انت تستطيع _ 𝒚𝒐𝒖 𝒄𝒂𝒏.

2021-09-25 22:01:34 "المذاكره "

ازاى يكون عندك شغف للمذاكره؟!


_متذاكرش مذاكره روتينيه وتحفظ وتكتب وبس من غير م تفهم.

_افهم كويس وبسط المعلومه واشرحها لنفسك بصوت عالي نسبيا بحيث يثبت (لو حد سمعك من أهلك هيقول عليك اتجننت بس عادي )

_خلي في كلمات سر ف كل ماده وجمل خاصه بيك...... مثلا يعني.(هقولكم جمله كنت بفتكر بيها حقب الحياه القديمه ف السلم الجيولوجي بس محدش يضحك ماشي! ... " كرش سيد كبر " ايوا هيا زي م قريتها ..
ومش هفسر ايه ده اللى ف علمي علوم عارف البتاع ده رخم اد ايه.. بس لما كنت بحدده بكلمات تضحك وتسهل عليا، كنت براجعه ف دقائق لأنه سهل بالنسبالى)... اهو ده اللى اقصده.. يعني اللى يعتبك ، اربطه بحاجه عمليه او شئ متعود عليه، حاجه سهله يعني.

_خلى عندك قوه ملاحظه، وخليك واعي ف مذاكرتك ومركز واربط ما ببن كل معلومه جديده بالقديم .

_اعمل مخططات.. واتعود الدرس لما تخلصه مذاكره... خد المفيد منه ف ورقه كده ودبسها ف أول صفحه ف الدرس مكان م بتذاكر .. بحيث وقت م تتنزق ف امتحان درس.... تقري الباب وتذاكر المفيد بس بتاع كل درس وتحل.


_سهل الأمور ع نفسك وبلاش التوتر والخوف اللى يسبب ليك عدم تركيز وشتات.


_أهم حاجه يكون عندك حسن ظن بالله ويقين أنه هيستجيب لدعائك ويوفقك!


#بالتوفيق



┏━━━ ━━┓
彡 @You_Can21
     ┗━━━ ━━ باز کردن / نظر دهید

2021-09-24 20:32:38 - انا مش عارف اذاكر.
= أى اللى يمنعك أنك تذاكر.
- مش عارف بذاكر كا أنى مش بذاكر، كانى مبعملش حاجه وقت بيضيع على الفاضي .
=طيب اقولك موقف حصل معايا يمكن يفيدك؟!.
- قول لك .
=أنا كنت زيك كده بالظبط وكنت دائماً بغلط وبعانى فرحت اقول لشخص عزيز عليا جداً فبقوله انا لى مش عارف اذاكر، مش عارف احل وانتم بتعرفوا تحلوا، فقالى سمعت عن قصه الكمبيوتر اللي هزم بطل العالم في الشطرنج؟!.
فجاوبته بحزن لا، فقالى كان في كمبيوتر قعد يلعب مع نفسة ويغلط ويغلط ويسجل ملاحظات ويحاول ويسجل لحد ما وصل لطريقة لعب بطل العالم في الشطرنج وقدر انه يهزمه،وقتها بجد انه كان خايف علي مصلحتى لما قالى كده خدت كلامه وقلت أنا مش قليل واقدر اعمل اى حاجه بإذن الله وبدات اجيب اسئله صعبه جداً واحاول فيها لوحدي، مهما كانت صعبه واغلط وادور واسجل غلطى لحد ما احلها رغم انها تاخد وقت كبير جداً بس في الآخر بحلها، اللي بحاول اوصلهولك إنك تقدر تعمل كل حاجه اغلط وصحح، اقع وقوم، اغلط وسجل غلطك متفضلش تقول مش عارف مش هنجح، الدكتور إبراهيم الفقى قال مقوله حلوة أوى "لو جبت شخص وفضلت تقوله أنت حمار على طول وجيت بعدها بفترة تقوله اسمك اية هيقولك حمار، لأن عقلك بيسجل اللي بيتقاله" فلما تفضل تقول مش هعرف أنت فعلاً مش هتعرف، توماس اديسون اللي اخترع المصباح قال انا مفشلتش انا اخترعت 1000 طريقه لايمكن للمصباح العمل بها، عشان كده ديما قول انا هقدر، انا هوصل انا هحقق حلمى بإذن الله .

#بالتوفيق.

┏━━━ ━━┓
彡 @You_Can21
     ┗━━━ ━━ باز کردن / نظر دهید

2021-09-24 19:50:46 لما يكون عندك حماس وهمه وناوي تذاكر كويس وتجهز مكانك وتحضر كتبك والفون جنبك!!

ايه اللى بيحصل؟!

