🌹تجمّع الزهراء ع للموالد🌹

2021-07-29 20:15:12 يامحرم اخذ منّي احچايه
لو اموتن هم اسوّي اقرايه
…… .
حسين غالي والعمر كلش رخيص
وانه گلبي اعليك وايامك. حريص
الزهره تنشر بيك. لحسيني القميص
بسطح داري شلون. ماحط رايه
…… ..
يامحرم انه احسبلك ايام
عام يخلص وأرجع احسب يلفه عام
گلبي جمره أمن اهد جمرات الخيام
أمن اهد چم صرخه اعله المسنّايه
…… ..
يامحرم هو عايش،آنه ليش
غير چي بدموعي عالخدّر اعيش
بغير تعزيّاتنه اتهنّه بيش
بلايه مأتم ماردت دنيايه
…… ..

يا محرم لاتضن يمنعنه شي
الاعمه لو يحضر عزا يطب عينه ضي
من لهيب اذنوبنه بس انت فَي
مو وسيله المجلس اصبح غايه
ـــــــــــــــ
نفصّل امن ادموعنه سود الثياب
ومن تحت جدم اللطم ناخذ تراب
وين نبضنه اتعيش ايام المصاب
ومعتقدنه العزا والمشايه

ـــــــــــــــ

الشاعر محمد حسن ضيغم

https://t.me/kasaedalatharDaygham باز کردن / نظر دهید

2021-07-29 20:14:40 يا محرم
ياشهر بيك المصيبه
يا محرم
دمعتي ضلت سچيبه
يا محرم
بيك صرت آنه غريبه
يا محرم
وجثة الوالي سليبه
يا محرم
والخيم باجر لهيبه
يا محرم
الهادي من ينظر حبيبه
يا محرم
شيبته بالدم خضيبه
يا محرم
والكَمر دامي عجيبه
يا محرم
كَلبي ما يبطل نحيبه
يامحرم
والدي من وين اجيبه
ــــــــــــــ
الشاعر محمد حسن ضيغم باز کردن / نظر دهید

2021-07-29 12:30:47 قصيده ليوم الغدير

مبروك مبروك تنصيبك علي
بالروح بالروح افديك وهلي
نعم الولايه .... علي
منصبك اَيه..... علي
مبروك مبروك تنصيبك علي

شيعه ومحبين جينه لبيعتك
فرحانه الاملاك الليله هنتك
يلوك هالتاج وتزهي عمامتك
ياابا الحسنين كلنه بشيمتك

حامل الرايه..... علي
نور الهدايه...... علي
مبروك مبروك تنصيبك علي

ياامل هالناس دنيا واخره
كل لعادوك رجعوا ليوره
والينتخي بيك انت تنصره
ونفتخر بيك واسمك مفخره
يانور العيون ....علي
بيك انه مجنون ...علي
مبروك مبروك تنصيبك علي

يابطل صفين وتشهد خيبره
وبدر وحنين شسطر حيدره
يرجف الأبطال ليث القسوره
مثلك من الناس ماجابت مره
وبعيدك اليوم ....علي
تنزاح الهموم......علي
مبروك مبروك تنصيبك علي

نفتخر للدوم جي شيعه الك
أمير عالكون والله تلوك الك
رغم اليعادوك ربك فضلك
إيات للناس ربك نزلك
انت املنه ...علي
تشفع النه.... علي
مبروك مبروك تنصيبك علي

حجيه سميره
ام حسين الأسدي باز کردن / نظر دهید

2021-07-28 23:18:08 للغدير نكتب
حبا بأمير النحل

علي مو احنه انتخبناه انتخاب
علي من الله فرض تنصيبه
هي موش ابكيفنه كي ننتخب
وهاي ماتحمل شكوك وريبه
علي الله اختاره والي اعله الوجود
وبعد طه المصطفى ترتيبه
علي سر الاعظم وماي الحياة
الميّت ايفز اسمه كون يجيبه
...........
علي اول ماله ثاني ولا اخير
الثاني بس ابنه الحسن يصبح خلف
التشم ريحة عطره جنات الخلود
شجاب يمّه الاصله منهو ماانعرف
علي نعمة ربنه واسمه اسم الاله
شما جبت اسم النبي اعليه انعطف
هو لو ما حيدره بذاك المكان
ياهو شايل شوكَ بي لرض النجف
ــــــــــــ
بالغدير الامر من رب العباد
راد يلقي الحجه عل نكروهه
واحنه من الذر هتفنه انحب علي
الشيعه بيعة حيدره علنوهه
ثمنطعش ذي الحجه عيد الله الجبير
اتجدد الشيعه العهد تلكَوهه
الما يبايع حيدره كلنه نكَول
روحوا لمّه عن ابوه سألوهه
ـــــــــــــــ

الشاعر محمد حسن ضيغم https://t.me/kasaedalatharDaygham باز کردن / نظر دهید

2021-07-28 22:07:47 باز کردن / نظر دهید

2021-07-28 18:54:22 النعمة الغديرية


نزل جبريل ال محمّد بشّره
تمت النعمه بولاية حيدره

بايعنه علي .. والينه علي

علي علي علي
علي علي علي




نزلت بشاره على الهادي البشير
كمل دين الله علي اصبح امير
النعمه تمت يوم بيعة الغدير
عيد للاسلام ابد ماله نظير

قائدنه علي .. عاهدنه علي ..

علي علي علي
علي علي علي



الكون مسرور لعلي حامي الحمه
بايِعو اهل الارض واهل السمه
بهل ولايه الدين الله يتممه
الواله حيدر ماتمسه الحاطمه
يحضرنه علي .. ينصرنه علي ..

علي علي علي
علي علي علي




انّي بايعتُ علياً وافتخر
دنيتي . وآخرتي . وبيوم الحشر
ياعلي احضرني اريدك بالگبر
عمل ماعندي ولاينفع عذر

بحماية علي ..
بولاية علي ..

علي علي علي
علي علي علي




بايعت حيدر اميرالمؤمنين
ياولي الله والحق المبين
شهِدت روحي الك بالنشئتين
حيدر الكرار ياكهفي الحصين

علي نفس المصطفى بس مو نبي
مايهمني شما يگول الناصبي

حصني ياعلي ..
ادركني ياعلي

علي علي علي
علي علي علي






ابن عم المصطفى وحامل لواه
ناصَر المختار وبروحه فداه
بلهوات الحرب مافارس سواه
علي واشباه الزلم كلهه وراه

غداً اعطي الرايه وفلان ارتعب
دار وجهه المدري ياديره هرب

للشدّه علي ..
الحل عِدّه علي ..

علي علي علي
علي علي علي



يامحمد للملا اعلن خبر
للحجيج اليوم بلغ من حضر
صار امير المرتضى لكل البشر
الما يوالي حيدره حتماً خسر

واحنه بالاصلاب والينه علي
بعالم الارحام حبينه الولي

هويّتنه علي ..
قضيّتنه علي ..

علي علي علي
علي علي علي




اللهم اشهد أني بايعت عليا



أم محمد الحجاج/ العبادي باز کردن / نظر دهید