مامۆستا شێرکۆ بێکەس

2022-07-10 23:22:12 هەموو جارێ شان بە شان و هەر لەگەڵ هاتنی تۆدا..
هەورێک خۆی ئەکا بە ڕۆحما و پڕە لە تریفەی تەڕ و
پڕە لە لاسکە گیای بەردەم پڕژەی ئاوێکی چاوشین و
پڕ لەو وردە ماسی‌یانەی کە خەیاڵم لەگەڵ خۆیدا
شەپۆل شەپۆل بەرەو دەریاچەی قەسیدە و خەو ئەیانبا!

«شێرکۆ بێکەس»
@sherkoofayagh
باز کردن / نظر دهید

2022-07-02 23:48:34 "ئەوینی سپی"

من وامزانی تەوقەیەکە ڕاگوزاری و
ئیتر دەستم دەستەکانت بەجێ دێڵێ.
من وامزانی سەرنجێکە ڕێبوارانە و
ئیتر چاوت چاوەکانم بەجێ دیڵێ.
من نەمزانی و بەختەوەر بووم کە نەمزانی...

ئەوا ئێستەیش؛
دەستەکانت بوونە ھێلانەی ھۆنراوەم.
من نەمزانی و بەختەوەر بووم کە نەمزانی....

ئەوا ئێستەیش؛
چاوەکانت بوونە پرشنگی سەرچاوم...
ئاھ.. گیانەکەم!
لە ڕێ و بانی ئەم ئەوینە سپییەدا
ئێمە ئێستە بووین بە دەستێک
ئێمە ئێستە بووین بە چاوێک
ئێمە ئێستە بووین بە دڵێک

ئاھ.. گیانەکەم!
دوو کەس بووین و
لە جیهانی ئەم عەشقەدا
بووین بە کەسێک!

" شێرکۆ بێکەس "
@sherkoofayagh
باز کردن / نظر دهید

2022-06-27 23:50:44 #گەڕانەوە

ئەگەڕێمەوە لای چاوت
بە پریاسکەیەک ئاوێنەی شکاوەوە.

ئەگەڕێمەوە لای دەمت
بە کۆمەڵێ کانیاوی خنکاوەوە.

ئەگەڕێمەوە لای باڵات
بە چەندین دار و درەختی بڕراوەوە.

بەو هیوایەی
چاوەکانت ئاوێنەی ساغم بدەنێ ‌و
دەمت کانیاوی عەشق‌ و
باڵات درەختێکی هەڵچوو!

"شێرکۆ بێکەس"
@sherkoofayagh
باز کردن / نظر دهید

2022-06-24 01:31:04 ئەی شوڕە کچ
ئەبێ چی جوانتر بێ لە تۆ؟
مەگەرتوزێکی تر وەختێ
کە تاریکی بە پەلەپەل
بۆ ئێرە دێ
من ئەڕۆم و
ئەو لە جێگام دائەنیشێ....

"شێرکۆ بێکەس"
@sherkoofayagh
باز کردن / نظر دهید

2022-06-22 12:38:04 جارێکی تر سمکۆ ناچێتەوە سەر خوانی مردن

شاعیر : شێرکۆ بێکەس
خوێندنەوەی شێعر : عەلی خزری
@sherkoofayagh
باز کردن / نظر دهید

2022-06-20 00:51:04 ئه‌ی "ژن"ی ڕۆح!
گرنگ ئه‌وه‌یه‌ نه‌وه‌ستین
تۆ به‌ نه‌رمیی تریفه‌وه‌
زه‌رد زه‌رد وه‌ره‌و
باوه‌شێکی ئاڵم پیاکه‌و
منیش به‌ خێرایی شه‌پۆل
شین شین دێم و
شیعری خۆمت تیا سه‌وز ئه‌که‌م!

"شێرکۆ بێکه‌س"
@sherkoofayagh
باز کردن / نظر دهید

2022-06-08 00:42:23 ئەو شەوەی بە گڕ بنووسم
ڕۆژم پڕە لە خۆڵەمێش
لە ڕۆژیشدا
کە بەو خۆڵەمێشە نووسیم
شەوم پڕە لە سەفەری بێهوودەیی
ناو خەونێکی دوورو درێژ!

"شێرکۆ بێکەس"
@sherkoofayagh
باز کردن / نظر دهید

2022-06-06 01:24:13 وەک دڵۆپەین
له ئاسنیشا دائەدەین
بە تکەی ئارامی باوەڕ
پشتی ژێردەستی کون ئەکەین!

" شێرکۆ بێکەس "
@sherkoofayagh
باز کردن / نظر دهید

2022-06-01 00:55:21 #گورگە_بۆرەکان

شاکاری بێوێنەی:
#مامۆستا_شێرکۆ_بێکەس
بە دەنگی گەرمی خۆیان
@sherkoofayagh
باز کردن / نظر دهید

2022-05-16 21:15:16 خۆت لێرە نیت و بزریت
بەڵام ئەوەی کە بەردەوام
لەم ماڵەدا و لەسەر چرپا و
لەجێگەدا و
لەخەویشدا لەگەڵمایە و
جێمناهێڵێ
دیمانەی خۆشەویستیتە!

" شێرکۆ بێکەس "
@sherkoofayagh
باز کردن / نظر دهید