نشر قصائد حسينيه مع الاحان

2021-08-29 12:53:38 #قصائد_محرم_1443هـ.
#للسبي
بخيمت زينب يبنياتي الجن آخر ليل
عطري باجر تشتمنه ابرجلين الخيل
كومن ودعني// و باجر لا تجني
◇◇◇◇◇◇◇◇◇◇◇◇◇
بخيمه سوه التمن سوه _ شامت تره حته الهوه_
سمعني يبنياتي
باجر يجي غبشه الجرح _ باجر ابوجن ينذبح _
وما تنحسب طعناتي
يحرموني راح آمن العذب _ وحته قميصي ينسلب _
عليجن تضل نظراتي
خالي من يرجع ميموني لزمن ايد بأيد
لحظه لتعوفن عمتجن عنجن انه بعيد
تسمعن عالي وني // و باجر لا تجني
◇◇◇◇◇◇◇◇◇◇◇◇◇
هاي اخر ليله بالعمر _ بالي يضل يم الخدر
بالعبي ما وصيجن
من هسه وكليبي نلجم _ باجر يحركون الخيم
ودخانهن يعميجن
طفله رقيه بهل العمر _ برجليهه يطفه شكد جمر
يلوح الجمر رجليجن
تركض بالهيمه الوحدجن وكلجن مجويات
باجر ياحيف يسبوجن وانتن علويات
غايب حيلي عني // و باجر لا تجني
◇◇◇◇◇◇◇◇◇◇◇◇◇
بحروره من هسه احس _ باجر اظلن بالشمس
يطب الرمل بجروحي
يحجل الحوافر منحري _ بدم ركبتي ودم خنصري
من العطش طلعت روحي
الظهريه ياخذني النزف _ الجن اظل ازحف زحف
اخفي احاول نوحي
من ابعيد اوداعي تشوفنه حيل جروحي هواي
تفهم نضراتي العلويه زينب رايد ماي
جروحي عذبني // و باجر لا تجني
◇◇◇◇◇◇◇◇◇◇◇◇◇
من مهري صعبه طيحتي _ يسلبوهه هاي عمامتي
يذبحوني رايح ظامي
ماشيل اديه من التعب _ سهام انترس صدري وخشب
نفسي تكطعه اسهامي
يطعنوني بالرمح الخشن _ برمي الحجر راح اندفن
ويرظرظون اعظامي
بحر الصيف وانه اتسلب خشنه وتجوي الكاع
بس اوكع يسحكني الحافر ويطشروني بساع
ظلوعي يوجعني // و باجر لا تجني
◇◇◇◇◇◇◇◇◇◇◇◇◇
باجر مثل هيجي وكت _ وحده اعله وحده تلتفت
ماهوه ابوجن يمجن
كل وحده تتكفل طفل _ ليل اليمرجن مو سهل
بالهيمه راح تركضن
وتترب اوجوه وعبي _ بس باجر وعكبه السبي
للشام رايح ترحن
خل اشتمجن واشتمني نبدي وداع الشوك
باجر راسي برمح العالي وانتن اوك النوك
ادنن بويه مني // و باجر لا تجني
◇◇◇◇◇◇◇◇◇◇◇◇◇
تمت ____علاء الزيدي
https://t.me/zaidHassan0 باز کردن / نظر دهید

2021-08-29 12:48:38 #قصائد_محرم_1443هـ.
ابوذيات للسيده زينب ع
گـمـت مـگـدر أگـومـن .. مالم أحني
الضهر والناس تـنـشـد .. ماله محني
آنــه الـــگــبــل واحــد .. مـا لـمحني

هـسـه الـنـاس تـتـفـرج عـلـيـه

*---------------------*-----------------*

أمــيــره وچـنـت أوّل .. ركب الحسين
تـفـارگـنـه ونـضـرهـن .. رك بله حسين
الشمر گـدامي بـالطف .. رك بـالحسين

نـظـرتـه وشـحـت انـفـاسي عـلـيّـه

*----------------------*------------------*
خـادم الـحسيـن ع
الشاعر رعد الجريخي
https://t.me/zaidHassan0 باز کردن / نظر دهید

2021-08-29 12:40:01 يهتز الرمح كلما يبجوهن
لو رادن يكعدن ما يخلوهن
الرمل يجوي جدمهن// السبي كلش هظمهن
◇◇◇◇◇◇◇◇◇◇◇◇◇◇◇
كل بناته . مدللاته . شاف بحبال. جتفوهن
وحده عثرت. وحده وكفت. تصد لبوهه. عذبوهن
سكنه تركض راحت الراس الحسين
تكله بويه ولا كلب مثلك حنين
بويه حاجيني عليك ام البنين

شاف ابنيته تبجي ودمعت عينه
شبكت رمح ابوهه ركضت سكينه
راس وباله يمهن // السبي كلش هظمهن
◇◇◇◇◇◇◇◇◇◇◇◇◇◇◇
الكل تعجب . هنه يبجن. الراس دخن. براسه غيره
يصد لخته. شحجت شفته. شكلهه مدري . بعينه حيره
اعتقد كلهه احسبيهه اعله اخوج
مامصدكه اعيوني يازينب سبوج
بالشمس انه اعتذر جي وكفوج

راسه اتلاكه ويه راس ابو فاضل
فياي يصير لخته واكف يحاول
الشمر حارك خيمهن // السبي كلش هظمهن
◇◇◇◇◇◇◇◇◇◇◇◇◇◇◇
يقره قرآن. وهوه عطشان . صوته مبحوح. يسمعنه
من محنته . رمحه يهتز . امتون زينب . يوجعنه
عله زينب شاف شامت ظل يصيح
من الرمح من غيرته رايد يطيح
كوه لزمو رمحه زعلان الذبيح

