🌹تجمّع الزهراء ع للموالد🌹

2021-08-12 08:22:12 بويه يا مسلم ... راحوا اخواني
عليهم بكَلبي ... زادت احزاني
ــــــــــ
مصيبتك بويه ... هدّمت حيلي
وتدري من بعدك .. مانمت ليلي
يا دموع العين ... عالوجن سيلي
مصابك او وضعك ... حيل اذّاني
ــــــــ
بويه وخواني ... الّموا كلبي
مدوهنه عليهم .. وتيّهت دربي
صحنت رد بيهم .. واندبت ربي
بخبر من عدهم .... تطفى نيراني
ــــــــــ
وتالي يابويه ... يا عزيز الروح
اسمعت واحدهم ... عل نهر مذبوح
عمري الباقي ... راح اخلصه بنوح
والحزن بويه ... يصير عنواني
ــــــــ
اتيتّمت بويه ... والحزن جتال
وانحرمت آنه ... من اخوني بهل حال
شلون ما ابجي ... ويشت عندي البال
والفرح بعدك .... وحدي خلاني
ـــــــــ
انه اخوتي ثنين ... اطفال ادريهم
لسّه بعيوني ... كل معانيهم
لون والله يصير .... بروحي افديهم
والاجل يا ريت .... هسه يلفاني
ـــــــــــ
الشاعر محمد حسن ضيغم باز کردن / نظر دهید

2021-08-11 20:48:47 نعي لليلة ابو فاضل

العباس


معقوله اشوفك

دامي بلا جفوفك

ما اكدر اعوفك

للطف يل جبتني

ــــــــــــ

صعبه هيج انظرك

وعبره التملي صدرك

خويه انسلب خدرك

ماصدّك عفتني

ـــــــــــــ

عينك صوّبوهه

زنودك كَطّعوهه

شوف اختك ولوهه

ازركَ خويه متني

ـــــــــــــــ

راح امشي سبيه

ومجتوفات اديّه

ومن سطروا رقيه

يكافل عاتبتني

ـــــــــــــ

ليله السابع

الحيل ابفكد ابو فاضل تردلا
ويرجع للخيم زينب تردلا
صاحت صوت ياخويه تردلا
اايس لو ترد للهاشميه
ـــــــــــــــــــــ
الكَمر من راح مهجه ماردلهه
وتبجي وتون بالطف ماردلهه
من صاحت يخويه ماردلهه
جواب بسبب مرمي اعله الوطيه
ــــــــــــــــــ





الشاعر محمد حسن ضيغم

https://t.me/joinchat/AAAAAD3arLByb3pZDNRJzw باز کردن / نظر دهید

2021-08-11 15:31:16 قريبا سوف يتم نشر قصيده المبدع
الملا حسن غسان الخاقاني باز کردن / نظر دهید

2021-08-11 00:12:27 السلام عليكم
سنستمر بنشر النعي ( ابوذية وأوزان اخرى )
لكل ليله من ليالي محرم
في كل ليله ان شاء الله
اشترك بالقناه ليصلك مايتم نشره
https://t.me/joinchat/AAAAAD3arLByb3pZDNRJzw باز کردن / نظر دهید

2021-08-10 22:20:03 ابوذيه
للانصار

انعرف فتنة اميه شرّ فتنه
وأنه امنصباي منك شرّف اتنه
يبو اليمه بوجودك شرّفتنه
وشرف لو روحنه الجدمك هديه
… .

