يلّي متردّين واحد مدلج الايد
حتى لو كَلبه دعاج وهوّه ابعيد
ها يمولاتي ونيني بمحنتي ايزيد
غير عطفج لا يحره والله ما ريد
فرّجي الشدّه ..الدنيه مسودّه .. نخيتج
بلهب جمراتي ...اكَضي حاجاتي ... نخيتج
ـــــــــــــ
العايش سنينه بهظيمه ودمعه همال
ينطرج مولاتي انتي اتغيّري الحال
ماهجع من البواجي عندي دلال
بجاه ابو فاضل اريد المحنه تنزال
ما سكن روعي ... نشّفي ادموعي ... نخيتج
شكبر آهاتي ...اكَضي حاجاتي ... نخيتج
ـــــــــــــ
رافع اجفوفي وأنادي يم الاطياب
يلّي متسدّين مره بجفّج الباب
باب للحاجه وتعرفي شنهي الاسباب
ليش كَلبي بهل مصيبه واقعاً ذاب
جبري الخاطر .. بكَلبي الصابر ... نخيتج
وحشه دنياتي ...اكَضي حاجاتي ... نخيتج
ـــــــــــــ
الشاعر محمد حسن ضيغم
عليله ...ابجمرة احزاني
عليله ... وفاكَده اخواني
ــــــــــــــ
يا طيف مر اعله الجفن ....اوكحّل جفوني
بلجن انظر سلوتي .... وبطيفي يجوني
واخبرهم حالي صعب ... اهلي الفاركوني
وبيديه عباس الوفي ... يمسحلي عيوني
عليله ...افراكَه اذّاني
عليله ... وفاكَده اخواني
ــــــــــــــ
للباب ملّيت امنصد .... أي والحيره حييره
وحدي وكاتلني الهظم .... جي طفله زغيره
مسجونه ابدنيه قهر .. مو جنّي اسيره
والوالي راح وشني ... ما اعرف مصيره
عليله ...امغيّره الواني
عليله ... وفاكَده اخواني
ــــــــــــــ
المن احجي بقصتي .... ويسمعلي شكوتي
وحسين هم يسأل بقى ... وينادي طفلتي
ياريح روح الكربله .... اوبس وصّل حسرتي
واجروح مليان الكَلب ... خبّر فدوه عمتي
عليله ...الوالي خلاني
عليله ... وفاكَده اخواني
ــــــــــــــ
يا ليل تدري بالسهر .... مايرحم دليلي
وزغيره شكَد تنتظر ... شكد صعبه يليلي
عالعاف طفله بالنزل ... جم جمره ابغليلي
ويّاه ياريت اصبحت ... مئساتي ورحيلي
عليله ...وليلي بجّاني
عليله ... وفاكَده اخواني
ــــــــــــــ
ياريت يلفيني الاجل ...ولا حاله آنه اسمعه
مذبوح بالطف والدي ... وطحنوا ويلي ضلعه
وراسه انشال اعله الرمح.... والشامت يرفعه
وخنصر من جف يمنته ... بسيف الذل يكَطعه
عليله ...مصابه اذّاني
عليله ... وفاكَده اخواني
ــــــــــــــ
الشاعر محمد حسن ضيغم باز کردن / نظر دهید

2021-08-13 11:29:01 هذا مسلم هذا لوبوفاضل
ـــــــــ
مسلم بصولاته ...جن علي بشمراته
رفرفت راياته ...يمطر بصيحاته
جن علي بالكوفه ضل يقاتل
ـــــــــــــــ
من برز بالكوفه ...الجيش صار بخوفه
بس صفك بجفوفه ....الجيش تيه اصفوفه
زلمه صوته يزمخ علجاهل
ــــــــــــــــــ
الكوم بي محتاره ...مارجع بصراره
بحين شن الغاره ...الكل صفت طشاره
سودن اعداه وفلا ضل عاقل
ـــــــــــــــــــــ
كمر هاشم جنّه ...سوّه بيهم حنّه
من كدر يدّنه ...الجيش ينشد عنه
بصولاته ضل نسمع الهلاهل
ـــــــــــــــــ
تصيح حيهم طوعه ....اعداه بي مفجوعه
هوسته المسموعه .... انكتبت ابموضوعه
ياهو يكدر يبرز ويقابل
ــــــــــــــــــ
جن كمر طبّاهه ...جلغنم ساكاهه
نحور تجري ادماهه ... بس وذر خلاهه
وافجع بهل الرده القبائل
ــــــــــــ
مسلم السل سيفه ... اخذ منهم حيفه
الجيش صار بكيفه .... الجيش بيّن زيفه
عل ارض تارك دماهم سايل
ـــــــــــــ
الشاعر محمد حسن ضيغم باز کردن / نظر دهید