بتلاقي كل حاجه ضدك ف الحال ده... ممكن الشيطان يتغلب عليك ويقنعك انك تفتح تسمع فيديو تحفيزي وتقفل... وهوباااا بتلاقى فيديو جاب فيديو... وعدت ساعه.. اتنين وانت لسه قدام كتابك ومبدأتش.

_ممكن تلاقي زميلتك اللى اديلكوا كتيير متكلمتوش بعتت مسدجات ف الوقت ده، ويبدا الشات م بينكم والوقت بيعدي...


_ممكن تدخل جروب وتلاقي فى شات وتنضم للكلام وتندمج أوي حتى لو حل مسائل.. ويعدي الوقت وانت مش واخد بالك..


وممكن... وممكن... وممكن كتييير.
أصل الفون أكبر عامل مساعد ف تضييع الوقت وبالأخص للناس اللى ف الأساس معندهاش شغف للمذاكره.


الفون+ مذاكره... مش هينفع

ف نصيحه اقفل فونك... والأفضل إنك تبعده عنك خااالص لحد م تخلص وافتحه...

لما بنحدد وقت للمذاكره الغرض منه ان الكل يقفل الفون ويذاكر بجد ويفتح لما يخلص....)


#بالتوفيق..


┏━━━ ━━┓
彡 @You_Can21
     ┗━━━ ━━ باز کردن / نظر دهید

2021-09-24 18:47:10 بصي علشان تذاكري من غير مللي حولي علي قد ما تقدري انك تربطي المذاكرة دي بالحياة العمليه مثلا عندك في الرياضه الاحتكاك وبنشوف الاحتكاك كتير في حياتنا لو تطبقي اللي بتدرسيه علي حياتك العمليه ياااه تبقي وصلتي لقمة المتعه في المذاكرة
وكمان حبذا بقي لو بتبدئي مذاكرة كدا تصلي علي النبي وبين كل مادة ومادة تقرئي صفحتين من المصحف ياااه بقي راحه ومتعه غريبه الشكل ولو استمرتي علي دا هترتاحي جدا
وكمان ساعه المذاكرة بعد الفجر بساعتين بالليل بدل ما تنامي متأخر لا نامي بدري واصحي صلي الفجر وابدئي مذاكرة كدا يبقي فل قوي باز کردن / نظر دهید

2021-09-24 18:41:45 مش لوحدك صدقيني بس اصبري علي نفسك ومش ترهقيها ادام بتذاكري وبتعملي اللي عليكي وممكن مثلا ادام طريقه المذاكرة دي مش فعاله شوفي طريقه غيرها ممكن يكون العيب انك بتذكري غلط اصلا
ولو شايفه نفسك بتذاكري كويس جدا وبرضو في حاجات بتقف معاكي حاولي مرة واتنين وتلاته ومش تزهقي وفي يوم هتوصلي لمرحله انك خلاص من شكل السؤال تعرفي هتعملي ايه وتبدئي من فين ولكن دا بالحل الكتير والصبر
في جمله ديما مستر الفيزياء يقولها لينا ديما يقول اااه لو تصبروا بس
ويقصد ان كل درس بيبدأ صعب ومع الحل خلاص بتلاقي الدنيا ماشيه وبتعرفي تحلي مثال بسيط انه اول السنه مسائل التوالي والتوازي كانت رخمه ولكن بالحل الكتير الطالب اكتسب خبرة ممكن يحل المسأله بالنظر
و علشان كدا لازم تشتغلي علي نفسك اكتر واتعبي واعرفي ان ربنا مش هيضيع تعبك وهيقف جنبك ويوفقك باز کردن / نظر دهید

2021-09-18 18:30:04 ؟؟!
‏قم وامسح دموعك ولا تكن متشائمًا
فالحلمُ إن ساعدته يتحقق
┏━━━ ━━┓
彡 @You_Can21
     ┗━━━ ━━ باز کردن / نظر دهید

2021-09-18 18:24:10 البوست ده للناس اللى مبدأتش مذاكره لسه،،،، أو اتراكم عليها كتير .



مستني ايه؟!
انت مستني لحد لما يعدي شهر والتانى وتنصدم انك ف وقت المراجعه ومش عارف تعمل ايه؟!
لا بجد يعني ليه سايب نفسك لحد دلوقتي...'


فوق يبني انت وهو وهي كده الله يكرمكم.


... لنفترض إنك مذاكرتش خالص ولا بدأت لسه هتعمل ايه!

هقولك...)


دلوقتي انت المدرسين بتكمل وبتاخد جديد والقديم مش مذاكره ف متغلطش غلطه أكبر وتسيب اليأس يتملك منك ومتذاكرش خالص!


