2022-01-09 19:52:09
عِبْرَتْ څَخَهَ ډَکِېْ کِېْصِېْ اَوْحَدِیْثُوْنَهْ
https://chat.whatsapp.com/GZUaTpMgDprEcFxPmmo9vM
اجازه راکړه چې، زنا وکړم!
یو ځوان رسول الله صلی الله علیه وسلم ته راغی او ورته یې وویل:
-یا رسول الله! ماته د زنا اجازه راکړه!
مخکې له دې چې، رسول الله صلی الله علیه وسلم کوم ځواب ورکړي، خلکو سپک کړ، بد رد یې ورته وویل او ورته یې وویل: چوپ شه دا څه وایې؟
رسول الله صلی الله علیه وسلم ورته وویل:
-ماته رانږدې شه! ځوان ورنږدې شو. هغه ورته وویل: کښینه.
هغه ځوان د رسول الله صلی الله علیه وسلم خوا ته کښیناست او ورته یې ویل:
-آیا ته دا خوښوې چې، څوک ستا له مور سره زنا وکړي؟
ځوان وویل:
-الله مې دې له تا قربان کړي، په الله سوګند چې نه یې خوښوم. رسول الله ورته وویل: نور خلک هم دا نه خوښوي چې، څوک یې له میندو سره زنا وکړي.
بیا یې ورته وویل: ته دا خوښوې چې څوک دې له لور سره زنا وکړي؟
هغه ورته وویل: الله مې دې له تا قربان کړي، نه والله نه یې خوښوم.
هغه وویل چې، هیڅوک دا نه خوښوي. بیا رسول الله ورته وویل: آیا ته دا خوښوې چې، له خور سره دې څوک زنا وکړي؟
هغه ځوان وویل:
-الله مې دې له تا قربان کړي، والله که یې خوښوم.
هغه وویل: هیڅوک دا نه خوښوي چې، له خویندو سره یې څوک زنا وکړي.
بیا رسول الله ورته وویل: آیا ته دا خوښوې چې، له عمه سره دې څوک زنا وکړي؟
هغه وویل: الله مې دې له تا قربان کړي، والله نه یې خوښوم.
رسول الله وویل:
-هیڅوک دا نه خوښوي چې، له عمه ګانو سره یې څوک زنا وکړي.
بیا یې ورته وویل:
-آیا ته دا خوښوې چې، له خاله سره دې څوک زنا وکړي؟
هغه ورته وویل:
-الله مې دې له تا قربان کړي، نه والله که یې خوښوم. رسول الله وویل:
-هیڅوک هم دا نه خوښوي چې، له خاله ګانو سره یې څوک زنا وکړي.
بیا رسول الله صلی الله علیه وسلم د هغه پر اوږه لاس کېښود او داسې دعا یې ورته وکړه:
-ای الله! د ده ګناه معاف کړه! او دده زړه پاک کړه! او دی له زنا وژغوره!
وروسته بیا دا ځوان دومره پاک شو چې، د زنا لور ته یې هم نه کتل.
(رواه امام احمد)
ګرانو ورونو!
له زنا څخه ځان وژغورئ؛ ځکه چې ډېره ستره ګناه ده. زنا هغه ګناه ده چې، د آخرت له زیان سره، سره په دنیا کې هم فقر او لوږه منځ ته راوړي.
لکه څنګه چې، رسول الله صلی الله علیه وسلم فرمایلي:
-الزّنا يُورِثُ الفَقرَ. (بيهقی)
ژباړه:
-زنا فقر او لوږه منځ ته راوړي.
همدا رنګه په بل حدیث شريف کې راغلي:
-مَن وَقَّعَ عَلَی ذَاتِ مَحرَم ٍ فَاقتُلُوه ُ وَمن وَقَّعَ عَلَی بَهِيمَةٍ فَاقتُلُوهُ وَ قتُلُواألبَهِيمَةَ. (ابن ماجه)
ژباړه:
-چا چې په پردۍ ښځه تجاوز وکړ قتل يې کړی، او چا چې پر حيوان تجاوز وکړ، له حيوان سره يوځای يې قتل کړی.
ـ
⫷نشــر کــول یــی صـدقه جــاریـه ده⫸
⫷ـ𖣐✯ https://t.me/MDGWTi ✯𖣐⫸
ـ◉◉◉◉◉◉◉◉◉◉◉◉◉◉◉
85 viewsعبدالمنان حقانـې, edited 16:52
ع
