صوت الجامعة

2022-08-29 02:58:51 باز کردن / نظر دهید

2022-08-29 02:57:04 باز کردن / نظر دهید

2022-08-29 02:56:50 بأسمى أيات الفخر نبارك للدكتورة زينب إلياس خريجة كلية الطب بجامعة الرباط الوطني والدكتورة لميس عبدالكريم خريجة كلية طب الأسنان بجامعة الرباط الوطني

“زينب الياس رئيساً للجمعية السودانية لروابط طلاب الطب دورة ٢٠٢١ -٢٠٢٢ حيث تمثل وتقود اكثر من ٧٠٠٠ طالب/ه طب في ٣٧ جامعة على مستوى السودان”

“لميس عبدالكريم انتخبت رئيساً للاتحاد العالمي لطلبة طب الأسنان - جنيف حيث تقود اكثر من ٢٠٠ الف طالب/ه في ٦٤ دولة في العالم”

وده ملخص بسيط جداً عن مسيرة زينب ولميس:

زينب الياس رئيس الجمعية السودانية لروابط طلاب طب في السودان :

تخرجت من كلية الطب جامعة الرباط الوطني Class of 2022
مهتمة بالصحة العالمية وصحة المجتمع وحقوق الانسان والتطور المهاري
تم بحمد الله انتخابي عضو بالمجلس الاستشاري للاتحاد العالمي لرابط طلاب الطب للدورة ٢٢-٢٤
يضم الاتحاد العالمي لروابط طلاب الطب أكتر من ١٤١ جمعية وطنية بأكتر من ١٣١ دولة حول العالم
تم تعييني كرئيس للجمعية السودانية لروابط طلاب الطب للدورة ٢١-٢٢
تضم الجمعية السودانية لروابط طلاب الطب حاليا ٣٧ جامعة وكلية في مختلف أنحاء السودان وأكثر من ٧٠٠٠ طالب طب بيعملو في العديد من المشاريع المختصة بالصحة العامة، التعليم الطبي، الصحة الانجابية والايدز، حقوق الانسان والسلام، التبادل البحثي والطلاب
سابقا عملت:
- كمنسق اقليمي لقارة أفريقيا بالاتحاد العالمي لروابط طلاب الطب للدورة ٢١-٢٢
- نائب رئيس للشؤون الخارجية بالجمعية السودانية لروابط طلاب الطب للدورة ٢٠-٢١
منسق وطني لحقوق الانسان والسلام للدورة ١٩-٢٠
ممثل المنسق الوطني لحقوق الانسان والسلام للدورة ١٨-١٩
نائب رئيس محلي للشؤون الداخلية للدورة ١٨-١٩
منسق محلي لمكتب حقوق الانسان والسلام للدورة ١٧-١٨

“لميس عبدالكريم رئيس الإتحاد العالمي لطلبة طب الأسنان” :

منذ تأسيسها في عام 1951.. أول رئيس للإتحاد العالمي لطلاب طب الأسنان IADS من أصول إفريقية؛ د. لميس عبدالكريم الشيخ.. الرئيس السابق لجمعية طلاب طب الأسنان السودانيين SADS 21/22; ونائب الرئيس للشؤون الداخلية للإتحاد العالمي لطلاب طب الأسنان IADS VPIA للعام 21/22.

قبل عام من الآن كُنا نحتفل بـ "د. لميس الشيخ" ك أول طالبة سودانية تشغر منصب نائب الرئيس للشؤون الداخلية (الأمين العام) للإتحاد العالمي لطلاب طب الأسنان؛ وها نحن اليوم نحتفل بها ك أول رئيس للإتحاد العالمي من أصول إفريقية وسودانية وكلنا فخر بأن دولة السودان هي من كسرت هذا الحاجز. د. لميس الشيخ المتميزة دوماً ك عادتها فازت بهذا المنصب بتصويت غالبية الجمعية العمومية (عدد ٢٢ دولة، مجمل ٤٣ صوت) لها؛ أثناء المؤتمر ال"69” للإتحاد العالمي لطلاب طب الأسنان المُقام بدولة كازاخستان في الفترة من ١٤ أغسطس وحتي ١٩ أغسطس.

