نشر قصائد حسينيه مع الاحان

2021-08-28 16:36:55 #قصائد_محرم_1443هـ.
شور


حسيناً وحسيناً َوحسينا
حسيناً وحسيناً َوحسينا
...........................
غريب حسين ضل بلا كَرايب
بعد موت إخوته وكل الحبايب
عزيز الله انسلب ياناس ثوبه
ثلث تيام ضل اعله الترايب

حسيناً وحسيناً َوحسينا
............................
غريب بلا اهل لامن عشيره
ذبيح بكربله المتروس غيره
عليه وليه صفت كل ذيج السيوف
أويلي وجسمه ملموم بحصيره

حسيناً وحسيناً َوحسينا
.................................
هذاك الچان وجه تكَول قران
عمت عيني عليه انذبح عطشان
البصدره محمد هاكثر باس
صار للخيل اميه انوب ميدان
.
حسيناً وحسيناً َوحسينا
..... .....................
التنخت بيه مريم طايح شلون
غريب ولاربع يمه يفزعون
عجيبه الدنيا هاي شسوت وياج
شكثر شايل عذاب كليبج ام عون

حسيناً وحسيناً َوحسينا
..................................
على التل ونضرتي حسين من طاح
وصدر الي يضمج شبكَته ارماح
الكاسر خاطرج مو وكَعه حسين
أشد منهه بالف يوم الشمر صاح

حسيناً وحسيناً َوحسينا
..............................
مصايبهه چبيره تشيب الراس
بقت زينب غريبه ابين الانجاس
يحركون الكَلب لمن يصيحون
زينب على النهر مذبوح عباس

حسيناً وحسيناً َوحسينا
.....................
ابو منتظر الحريشاوي


https://t.me/zaidHassan0 باز کردن / نظر دهید

2021-08-28 12:13:46 #قصائد_محرم_1443هـ.
#قصائد_محرم_العشرة_الثانيه
درب السبي




اشكيلك الحااال... سوگ وحبل بديه
امشي ويچتال....وسمع حچي سبـيه

بـــــــناگه هزله انسبـــي
وانـــه زينب بت علــــي
امشي ويچتال.... واسمع حچي سبيه...
ـــــــــــــــــــــــــــــــــــــــــــــــــــــــ
والله حيره...شگد چبيره
مـــــره بالخمسين اصيحن آخ متني
بـيا مصيبه.....بيهه ابـــدي
بعـــــد هذه العمر كله السوط طگني

مو سوالف نار البگلبي ومصايب
ألف وسفه انسبي بيد الاجـــانب

شتريد اراويك...خــد لو متن رقــيه
وبگلبي احاچيك...ويتراجفن أيـديه

شحت ال خويه دللــــي
وانه زينب بت علـــــــي
أمشي ويچتال....واسمع حچي سبيه
ــــــــــــــــــــــــــــــــــــــــــــــــــــــــــــــ
شعـــلوا النار......هجت ازغار
گمـــــت بچفوفي اطفي خيمه خــيمه
أركض وخـيل....ضلت اتعيل
بعد هذا الشيب گمت ارگض ابهيمه

ويني وين الصحاري التـــعبتني
من عگب عباس عدواني ولتني

ماريد ابچيك...سحگن جمر رجليه
تنهضم ادريك..راسك يصـــد عليه

محترگه اطراف العبي
وانه زينب بت علــــي

امشي ويچتال.....واسمع حچي سبيه
ـــــــــــــــــــــــــــــــــــــــــــــــــــــــــ
جابو النوگ...حضرو احبال
والهــــــزل تعبانه مابيهه ونحيله
لـو يهب ريح... خوفي لا اطيح
شما تميل بيا علي أعدل المـــيله


