نشر قصائد حسينيه مع الاحان

2022-07-06 14:10:22 #تراث

حميده اشما تشوف حسين ابو اليمه يجي يمـهـا
تـذكر عودهـا وتسيل دمعتهـا بوجـه عمهـا
ــــــــــــــــــــــــــــــــــــــ
حميـده مـن تشـوف حسـين عمهـا تـسـيـل دمعتهـا
وتـذكـر عـودهـا الـي جـان سـهـران علـى راحتهـا
وعمهـا مــن يشـاهـدهـا يصـوت ويـن عمتهـا

يزينب سكتي الطفله
عليهـا مبينه الذله
بلـچن بيچ تتسله

وبلچـن تـخـف ونتهـا وبـواچيهـا ويـخـف هـمهـا
ــــــــــــــــــــــــــــــــــــــ
تكلـه ابـيش اسـليها وهـي تبـجـي علـى والـدهـا
ودمعهـا بكثـر جروانـه يخويـه اثـر بـخــدهـا
يخويـه حسـين للكوفـه وي ابنـك علـي ودهـا

تـره علـى فـراك ابوهـا تمـوت
يخويه شـو تـون بسـكوت
وتجــري دموعهـا بـلا صــوت

خـل ابنك يخويـه بيـد والدهـا يســلمها
ــــــــــــــــــــــــــــــــــــــ
تغـير حال ابـو السـجاد علـى الطفلـه وابوجيهـا
وراد حسـين للطفلـة علـى الفركـه يسليها
بعون الله يحصـل طارش لوالــدهـا يوديهـا

بعـد لا تضـل ملهوفـه
لا بـد توصـل الكوفه
لاچـن عودهاتشوفه

يـولا جـرح والـدها يضـل كلســاع يلجمهـا
ــــــــــــــــــــــــــــــــــــــ
ضـلت واعله كـل طـارش حميـده عيونهـا تـربـي
وتجـري دموعها وتصيح علـى عـودي انخمـش كـلـبـي
إكــولـن يــوم المبــارك عليــه بـي يمن ربــي

وشوفن والدي بعـيني
وحـــاجي ويحـــاجيني
وكلـه لـيش ناسيني

مـن مثـلـك لعد بتـه حنانـه اشـلون يحرمهـا
ــــــــــــــــــــــــــــــــــــــ
تصـيح هنـا يعـمـي حسـين مـاجتي مـن ابـوي علـوم
عجـب لا خـبـر لا طـارش مـن يـوم المشـه لليـوم
يعمـي والدي وحـده وأخـافن يـغـدروه الگوم

وحده ولا أو خـو يـمـه
مـن اخوتـه ولا بـنـي عمـه
علـــــــی بختـــك لا يبواليمه

تعـرف بلـدت الكوفـة وتعـرف غـدر وادمهـا
ــــــــــــــــــــــــــــــــــــــ
ولـــــو ردت لعمتهـا تـرد ودموعهــا تجـــري
ابوهـا عـدل يـو مجتـول مـتحيره ومـا تـدري
تصيـح هـنـا يعـمـي ضـاك علـى فـراك الـولـي صـدري

اضـل برجـا يعـود النـه
يـولا اكطع الضنه
يعمه ايست منه

يعمه وجبدتي بفراك ابوي الدهر سمها
ــــــــــــــــــــــــــــــــــــــ
حميدة وزينب بهل حال ولن صوت ابو اليمه يصيح
حميدة وكامت الطفله وكلسا من هضمها اتطيح
ومن صدت لعد عمها ومن شافت ادموعه تسيح

صاحت يافخر غالب
عليمن هالدمع ساجب
يعمي والدي غايب

يعمي ودمعك اليجري بجبدي النار يضرمها
ــــــــــــــــــــــــــــــــــــــ
الي هاي الدهر ضمها وبعدني خايفه من البين
تهون مصيبتي بس كون يسلم راس عمي حسين
هاذي طلبتي من الله لاچن هاي تحصل وين