بدأت رحلة د. لميس الشيخ -الطالبة حديثة التخرج من جامعة الرباط الوطني- منذ عام 2016، تدرجت من مشاركتها في معظم برامج الجمعيةAs Volunteer لعضو في مكتب العلاقات الخارجية Member of EAO ثم منسق مكتب البحث العلمي الوطني NSO ثم نائب رئيس الجمعية Vice President وأخيراً إختتمت المشوار بكونها رئيس الجمعية السابق ٢٠٢١ SADS Immediate Past President .. وتشهد لها جمعية طلاب طب الأسنان السودانيين؛ بالعمل الجاد المُحترف والعطاء المتواصل طيلة سنوات خدمتها اللامُتناهية للجمعية ولطلاب طب الأسنان في كل أنحاء السودان.. مسيرة 6 سنوات واجهت فيها ما واجهت، وأنجزت وغيرت وأضافت الكثير والكثير للجمعية وكانت بصمة حقيقة وأساسية لكل إنجاز حُقق …

تغمرني السعادة وانا بشوف خريجاتنا في اعلى المناصب وهن قائدات حرفياً بمثلوا في بلدهم وجامعتهم واقرانهم في كل المحافل دي

مبروكات كتارات زينب ولميس ومن نجاح لي نجاح يا رب واي زول في الرباط تحديداً حيشوف البوست ده حيحس بي نجاحكم والمجهود التراكمي الحصل منذ التاسيس من زمن بنقعد تحت الشجر وورا مجمع القاعات واجتماعات بالدس ومنع النشاط داخل الجامعه وانو الليله بنياتنا وصلوا المراحل دي بمجهودهن وقدرتهن

فخورين جدا جدا بكم وبي كل خطوه وتعب وسهر وسفر وليال طوال قضيتوها الف الف الف ترليون مبروك

مَولايَ إِنَّ الشَمْسَ في عَليائِها أُنثى... وَكُلُّ الطَيِّباتِ بَنات باز کردن / نظر دهید