الشاعر محمد حسن ضيغم

https://t.me/joinchat/AAAAAD3arLByb3pZDNRJzw باز کردن / نظر دهید

2021-08-10 16:43:47 والله ليله ...... بيهـــــه آلآم ومناحــه
والله ليله ... كَلبي ضل تنزف جراحه
والله ليله ... ما اشوفن بيهـــــه راحه ... والله ليله
ـــــــــــــ
ليلة العاشر جرح يدّي بدليلي
اكَبال اخوي حسين دمعة عيني سيلي
باجر يروح واحس وياه رحيلي
وراح اصيح بصوت منك آ يليلي
دمعي يجري ... شلون باجر ما اشوفه
دمعي يجري ... ابن امي اموت ولا اعوفه
دمعي يجري ... المحنه احجيهه بصراحه ... والله ليله
ــــــــــــــــــــ
بعيني لو شفته يريد ايودّع اخته
تصير ونّت روحي يم الغالي سكته
اقره جلمات الوداع ابنص نظرته
مكّدر انظرله لما ايودّعهه بنته
تذوب روحي ... بالخيم لو ودّعاني
تذوب روحي ... بالحجي يعجز لساني
تذوب روحي ... طير وتكسّر جناحه ... والله ليله
ــــــــــــــــ
بخيمتي من يكَعد اكَبالي ابونينه
يكَلّي اودعج جيت زينب يالحنينه
ادري بيج من القهر روحج حزينه
والله مكَدر آنه احط عيني ابعينه
ريت اموتن ... ولا يجي اليوم الاودعه
ريت اموتن ....عمري يمّه ايذوب شمعه
ريت اموتن ... وليلي ما يطلع صباحه ... والله ليله
ــــــــــــــ
ليلة اموادع حبيبي وي الغوالي
حسين خويه شلون اضل ابلايه والي
عصر عاشر ما يضل عزّي ودلالي
شلون بيّه لو يردّ المهر خالي
الظليمه ... يصيح مهرك من يجيني
الظليمه ...كَبل دمعي اتطّيح عيني
الظليمه .... موتتي امن اسمع صياحه .. والله ليله
ـــــــــــ
خويه باجر لا كمر لا خيمه عندي
الخيل تسحكَ صدرك ودمعي اعله خدّي
قصّتي ودرب السبي اعرفهه تبدي
راح اضل ابكربله يبن امي وحدي
وراح اودعك ... عالهزل يل ودّعتني
راح اودعك ... يشبه المنحرك متني
راح اودعك .... سهم حزنك كَلبي لاحه ... والله ليله
ــــــــــــــ
الشاعر محمد حسن ضيغم باز کردن / نظر دهید

2021-08-09 20:43:05 سؤال: لماذا تبدأ مجالس العزاء في الأوّل من محرّم مع أن الحسين عليه السلام استشهد في اليوم العاشر؟
جواب: وردت روايات عن أهل بيت العصمة والطهارة تؤكد بأنهم عليهم السلام كانوا يبدأون أحزانهم من اليوم الأول من شهر محرم، منها ما ورد عن الإمام الرضا عليه السلام:
كان أبي (صلوات الله عليه) إذا دخل شهر المحرم لا يرى ضاحكًا، وكانت الكآبة تغلب عليه حتى يمضي منه عشرة أيام، فإذا كان يوم العاشر كان ذلك اليوم يوم مصيبته وحزنه وبكائه، ويقول: هو اليوم الذي قتل فيه الحسين (صلوات الله عليه).
والشيعة يتبعون أئمتهم فيبدأون أحزانهم من اليوم الأول من محرّم.

https://t.me/joinchat/AAAAAD3arLByb3pZDNRJzw باز کردن / نظر دهید

2021-08-09 15:12:19 وي ليلي اسولف عن هظم ذيج الرزيه
اصحى وانام واذكرج يالغاضريه
ـــــــــــــــ
شما يكَبل امحرّم عَلي وبعيني اشوفه
اذكر اخيي ومحنتة ولوعة طفوفه
وعباس يم النهر مرميّه جفوفه
ياحسرتي وعينه بسهم ضلّت رميه
ــــــــــــــــــــــــــــ
حين الاصد اهلال شهرك يا محرّم
بخدودي تنزل من محنتي دمعتي ابدم
اذكر غربتي ولوعتي بذاك المخيّم
بثيابي اشوفن تشتعل نار السريه
ـــــــــــــــــــ
اسهر الليل بدمعتي واذكر المنه
وعالنهر شفته كافلي ويمّه علمنه
ما ينحمل لا والنبي هذا هظمنه
هاي الحرم متروّعه من آل اميّه
ـــــــــــــــــ
الهلال ليهل ما اريد ابعيني اصدله
ياريت ميته اخلاف اخوتي وموش عدله
مصاب الّي شفته يا خلك ماصار مثله
آنه العقيله ابلا اهل واصبح سبيّه
ـــــــــــــــــ
الديوان ذاك الي البي زلم شفته بعيوني
فوكَ الالم فوكَ الحزن تنزف متوني
راحوا هلي وحدي صرت لا ما يجوني
بت حيدر نادوا عليّه الخارجيه
ـــــــــــــــــــ
الشاعر محمد حسن ضيغم باز کردن / نظر دهید

