فَكِّرْ

2022-04-08 14:40:44 مكانتج يم الله ورسوله وملائكته مكانة جبيرة وعظيمة، مكانتج بالمجتمع مكانه مُحترمة وعالية، مكانتج ويا نفسج ثمينة ومو أي احد يكدر يحصلج ويتقربلج

لا تخربين هاي المكانة بتصرفات طفولية، شو بس اني محد كتب اسمي على الجكارة، شو بس اني محد كتب اسمي على جامة السيارة، شو بس اني محد حط صورتي بمحفظته.

ذني سوالف ما تليق بيج، أنتِ آكبر من هاي الأمور.

#أدركي_مكانة_نفسج

وكلكم عيوني. باز کردن / نظر دهید

2022-04-07 20:33:48 ببداية رمضان أنتشرت سالفة التحشيش والميمز بالطائفية بين السنة والشيعة، وشفنه هواي ناس ضحكت وبالمقابل اكو ناس ضاجت لأن تتحسس.

بالنسبة الي أني أشوف الموضوع رائع.
يعني شلون رائع احمَد؟
بفترة سابقة من الفترات المظلمة المرّت على العراق، جانت الطائفية هيّ الترند، ناس تنذبح لأن شيعة وناس تنذبح لأن سنه، ناس تكتل ناس وناس تهجّر بناس، جانت سنين مرعبة والكل بوقتها ما متوقع راح تنتهي هلفتره وترجع الگلوب تتصافى.

فكرة تحويل الطائفية الي تسببت بقتل الاف الناس الى موضوع فكاهي تحشيشي هدفه السخرية، أشوفها فكرة رائعة وذكية،
يحتاجلها أشخاص واعيّن ناضجين يعرفون ان الدينشّر الهدف منه الضحك مو الإساءة لطائفة معينّة.

وإن شاء الله اليوم المبارك يجي ونفرَح بدخول السنة للإسلام

احبكم وأنتم عيوني. باز کردن / نظر دهید

2022-04-07 15:33:51 اني اشوف الناس حساسين، وراح اضربلك مثال
تخيل فد يوم امك مالحكت تسويلكم غده، فبالرجعة تكلك تعال ابني روح جيبلنا فلافل سفري، دخلت للمطعم كتله الصاحبه بدون زحمة عليك اريد فلافل بخمستالاف دينار، وراك بدقيقتين دخل واحد كله اريد عشرين لفة سفري، فصاحب المطعم كام يمشيه قبلك، راح تعصب وتكله ليش مشيته قبلي مو سرايه هو ؟ يتفاجئ صاحب المطعم يضرب ايده على كصته ويكلك والله اني اسف اخوية ولا أنتبهت
يجي عليك يريد ياخذ من خاطرك وتمنعه بإيتسامة ويكلك حقك عليه دقايق وامشيك
ساعتها شراح تحس ؟ راح تحس أمتلكك بأسلوبه، وتكله على راحتك ماعندي شي، ومو بعيد تصير زبون دائم للمحل وتظل دائماً تجي.
الأسلوب هذه يخلي الواحد يصحى .
-تعرف اكو وحدة تبقى سهرانة للصبح من وره وحده كلتلها سمنانه لو طالعلج كرش !
زين تخيل واحد نفسه تنسد ولكمه مياكل ويبقى يباوع على اهله وعلى نفسه بالمراية لان كتله غير ملابسك مو مال هيج طلعة وهو على كد حاله.

مرات نشوف الموضوع ميستحق زعل الكدامنا وهو مكبر الموضوع، بس احنه مو هو
عمرك شفت واحد عنده مغص حسيت بالمغص مالته ؟
الهالسبب قاري حديث للنبي يكول خاطبوا الناس على قدر عقولهم، واليقصده مادام عقله تقبل فهم المقابيل ومشاعره تنجرح من كلمة معينه منحجيها حتى لو شفناها طبيعية بالنسبة النا.
ماكو شي اسمه ماكو داعي تشيل بخاطرك، لان هو صاحب ردة الفعل مو انت !

كل فعل نسوي نجربه على روحنا، حط نفسك بدال الشخص المقصود، راح تنجرح لو لا ؟ زين التصرف الفلاني راح يضايقني اذا صار ضدي ؟ ونبقى نقيس على كل شي.
الأسلوب هو اليحكم على جمال الشخص، لأن اَي انسان اول أمنية يتمناها بأنسان هي شخصيته، والأذن تحب قبل العين
اذا تصرفك وكلامك حلو
راح تظل حلو حتى لو شكلك عادي.
واليمتلك احساس وأسلوب احسن من مليون واحد يمتلك بيوت وقصور .

وكلكم عيوني باز کردن / نظر دهید

2022-04-06 03:18:22 باز کردن / نظر دهید

2022-04-05 15:42:42 ممكن طلب؟
1:- تفضل
2:- عيوني الك

الأولى والثانية نَفس المعنى، لَكن مو نَفس الشعور، بالثانية الإنسان - مهما يَكُن درجة قربك او بعدك عنه - راح يشعّر براحة بالطَلب، حتى إذا كان الطَلب بسيط جدًا، واذا كان يفوق مقدرتك ما راح ينقهر، لأنَّك اجبرت خاطره بالبداية...