2022-08-28 01:45:38 باز کردن / نظر دهید

2022-08-28 01:45:30 هوَ حفار اذاً هوَ خسيس !..
......
السلامُ عليكم و رحمة الله و بركاته
.....
حفار !
كلمة كان لابد نقف عندها مراراً مراراً ...
الحفار هو الشخص اللي بكون ماكل المقررات اكل ... الزول " القراي " ... جنو قراية و دايماً شايل مراجعه ، دا حسب التعريف العالمي طبعاً !!
بس كمان عندنا أصحابنا كدا بكونوا اليوم كله حايمين و صايعين و صور و ما فايقين للقراية حتى ! و نجي نلقاهم مستلمين البورد و البرايزات !!...
دقيقه دقيقه !؟ دا حصل كيف ؟؟ ياااااه دا صحبي زاتو ال كان معاي اليوم كلو خماسيات و بليستيشن !! كيف بس كيف ؟؟
عملها كيف الخسيس دا ؟؟؟..
معقولة كان غاشيني !!؟
كنت بتقرا من وراي يا خسيس ؟؟؟..
و خلاااص يا حليله زولنا بقا اسمه " فلان الحفار المندس "
......
من جانب تاني !
الحفر يا شباب و الدراسة عموماً بتختلف من زول للتاني ! و كمان ما ننسى ارادة ربنا و توزيع الدرجات دي على الناس
عندي صحبتي دايماً دايماً حايمة بمراجعها و اليوم كلو بتقرا بس درجاتها ما على قدر قعدتها مع المراجع !
و سبحان الله صحبتي التانية م بتقرا خالص !! و مستلمة البورد كمان !!
بس هل معناه هي خسيسة ؟ داسة قرايتها من الناس ؟؟ هل القراية عيب لمن يدسوه ؟ ...
لالا .. الموضوع م كدا ...
الأمر و ما فيه ان ربنا سبحانه و تعالى موزع لينا نسبة الفهم و سرعة الحفظ دي بطرق مختلفه ...
في مننا ال محتاج يقرا مرة و مرتين و تلاتة ...
في مننا البشوف المرجع مره واحدة و خلاص يثبت في دماغة ..
و في ال ما بشوف المرجع اصلاً ! بس يا سبحان الله مخه بكون مسجل المحاضرة تسجيل !...
....
صحبك لمن يقول ليك انا ما قاري و انت تنوم على قفاك و هو يجيب معدل و انت م تجيب دا م معناها صاحبك طعنك في ظهرك لأ أبداً والله !! دا انت ال طعنت نفسك ...
لأنو قدراتك و قدرات الإنسان دا م واحده !...
فما تباري كلام الناس و القاري و الما قاري ...
أعمل العليك ..
و اجتهد عشان بكرة م تجي تلقا نفسك في ال " black list " براك !
و من ناحية تانية ...
صحبتك اللي بتبكي اليوم كله و شايفه نفسها م قارية و انتِ شايفاها قارية دي أبداً ما " خسيسة " زي ما انتِ قلتي !!! ...
بس دي بتشوف العملتوا كله ما كفاية و دايرة اكتر من كدا
فوقفوا تصفوا بعض بالألفاظ ال ما حلوة دي !
اللي بتقول عليه جحاد دا م جحاد بس عاوز الزيادة في العلم
لكن الجحاد انتَ ... اللي ربنا أكرمك بعقلك و انت مستغله اليوم كله في " فلان و علان !" ...
استغل قدراتك دي في المحل الصح و م ح تندم
و اتذكروا دايماً ...
قبل اي حاجة ...
القصة دي توفيق من ربنا
فيبقى انت تعمل بالاسباب ، تجتهد ، تتعب ، تدعي .. و ح تُجانب بإذن الله
.....
و لكل زول عنده امتحانات في الفترة الجاية عسى ربنا يوفقك و يثبتك و يعلي معدلك
اتذكر ...
القراية ما صعبة ..
صعبة القعدة للقراية
عشان كدا انت أبدا ... و كلو ح يعدي و ح تبقا حكاوي
...
و ربنا يدينا قدر تعبنا في المواصلات و أكتر
و الى حين آخر ...
السلام

صوت الجامعة صوت كل طالب باز کردن / نظر دهید

2022-08-28 01:44:54 باز کردن / نظر دهید

2022-08-28 01:44:46 محاضرة الجهاز العصبى كل اربعاء بقاعة حسين محمد احمد دياب بمعهد الشول لتنمية القدرات البشرية ،الدعوة موجهة لكل طلاب الطب من كل الجامعات، وكذلك نواب الباطنية باز کردن / نظر دهید

2022-08-28 01:44:37 جامعة شندي تقر لائحة لإعفاء وتخفيض الرسوم الدراسية للطلاب المعسرين على مستوي طلاب القبول العام "بكالوريوس" مراعاة للظروف الإقتصادية التي يمر بها الطلاب وأولياء أمورهم ..


صوت الجامعة صوت كل طالب باز کردن / نظر دهید

2022-08-27 01:11:32 باز کردن / نظر دهید

2022-08-26 18:53:56 وصل جثمان الشهيد محمد عبدالقادر الزين الملقب بـــ"الجعلي" طالب بجامعة الجزيرة ؛ لموطنه بمنطقة الدامر وسط حزن كبير خيم على أهله وزملائه الطلاب..

الشهيد من طلاب الدفعة (41) دبلوم تقنية المعلومات بكلية العلوم الرياضية والحاسوب بجامعة الجزيرة ..

الشهيد وُجد مغدوراً في دار إيواء المشردين بالقرب من برج الجزيرة، وهو من الشباب النشط في العمل الطوعي وكان عضواً بمنظمة أبطال الشوارع التطوعية.

وعبر أهل الشهيد عن شكرهم العميق لزملائه الذين رافقوا الجثمان، ولإدارة الخدمات الصحية بالجامعة التي وفرت الإسعاف..

وأدانت قطاعات واسعة مقتل "الجعلي" وطالبت بتحقيق عادل وشفاف في هذه الجريمة.

"له الرحمه والمغفره و العتق من النار اللهم آمين"

صوت الجامعة صوت كل طالب باز کردن / نظر دهید