حميده جان رجواها
عمها حسين يرعاها
تالي الـــدهـــر خــلاهـا

يتيمة وعودها مسلم وعمها حسين يتمها

المرحوم الحاج مُعين السباك

#اللهم_عجل_لوليك_الفرج باز کردن / نظر دهید

2022-04-22 16:01:09 انت شيخ الطايفه وهيبة عربنه
ياعلي وبس انت التعيش بكلبنه
ياعلي ياعلي
00000000
علي ياهيبة سلفنه وبيك شنهج راسنه
علي يملوحة حجينه وياشريج انفاسنه
علي حبك بالولاده طب كلبنه وجاسنه
علي بيك الدين كاشخ يالملكة حساسنه


انت نور الله علي الضوه دربنه
ياعلي وبس انت التعيش بكلبنه
ياعلي ياعلي

0000000
علي سر الله العظيم المايصح تفسيره
علي واحد علي قائد علي مامش غيره
علي حته الطير ياكل جان من يم خيره
علي من يعله عليك وانت شيخ الديره


انت شيخ وصايتك هيه التلمنه
ياعلي وبس انت التعيش ابكلبنه
ياعلي ياعلي

000000
علي بامر الله ورسوله الكون كله ابكيفه
علي كــــض الفلك بيده مثل كضت سيفه
علي بس حيدر يعرفه وسر صعب تعريفه
علي جفنك الله بــــــــــس لي يمر ابطيفه


واحنه جي نهواك ياحيدر ربحنه
ياعلي وبس انت التعيش ابكلبنه
ياعلي ياعلي
0000000
علي المايهــــــــواك والله غيره ماكو براسه
علي وكلمن عاده شخصك هاذا اشك بساسه
علي الجدمك فدوه يغدي عمر هوه وناسه
علي جبرائيل جـــفك نــــــزل ليه وباسه


بس لـــــك ياحيدر انبين عشكنه
ياعلي وبس انت التعيش ابكلبنه
ياعلي ياعلي
0000000
علي يمبجي زلمها مـــــــن تطب للحومه
علي المنك راد يخلص ركض ذب اهدومه
علي سيفك بالمـــــعارك هوه غالب دومه
علي يالبس انت وحدك الله حب ارسومه


وي لبن امنه علي حبك شربنه
ياعلي وبس انت التعيش ابكلبنه
ياعلي ياعلي
00000000
#حسين عبد الزهرة الدراجي باز کردن / نظر دهید

2021-09-11 12:24:02 زيارة الأربعين

صرخة عشگ. مية هلا
يالمعتنيـــــن. لـكــربله
................

يحله المشي لحسين
لو تعبن الرجلين. نوصل زحف

نوصل مشي كل عام
بالراية يعله الهام. لازم ترف

هذا درب الجنّه. اليمشي بي يتهنّه
يطلب شيتمنّه. يلگه كلمة حاضر

حسين حلوه ايامه. تحزّمو خدامه
بالدرب گـــدّامه. مدلّلين الزاير

كل زاير احنــ نه اندلله
يالمعتنيـــــن.      لـكــربله
................

الشايب يجي ينهاب
وتشوفه مثل الشاب. يركض ركض

لمّـن تسـئـله ويــن
ماشي لحبيبي حسين اطوي الارض

والشباب وياهم. بالدرب شفناهم
حب علي غذاهم. والنّسَه واطفالهه

حسين كلها تحبّه. كلها تمشي بدربه
تواسي زينب گلبه. رجعت لكفّالهه

زينب اجت. والعايله
يالمعتنيـــن.    لـكــربله
................

طول الدرب انصار
تستقبل الزوار. شيعة علي

بين الخَدَم سلطان
ويگلّه يابوفلان. محجوز الي

العام داخل بيتي. هذا رافع صيتي
كل سنه بعافيتي. آني اخدمه الزاير

لحظه لحظه متاني. يوصل لديواني
حسين بي وصّاني. واني لجله مناطر
كلمن يجي. نستقبله
يالمعتنيـــن.    لـكــربله
................