2021-08-13 11:28:28 مسلم يجيدوم ... حيل اكَصي بالكوم
طوعه وانادي بدمعتي
يل اسمك اصبح غيرتي
راح آنه اردد جلمتي .. ها يمسلم
ــــــــــــــ
طوعه آنه ها يمسلم ها يعنوان الوفه
الكوفه اهلهه ماترحمك تريد من دمك شفه
لاتقصّر وآنه اعرفك انت زود ومعرفه
من امامي هذا زودك هذا زود انوصّفه
لا ترحم اعداك ... دلالي ناداك
طوعه وانادي بدمعتي
يل اسمك اصبح غيرتي
راح آنه اردد جلمتي .. ها يمسلم
ــــــــــــــ
ها يمسلم انت حيدر توصف بسوح الحرب
منهو يدنه ويعتنيلك يرد جثه بدم تصب
يامناتي ونور عيني ونور شع بكل درب
شرف ليّه انت لمّن ضيف وبيتي تطب
نسل الامامه ... نلت الكرامه
طوعه وانادي بدمعتي
يل اسمك اصبح غيرتي
راح آنه اردد جلمتي .. ها يمسلم
ــــــــــــــ
شرّفتني ها يمسلم وشرّفت كل الاهل
ابيتي انت وعلي عمّك ونسلك وياه اتصل
آنه ضيفك الدار دارك طاعتك افضل عمل
جنّك انت لمن تحمل علي بزوده لو حمل
من حيدر الزود ... يا صاحب الجود
طوعه وانادي بدمعتي
يل اسمك اصبح غيرتي
راح آنه اردد جلمتي .. ها يمسلم
ــــــــــــــ
هاني يمك ما يعوفك هناي جاي ايناصرك
امل عنده وهو شيعي جاي يجبر خاطرك
يدري خصمك بهل مسيه كلهه جت اتحاصرك
عل اعادي بكل صموده تدري جاي يآزرك
اينصرك ايريد ... ميعوفك اوحيد
طوعه وانادي بدمعتي
يل اسمك اصبح غيرتي
راح آنه اردد جلمتي .. ها يمسلم
ــــــــــــــ

انت وارث زود عمك ومنك اتخاف العده
تسمع الكوم ابصداهه مسلم الضل وحّده
دموعي لجلك ها يمسلم كَطّرت مثل النده
وهذا صوتي بكل عزيمه يرجّع اعليه الصده
يل غالي حياك ... وبروحي افداك
طوعه وانادي بدمعتي
يل اسمك اصبح غيرتي
راح آنه اردد جلمتي .. ها يمسلم
ــــــــــــــ
الشاعر محمد حسن ضيغم باز کردن / نظر دهید

2021-08-13 11:27:53 ابوذيات
ليلة مسلم عليه السلام

ـــــــــــــــــــــ
عليك الدمعه من عيني اهلهه
وعليّه اختلفت اشهوري اهلهه
الكوفه يا عزيز الله اهلهه
غدروني وحبل جتفوا بديّه
ـــــــــــــــــ
وحيد وتاره اون وابجي تراني
ويريت اعيونك الليله تراني
اخبرك من عكَب غدري تراني
أمن اعلى القصر طحت اعله الوطيه
ـــ

نعي ليلة مسلم بن عقيل


ياحميده الراح ما يرجع بعد
وهذا من الله يبت مسلم وعد
شبعد نترجّه من الدنيه شبعد
والسفير من القصر وسفه انشمر
ـــــــــــــــ
يتّموج وصرتي وسفه ابلا ابو
وبالطفوف هناك تبقي ابلا اخو
وانتي مسبيه تروحي ويالعدو
ياحيده وضاملج هيج الدهر
..............
من تطبّي الكوفه كَلبج يلتهب
تذكري مسلم بقه ابموقف صعب
تصيحي يابويه ودمع عينج يصب
يل عفتني وخاطري اعليك انكسر
ــــــــــــــ

الشاعر محمد حسن ضيغم

https://t.me/joinchat/AAAAAD3arLByb3pZDNRJzw باز کردن / نظر دهید

2021-08-13 11:27:11 ابوذيات نعي الأستشهاد مسلم

مسلم ناره وسط حسين وجهه
وسلامه الصوب ذاك الضعن وجهه
بچه وللكوفه دار حسين وجهه
وصاح احاه ضل جسمك. رميه

…… ..

سره دمعه اعله خده ابحزن وحده
وحيد وضاف بنت اكرام وحده
بقه مسلم ابين الگوم وحده
نغدر والراس كطعوه ال. اميه

………

لعد دين الرساله مسلم آنه
ولعد كلمن يضدني مسلم آنه
صحت بالكوفه عمداً مسلم آنه
وبقت من عندي ترجف آل اميه