لو طحت طيحتي اتصيـــر علمتـــني
لأن مچتوفه وحـــبالي ضــــــايگتني

لـو ردت أرتاح....رأسن زجر يسبــــني
والطفل لو طاح...أرجع شمر يطگــني

وسفه اختكم تنولي
وانه زينب بت علي
امشي ويچتال..... واسمع حچي سبيه
ـــــــــــــــــــــــــــــــــــــــــــــــــــــــــــــ
اليبچي ويريد...ماااي عطشااان
يجاوبه السوط ويسكته والله حيره
ديره ديره....وگفونه
گامو يسألـون من وين الأسيـــــــره

وين گاع العثره گامو يمشونه
وبالصحاري وعالترابه ينيمونه

أبديلك امـــــنين....رافگني دمعي اونــي
يلطمها عالعين... لو وحده صاحت يبــني

دمعاتي عالخد تهلــــــي
وانه زينب بت عــــــلي
أمشي ويچتال..... واسمع حچي سبيه
ـــــــــــــــــــــــــــــــــــــــــــــــــــــــــــــ
عشت بالآه... وال أويـــــــلاه
الصفنه تخنگني واحس گلبي تثلم
وحده منهن... تگطع انفاس
حچاية الشوفوها مسبيه تــــألم

فرجه صرنه للزلم والله هـــــضـيمه
واحد يگول انه اشتري هاي اليتيمه

سكنه جريمه.... سامـــــووها بالسوگ
والله حريمه....شتـمتنه الحـــــــــلوگ

هذا الحصل ياكافـــلي
وانه زينب بت علــــي
أمشي ويچتال....واسمع حچي سبيه
ــــــــــــــــــــــــــــــــــــــــــــــــــــــــــــ
تمت والحمدلله
الشاعر /ياسرالزيادي

#رابط_قنات_التلكرام_للنشر
https://t.me/zaidHassan0 باز کردن / نظر دهید

2021-08-26 11:40:21 #قصائد_محرم_1443هـ.
#قصائد_محرم_العشرة_الثانيه



ــــــــــــــــــــــــــــــــــــــــــــــــــــــــ


اسعه سعيك يا يزيد .. انه زينب
كيد كيدك ما يفيد .. انه زينب
""""""
لحظة تاريخية چانت خطبة الشام
خطبة السيدة زينب طيحت اصنام
گالت ايزيد ومكانه تحت الاقدام
وانه لبوة حيدرة ولبوة الاسلام
بيه قصرك ظل يميد .. انه زينب
""""""""
والله ما تمحي ذكرنه شما تحاول
وبينه الله خله نَص قراني نازل
(نحن انزلنا الذكر) وانحفظه گايل
واحنه ذكر الباري نبقه وانت زايل
انته مو گدي شتريد .. انه زينب
"""""""
مو سبيه لا تظن زينب سبيه
گالت احنه نبقه اسياد البريه
آل طه احنه وانتو آل اميه
فرق ما بين الثره وبين الثريه
بمجلسه ظلت تعيد .. انه زينب
""""""""
خل تگول الناس كلشي وتحچي عنك
عالي يبقه شاني وانته ازغير شأنك
انه اخاف امن الله بس ما خاف منك
وهذا خدري يا يزيد اتمسه فنك
خاسر اويايه اكيد .. انه زينب
""""""""
مسلمتك بيد الله صوت الحرة ناده
وحاشه ربنه ما هو ظلّام ابعباده
بوجهه صاحت عدكم انتو الذلة عاده
واحنه من الله كرامتنه الشهاده
عن دربنه ما احيد .. انه زينب
"""""""
بالقصر من دخلت وبيديهه لاحبال
ظنهم ايذلوهه بس اتغير الحال
شو قصركم خالي گالت چنه اطلال
ما اشوف گبالي واحد وين الرجال
انتو گدامي عبيد .. انه زينب
""""""
اسعه سعيك يا يزيد وكد بكيدك
وناصبلنه بالعداء وخلي جهدك
خاسر انته لأن الله يدري قصدك
رأيك وكُلك بدد انته اويه جندك
يبقه بس رأيي السديد .. انه زينب

انيس الخفاجي الكربلائي
#رابط_قنات_التلكرام_للنشر https://t.me/zaidHassan0 باز کردن / نظر دهید