اعتبر إنك بدأت تالته من النهارده..وكل درس جديد تاخده هتذاكره علطول(ممكن تفلت منك اجزاء،بسيطه من الجديد مبنيه ع القديم اللى مش مذاكره بس متقلقش هتتذاكر وتتفهم بعدين).....، وتذاكر جزء من القديم....وليكن مثلاً ف الأحياء مخلص باب(الدعامه والحركه) وبدأت ف التانى(الهرمونات).....هتذاكر اللى هتاخده ف الهرمونات أول بأول وتذاكر معاه خمس صفحات من الدعامه....مش هتكمل أسبوعين وتكون مخلص القديم ومنتظم ف الجديد وهكذا ف كل ماده....وبكده انت مش ضاغط نفسك اوى ولا حاجه.


وطبعا بيكون في يوم ع الأقل فاضي ومفهوش دروس...ممكن تستغله كويس وتحل فيه على اللى اخدته ف كل ماده حتى لو امتحان بسيط.



ونفترض افتراض كمان (استحملونى شويه معلش)....مثلاً لو اللى متركم عليك انت مش فاهمه أصلا وصعب تذاكره وحدك........سهله.اسمع شرح يوتيوب قبل م تذاكر.




#بالتوفيق



┏━━━ ━━┓
彡 @You_Can21
     ┗━━━ ━━ باز کردن / نظر دهید

2021-09-18 17:55:46 : اذا فشلت في تحقيق أحلامك فغير أساليبك وليس مبادئك.
.. فالأشجار تغير أوراقها وليس جذورها.
𝑖𝑓 𝑦𝑜𝑢 𝑓𝑎𝑖𝑙 𝑡𝑜 𝑎𝑐ℎ𝑖𝑒𝑣𝑒 𝑦𝑜𝑢𝑟 𝑑𝑟𝑒𝑎𝑚𝑠 𝑠𝑜 𝑦𝑜𝑢𝑟 𝑚𝑒𝑡ℎ𝑜𝑑 𝑖𝑠 𝑛𝑜𝑡 𝑦𝑜𝑢𝑟 𝑝𝑟𝑖𝑛𝑐𝑖𝑝𝑙𝑒𝑠 𝑡ℎ𝑒 𝑡𝑟𝑒𝑒𝑠 𝑐ℎ𝑎𝑛𝑔𝑒 𝑡ℎ𝑒𝑖𝑟 𝑝𝑎𝑝𝑒𝑟𝑠 𝑛𝑜𝑡 𝑟𝑜𝑜𝑡𝑒𝑑
┏━━━ ━━┓
彡 @You_Can21
     ┗━━━ ━━ باز کردن / نظر دهید

2021-09-18 17:40:23 Becoming what you want and straw to you the iron
بالصبر تبلغ ما تريد وبالتقوي يلين لك الحديد

┏━━━ ━━┓
彡 @You_Can21
     ┗━━━ ━━ باز کردن / نظر دهید

2021-09-17 22:33:12 اتبعتلى أكتر من مسدج ع صراحه مضمونها "بذاكر ماده ع حساب ماده تانيه" ايه الحل؟؟!


_نتكلم بالمنطق شويه.... كل المواد عليها درجات وكلها هتمتحن عليها ف بالتالى المفروض اللى عنده هدف انه يجيب مجموع معين مش هيقصر ف أى ماده.


_فعلياً المفروض كل ماده تاخد وقت محدد ف المذاكره... عملياً فى ماده ممكن الباب يتذاكر فيها ف ساعات محدوده جدا وماده الباب بياخد منك يومين وتلاته بل وكل ماده فى باب او وحده بتفرق عن غيرها.


ف المفروض تعمل ايه بقى؟؟!

_تذاكر أول بأول وتدى كل ماده حقها ووقتها اللى بعد م تذاكر تقدر تقول لنفسك أنا ذاكرت... بس كده

ايوا يعنى ازاى؟!

_يعنى الفيزياء مثلا بتاخد وقت بسيط جدا ف المذاكره بس الحل كتييير ف تديها وقتها..... الجيو مثلا بتاخد وقت أطول ف المذاكره لأن ع الرغم من ان فيها أسئله محتاجه حد مركز شويه إلا إن اغلبها حفظ وكل واحد وقدراته... ولو جينا للحل فهى اى اختبار بسيط ع الدرس مؤقتاً هيفى بالغرض والحل هيزيد لما تخلص فيها كميه.



امتى ازود وقت المذاكره لماده معينه!!

_لما تكون الماده انت ضايع فيها من أول السنه او معندكش الأساسيات والمعلومات اللى المفروض تكون عارفها
وقتها هتضيف وقت ليها كل أسبوع بحيث خلال شهر تظبط معاك..



أتمنى أكون وفيت ف الرد ولو جزء بسيط....)


#بالتوفيق



┏━━━ ━━┓
彡 @You_Can21
     ┗━━━ ━━ باز کردن / نظر دهید