درب المشي عشگناه
اي والله ما عفناه. درب العشگ

خل تنظر العدوان
هذا المشي برهان ما نفترگ

احنه جيش القائم. ما نهاب الظالم
ياعدونه الواهم. والله ما تثنينه

ما تطيح الراية. لكربله مشايه
عالعهد وفايه. نوصل لوالينه

هذا الدرب. مَنبدّلَه
يالمعتنيــن.    لـكــربله
................

اي والله والعباس
ممشانه رفعة راس ما ننثني

اسمعنه يالعاديت
بس لله وهل البيت. ما ننحني

المهدي ما ينسانه. يمشي وي ممشانه
بالدرب يرعانه. ندعي الله انشوفه

لو ظهر مهدينه. بدولته يجازينه
عالمشي يوافينه. وننعم بمعروفه

درب المشي. يتكفّلَه
يالمعتنيـــن.    لـكــربله

سيد زيد الفحام
_____________________________ باز کردن / نظر دهید

2021-09-03 23:29:20 #قصائد_محرم_1443هـ.
#للمشايه
قصيدة في رجوع السيدة زينب عليها السلام ..


يالله ياراعي العلم. تلگّه زينب والحرم
وانت كافلها. وانت كافلها



هـاي زيـنب والحـرم ويّـاها
گوم شوف شبيها يارجواها
گـوم ونـشــد ياجــرح اذّاها
واليتامه التبچـي من بچاها
ليش نايم بالگبر. ليش رايد تعتذر
وانت كافلها. وانت كافلها




گـوم وسـأل زينب المهيوبه
ليش محنيّه الظهـر مسلوبه
وليش اطفال وحرم مرعوبه
عالمتن بسيـاط هم مضروبه
ما رحم بيها الدهر يابوفاضل ياگمر
وانت كافلها. وانت كافلها



يالجبتـها من الوطـن محشومه
رجعت من الشام بس مهضومه
يابـوفـاضـل بالحــزن مـالــومـه
رجـعـت لـگبـرك تـون مظـلـومـه
تشكي آلام السبي من هضمها الناصبي
وانت كافلها. وانت كافلها



هاي يم گبرك تون حـاچيـها
يابوفاضل حـايـره مخلّيــها
ياعجب شو مانشدتّ عليها
زينـب ودرب السبي مأذّيـها
ها يسبع الگنطره. ترضه تبقه محيّـره
وانت كافلها. وانت كافلها



عالگبـر تبچـي وتون مفجـوعه
تصيح وين چفوفك المگطوعه
يامصيـبـه التــذّكــر ويالــوعـه
والسيـاط عله المتـن مطبـوعـه
من كثر ضيم القهر تبچي محنيّه الظهر
وانت كافلها. وانت كافلها



تدري ياعباس تبچـي عيـونها
يالچنت تفدي العمر من دونها
مو على عـهــدك تـغـيّـر لونـها
مجرحات من السياط امتونها
من يردها للوطن. حيره ياحامي الظعن
وانت كافلها. وانت كافلها

خادم ام المصائب زينب عليها السلام
سيد زيد الفحام
________________________

https://t.me/zaidHassan0 باز کردن / نظر دهید

2021-09-03 23:26:43 #قصائد_محرم_1443هـ.
ميمر // للأمام السجاد عليه السلام

ليش الامام السجاد. كل عمره تجري دموعه
............

من ياجرح اكثر تألّم گلبه
خل نسأل ويعذرنه احنه نحبّه
يامحنه سهله وياهي منهن صعبه

نار الحزن تسعر ليش ما تطفه بين ضلوعه
..........

جرح الغريب حسين اكثر اذّاه
لو جرح ابوفاضل الينحب خلّاه
لو طيحة عضيده علي بفيض دماه

لو على القاسم مجروح. والموّت طفّه شموعه
...........