حسين السوط كلش الم احساسه
من فوك الرمح فازع نزل راسه
نازل كبله عمهن // السبي كلش هظمهن
◇◇◇◇◇◇◇◇◇◇◇◇◇◇◇
بالصحاري . يذري التراب . وهنه نسوان . بهزل النوك
كرهن النوم . والله من يوم . مشو بيهن . طبو السوك بالصحاري يالهوه يمرهن سموم
التعثر ابممشاهه ماتكدر تكوم
تسعه وتلاثين ليله ماكو نوم

مشي بشمس الظهر مالحظه يرتاحن
وحفاي المصيبه للسبي راحن
تعبن والله كلهن // السبي كلش هظمهن
◇◇◇◇◇◇◇◇◇◇◇◇◇◇◇
المغربيه. تمر عليهن . بالخرابه. يباتن شلون
شكد يتامه . شكد مصايب . شكد تحمل . كلبج ام عون
هاليتامه من الزغر شافو عذاب
نومه ما نامو مريحه اعله التراب
السأل عمته تطيح دمعتهه جواب

شمحلاهه العصر من نلتم ابيتج
ويجي العباس جايبلج هوه لريتج
الخرابه تبث عتبهن // السبي كلش هظمهن
◇◇◇◇◇◇◇◇◇◇◇◇◇◇◇
ياجرحهن. ماله جاره . ظايع ادواه. من يطيبه
الغربه تكتل . تضل تشرب .بالملامح. الي تشيبه
خلصن درب السبي دمعه ونحيب
الغربه مايعرفهه ابد بس الغريب
الينجرح بحجايه مااشوفه يطيب

صعبه التنسبي من اولايه لولايه
وكل ساعه بشر يشمرهه بحجايه
وكف شامت شتمهن // السبي كلش هظمهن
◇◇◇◇◇◇◇◇◇◇◇◇◇◇◇
تمت _علاء الزيدي
#رابط_قنات_التلكرام_للنشر
https://t.me/zaidHassan0 باز کردن / نظر دهید

2021-08-29 12:36:26 #قصائد_محرم_1443هـ.
#قصائد_شهادة_الامام_السجاد_عليه_السلام


غمض ارتاح من الرماح
شافت اعيونك مواقف مؤلمه
وعله كل موقف تصبرك فاطمه

*******

شافت اعيونك مصاب الغاضريه
انته ساعتهه تمنيت المنيه
ولا تشوف اعله الهزل عمتك سبيه
والشمر كلساعه يضرب خد رقيه

هواي الجروح....شيبقه بالروح
ضعن كلمن جرحه وبعينه دمه
وعله كل موقف تصبرك فاطمه

*******

تعثر ابشهكه كبل لا جدم تعثر
ويه كل صرخت طفل عمرين تكبر
من تصيحك طفله وجهك كوه يفتر
تحز بيك السنسله واتجرحك اكثر

ترفع العين...لراس الحسين
تكله بعدك بويه عالعين العمه
وعله كل موقف تصبرك فاطمه

*******

كلبك شيحمل بعد من يا فجيعه
علرمح راس الابو هو ورضيعه
وابو فاضل طوله ظل اعله الشريعه
راسه مسبي وعالنهر جفه الكطيعه

راس عباس...ينزف احساس
ينزف وبشفافه جلمات الضمه
وعله كل موقف تصبرك فاطمه

*******

بعينك تصد بالسبي خياله عشره
تصيح ذوله والدي الهشمو صدره
ويه كل طكت عظم تنشغ الزهره
كلبته الخيل بحوافرها اعله ظهره

فوك الارمال...صاير اوصال
سالبين ثيابه سلطان السمه
وعله كل موقف تصبرك فاطمه


*******

ياعلي السجاد هاي الدنيه حيره
تشوف زينب عمتك صارت اسيره
اتعز عليك هواي وانته البيك غيره
بالخرابه تشوف كعدوهه الاميره

مالهه اخوان. تطب ديوان
عله زينب هاي اصعب خاتمه
وعله كل موقف تصبرك فاطمه




علي حسين المياحي
https://t.me/zaidHassan0 باز کردن / نظر دهید

2021-08-28 16:40:05 #قصائد_محرم_1443هـ.
نعي للسجاد


بعد بعيوني اشوفن كربله وهمهه
واشوف اجساد صرعه امخضّبه ابدمهه
وحرم بالبر تشيط ولا وليس يمهه
من النار من الخوف مرعوبه
ـــــــــــــ
اغمض عيني وانظر صوره الوالي
مرمي اعله الارض ومغيّر احوالي
ورقيه ابكتره تندب بويه يالغالي
بويه حسين جثتك ليش مسلوبه
ـــــــــــــــــ
ينادوني على السجاد كَوم النه
بيدين العده والله تفرهدنه
بس انت بقيت الي يساعدنه
وروحي بهل عتاب اهواي مصيوبه
ــــــــــــــــ
وآنه بعلتي انتهض مااكدر
اتوكَه واكَوم وأمشي وأتعثر
نحيل الجسم عندي ولوني اتغيّر
لاجن ادري هاي اعليّه مكتوبه
ــــــــــــــ
الشاعر محمد حسن ضيغم.
https://t.me/zaidHassan0 باز کردن / نظر دهید

2021-08-28 16:37:16 شور باز کردن / نظر دهید