الإنسان عباره عن مشاعر، يوكف على كلمة جارحة وعلى نظرة ماحلوه، أختاروا أجمَل وأرقى الكَلمات من تتعاملون ويا الناس، انطوهم أحترام وحُب وابتسموا بوجوهّم دائمًا، إبتسامة اخلاقية تعبّر عَن تربية اهلَك وتعبهم بيك.
حسسوهم أنَهم مُهمين، اوكفوا وياهم بمشاكلهم وأصغوا لكلامهم
صَعب جدًا من يكون الإنسان بمُشكلة والعالم الخارجي يسيّر بكل إنسيابية ومحد مكترّث إلهم
من تشوف شَخص يحتاج مُساعَدة وجاي متعني الك لمطلَبه
گله عيوني الك

وكلكم عيوني. باز کردن / نظر دهید

2022-04-05 01:01:27 من الله يرزقك ويفتحها بوجهك اخذ الوالدتك فراش جديد تريح بي جسمها الكريم، وصلحلها غرفتها اذا تكدر تبيضها وتصبغها
وجدد بملابسها اليومية وحذائها. مرة دشداشة ومرة سجادة، واذا الله رزقك اكثر اجبر خاطرها بقطعة ذهب تجدد بي حيويتها وترجعها لشبابها.
وفاجئ والدك بنظارة جديدة غير هاي اليلبسها
، وكل فترة اشتريله شي يحبه، سبحة لو دشداشة واهتم حتى بجواريبة اليلبسها يومية، وكل مايخلص عطرة فاجئة بوحدة جديدة
ودواه اهم من المي التشربة.
لتتصور ابد اكتفوا بالحياة لان أكلوا كل شي وشربوا كل شي، هم أولى بكل شي بالحياة واسأل الناس الفقدوهم .
واذا مزعلك واحد من اخوانك صالحة الخاطرهم، خليهم يرتاحون على بنيانكم قبل الرحيل
قبل سنتين غسلت والد صديقي الله يرحمة وشفت ابنه يبوس برجليه ويمسح بيها وجهه، كلت ويه نفسي شكد حلو هالشي بس يصير احلى من تسوي وهم عايشين .
واحد ثاني يسولفلي، يكول رحت للبيت شفت امي نايمة وبردانة ، كلتلة نمت من وكت ومااكدر أغطي نفسي بالبطانية

احفظ امك وابوك بلطفك وعطفك، قبل لتكعد بيوم متندم على كل دقيقة راح تعيشها بدونهم .

وكلكم عيوني. باز کردن / نظر دهید

2022-04-04 20:36:08 رسالة يتيمة الى والدها الراحل. باز کردن / نظر دهید

2022-04-02 20:28:19 خلي عندك خط احمر خاص بيك لتخلي أحد يتعداه
، لأن كل مراح تتقدم بعمرك راح تكتشف ان الراحه بالمساحات، وراح تلكي القريب منك صار كلش بعيد، الرسائل التعيسه اللي من ناس مريضة احذفها لتخليها تأثر عليك، ضحكتك هيّ احلى ما بيك، لتخلي أحد يمسحها من على وجهك، لتنطي هواي فرص، إذا مالكيت تقدير إبتعد، إبتعد وخلي كل واحد يعرف قيمته الحقيقية، لتضغط على نفسك علمود ناس يردون يخسروك بكل الطرق، خلي نفسك عزيزه واليدور غلطك اغلط كدامه وخله يروح،
لمن تحس اللحظات وياهم صارت مُرهِقة وثكيلة إبتعد، لمن تحس المكان ما يناسبك ومايليق بيك غادر من عنده،
انتَ تستحق الأحسَن، الأحسَن دائمًا

وتذكر الإنسحاب من حياة بعض الناس ما يعني الإستسلام ابدًا، بل الأغلب يعني أنَك صمدت هوايَ علمود شي ما يستحق.

وكلكم عيوني. باز کردن / نظر دهید

2022-04-02 15:26:14 "كلمة حق يُراد بها باطل"

صراحة حيل اضوج من الولد اليكلولي بنهاية علاقاتهم، احمد اني جنت احبها لدرجة جان ممكن اخطأ وياها (وهنا يقصد يمارس وياها بالحقيقة)
بس ماسويت هلشي لأن اخاف عليها.

اولًا شكرًا لأن سيطرت على نفسك وماسويت فعل تتندم عليه بعدين،
ثانيًا ليش تحسسني انتَ الطرف الوحيد الشريف بعلاقتكم، تره مو انجاز أنك ماسويت شي حرام وماعصيت الله،
المفروض والطبيعي أنَك تكون هيج، مُعتدّل ومتحكم بنفسك وتحميها وماتسوي شي غلط.

بعض الأشخاص يردون يبينون همه الأوفياء ويمنّون علينه بهذا الشي، لمجرد ما خانوا ولمجرد ما سووا خطأ جبير، وبرأيي هذا فعل أقبح من الخطأ ذاته.

رمضان كريم
وكلكم عيوني. باز کردن / نظر دهید

2022-02-26 13:45:40 شتريد تسوي سوي، شتريد تگول گول
لأقصى مراحل الرعونية والزعططه أوصللها، لأبعد نقطة بالحيونه والإستهتار أوصللها

بس اترجاك لا توصل لمرحلة تخليك تتخذ من الفتيات الأوكرانيات محتوى إثاري وكوميدي حتى تضحك جنابك السفيه
وتضحك جماعتك لو كم تافه مثلك.

هذوله ناس عدهم إحساس ومشاعر وعدهم ألم عميق، دا يعيشون حرب فتاكة، صواريخ وقذائف ما توكف ليل نهار، خاتلين بالملاجئ ويتمنون ما يموتون فقط، وانتَ هنا بأسوء بقعة جغرافية بالعالم، تنشرلي بالفيسبوك صورة بنية أوكارانية وتكتب عليها اريد اروح اتطوّع، أريد اروح احارب، وتعال افتحولي الحدود خل يجن يمنه الأوكرانيات.

طيحلا حظك هم شكد عديم مشاعر وتفكر بس بغريزتك. باز کردن / نظر دهید