وصلت رسالتنه وسمعنه السجاد
ردّ الجواب ابدمعته وحزنه انعاد
يامن سألتو ياجرح اكثر حاد

جرح السبي ينزف دوم. يفري الگلب موضوعه
...........

كل جرح يمكن يشفه بس جرح الشام
من شفت زينب عالهزل ذاك العام
تنظر عليها الناس نظرات اسهام

عالناگه عمتي بياحال متچتّفه ومفجوعه
............

ياشيعتي مشكور عنّي تسألون
يمكم علي السجاد آنه المحزون
بالمجلس احضر وبچي لمن تبچون

واليدعي بسمي ومحتاج. دعوة محب مسموعه
.............

ليلة مصابي الليله جرّعوني السم
ياشيعتي چبدي انمرد وتألّم
مأجور كلمن لجلي ينصب مأتم

اگضيله حاجة بدعواه والدعوة ما مرجوعه
.............

مظلوم عمري ومن متت هم مظلوم
بلا قُبّة گبري ولاصحن ظل مهدوم
ياربي يمته المهدي يظهر يايوم
يبني المراقد لو ثار. براية علي المرفوعه

سيد زيد الفحام
____________________________
https://t.me/zaidHassan0 باز کردن / نظر دهید

2021-08-29 15:25:40 #قصائد_محرم_1443هـ.
مولاتي العليله..عليها السلام
.....
رايحين ... وماخذوني وياهم
رايحين. ... وانتظر ملكاهم
واعدوني ترد عليه ضعونهم
تأخروا ياروحي هسه شلونهم
......
من الطبيعي العنده عله تبقه امنيته الشفاء
وانا امنيتي اموت ولايخلوني بجفاء
راحو وچنهم كواكب گمر ونجوم وضياء
من مشوا طحت اعله وجهي چني طحت من السماء

عايشين ... لو الأجل وافاهم
عايشين ... علي كون وياهم

عيوني مشتاگه تشوف عيونهم
تأخروا ياروحي هسه شلونهم
.....
راحوا اوخلوني حسره برية الساحگته خيل
هذا حالي من جفوني بروحي ادور ماكو حيل
من كثر حزني وسواد گمت اشر عالشمس ليل
وابچي لطيور التهاجر يجرح احساسي الرحيل

نازلين ... لو بعيده اديارهم
نازلين ... لو مشوا لاقدارهم

اورود اخوتي وخايفه يذبلونهم
تأخروا ياروحي هسه شلونهم
......
سافروا والعرضه تنذم چا وگفت گبالهم
روحي جوه النوگ اذبها واعرض الترحالهم
عالهجر ماعودوني حزني ما اوحالهم
خاف توصلني المنيه ومايرد مرسالهم

ذاكرين ... لونسوا ميعادهم
ذاكرين ... لورضوا ببعادهم

خاف اموت وماتمرني متونهم
تأخروا ياروحي هسه شلونهم

.....

اليل لو اسدل ظلامه تشيه عيني اعلى السمه
والنجم يرسملي صوره للجروح القادمه
اومعنى كل شهب اليمرني طاح واحد من ضمه
اولوشفت نجمه غريبه يعني زينب هايمه

عايفين ... كلشي لجل الباري
عايفين ... جسومهم للذاري

بالحوافر خايفه يسحگونهم
تأخروا ياروحي هسه شلونهم
......
مستحلي اگدر اصلهم وادري لا ميعاودون
بس ردت واخبار عنهم وعني خل يطمنون
انا موذيچ العليله المترفه وصوتي الحنون
انا ذكرى من جفاهم بوجهي تقره مايجوني

كاتبين كلمه بين عيوني
كاتبين ياهلي تعذروني

الودعوني ماكو اليودعونهم
تأخروا ياروحي هسه شلونهم
.....
الشاعر علي السعيدي
https://t.me/zaidHassan0 باز کردن / نظر دهید