الشاعر محمد حسن ضيغم

https://t.me/kasaedalatharDaygham باز کردن / نظر دهید

2021-08-13 10:51:16 يبني اكعد يمي يا شمعة سنيني
ارد اكلك فدوه الك اربع بنيني
بجاه الدموع الي اتهلي
ردت الحبيب ايرد الي
ـــــــــــــــــ
ها يمن ساكن مهجتي وصرت معناة الحنين
يبني بجفوفي جبتلك نذر كل ذيج السنين
اربع اولاد الي عندي فدوه لجلك ياحسين
انه امك شرف اصبح وشرف انه ام البنين
يبني بس الاربعه ولو عندي اكثر
جان اقدمهم الك وبهاذي انسر
رب العباد ابحق علي
ردت الحبيب ايرد الي
ـــــــــــــــــ
يبني لوطول غيابك عيوني اضن تبيض عليك
طلب عندي ها يروحي والامل يوليدي بيك
يبني وديلي قميصك لان ما اكدر اجيك
حتى يرجع شوف عيني وابقه اشوف جفوف اديك
يبني من كد البجي تعمه النواظر
كلّي يوليدي شكثر الكم اناطر
خلّي الهموم ما تنجلي
ردت الحبيب ايرد الي
ـــــــــــــــــ
يبني يوسف ادري اخوته ابير ذبوه ابحسد
لاجن اولادي عكسهم هذا شفته من المهد
علسمك اينامون جانوا مو دللوه يالولد
انت صرت الروح الهم وهمه بعدك بس جسد
يبني والكافل جنت بالمهد اشوفه
لو سمع بسمك يضل يرفع جفوفه
هذا الشعور الاولي
ردت الحبيب ايرد الي
ـــــــــــــــــ
ها يمن رديت يوسف يا اله العالمين
ربي بحسين آنه احلفك كون يرجعلي الحسين
عمري فدوه الطاري اسمه سهله لو انطي البنين
انجان امرك ما يردلي واجل طابع علجبين
عمري اخذه وما اريد الدنيه بعده
بغيره ماكو الدنيه تدري الدنيه وحده
بدونه الحياة صدّك شلي
ردت الحبيب ايرد الي
ـــــــــــــــــ
عصابتي يوليدي اخذهه من تصل لرض االطفوف
بيهه اقسم عل أله اسرار بيهه اشكد تشوف
بيهه صورة عين تدمي وصوره مكطوعه الجفوف
وصوره بيهه اتضل وحيد وحاير ابين الالوف
يبني من حيدر علي جانت هديه
وبيهه سر من فاطمه الزهره الزجيه
صوتي الحزين ضل يعتلي
ردت الحبيب ايرد الي
ـــــــــــــــــ
الشاعر محمد حسن ضيغم








https://t.me/kasaedalatharDaygham باز کردن / نظر دهید

2021-08-13 10:50:36 سريعه على طور.... حبست دموع عيني عليك للشام... أيضا للجنامي

ضاكَت والفرج بس يمج انكَول
وانتي ام البنين وتكفي هايه
باب الحاجه انتي وفضلج جبير
واقع هذا مو قصه وروايه
متردّين واحد جاج طلاب
والنعمين يل بيج الكفايه
جم غايب رجع وشجم جرح طاب
المريض يكول بس يمج دوايه
ـــــــــــ
ضاكت وانتي تدري بشيعة حسين
من هاي الفتن حبكم عصمهه
تتطشّرهه الذنوب ودنيه والمال
ومجالسكم يمولاتي تلمهه
شما نغفل تجينه الصحوه ونعود
بس ام الحسن نندب بسمهه
لاجن مانعوف اقراية حسين
الشيعه بكل عزا خالد لطمهه
ــــــــــــ
عدنه حسين كلشي وكلشي الحسين
ومامش شي يغيرنه اعله حبّه
من ذيج العوالم نعشك حسين
وحك جف الكمر ابنج نحبه
نقبل نبتعد عن كل شي بالكون
بس حسين نعشك والله كَربه
على خدنه بدمعنه شما نجي نزور
اسم حسين والكافل نكتبه
ـــــــــــ
الشاعر محمد حسن ضيغم

https://t.me/kasaedalatharDaygham باز کردن / نظر دهید

2021-08-13 10:49:48 نعي لأم البنين



هاي ام البنين اشكد وفيه
راحت يم علي حامي الحميه
تكَله بهل طلب جيت المسيّه
بسم فاطمه لتناديني فدوه
ـــــــــــــــــ
يكلهه ليش بس ردي عليه
كَالت ياعلي ابدمعه جريه
خوفي اعله الحسن وحسين اخيّه
اسم امهم يخلّي حسين يهوه
ــــــــــــــــ
مااكدر اصد لحسين يبجي
وزينب يمّك بهل حاله تشجي
بذيج اللحضه ياكرار شحجي
بدون حسين عمري مضن يسوه
ـــــــــــــــــ
يمه رايح
راح اخبرك حالتي اخلافك عسيره
يمه رايح
عينك اعله حسين والحرّه الاميره
يمه رايح
انه ربّيتك واعرف كانت غيره
يمه رايح
مااريد ابعينك اتشوف الاسيره
يمه رايح
وبوجودك ما تضل ابلا عشيره

جواب
ها ييمه
فدوه روحي الروحهه الّي اتكفّلتهه
ها يممه
زينب اختي هيبتي ابراسي شلتهه
ها ييمه
من زغر وانه اخيتي ما عفتهه
ها ييمه
وياما ياما
بهاي اديني شرّبتهه

ـــــــــــــــــــــــــ
الشاعر محمد حسن ضيغم
https://t.me/kasaedalatharDaygham باز کردن / نظر دهید