2021-08-09 11:55:37 على لحن يا زهره الروح
عفتيني مذبوح
للملا مرتضى حرب



شما انظر هلال
وحده الدمع سال
ترجع عليّه اجروحي .... من فاركَت مذبوحي
وحده الدمع سال
ــــــــــــــ
عشت المصايب كل وكت والهم ذبحني
وهلال حزني شما يهل عمداً جرحني
كَدام شماتي دمع عيني فضحني
اسكت واحس يرجع الم من هذا متني
الطف يرجع اردود
والطم على اخدود
علحسين ازيدن نوحي .... من فاركَت مذبوحي
وحده الدمع سال
ــــــــــــــ
شكَد ساهرت ليلي بحزن والحيره حيره
وما انسه من يوم الرحت عنهم اسيره
يضربون متني وانجتف وآنه الاميره
يا كربله ومصايبج كلفه وجبيره
يرد حركَ الاخيام
ومرعوبه الايتام
بكَد كربلاء جروحي .... من فاركَت مذبوحي
وحده الدمع سال
ــــــــــــــ
ياطف جروحك بالكَلب ما تشفه بيّه
لسه انظر حسين بقه جثه رميه
اصحه وانام ودمعي يكتب غاضريه
وبس الحزن من الزغر لايكَ عليّه
تمنّيته موتي
من شفت اخوتي
شكَد شلتي هم ياروحي .... من فاركَت مذبوحي
وحده الدمع سال
ــــــــــــــ
يهلال اصدلك واكَعد وايدي اعله خدي
اتذكّر بحين الرحت للكوفه وحدي
حين الوصلت الكربله اخوان عندي
رحت وعفتهم علثره ومذبوحه ولدي
الفاركَ اخته
من التل ندبته
جمره الديلي لوحي .... من فاركَت مذبوحي
وحده الدمع سال
ــــــــــــــ
عين وتصد ذيج الخيم من شبّت بنار
والثانيه اتصد للنهر وكَليبي محتار
بلاجف جفيلي والحسين اموذّر اوذار
والحافر ابصدره شفت ضل تارك آثار
هم اركبت نوكَ
وهم ادخلت سوكَ
زينب لخيّج روحي .... من فاركَت مذبوحي
وحده الدمع سال
ــــــــــــــ
الشاعر محمد حسن ضيغم

https://t.me/joinchat/AAAAAD3arLByb3pZDNRJzw باز کردن / نظر دهید

2021-08-09 09:16:55 على لحن
يايمه شلون
لمرتضى حرب


ياخويه حسين ياخويه حسين ...ماصدّك منذبح ..ياخويه حسين
دمعات العين دمعات العين ...فزّزن كل جرح ... دمعات العين
ـــــــــــــــــــ
آنه اختك يبو اليمه وصعب انظر مصابك
نايم عالارض خويه وخذوا منك ثيابك
ناديت وعجز صوتي وفلا ردلي جوابك
يل احمر صبح لونه قميصك من خضابك
سلّيت الروح سلّيت الروح ..عالغبره مرتمي ... سليت الروح
وكَلبي المجروح كَلبي المجروح ...وبفكَد الهاشمي . كَلبي المجروح
ـــــــــــــــــــــــــ
آنه الماحسبت ابقة عكَب عينك غريبه
آنه امدلله حيدره صرت ام المصيبه
وأخيامي يبو الاكبر صفت جمره لهيبه
وانت اعله الارض شفتك صرت جثه خضيبه
محتاره اليوم محتاره اليوم ... آنه بطف كربله .. محتاره اليوم
ياريت تكَوم ياريت اتكَوم ... وتشوف العايله .. ياريت تكَوم
ـــــــــــــــــ
دنياتي صفت ظلمه وعلي وكتي تغير
من شفت الضعن مثل الخرز بالطف تطشر
وانت البيك امل شفتك جسد دامي وتوذر
وعباس الكفل اخته على الشاطي تكنطر
وبلا جفين وبلا جفين ...كفّالي عالنهر ... وبلا جفين
ومصيوبه العين ومصيوبه العين ... لاجن ليّه اعتذر.. مصيوبه العين
ــــــــــــــــ
يحسين الكَلب ينزف يبو الروح الحنينه
الحكَ زينبك ضلّت تون حيل وحزينه
ياخويه وعلى الناكَه خذونه امجتفينه
واعرف عينك بحسره تصد حاله سكينه
مجتوفه شلون مجتوفه شلون ... بنتك من تنسبي .. مجتوفه شلون
بسوط يضربون بسوط يضربون ... وانطبع عل عبي .. بسوط يضربون
ـــــــــــــــــــ
يحسين العجب كل العجب يغلى الحبايب
لو ناده الشمر صوت على ام المصايب
وباجر يا رفيف الدم اضل اسكن خرايب
وانظر مجلس الطاغي واضل اجرع نوايب
من يضحكون من يضحكون ... والرجس يشتمت ... من يضحكون
مخطوف اللون مخطوف اللون ...وجه اختك لو شفت ... مخطوف اللون
ــــــــــــــــــ
الشاعر محمد حسن ضيغم

https://t.me/joinchat/AAAAAD3arLByb3pZDNRJzw باز کردن / نظر دهید